حم ... حم ... يا حمام

[عثمان جلالة]

الحبان في كل مكان ... بلاد الغربه الواسعة ... والوطن الغالي ... السودان ...

حجيتكم ما بجيتكم ... قولوا ... خيرا جانا وجاكم ... جانا هشام دوووم وأكل عشاكم ...

أمس القريبه دي ... طبعا هشام بعد ما جانا .. بالسلامة في الرياض ... متخيرا وعر الدروب وسائرا ... فوق الرصاص مناحطا ... أها .. طبعا الصدفه لعبت دورا في إنو يحضر إحتفال الجمعية والمنتديات بالعريس سواااح .... وهشام فات الكبار ... والصغار والقدرو في البووووره ... دعووب عريسا ... ود البشير عريسا .. ودأم تريبات عريسا ... قال يجي يشوف الحاصل ... ونحن أصلوا ما حسسناهو بى بورتو(البرتغالي) دي ... انا وود البشير ... معاهو على طول الخط ... هشام أكل ... هشام أشرب الشاي ..... بعد ما بدا البرنامج .. وبدو يكرمو في العريس سوااح ... كان إسمو نده في المنصه ... هشام السماني ... هشام السماني إبراهيم ... الزول حلف بالتقطعو ما يمشي ... جرجرناهو أنا وود البشير بالعافيه ... وركبناهو في المنصه .... ومسكناهو من يدينو الاتنين ... قلنا إنشاء الله يدوهو حقنه ... كان طلعو ليهو شهادة تكريم .... هشام كرموهو؟؟؟؟ .... عشان شنو الله أعلم وفي شنو الله أعلم؟؟؟؟ .. انا انفردت مباشرة بالمستشار الحلامابي ... وسألتو .. مالو هشام كرمتوهو ؟؟؟ قال لي دي حم .. حم .. يا حمام شتت ليك سكر .... مبروووووووووووك هشام .. وعقبال تكريم العرس الزايق منو دا ..... يا بايررررررركس

[بورتبيل]

ههههههههههههههه
بالله هشام كرموه ولله الف مبروك الرائع هشام السمــــــــاني

الا النسالك يا عثمان يا اخوي

ونحن أصلوا ما حسسناهو بى بورتو(البرتغالي)

دي قاصد بيها هشام ولا قاصــد زولاً تاني يا جلالة !!!!!!!!!!!! حيرتني وخلعتني

[عثمان جلالة]

ههههههههههههههه
بالله هشام كرموه ولله الف مبروك الرائع هشام السمــــــــاني

الا النسالك يا عثمان يا اخوي دي قاصد بيها هشام ولا قاصــد زولاً تاني يا جلالة !!!!!!!!!!!! حيرتني وخلعتني

انت الرائع بورتو ... لكن هشام بورتوه عشان المعنى يكون واضح ... صدق كرموهو لا إيدو لا كراعو .... في شنو وعشان شنو خليهو يجاوب هو !!!

[samar_taha]

سلامات يا جلالة
اخباركم شنو
الزول يغيب منكم شوية يجي يلقى المنتدى كلو عرسان
وطيب وقت بتكرمو ناس هشام البايرين , ومنتدى العوانس ده ما يستحق التكريم والاشادة ولا شنو ؟

[mahagoub]

ده كله سويتوه انشاء يجيب مريسة تامزين


تخريمه
صاحبنا وقع فى شرك الحمام قريب بتسمعو خبر زين
يا جلاله الزول كراعه لسه ما نشفت خلوه ياخد نفس

[معتز الريح]

عشان شنو الله أعلم وفي شنو الله أعلم؟؟؟؟ ..

معقولة يا جلالة ماك عارف ..
هشام صاحب أعلى معدل مشاركة في المنتدى ..

بالعربي كده ..
يعني أول المنتدى ..

[عمر البشير]

هو هشو محتاج عشان يشتتو ليهو السكر

[abomazeen]

الحبان في كل مكان ... بلاد الغربه الواسعة ... والوطن الغالي ... السودان ...

حجيتكم ما بجيتكم ... قولوا ... خيرا جانا وجاكم ... جانا هشام دوووم وأكل عشاكم ...

أبو عفان الرائع ...
أنت عارف هشام ده جيتو للرياض ما صدفة ساكت ؟؟ اسألني أنا واسأل معاي ود البشير ويأكد كلامي ده الوجيه ود الطاهر ؟؟!
وهو نفسو صرح قبل كده ؟؟؟ بتكلم معاكم بالجد يا أخوانا ؟؟؟

[abomazeen]

ونحن أصلوا ما حسسناهو بى بورتو(البرتغالي)

أبو عفان الرائع ...

ومن خلال معرفتي السابقة بهشام إنو بعيد عن كريستيان ورولاندو وفييري و الكورة و ..!
بس سمعت تحت تحت قال بحب ( البرتقالة ) !

وكلمة برتقالة تعني لفظ مأخوذ من مجموعة البرتقال ؟؟

يا ربي في وجه شبه ولا مجرد تصادف أسماء ..؟؟ أقصد مجرد تشابه ( الألون ) ؟؟

[GREY MAN]

اخونا هشام تستاهل اكتر من كده.

نقف لك احتراما....

