بيان هااااااااااااام من المجلس المؤقت

[صالح ابوشوارب]

بسم الله الرحمن الرحيم
في اجتمعاع طارئ لمجلس الادارة في يوم الثلاثاء الموافق 17/7/2007 اصدر البيان التالى
نسبة للظروف الصحية التى يمر بها رئيس المجلس السابق والظروف الصعبة التى تمر بها بعض الوحدات في منتديات ود مدنى والقصور المصاحب لهذه الظروف فقد قرر المجلس الاتى .
1 ــــ حل مجلس الادارة الحالى
2 ـــــ حل مجلس المشرفين الحالى
3 ــــ اعفاء رئيس المجلس السابق ونائبه من المجلس
4 ــــ اعفاء الضباط الثلاثة من مناصبهم وتحويلهم للصالح العام
5 ــــ تعيين المشير / عمر حسن غلام الله رئيسا للمجلس المؤقت
6 ــــ تعيين عميد طيار / مهيرة نائبا للرئيس للمجلس المؤقت
7 ــــ تعيين اللواء اركان حرب / مدنية رئيسا لمجلس الاشراف المؤقت
8 ــــ تعيين الرائد / صلاح الطاهر ناطقا رسميا باسم المجلس المؤقت
9 ــــ تعيين الرائد / ود البشير حارسا امنيا للمقالين ووضعهم تحت الاقامة الجبرية
8 ــــ يظل المشرفين الحاليين في مناصبهم لتصريف الاعمال حتى اصدار قرار من المجلس المؤقت

والسلام عليكم ورحمة الله وبركاته

صدر تحت توقيعى
فريق ركن / ابو الله جابـــــو
عضو المجلس المؤقت
18/7/ 2007

[ود المطامير]

وررررررررررررروك الحيكومه لحقت أمات طه
زمان النميرى سافر بهنى والجماعه قلبوها بهنى
وهسى عمدتنا سافر بهنى وناس عمّى قلبوها بهنى
ونحنا روحنا فى شربة مويه قبل ما نعمل لينا بيت
وحساب فى سويسرا وشارع بإسمى فى مدنى
يا عمّى يا أبو الله جابو ما تباصر لى وظيفه معاكم
إنشاء الله بوليس فى الكبرى .

[صلاح ودالطاهر]

بيان رقم 2

جاء ني الاتي تم توجيه ودالبشير لقبض والتحرك بسرعه علي المطلوبين ونفيدكم بان هنالك تعينات سوف تصدر في وقت لاحقاً

الناطق الرسمي باسم الحكومه

[abu_ola]

عمك أبو شوارب مساء الخير

أنا من زمان نفسي اشتغل قاضي يا جماعة الخير عينوني معاكم قاضي الثورة

و جيبو لينا المتهمين ديل نختهم في سجن الألعاب حق ود الطاهر دا و المحكمة في النفاج

بس صراحة توقيت الإنقلاب مناسب 100 % و أخونا الآدمن اليومين دي بعد ما وصل مدني

بالسلامة بكون مشغول في السلام و الفواتح و المجاملات غايتو الله يصبرو ساااااكت ما

يقطع إجاتو و يجي جري

[عمر البشير]

وررررررررررررروك الحيكومه لحقت أمات طه
زمان النميرى سافر بهنى والجماعه قلبوها بهنى
وهسى عمدتنا سافر بهنى وناس عمّى قلبوها بهنى
ونحنا روحنا فى شربة مويه قبل ما نعمل لينا بيت
وحساب فى سويسرا وشارع بإسمى فى مدنى
يا عمّى يا أبو الله جابو ما تباصر لى وظيفه معاكم
إنشاء الله بوليس فى الكبرى .

افوه ياود المطامير الشي انت شهر كامل تبرطع ولسا ما فتحت حساب في سويسرا ملفاتك كلها عندنا وارصدتك بعد كده حا نجمدها ،قايتو بندخل ليك واسطه. ولك التحية ايها القائد ابو الله جابو وفي امان الله.
الحارس الامني للمقالين.

[رضا حسن محمد]

يا عمى ابو شوارب
خسمتك بالنبى تمسكنى حتة فيها سفسفة ( انشاءالله وزارة الطاقة )

[واحد تاني]

نحن جند الله جند الوطن

[معتز الريح]

يا عمى ابو شوارب
خسمتك بالنبى تمسكنى حتة فيها سفسفة

انت يا بتاع الفرنسيات أخير ليك الخارجية

[ود المطامير]

افوه ياود المطامير الشي انت شهر كامل تبرطع ولسا ما فتحت حساب في سويسرا ملفاتك كلها عندنا وارصدتك بعد كده حا نجمدها ،قايتو بندخل ليك واسطه. ولك التحية ايها القائد ابو الله جابو وفي امان الله.
الحارس الامني للمقالين.

