في كده اسئلة اذا سألة ليك زول تحس انك داير تشلتو في بطنو كم شلوت
ومن الاسئلة البايخة والسغيلة والدمها تقيل ديل :
تمشي تتلف بالبطانية وتطفي النور وترقد في السرير اخوك يجيك يقول ليك دايرة تنوم
( ده ايه السؤال البايخ ده لا انا دايرة ارقص طبعا دايرة انوم )
شايل حاجاتك وجاي للبيت امك تقول ليك جيت
( لالا انا طالعة يادوب انتي شايفة شنو )
لبست احلى حاجة عندي وسرحت شعراتي وانا فاتحة باب الشارع ابوي يقول لي طالعة
( يا بابا مامعقولة كده طيب انا بعمل شنو )
اخت كتبي واقعد اقرا امي تفتح الباب تقو لي بتقري
( انا كنت بسوك في الكتاب الكتاب بيعملو بيهو شنو غير القراية )
شلت السماعة مدقيت النمرة وقعدت اتونس ماما تقول لي بتتكلمي تلفون
( احي انا ده شنو السؤال البايخ ده بر الوالدين لازم ماتخلينا نغلط معاك )
اتصل في برنامج اغاني واطلب اغنية تقول لي المذيعة بتحبيها
( لا طلبتها عشان انا بستهبل ساي طالباها عوارة )
يستضيفوني في برنامج المذيع يسالني
المذيع : بتسوي شنو لمن تمشي لي اهلك حتبارك ليهم للعيد
( لا حأكفتم وابزغ في وشهم )
امشي المطار يجي واحد يسألني مسافرة
( بتقول شنو لالا انا ماشة احضر لي مبارة بتاعة الهلال والمريخ )
يااخوانا انا بطني طمت وما قادرة اكتب زيادة
سلام .......
رد مع اقتباس
المشاركة الأصلية كتبت بواسطة منتهى
المفضلات