الســـــــودانين أكثر مـــــــــــــــن يتعامل بجميــع؟؟

[مختار بازى]

الســـــــودانين أكثر مـــــــــــــــن يتعامل بجميــع اللهجــــــات

فــــــــــــــي جميع بقاع العـــــــــــــــالم ويتالقمون معها بســــــــــــــرعة ويجيدونها

في اقل زمـــــــن ممكن فاجادة اللهجات العربية المختلفــــــــة ليست محصورة علي الذين

عايشو اصحاب تلك البلاد فالفضل ايضـــــــــا يعــود للاذاعــــــــــة والتلفزيون علي عرض

كل اللهجـــــــــــــــــات المحلية لتلك البلاد عبر نشر وبث بعض مـــــــن المسلسلات ...

[مختار بازى]

ولكــــــــن هناك بعض مـــــــــن المواقف المضحكة فــــــــــــــي بعض من الاحـــــــــــيان عند محاولـــــــة تقليد البعض منا في بعض تلك البلاد فهنالك أشياء نختلف معهم في مسمياتها ..

ففي بداية معايشتنا لهم في بلادهم تواجهنا بعض مـــــــــــن المواقف المضحـــــــــكة لعــــدم معرفتنا بمسميات بعض الاشياء في تلك البلاد...

[مختار بازى]

دعـــــــــــوة لكل المغتربين في جميع بقاع الارض ان يتحفونا بالمواقف التي مــــــرت بهم او مع بعض منهم ويزكرونها ويتحفونا بها ,,,,

[عماد عبدالشكور]

حبيبنا مختار بازي
كل عام وانت بالف خير
والسنة الجاية عريس قول امين .
اذكر في صباح اول يوم لينا بالسعودية . حب اخونا زاهر استعراض مهاراته في عمل الشاي بالحليب ومشى البقالة وقال عايز لبن طبعا اللبن هنا في السعودية يعني (الروب) وفعلا اشترى اللبن وعمل الشاي باللبن (الروب) ولما انتهى وجاب الكبابي وقعد يكب لينا رفع الكباية فوووووق وقال اللبن حقهم (مقطع) وانفجر الجميع بالضحك ما عدا انا وهو لأننا ما فاهمين حاجة .

[خالد النور]

نفس قصة اللبن، فى أول وظيفة لى بالإمارات كنت بعمل فى تقرير مصاريف الضيافة وكتبت من ضمن المصاريف اللبن، المواطن قال لى كيف توافق على دفع فلوس لللبن (ما ضمن الموازنة)، لمن عرف إنو اللبن نحنا بنقصد بيهو الحليب إنفقع من الضحك

[hesho]

عندي طفلة قريبتي كانت بتلعب عادي مع طفلة سعودية جارتنا وفى اثناء اللعب قامت جارتنا ضربت قريبتنا في ظهرها طوالى قامت قالت ليها ليش تعطيني ام دلدوم فاصبح كلامها نص سوداني ونص سعودي

[مرتضى يوسف العركي]

[FONT="Arial Black"]القامة ود بازي
ياخي كل سنة وانت طيب ودعوات لكم بموفور الصحة والعافية كيفما وانتم نخيل من الاحقاد مرتفعا على ذلك مطئنين اننا لا نجني سوى ثمركم ..
في بداية عملي بالسعودية طلب مني جاري السعودي قبل يوم واحد من الامتحان المراجعة لابنه فقمت بشرح مفصل ومطول وكلمتا اسال الود يا ود انت فهمت يقول لي إلا يا يا أستاذ
ياولد انت ما فاهم يقوم يقول لي إلا يا استاذ
يا جماعة الخير شبكة شنو الود الما بفهم ليه وكمان حاجة بسيطة كان رده وبعد كعه كعتين إلا يا استاذ مغتاظا ...
بعدها فهمت ان إلا هذه بالسعودي نعم فهمت """[/FONT]

[wdglas]

مختار اسعد الله مساك
صاحب لى ذهب عنديكو فى مصر اول مره
المسكين دخل السوق وكان عايز يشترى جك مويه
لف السوق كله لم يجد ولا جك فى الاخر شاف جك فى محل عده
قال لى صاحب المحل انت ماقلت ماعندك جك الو انت ماسألتش
اصلك انت اولتلى عندكو اكوكا بى لهجه مصريه وطبعا الجك فى مصر
اسمو غير ذلك ويديك العافى

[هيثم عبدالعال]

