الاخ مختار مشكور علي طرح الموضوع.
وبما انه انا من الناس الذين تتحدث عنهم فهذا هي قصتي:
اولا انا كنت في السودان وقدمت الي شركة موباتل في وظيفة خدمة العملاء براتب سبعمائة الف جنية وسيارة وسكن وخط جوال مفتوح.وقبلون في الوظيفة. وفي نفس الوقت جاني عقد العمل في السعودية بمهنة محاسب عام. يعني بين نارين، اها اخوك سامع بالسعودية والناس الجايين من السعودية (وتشوف القبه تقول تحتها فكي) فاخوك قال اكيد السعودية احسن دون ان يحسب حساب الغربة وفراق الاهل وما يصاحبها من مشاكل وانه بمجرد ما يكتب عليك انك مغترب تقابل من يضع عليك اماله من القريب والبعيد، ما مغترب وعندو القروش.
المهم سافرت واول راتب استلمتو ضربت مع السودان فطلع ولا جزء من البوفرو في السودان يعني بصراحة في السودان كان كانها الجنة. والواحد يقول الحمد لله . فما ممكن تاني تجي راجع زي ما قلت بخفي حنين. وما خفي كان اعظم.
وتسلم يا بااااااااااازي.
المفضلات