الكرسي الساخن يستضيف التميز متمثلاً في شخصك الكريم يا Admin

[Madanawi]

الكثير منّا يبتغي نيل التميز وتحقيق النجاحات إلا أن البعض فقط هو من يحقق ذلك

ضيفنا العزيز هذه المرّة شخصية قومية إجتماعية ... إستطاع أن يجمع أبناء مدينة

ودمدني على قلب موقع واحد .. أصبح هذا الموقع بمثابة الملاذ للمهاجرين والمتواجدين

بمدني على حد سواء .. تمنياتي له بدوام الصحة والعافية وتمنياتي لكم بحوار ساخن وجذّاب

فمرحباً بك قائداً للأسطول .. وربّاناً لموقعنا المتميز



يا عزيـــــــــزنا أبوبكــــــــــــــــر

[مدنيّة]

مرحب بيك الادمن

وطوالي ادخل لينا في البطاقة
نشوفها ونرجعها ليك

[ابوالنور]

هلا والله بالريس
سلامات خفيفات سريعات ولنا عوده
لكن قبال ما افوت دحين الكرسي ده شايلك ولا نبدلو ليك
اها بفوت واجيك

[صلاح ودالطاهر]

امان ما وقع راجل وشيل شيلتك

[عوض صقير]

البطاقة بالله
كوبى مع الأصل

[admin]

الكثير منّا يبتغي نيل التميز وتحقيق النجاحات إلا أن البعض فقط هو من يحقق ذلك

ضيفنا العزيز هذه المرّة شخصية قومية إجتماعية ... إستطاع أن يجمع أبناء مدينة

ودمدني على قلب موقع واحد .. أصبح هذا الموقع بمثابة الملاذ للمهاجرين والمتواجدين

بمدني على حد سواء .. تمنياتي له بدوام الصحة والعافية وتمنياتي لكم بحوار ساخن وجذّاب

فمرحباً بك قائداً للأسطول .. وربّاناً لموقعنا المتميز



يا عزيـــــــــزنا أبوبكــــــــــــــــر

ازيك يا عزو كيف حالك ان شاءالله تمام .. ماشي مالك اتفضل بيت معانا الليله

[admin]

مرحب بيك الادمن

وطوالي ادخل لينا في البطاقة
نشوفها ونرجعها ليك

الاسم: ابوبكر محمد المبارك
السكن : مدني - بانت غرب
تاريخ الميلاد : 3/11/1969م
الحالة الاجتماعية : متزوج واب لطفلين
مكان الاقامة الحالي : المملكة العربية السعودية - جدة
المهنه : محاسب

[admin]

هلا والله بالريس
سلامات خفيفات سريعات ولنا عوده
لكن قبال ما افوت دحين الكرسي ده شايلك ولا نبدلو ليك
اها بفوت واجيك

ياحليك يا ابوالنور حسه كان قعدتني في السيرفر ههههههههههه

[admin]

امان ما وقع راجل وشيل شيلتك

هوووووووي يا ودالطاهر قالوا ليك انا بخاف .. قالوا ثلاثة نسوان من قرى الجزيرة ديل جو استديو الساعة عشان اتصورو للعمرة خشيت الاولى اتصورت وجات طالعة اها اتلمو فيها الاثنين التانيات وسالوها : النبي حارة ولا باردة هههههههههههههههه

[admin]

البطاقة بالله
كوبى مع الأصل

تم ارفاق المطلوب سيادتك
............................؟
ما عندي بطاقة دا جواز ما بنفع
........................؟
لا مامسافر لكن البطاقة ما عارفها وين
.........................؟
الجنسية بتدوربيها شنو ما يهي دي مكتوبة هنا
..............................؟
عليك الله مافيهو رقم .. اول مرة الاحظ ليهو .. لي هو البسبورت مفروض يكون فيهو رقم .. انا قايلوا اياهو بدوهو ليهم كدي

[عماد عبدالشكور]

دا اليوم الدايرنه ليك يا الادمن مبرووووووووك عليك
يقعدوك ويسألوك يالادمن مبروك عليك
اسئلتي جاهزة بس كدي النخليك تسخن وكدا