الأخ بازي كل عام وأنت بخير أو عساك من عواده كما يقول اهل الخليج
صديق لي ذهب لسوريا قبل الفضائيات والمسلسلات وفكر يخش السينما وتوكل على الله وقطع التذكرة لكن المشكلة كلما يقرب من باب الدخول يسمع واحد واقف جنب الباب يكورك (هلا بلَش) صاحبنا يرجع ويجي تاني بعد فترة وبرضو (هلا بلش ) ولما زهج من قصة ( إنتهى هسي دي حسب فهمو ) سأل الراجل الفيلم ده حكايتو شنو كلما نجي يكون إنتهى أصلو هو ربع ساعة ، الراجل ضحك وفهمو أنو (هلا بلش) معناها يادوب بدأ وعشان نظام السينما الفيلم بدور طوالي بعد ما ينتهي فهو كمان مدور طوالي هلا بلش .

[مختار بازى]

الرائعون عماد عبد الشكور

خالـد النور

hesho

مرتضى يوسف العركي

wdglas

هيثم عبدالعال

مشكور ين علي امتاعنا بهــــذة المواقف الشسيقـــــــــة والمضحــــــــكة,,

[مختار بازى]

واحــــــــــــد صاحبنا رمضان الفات جا يصوم هنا عشان الصيام بااااااااارد هنا

بعـــــــــد ما عدي ليهو كم يوم وقلنا عرف البلد رسلنا يجيب لينا كبكبية

اها زولنا مشي ليهــــــــو ساعـــــة قلنا راح نزلنا ندور عليهو ,,

واحــــــــد لما فيهو مع بتاع البقالـــــــــــــــــة عامل شمطة في شنو؟؟

هو عامل فيها مصـــــري جد جد

قال لي بتاع البقالـــــــــة عايز( آبأ بية) بيقصــــــد كبكبية

بتاع البقالـــــــة قال ليهو هو في حد واقف في طريقك روح ياعم ان شاء الله حتي تبا باشا

[صابرحسين]

لك التحية أستاذ بازي وكل عام وأنتم بخير
أول يوم وصلت فيه المملكة قمنا بجولة أنا وأخي الكبير داخل الرياض لمعرفة معالم المدينة وتوصيل الخطابات والوصايا ، وصادف أن أختلف أخي مع أحد الشباب السعوديين في مخرج من المخارج ، والشاب طلب من أخي أن يجنب السيارة وقامت المشكلة وأنا منتظر أراقب وجاهز لبداية الضرب عشان ما اتولى ذلك نيابة عن أخي ، والشاب إتشجع لسكوتي هذا ولمسني من يدي وقال لي خليك محضر خير ، وطبعاً أنا جاهز للمضاربة وقلت له لو سمحت إتكلم بخشمك وما في داعي تمد إيدك ، الرجل إندهش كيف أتكلم بخشمي ما يصير واشار إلى أنفه ، ورايت أخي صاحب المشكلة يتبسم مما زاد دهشتي وقال لي الخشم معناه عندهم الأنف كما في العربية الفصحى ، وكان هذا الموقف سبباً لإنهاء المشكلة بسلام 0

[مختار بازى]

لك التحية أستاذ بازي وكل عام وأنتم بخير
أول يوم وصلت فيه المملكة قمنا بجولة أنا وأخي الكبير داخل الرياض لمعرفة معالم المدينة وتوصيل الخطابات والوصايا ، وصادف أن أختلف أخي مع أحد الشباب السعوديين في مخرج من المخارج ، والشاب طلب من أخي أن يجنب السيارة وقامت المشكلة وأنا منتظر أراقب وجاهز لبداية الضرب عشان ما اتولى ذلك نيابة عن أخي ، والشاب إتشجع لسكوتي هذا ولمسني من يدي وقال لي خليك محضر خير ، وطبعاً أنا جاهز للمضاربة وقلت له لو سمحت إتكلم بخشمك وما في داعي تمد إيدك ، الرجل إندهش كيف أتكلم بخشمي ما يصير واشار إلى أنفه ، ورايت أخي صاحب المشكلة يتبسم مما زاد دهشتي وقال لي الخشم معناه عندهم الأنف كما في العربية الفصحى ، وكان هذا الموقف سبباً لإنهاء المشكلة بسلام 0

هههههههههههههههههههههههههههههههههههههههههههههههههه ههههه

والله اتخيلتا شكلك وانت جاااااااااااااااهز للضرب

ازيد من البيت قصـــــــــــــــيد اول ماوصلتا بي يومين كانت الغسالــــة متعطلة اتصلنا بالمهندس المختص بتصليح الغسالات وحضر وصلح الغسالـــــــــــة وبعد ما جا يمشي
اخــــوي قال لي بعدين اديهو 30 جنية مصري الراجل خلص وعايز يمشي ناولتو القروش
قال لي خلي قلتا لية لا والله دا حق ولازم تاخــــدو