[عثمان جلالة]

سلامات يا جلالة
اخباركم شنو
الزول يغيب منكم شوية يجي يلقى المنتدى كلو عرسان
وطيب وقت بتكرمو ناس هشام البايرين , ومنتدى العوانس ده ما يستحق التكريم والاشادة ولا شنو ؟

الرائعة سمر .... العود احمد ... فعلا كانت في موجه عامة من الغياب .... بخصوص منتدى العوانس ... في دراسه حالياً ... عشان نأهلهم .. ويصبح منتدى المتزوجات من الداخل .. رأيك شنو ... زي السلام من الداخل

[عثمان جلالة]

ده كله سويتوه انشاء يجيب مريسة تامزين


تخريمه
صاحبنا وقع فى شرك الحمام قريب بتسمعو خبر زين
يا جلاله الزول كراعه لسه ما نشفت خلوه ياخد نفس

عمنا الحبيب المحبوب ... سلام ... المحجوب سلام ... مريسة أم تامزين ما ظنيتو يجيبا ونحن برضو سمعنا بى وقعتو دي ... ربنا يجيب العواقب سليمه .. قالوا الضاق قرص الدبيب بخاف من جر الحبل .. وكان على الصبر ... بنصبر عليهو تب ... لكن فكرك الزمن بصبر ؟؟؟؟

[عثمان جلالة]

معقولة يا جلالة ماك عارف ..
هشام صاحب أعلى معدل مشاركة في المنتدى ..

بالعربي كده ..
يعني أول المنتدى ..

عشان قريبك ولا شنو ؟؟؟ الحبيب معتز ... والله هشام يستاهل الضبح ... خليها شهادة التكريم .... وهو الأول في حاجات كتيره .. إلا حاجه واحده بس ... أنا ما بقولها

[عثمان جلالة]

هو هشو محتاج عشان يشتتو ليهو السكر

تقصد شنو يا ود البشير ..... مالك دايرتجيب ليهو الهوا .... هو ناقص ....!!!!

[معتز الريح]

إلا حاجه واحده بس ... أنا ما بقولها

من ستر مسلماً ..

[عثمان جلالة]

أبو عفان الرائع ...

ومن خلال معرفتي السابقة بهشام إنو بعيد عن كريستيان ورولاندو وفييري و الكورة و ..!
بس سمعت تحت تحت قال بحب ( البرتقالة ) !

وكلمة برتقالة تعني لفظ مأخوذ من مجموعة البرتقال ؟؟

يا ربي في وجه شبه ولا مجرد تصادف أسماء ..؟؟ أقصد مجرد تشابه ( الألون ) ؟؟

الغريبة حبيبنا أبو مازن .... يوم الجمعة في الاستراحة كان البرتقال كتير بس هشام حلف بالتقطعو ما ياكل ولا واحده ...... يكون عشان وجه الشبه

[النور محمد يوسف]

جلالة .... هشام يستاهل الضبح!!!! أكيد قاصد الضبيحة... على العموم كرمنا هشام بمجيئه للرياض .... وبعدين سكر الحمام دا فات الاضنين .... اتحرك يا هشام .... وبيني وبينك كدا هشام يحسدونا عليهو ..... صحة وعقل وجيب بجيب

[نزار حسن محمد]

غايتو ..الناس ديل ما بى تتبلا فى ريقم بلحه ..خلى كمان برتقاله ...

[عثمان جلالة]

من ستر مسلماً ..

صاح يا ود الريح ستره الله في الدنيا والاخره ... لكن هشو دا انت ما شفتو قريب... يضاروه كيف .... بكون ظاهر

[عثمان جلالة]

اخونا هشام تستاهل اكتر من كده.

نقف لك احتراما....

فعلا هشام يستاهل ... قالوا الاول على مستوى المشاركات ... وشكرا لوقفتك احتراما ... ونقف نحن لك احتراما ... يا ايها الرجل الرمادي

[عثمان جلالة]

جلالة .... هشام يستاهل الضبح!!!! أكيد قاصد الضبيحة... على العموم كرمنا هشام بمجيئه للرياض .... وبعدين سكر الحمام دا فات الاضنين .... اتحرك يا هشام .... وبيني وبينك كدا هشام يحسدونا عليهو ..... صحة وعقل وجيب بجيب

دعواتك ي أبو محمد وهمتك معانا ... الزول ده كل ما ندفر فيهو لى قدام يرجع لى ورا

[عثمان جلالة]

غايتو ..الناس ديل ما بى تتبلا فى ريقم بلحه ..خلى كمان برتقاله ...

العزيز نزار ... هشام انا اتأكد ما بحب البرتقال ... لكن البلح ... ما عندي فكره .. لكن ديل ناس منو ديل

[samar_taha]

الرائعة سمر .... العود احمد ... فعلا كانت في موجه عامة من الغياب .... بخصوص منتدى العوانس ... في دراسه حالياً ... عشان نأهلهم .. ويصبح منتدى المتزوجات من الداخل .. رأيك شنو ... زي السلام من الداخل

يحيا سلام الداخل
والخارج كمان
والمملكة العربية السعودية برضو

[مختار بازى]

انا عااااااااااارف لكن ما بوريك

[moh_alnour]

انا عااااااااااارف لكن ما بوريك

عليك الله قول يا ود بازي
إنشاء الله في الرسايل الخاصة
والله خليتونا بره الشبكة
بقينا زي أريبا حدها الكريبة
بس الحاجة الأنا عارفا أنو أبو الهش
أشهر عزابي في المنتدى
ولا كيف يا جار