يا ود البشير يا حبيب عمرى
والله برطعه ساى ولا فيها حق كرت تلفون
وملفاتى ياتى دى وحاتك أنا أيام المدرسه ما سعيت لى كراس
إنت كدى أدخل لى واسطه فى التعينات الجديده دى
أصلو أخوك إتأقلم على الصلطه والجرجير والسمك
هع هع هع هع .

[معتز الريح]

يا عمى ابو شوارب

عملتو عمك كمان؟

[صلاح ودالطاهر]

سوف يُزاع عليكم بيان بعد قليل فترقبوه

http://sudanson.com/alslamalwatany.mp3

الناطق الرسم باسم المجلس

[رضا حسن محمد]

انت يا بتاع الفرنسيات أخير ليك الخارجية

الخارجية خليتا ليك انت يا وجيه يا بتاع البروتوكولات

[رضا حسن محمد]

عملتو عمك كمان؟

انت يا ود الريح قايلنى مواليد كم ؟
انا 1979 انت كم يا ابونضارات ؟

[صلاح ودالطاهر]

سوف يُزاع عليكم بيان بعد قليل فترقبوه
http://sudanson.com/alslamalwatany.mp3
الناطق الرسم باسم المجلس

[رضا حسن محمد]

لا درادر لا عساكر لا مظاليم لا مظالم

[صلاح ودالطاهر]

سوف يُزاع عليكم بيان بعد قليل فترقبوه
http://sudanson.com/alslamalwatany.mp3
الناطق الرسم باسم المجلس

[صلاح ودالطاهر]

سوف يُزاع عليكم بيان من المشير / عمر غلام الله بعد قليل فترقبوه
http://sudanson.com/alslamalwatany.mp3
الناطق الرسم باسم المجلس

[صابرحسين]

شنو يا ود الطاهر الإرهابات الشديدة دي ، من أول يوم أشارك تعمل إنقلاب عسكري وبيانات ، والشي المخيف الإعلان عن البيان والترقب والإنتطار ، ممكن نكون في السجن قبل ما نعمل اي حاجه .......................................

[صلاح ودالطاهر]

سوف يُزاع عليكم بيان من المشير / عمر غلام الله بعد قليل فترقبوه
http://sudanson.com/alslamalwatany.mp3
الناطق الرسم باسم المجلس

[عمر البشير]

شوهد احد المطلوبين يغادر مطار ابو ظبي في طائرة خاص ويحمل عصاه ملتويه تسمي السفروق وقد تم الابلاغ عنه، وسوف يكون في انتظاره بمطار الخرطوم اللواء اركان حرب مدنية، وسوف تقوم باجراء اللازم حيال ذلك.
الحارس الامني للمقالين

[شبارقة]

اللييييييييييييييييييييييييييلة

انا ما معاكم ، دبابات الادمن ، جايه على القصر الجمهوري ..

وشاااااااااااايف المشانق معلّقة في ميدان ابو جنزير ....

الله يستر !!

أكتبوا وصيتكم يا ناس الانقلاب ..

!!
نحن مع الحيكومة

[صلاح ودالطاهر]

سوف يُزاع عليكم بيان من المشير / عمر غلام الله بعد قليل فترقبوه
ولا نامت اعيون الجبنا
http://sudanson.com/alslamalwatany.mp3
الناطق الرسم باسم المجلس

[عمر البشير]

يا ود البشير يا حبيب عمرى
والله برطعه ساى ولا فيها حق كرت تلفون
وملفاتى ياتى دى وحاتك أنا أيام المدرسه ما سعيت لى كراس
إنت كدى أدخل لى واسطه فى التعينات الجديده دى
أصلو أخوك إتأقلم على الصلطه والجرجير والسمك
هع هع هع هع .