وخلي دي عندهم هنا كلمة بس لكن تخلي شنو يا حــــــــبة والله بريزة ما يخليها ليكـ

المهم فضلنا خلي لا ما بخلي انا قلتا اعمل نايم

الراجــــل قال لي هو في آية انت صدآت

[انيس التوم]

من المواقف الظريفه اول ما وصلنا كوريا من المطار طوالي استقبلونا الكورين ومشين السكن بتاع الطلبة الوقت داك عشان دراسة اللغة الكورية ومع صاحبي وصدقي ياسر المقلب ( بجانقي) زول اخضر الون جمسه ماشاء الله وكان زول بتاع رياضة رفع الاثقال المهم اول ما وصلنا طوالي قام ياسر قال عايز ياخد دش حمام كارب كده وقام شايل البشكير والصابونه في يده ومتحرك علي الحمامات قام قابلوا الكوري المسئول من السكن ولسوء الحظ الكوري قام قال لي ياسر 처 타 شيتا وكلمة شيتا باللغة الكورية معناها الحمام والوقت داك مافي زول عارف الكلام ده فقام ياسر بداء ينبذ ليك في الراجل باللغة الانجليزية يازول الكوري زعل جدا ومشى اشتكي ياسر تاني يوم الصباح قال ليهم الناس الجوه ديل ناس اخلاقهم ما كويسه نبذوني امبارح فمشينا مع ياسر كلنا وشرحنا الموقف انوا الزول ده نبذ ياسر قال ليه يا شيتا 처 타 وشيتا دي معناها عندنا نوع من انواع القرود الضخمة الحجم ولونها اسود وشعرها كثير فكلهم قعدوا يتضحكوا علينا ضحك شديد جدا جدا حتى الزول انا مشتكي قعد يضحك مع الجماعة وبعد داك شرحوا لينا انه كلمة شيتا معناها الحمام ومن ديك ياسر اتغير لقبوا من جانقي الي ياسر شيتا ولان ياسر مقيم في الولايات الامريكية المتحدة ونرسل ليه اشواقنا وسلامنا عبر منتدي ومدني

[مختار بازى]

من المواقف الظريفه اول ما وصلنا كوريا من المطار طوالي استقبلونا الكورين ومشين السكن بتاع الطلبة الوقت داك عشان دراسة اللغة الكورية ومع صاحبي وصدقي ياسر المقلب ( بجانقي) زول اخضر الون جمسه ماشاء الله وكان زول بتاع رياضة رفع الاثقال المهم اول ما وصلنا طوالي قام ياسر قال عايز ياخد دش حمام كارب كده وقام شايل البشكير والصابونه في يده ومتحرك علي الحمامات قام قابلوا الكوري المسئول من السكن ولسوء الحظ الكوري قام قال لي ياسر 처 타 شيتا وكلمة شيتا باللغة الكورية معناها الحمام والوقت داك مافي زول عارف الكلام ده فقام ياسر بداء ينبذ ليك في الراجل باللغة الانجليزية يازول الكوري زعل جدا ومشى اشتكي ياسر تاني يوم الصباح قال ليهم الناس الجوه ديل ناس اخلاقهم ما كويسه نبذوني امبارح فمشينا مع ياسر كلنا وشرحنا الموقف انوا الزول ده نبذ ياسر قال ليه يا شيتا 처 타 وشيتا دي معناها عندنا نوع من انواع القرود الضخمة الحجم ولونها اسود وشعرها كثير فكلهم قعدوا يتضحكوا علينا ضحك شديد جدا جدا حتى الزول انا مشتكي قعد يضحك مع الجماعة وبعد داك شرحوا لينا انه كلمة شيتا معناها الحمام ومن ديك ياسر اتغير لقبوا من جانقي الي ياسر شيتا ولان ياسر مقيم في الولايات الامريكية المتحدة ونرسل ليه اشواقنا وسلامنا عبر منتدي ومدني

هههههههههههههههههههههههههههههههههههههههههههههههههه هههههههه
هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه

يجــــــــــــــــــــــازي محنكم جاهز يا حيدر قطامـــــــــــــــة للخبط

تحــــــــــــياتنا للأخ ياســــــــــــــــــر جنقي