[ابوالنور]

الاسم: ابوبكر محمد المبارك
السكن : مدني - بانت غرب
تاريخ الميلاد : 3/11/1969م
الحالة الاجتماعية : متزوج واب لطفلين
مكان الاقامة الحالي : المملكة العربية السعودية - جدة
المهنه : محاسب

لكن الاسكنر بتاعكم نضييييييييييييييييييييييييف
اسمع الحركة دي عملتها كيف والله غايتو الزول ما يعمل ليه حركه تسرقوها منو طوالي

[مدنيّة]

دا اليوم الدايرنه ليك يا الادمن مبرووووووووك عليك
يقعدوك ويسألوك يالادمن مبروك عليك
اسئلتي جاهزة بس كدي النخليك تسخن وكدا

عليك الله يا عماد ما بوصيك
عزل التقيل تقيل
ياقول المسطول عزلوا الساقط الساقط

[بورتبيل]

D: D:
جابـــــــــــــــوك تاني يا الاربـــــــــــاب اخوي

بعديــــــــــن شنو خاتي لينا صورة الجواز الجــديــد الطلعو ليك امير عبد اللطيف!!!
ما كان تجيب لينا صورة القديم يا ادمن

[admin]

دا اليوم الدايرنه ليك يا الادمن مبرووووووووك عليك
يقعدوك ويسألوك يالادمن مبروك عليك
اسئلتي جاهزة بس كدي النخليك تسخن وكدا

ياسمين .. يادب .. ياشين .. ياعوير .. اي حاجة بس عايز معاك شكلة لمدة اسبوعين ما داير معاك كلام نهائي .. لا انتا ولا زاهر .. واحسن ليك تبعد مني عندي معلومات خطيرة بفتها كلها.

[admin]

لكن الاسكنر بتاعكم نضييييييييييييييييييييييييف
اسمع الحركة دي عملتها كيف والله غايتو الزول ما يعمل ليه حركه تسرقوها منو طوالي

خلاص بقيت نظرية لازم نمشي عليها .. تحياتي لدكتور تاج الاصفياء

[admin]

عليك الله يا عماد ما بوصيك
عزل التقيل تقيل
ياقول المسطول عزلوا الساقط الساقط

مديدة حلبة ولا مديدة تمر؟

[admin]

D: D:
جابـــــــــــــــوك تاني يا الاربـــــــــــاب اخوي

بعديــــــــــن شنو خاتي لينا صورة الجواز الجــديــد الطلعو ليك امير عبد اللطيف!!!
ما كان تجيب لينا صورة القديم يا ادمن

حقو الزول قبل ما يتفاصح ويجي يسال يدفع القروش العليهو .. وين الخمسمائة ريال حقت صورة ابورجاء؟؟؟؟؟؟؟؟؟؟؟؟؟؟؟

[عماد عبدالشكور]

حبيبنا ابو بكر (الادمن) انا ما كنت ناوي اسألك كتير بس مدنية حلفتني بالله يعني اعمل ليها شنو ؟. كان عندك كلام خلي مع مدنية وانا البحلفني بالله طوالي بسمع كلامه . شد حيلك ساااااااااااااااااااااااااااي يا اخوي . واوعك تقول لي نحن ناس سمان مع بعض والتخين للتخين رحمة وكلام الجرايد دا . وابشرك زاهر جاييك برضو .

[Madanawi]

ده شنو يا شباب البتسوو فيهو ده

أجوبة الآدمن أسخن من أسئلتكم؟

أن أسئلتي يا آدمن كالتالي :

1 ) كيف تسللت الى خيالك فكرة إنشاء المنتدى .. والموقع
2 ) من هم أول من عمل معك على تطبيق الفكرة على أرض الانترنت (أرض الواقع)
3 ) ما هي المكاسب الشخصية للمنتدى
4 ) في التعديلات الادارية الجديدة لماذا وبالذات المالية هي لك
5 ) لمن جيت تتزوج كنت في نفس الوزن ده .. أقل .. أم كانت هي الوعود بعمل رجيم
6 ) رأيك في فكرة قفل بعض أقسام المنتدى خلال شهر رمضان
7 ) مستوي الحوار والنقد .. مدى احترام الرأي والرأي المعاكس في المنتدى
8 ) بعدين يا آدمن في الكورنر اليسار التحتانية للمنتدى مكتوب DESING BY ALNADER
والصحيح هو DESIGN BY ALNADER
أها دي بتصلحوها لينا متين ؟؟؟؟؟؟؟؟