الحبيب ود المطامير(ملفك عندنا من اجل الدراسه فقد)
بعد الدراسة والتداول تبين ان ملفك لا يحمل اي احداث تدينك، وربما يتم تعيينك وزير الثروة السمكية، ونديلك معاها شوية خضارات كده.
الحارس الامني للمقالين

[114]

بيان هام

من رئيس المجلس المؤقت

لقد اعتاد الانقلابيون أن يضعوا (رجلاً مسكيناً) في (وش المدفع)، ثم اذا استتب لهم الأمر أزاحوه، أو ذبحوه، أو وضعوه تحت الإقامة الجبرية لنهاية عمره، فقد فعلها (الضباط الما أحرار) في مصر، حيث وضعوا (المسكين) محمد نجيب في الرئاسة، ولما اطمأنوا الى أن أرجلهم ثبتت في (الواطه) قاموا بانقلاب داخلي ضد محمد نجيب، ووضعوه في شقة تفتقد الى ابسط وسائل الراحة بقية عمره، فمات مريضاً وحيداً لم يغادر شقته المتواضعة طيلة الفترة ما بين الانقلاب عليه في (1953 تقريباً) وحتى ساعة وفاته..

إلا أن النميري قد كان (مفتح) اكثر من محمد نجيب، وربما استفاد من قصة محمد نجيب فتغدى بالشيوعيين (الختوه رئيس الى ان يستتب ليهم الأمر) قبل أن يتعشوا به.. ولكن النميري بعد 16 سنة (بس) مرق زي مرقة الأدمن دي ولم يعد إلا مواطن عادي في حكم البشير (كون ان كلاهما عسكر، وكلاهما جاء بانقلاب)..

أيها المواطنون الثوار الأحرار

يا ربي حأكون زي محمد نجيب، واللا زي نميري (في البداية)، واللا زي نميري في النهاية؟ والله كلها ما حلوه..

أيها الانقلابيون الثوار الأحرار
لقد عملتو الانقلاب ولم تشاوروني.. ولو شاورتوني لقلت لكم أن اسمي بس عجبكم لأنو شكلو زي شكل اسم انقلابي شهير، بس ما كان فيه داعي تكتبوا الاسم ثلاثي، يكفي ثنائي بس.. عشان ياخد رونق وهيبه.. (عمر حسن)
ايها المواطنون الثوار الأحرار
بما الانقلاب تم، ولا مناص من التراجع حتى لا (نشرط) عين الذين عملوا الانقلاب، ولكن عليهم أن يعملوا حسابهم أني ما حاديهم فرصة يعملوا علي انقلاب (بعد أن يستتب لي الأمر) واسافر برضو في اجازة الى مدني نهاية هذا الشهر، أصلي جني وجن الانقلابات المضادة، والانقلابات (المحمد نجيبية).. وعشان ما تعملوا كده حأعين جيش من بتاعين الأمن الخاص، يعني انتو ذاتكم بقيتو تحت المجهر..

ايها المواطنون الثوار الأحرار

لقد تجبر وتكبر أعضاء الحكومة السابقة، لذلك قمنا بهذا الانقلاب التصحيحي، لقد وصل في عهدهم سعر البوست الواحد الى ألف ليره تركية، ووصلت قيمة الاشتراك في المنتدى الى عشرة ريالات بعد أن كان ثلاث مليمات لا غير (فيها بارد وعشاء وبوكيه ورد)..

لقد عاث اعضاء الحكومة السابقة فساداً فصاروا يوزعون الألقاب الرسمية على من يشاؤون من المحاسيب، فامتلأت البلد (قصدي المنتدى) بالأعضاء البلاتينيين والماسيين، وتركوا النحاس والحديد لخلق الله المساكين..

لقد ملأ الرئيس السابق جيوبه من الرسائل الخاصة والبوستات الجميلة وجمع في يديه السلطة التشريعية والتنفيذية وكمان القضائية، وترك للدهماء البوستات (الأي كلام)، وترك لبقية اعضاء الحكومة السلطة القضائية والتنفيذية وكمان التشريعية..

أيها الأخوة أعضاء المجلس الانتقالي العالي
شيلو شيلتكم لما الادمن يكتشف الانقلاب ويقوم بسحب كلمات السر منكم، وتقعدوا في الطراوه، اوعوا تكبوا الزوغه وتخلوني (براي).. اصلوا انا بيني وبينكم (بخاف من الضلمّه)!

وانها لثورة حتى النصر

عاصفة .. عاصفة.. عاصفة

هو يا اخوانا البيان مش بصدروا الناطق الرسمي؟

[شبارقة]

يا ناس المعارضة ختوني معاكم في الاحتياط (وياريت لو خليتو اسمي مع الانقلابيين السريين)
عشان أنا بخاف من المشانق ، وبرضو بخاف من الفلس وداااااااااااااااااااير السلطة ...

كدي نشوف نهاية دبابات الآدمن!!