مدني/ تيكو و أتوس

[ابونيلو]

لاحظت في زيارتي الأخيرة لمدني الحبيبة إنتشار عربات الأجرة الكورية الجديدة انا ماعارف هي جديدة ولا انا الطال بي الفراق. المهم الظاهرة جميلة و متفردة تفرد مدني ( تجربة عربة ألأجرة سيهان بيرد في اوآخر السبعينات).الفكرة جميلة جمال اهلنا في مدنى والعربة في غاية الرحابة والجمال . لكن الخوف على هذه المركبات الجميلة من آفة الشـوارع الخربة التي تهد الجبال. ياليت الدولة ترتقي إلى ذوق اهل وادمدني وإبداعاتهم و تلتفت إلي تأهيل شوارع مدينتنا التي اصابها ما اصابها من إهمال ( يقول البعض أنه متعمد ) . والله يولي علينا من يصلح

[ابونيلو]

كاتب الرسالة الأصلية ابونيلو
لاحظت في زيارتي الأخيرة لمدني الحبيبة إنتشار عربات الأجرة الكورية الجديدة انا ماعارف هي جديدة ولا انا الطال بي الفراق. المهم الظاهرة جميلة و متفردة تفرد مدني ( تجربة عربة ألأجرة سيهان بيرد في اوآخر السبعينات).الفكرة جميلة جمال اهلنا في مدنى والعربة في غاية الرحابة والجمال . لكن الخوف على هذه المركبات الجميلة من آفة الشـوارع الخربة التي تهد الجبال. ياليت الدولة ترتقي إلى ذوق اهل وادمدني وإبداعاتهم و تلتفت إلي تأهيل شوارع مدينتنا التي اصابها ما اصابها من إهمال ( يقول البعض أنه متعمد ) . والله يولي علينا من يصلح

[114]

ولأن اهل مدني متفردين يا نيلو، لازم تكون حاجاتهم متفردة
وفعلا منظر السيارات الكورية الصغيرة وشبه الجديدة تعطي المدينة رونقاً وبهاء (لا تحتاجه لأنها يكفيها أنها على ضفة الأزرق الفتان، وفيها من فيها من الحسان
الله الله عليك يا مدني

[HAMADTO]

بسم الله الرحمن الرحيم

لكم التحية

فعلا المواصلات في مدني وفي عموم السودان اصبحت كثيرة وساهله لكن الركشة اقل شئ لازم تدفع 1000 جنيه
الاتوز والتيكو اقل شئ لازم تدفع 2000 جنيه
الامجاد اقل شئ لازم تدفع 500 جنيه

مرتب المعلم بيكون كم كده ولى متوسط المرتبات كم في مدني

نحن كمغتربين لا تعني شئ وكذلك التجار وكذلك المرتاحين وكذلك... لكن اهلنا المساكين ديل يعملوا شنو ؟؟؟؟؟؟

[ودالحوري]

نيلو عقبال مايكون عندنا الليموزين الفخم يارب

[114]

ولما كان التاكسي بعشرة قروش وخمستاشر قرش، والبص كان بقرش، كان المدرسين بيركبوا البص برضو، وكان راتبهم 20 و25 جنيه، يعني فيه نسبة وتناسب، يعني التاكسي ما بيركبوه كل يوم، ولا في كل مشوار، عادة للحالات الطارئة زي المرض او السفر مثلا، عشان كده ما مقياس للغلاء او الرخاء

[HAMADTO]

فعلا يا عمر معاك حق ... لانها حلة ازمه المواصلات وبقت في اي وقت تلقاها انشاء الله نص الليل بتجد مواصلات .. نأمل بس في اصلاح الشوارع .......

[ضياء الدين احمد]

والله يا نيلو ده كلام يعجب ويحدوني الشوق لزيارة البلد قريبا انشاء الله

[أبوبكرحامد]

ياضياء ....

كلنا يحدونا الشوق ، خليك أكثر تحديداً وقول متين وربما نكلفك ببعض المهام الثقافية ، أرجو الإفادة.
ود الماذون

[ابو المهتــدي]

بسمك الله الرحمن الرحيم
الاخوة الكرام 0والاخ ابو النيل لكم التحية 0
وجود تلك الكمية الكبير من تلك السيارات وهي جميلة بحق وظاهرة يسرت للجميع سبل المواصلات 0وايضا سبل العيش الكريم 0 لكثير مكن الاسر واصحابها
ولكن بالمناسبة لها سلبيات كثيرة 0
اولا عضلت كثير من المشاريع ذات العائد المستقبلي وطويل الامد 0لان مردودها سريع وقصير في نفس الوقت 0 ويعطل كثير من تلك مالشاريع مالستقبلية 0وخاصة الحرفيين واصحاب المهن التي لها دور التنمية الطويلة الامد 0
عطلت كثير من قدرات الشباب في الطموح المستقبلي 0 وكثير من حملة الشهادات الجامعية 0والشهادات المهنية 0وهناك الكثير 0ونرجوا اخذ الموضوع من عدة جوانب ونحن 0 في البداية للموضوع نرجو الاسترسال فية 0ولكم التحية

[ضياء الدين احمد]

والله ياود الماذون انا ناوي انشاءالله شهر4 بالكتير 5 لكن انا ماشي لزواج عاوز تعملها لي شغل ههههههههههههه
لكن برضو انا حاضر

[أبوبكرحامد]

عزيزنا ضياء ................................. مبروك مقدماً

عبارة ماشى لى زواج تعنى أنك لست طرفاً مباشراً فى هذا الزواج حسب

مايتبادر للذهن ، عموماً شهر ابريل مازال بعيداً بعض الشىء وقد نسبق هذا

الموعد وقد يسبقنا حسب التساهيل .

ود الماذون