المسنجر .. قرّاب البعيدات ..

[GREY MAN]

يا غالي رمضان كريم
دائما رائع
No Comment

[عمر البشير]

يا غالي رمضان كريم
دائما رائع
No Comment

الغالي دوما GREY MAN لك التحية.
شنو الحاصل رمضان مسكك مننا ولا شنو؟


********
لا تعليق

[عمر البشير]

حبيبى فى الماسنجر
حبيبى نايم
وانا مصنقر فى البمبر
دخلت فى الماسنجر
قال لى سورى
ماشى السوق وما بتاخر
حبيبى قام ادلل
حبيبى قام يتعاور
وبلك الماسنجر
شمت ودالطاهر
دة الشمارو مغربل
انشاء الله يا الماسنجر
تقع ككو تتكسر
تقع شكو تتدردر

رضا حبيبنا شنو انت ما تحصل ليك حاجة الا تنزل فيها شعر.
كديستك ده اربطها شوية.

[مختار بازى]

المسنجر .. قرّاب البعيدات ..

اي والله,,,,,

[معتز الريح]

المسنجر حقي بخترق البلك.
:d

ياود البشير ..
أظن ناس مايكروسوفت لسه بفكروا في كلامك الفوق ده

[معتز الريح]

حبيبى فى الماسنجر
حبيبى نايم وانا مصنقر

الكلام ده بجيب ليك الهواء

تخريمة :
أشتقنا لتعقيباتك اللذيذه ..

[معتز الريح]

[COLالحبيب معتز ......... رمضان كريم .... بعد نعمل الماسنجر ممكن نفتي في الموضوع .... ذكرتنا .... (ده من المواضيع المؤجلة)OR="Red"][/COLOR]

الحبيب جلاله ..
الله أكرم ..

يازول انت لي حسه ما عندك مسنجر ..
عشان كده رايق ومروق ..

أعملوا تعال .. يا شكرتنا ..
يا كمان نبذتنا ..

[معتز الريح]

يا غالي رمضان كريم
دائما رائع
No Comment

الحبيب والصديق الوسيم
مشتاقين لقعدتنا في مكتبك ..
ومهابشة الناس في المسنجر ..
ما تقول لي ما متذكر ..

[معتز الريح]

شنو الحاصل رمضان مسكك مننا ولا شنو؟

بيني وبينك مسكوا رمضان ..
وزول تاني ..

تخريمة ..
حبيبنا ده عينة رضا ..

[ود المطامير]

يا حليل ( الطاحونه )
ويا حليل مديرنا ( بورتبيل )
يا حليل اللمّه ديك
والونسه والضحك
يا حليل ناس عبير وسعاد وأمونه
عليكم الله أرجعوا تانى لمّونا

[معتز الريح]

شنو انت ما تحصل ليك حاجة الا تنزل فيها شعر.:d:d:d

يغطي الجلحات بي شنو ..

تخريمة ..
الجلحات دي مجازاً باعتبار ما كان ..
حسه خليها على الله ..

[معتز الريح]

اي والله,,,,,

مش كده ..
بجيب الفي الواق الواق ..

[معتز الريح]

يا حليل ( الطاحونه )
ويا حليل مديرنا ( بورتبيل )
يا حليل اللمّه ديك
والونسه والضحك
يا حليل ناس عبير وسعاد وأمونه
عليكم الله أرجعوا تانى لمّونا

الحبيب أبو عمرو ..
اقلبوها مسنجر ..يعني خلوها خوة مسنجر
وان شاء الله ما حتتفرتق تاني ..

[هشام السماني إبراهيم]

[COLالحبيب معتز ......... رمضان كريم .... بعد نعمل الماسنجر ممكن نفتي في الموضوع .... ذكرتنا .... (ده من المواضيع المؤجلة)OR="Red"]

لي وين وكيف لمتين

اخوي الناس شقت البحر وشقت البلد تفتيحة وانتا لسه مغمض ((غايتو محن [/COLOR]

[عمر البشير]

ياود البشير ..
أظن ناس مايكروسوفت لسه بفكروا في كلامك الفوق ده

هم عاملين البرنامج ده يا معتز عشان كده ما بفكرو ولا حاجة.

همسة:
شكلك انت البتفكر فيهو ارسلو ليك.

[GREY MAN]

الغالي دوما Grey Man لك التحية.
شنو الحاصل رمضان مسكك مننا ولا شنو؟


********
لا تعليق

والله يا ود البشير الايام دي لامين فيني خواجات مجرسني اكتر من رمضان
ولكن ربنا يدينا قابات زي دي

[GREY MAN]

الحبيب والصديق الوسيم
مشتاقين لقعدتنا في مكتبك ..
ومهابشة الناس في المسنجر ..
ما تقول لي ما متذكر ..

يا حليلك راجينك بي فارق الصبر
وعامل لي خطه قويه عشان الحكومه تفكك لينا شويه ما زي المره الفاتت

[ابراهيم]

ومسهل الونسات ..

معاي صينية في المسنجر ما بتعرف انجليزي
وانا ما بعرف صيني
شهرين الونسة غالبانا
والـemoticon كملت

[عمر البشير]

معاي صينية في المسنجر ما بتعرف انجليزي
وانا ما بعرف صيني
شهرين الونسة غالبانا
والـemoticon كملت

ابراهيم اخوي المترجم حق قوقل موجود تكتب الكلام بالعربي وتعمل الترجمه الي الصينية.
غايتو انا شغال معاهم كده. والله يعينك.

[عمر البشير]

يا حليل ( الطاحونه )
ويا حليل مديرنا ( بورتبيل )
يا حليل اللمّه ديك
والونسه والضحك
يا حليل ناس عبير وسعاد وأمونه
عليكم الله أرجعوا تانى لمّونا

والله يا ريت يا ابو عمرو طولنا من اللمة الذي ده.

[ابراهيم]

ومسهل الونسات ..
ومضيع الأوقات ..

ابراهيم اخوي المترجم حق قوقل موجود تكتب الكلام بالعربي وتعمل الترجمه الي الصينية.
غايتو انا شغال معاهم كده. والله يعينك.

ابو عمار
لكن كدة صعبتها خالص
مافي حل جذري؟

[عمر البشير]

ابو عمار
لكن كدة صعبتها خالص
مافي حل جذري؟

ما في صعوبة ولا حاجة. كل الحكاية تكتب بي العربي في قوقل. وخيارات الترجمة كل اللغات.
ونسخ ولصق في اسهل من كده.

همسة اسال معتز امكن عندو خبره اكتر مني.
طيب ده المترجم:
http://translate.google.com/translate_t

[ابراهيم]

ابو عمار .. ما قصرت وقوقل دة صحبي شديد المشكلة يعني بس الشغلانة تكتب وتترجم وتنسخ وتترجم وتلصق دة موضوع طويل.
ماف حل وسط؟

[ود المطامير]

ما في صعوبة ولا حاجة. كل الحكاية تكتب بي العربي في قوقل. وخيارات الترجمة كل اللغات.
ونسخ ولصق في اسهل من كده.

همسة اسال معتز امكن عندو خبره اكتر مني.
طيب ده المترجم:
http://translate.google.com/translate_t

المشكله يا ود البشير آخوى
المترجم دا زاتو اللى ذى أنا البترجمو ليهو منوووووووو ؟

[GREY MAN]

المشكله يا ود البشير آخوى
المترجم دا زاتو اللى ذى أنا البترجمو ليهو منوووووووو ؟

اها يا ود البشير ورينا العمل كيف
************