بسم الله الرحمن الرحيم
قال تعالى في قوم فرعون في سورة الأعراف:
وَلَقَدْ أَخَذْنَا آلَ فِرْعَونَ بِالسِّنِينَ وَنَقْصٍ مِّن الثَّمَرَاتِ لَعَلَّهُمْ يَذَّكَّرُونَ{130}
وفي آية أخرى:
{فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُّفَصَّلاَتٍ فَاسْتَكْبَرُواْ وَكَانُواْ قَوْماً مُّجْرِمِينَ }الأعراف133
قالوا ناس فرعون الواحد يجي يشرب عصير مخلوط ولا خمرة ولا موية يلقى الضفدعة جواها عايمة
يجي ياكل ليهو تفاحة ولا أكلة سمحة يلقاها ملطخة بالدم القذر
والجراد قبل على المحاصيل أكلها كلها
والسراير السمحة المفرشة سفنجة أنملت قمل
طيب نحن الفاضل لينا شنو؟
قبل فترة قريبة داهمتنا موجات إنفلونزا الطيور وحرم الناس من اطيب أنواع اللحوم وهو لحم الطيور - الجداد والبيض
قلنا معليش خروف نضيف ولا جدادة لزيزة بالتخويف.
ولم تمضي لحظات حتى داهمنا أبو الجندي وخلى الناس تخاف منو يدخل ليك في أضانك وإنت نايم ولا ريحتوا العفنة الي بتعمل حساسية قاتلة ولا تنلقاهو في السندوتشات محشي ولا في قدرة الفول عايم عوم.
ولم تمضي إيام حتى داهمتنا الحمى النزفية ولو الزول لاقتو غنماية في الشارع يجري منها جري ود المطامير من المدير وأنحرم الناس من أكل اللحوم وشرب الألبان.
وبعد شهر جاي عيد الضحية البيقدر يمشي الزريبة ويشتري خروف وسط البهايم منو؟
والله الواحد لو لاقتو غنماية في الشارع يجري منها جري ود المطامير من المدير
والخضروات مليانة سمادات ومبيدات مسرطنة وإرتفعت نسبة السرطانات في الجزيرة والشمالية بصورة مخيفة وصلت حتى 15% من السكان
يا ناس ناكل شنو؟
جداد نهي
بيض نهي
لحمة نهي
لبن نهي
خضروات نهي
معلبات محفوظة نهي
يعني الواحد شايل قروشوا ولافي ما عارف يا كل شنو
طيب يا أخوانا نحن الفاضل لينا شنو من حكاية فرعون زمان؟
اللهم أرفع غضبك وسخطك عنا وأرض عنا نستغفرك ونتوب إليك
رد مع اقتباس
المشاركة الأصلية كتبت بواسطة هشام السماني إبراهيم
المفضلات