في انتظار ردك .. ولي عودة انشاء الله ان كنت من أهل الدنيا ،،،

[admin]

حبيبنا ابو بكر (الادمن) انا ما كنت ناوي اسألك كتير بس مدنية حلفتني بالله يعني اعمل ليها شنو ؟. كان عندك كلام خلي مع مدنية وانا البحلفني بالله طوالي بسمع كلامه . شد حيلك ساااااااااااااااااااااااااااي يا اخوي . واوعك تقول لي نحن ناس سمان مع بعض والتخين للتخين رحمة وكلام الجرايد دا . وابشرك زاهر جاييك برضو .

انتا ما تعترف وتقول خائف من مديدة دي .. لانو كان على الحليفة انا بحلفك .. ذكرتني قصة لذيذة كنا مرة ماشين مشوار انا وصديق على عزيز اسمو عماد برضو .. اها مشيت ليهو وقعدتا في الصالون مسافة البس ويجي .. وبعد ما جاء ونحنا طالعين جنب باب الشقة كدا مرتو من جوا كوركت ليهو: ياعماد .. كان اشوف ليك الراجل قعد في الواطه جنب باب الشقة وقال ليها: والله قاعد ماماشي اي حتة .. ههههههههههههههههههه

[صلاح ودالطاهر]

الادمن الجواز ده طالع من جده يعني معدل المهنه من كابوي للمحاسب دي حاجه والعمر معدل في جده لانو سعادة المقدم امير عبد اللطيف صاحبك وحاجه تانيه انت بقيت سوداني عام 86 يعني الجنسيه استخرجت سنة 86 مع امتحان الشهاده يعني اذا حسبناه انت وانا يابختنا اولاد دفعه قال 69 قال

[مدنيّة]

والله بالغت بالقصة دي ياادمن ، لكن عليك الله بالجد ولا من بنات افكارك ؟

اها تسخينة كدا

لو بقيت الان رئيس مجلس الادارة للمنتدي كنت عملت شنو ؟

[صلاح ودالطاهر]

انتا ما تعترف وتقول خائف من مديدة دي .. لانو كان على الحليفة انا بحلفك .. ذكرتني قصة لذيذة كنا مرة ماشين مشوار انا وصديق على عزيز اسمو عماد برضو .. اها مشيت ليهو وقعدتا في الصالون مسافة البس ويجي .. وبعد ما جاء ونحنا طالعين جنب باب الشقة كدا مرتو من جوا كوركت ليهو: ياعماد .. كان اشوف ليك الراجل قعد في الواطه جنب باب الشقة وقال ليها: والله قاعد ماماشي اي حتة .. ههههههههههههههههههه

تعرف يادمن برضو نفس القصه حدثت معي وبجد صاحبي ده برضو اسمو عماد يكون يخلق من الشبه في الاسامي خمسين

[admin]

ده شنو يا شباب البتسوو فيهو ده

أجوبة الآدمن أسخن من أسئلتكم؟

أن أسئلتي يا آدمن كالتالي :

1 ) كيف تسللت الى خيالك فكرة إنشاء المنتدى .. والموقع

كانت الفكرة اصلا انشاء موقع شخصي .. ومن ثم تطورت الى موقع لمدني بعد ان ظهر موقع سودان.نت .. ولا كان الموقع سيكون للسودان كلو ..
بالنسبة للمنتدى كانت لدينا مشكلة كبيرة في دليل المغتربين الموجود على صفحات الموقع .. حيث كان بياخد وقت كبير في تسجيل البيانات للمسجلين الجدد وتعديل بيانات المسجلين سابقاً .. والرد على رسائل المستفسرين عن ايميل زيد او عبيد الذي لايعمل .. فكانت الفكرة في عمل منتدي لكي يقضى على تلك المشكلة عن طريق محورين وهما 1-تسجيل البيانات يتم اليا مع سهولة في تعديلها من قبل المسجل نفسه.. 2- توفير ساحة للحوار المباشر مع المسجلين .. وطبعا الفكرة نجحت كما ترى نجاح مذهل واصبح المنتدي اليوم اهم من الموقع بالنسبة للاعضاء.

2 ) من هم أول من عمل معك على تطبيق الفكرة على أرض الانترنت (أرض الواقع)

عمر غلام الله
نبيل حمدتو
دفع الله ابوعاقلة
قصي مجدي سليم
معتصم عيدروس
وغيرهم كثير

3 ) ما هي المكاسب الشخصية للمنتدى

اكبر مكسب بالتاكيد هو معرفة الاعضاء .. حيث اصبح لدي اخوة جدد متميزين.. واروع شئ انك عندما تلتقي باحدهم على الواقع تحس بانك عشته معه كل ايامك الماضية

4 ) في التعديلات الادارية الجديدة لماذا وبالذات المالية هي لك

نظرا للظروف الصحية التي يمر بها الاستاذ خالد هاشم مدير المالية السابق كان لابد لنا من ايجاد البديل المناسب لتغطية التحديات المادية في الفترة القادمة .. ووقع اختيار اعضاء مجلس الادارة على شخصي وان سعيد بهذا التكليف

5 ) لمن جيت تتزوج كنت في نفس الوزن ده .. أقل .. أم كانت هي الوعود بعمل رجيم

نعم .. ما سمعتك .. انتا معاي انا ولا مع عماد

6 ) رأيك في فكرة قفل بعض أقسام المنتدى خلال شهر رمضان

فكرة قفل اقسام المنتدي خلال رمضان تحقق اهداف كثيرة منها:
1- اجازة للمشرفين جميعا وتقليل الضغط والجهد المطلوب منهم دائما وعلى مدار الساعة
2- حث الاعضاء على زيادة الجهد الديني المبذول والمطلوب خلال شهر رمضان


ليس بالضرورة ان يعني ذلك ان الاقسام المغلقة مخالفة للشرع والشريعة كما قد يتخيل البعض .. ولكن المطلوب من كل مسلم تركيزه ومضاعفة جهده في قراءة القرآن وقيام الليل والتصدق والتزكية بالاموال وقد شدد الدين على ذلك في شهر رمضان في اكثر من موضع وموقع .. وهنا الامر مشابه الفكرة فقط التركيز اكثر على امور ديننا وطلب المزيد من الحسنات والدرجات في هذا الشهر الفضيل اعاده الله علينا بالخير واليمن والبركات

7 ) مستوي الحوار والنقد .. مدى احترام الرأي والرأي المعاكس في المنتدى

الحمدلله المنتدي يسير في تحسن كبير في هذا المجال .. وكل يوم يزداد وعي الاعضاء وادراكهم لسبل الحوار الصحيح والنقد البناء واحترام اراء الاخرين وضبط النفس والتركيز على موضوع النقاش وليس شخصية المناقش وافعاله.

8 ) بعدين يا آدمن في الكورنر اليسار التحتانية للمنتدى مكتوب DESING BY ALNADER
والصحيح هو DESIGN BY ALNADER
أها دي بتصلحوها لينا متين ؟؟؟؟؟؟؟؟

السؤال دا جاء بعد ما انا رديت شكلك عملتا تعديل اثناء ما انا برد .. عموما انت زول عزيز علينا وبنلحقو ليك بقية الاسئلة .. اها الخطأ الاملائي الوارد اعلاه يقع ضمن حقوق الملكية الفكرية .. واي تعديل فيه يوقعنا في المحظور .. حيث هذا هو اشتراط مصمم الاستايل الوحيد .. فقد طرحه للاستخدام مع الابقاء لحقه الادبي كمصمم للاستايل.

في انتظار ردك .. ولي عودة انشاء الله ان كنت من أهل الدنيا ،،،

النبي فيك كان تجي راجع