النتائج 1 إلى 25 من 27

الموضوع: دى حـــــــنـــــــــيـــة مابــــكــــــــاء

أدوات الموضوع
- مشاهدة صفحة طباعة الموضوع


	12-12-2007 02:50 AM #1 تباريح الهوى الملف الشخصي مشاهدة المشاركات عضو جديد Array تاريخ التسجيل Jul 2007 الدولة الخرطوم بحرى المشاركات 74 دى حـــــــنـــــــــيـــة مابــــكــــــــاء سلام عليكم الحبان صدق من قال الشوايقة حنينين وكضاب البقول عليهم بكاين وهم ناس ريادين بالحيل ريادين للوطن ريادين للنخيل والجروف والطين ريادين لصلة الرحم وريدتم دى ظاهرة في وشوشم وإشعارهم دحين تعالوا معاى وشوفوا الحننننننننننننننننننننية يا الشايل شمسك في جواك خليها تبين للناس تطلع يا النازع فرحة والدة هناك غير حس آهاتك ما بتسمع **** يا الناسي اللبقة المفتوحة دي بلاك طوريتك ما بتقرع المنجل في راس التمرة ناسيهو وامك ما بتطلع الكتقة وقعت والحملان في اللوبي بقت تجري وترتع والزير الفي بيت الضيفان حرمان لا نزّ ولا نقع ** يا السبت عقابك وروحت وحيات عز بلدك لا تنجع الشتلة تقولك لاتنجع الواطة تقولك لا تنجع الحوض الما رفعت سرابو ينادي يقولك لا تنجع الحبل الما تميت وسيرو يهاتي يقولك لا تنجع والنيل الفي واطاتنا ترع بيقولك ازرع ولا تنجع ** ماك فاكر يوم داير ترحل وابوك الحاج شايلو عصا لا حيلو وقف طقش الابريق اندفق سال فوق المصلاة قام بارى الحيطة واتوكل ويقوم فد مرة ومية يقع ويقولك يا المبروك ارجع ** ارجع ارجع يا زول ارجع غير ارضك عاد ما بتلقى بطاح شن داير في بلدا والناس ما فيهن حاس وما فيها صباح الليل الويل مليان اتراح الويل الليل مليان اتراح بياع بيقول افراح افراح زي البيقول تفاح تفاح ** مجلوبة الفرحة ومفروشة من ضحك الناس دايرين ارباح لو كان في ايدن ملك الكون كان لمّو عبير الزهر الفاح كان علمو نفس الزول العاش في سدر الليل داير يرتاح كان حجزوا الغيم في واطاتو وكان آمسكين باعو الارواح ** وين تلقى الفرحة وتتهنى في دارا ضيقي ومافي براح جم ناسا من عين العطشان تخطف ومضات البرق اللاح ** سايب اهلك ونخلك راحل قول وين ماشي وين آ صاح الشمس النايري ابت تطلع النيل يا زول اصبح رحراح الضل قصر ما غتى رويس ولدا ساكب عرق الكتاح الواطة ابت تديك الخير ولا انت عليك ما هابي رياح ** قولي وين ماشي ووين غاشي ولي شن سايب بلد الصلاح النسمة ان جاتك بتجيك ملياني عبير عند الفياح الموية ان داير تلقاها نقاعا واطيب من الراح ان درت نغيم الموج تلقى وان درت كمان الطير صداح **** ارجع ارجع يا وزل ارجع الضحكة هناك من جوة الجوف الفرحة هناك ما فيها الخوف الشقى ارحم في ضل النيم وبعيد من ناسا واقفة صفوف جم ناس حبان تلقى المكسور مشيول في كتاف واحد مكفوف الجن الاحمر فاقد الحيل في خلوة حاج الخير مكتوف دكان الشيخ فوق الواطة كيمان كيمان ما فيهو رفوف وهاكم دى كمان هي .. أقيفن .. نورة فيكن نورة نقاحة الحروف .. نورة حلابة اللبيني .. للصغيرين والضيوف نورة ساعة الحر يولع .. تنقلب نسمة وتطوف تدي للجيعان لقيمة وتدي للعطشان جغيمة والمخلي الحال مصنقر .. في تقاة الليل تندقر .. تدي لي باكر بسيمة تكسي للماشين عرايا وفوقا إنقطع هديما ما عرفتن نورة إنتن .. قولن إنتن شن عرفتن نورة بت الواطة أخيتي .. نورة اخت كل الغلابة نورة حاحاية الشقاوة .. نورة هداية الضهابة الاراضي الياما أدت .. نورة بقت من ترابا وماشي في الأعماق سحابا مشتهنها .. والله جابا للجنوب طبلاً يهدهد .. لي مشاعر ناس تعابة وللشمال طنبور يسكت .. دمعة الميتين كآبة ما عرفتن نورة إنتن .. قولن إنتن شن عرفتن نورة عايز تقرأ قالت فوقا حيطة الدنيا مالت ختت الكراس وشالت منجلاً صالت به جالت لامن إنجرحت به شالت للتراب فوق إيدا كالت ومرة يوم في الدونكا لدغت جاء الفقير بالليل حواها ويوم ملاها الهم قطايع .. جاء البصير بالنار كواها ونورة ما قدرت تمانع .. تقنع الناس المعاها ومرة شافت في رؤاها طيرة تاكل في جناها حيطة تنمغى وتفلع .. في قفا الزول البناها في جنينة سيدي سمعت .. تمرة تصقع للوراها الأرض لابد ترجع للتعب فوقا ورعاها شافت النيل موجو لاها الخليقة بقت إلاها الشمس طبقت ضحاها نار عقاب إنساب مكسر .. فوق تكليات متاهة وضو من الله .. رهاب مكتف في وتيد الليل معاها بين حضر بلدا وخلاها فسرت للناس رؤاها وقالوا جنت ومو براها ونورة زادت فوق شقاها وصدت الأيام تخش تبني لي عصفورة عش في السواقي تشوف عزاها لما شوقا يسوي .. وش تسقي تزرع تسعى تصنع للنهار في الليل تخش عرفت الشقا والشقاوة إلا ما عرفت تغش شايلة طولة البال من الله .. ومن أراضينا الإثارة وماشي تكدح طول نهارا وترجى لما الليل يفلل .. تسرق ألمي عشان خدارا عشان صغارا ولما ترجع لي ديارا تنزف أحلام الفقارى من عويناتا الحيارى لي غبار الحال تقش فوقو للآمال ترش نورة تقعد صاحي تحلم .. بي بيوت بي نور ودش وبالمحبة تشق دروبا .. ولي قلوب الكل تخش نورة تحلم بي وجود ما مشت بينو القيود أفضل أفضل بي كتير .. بي وطن من غير حدود نورة تحلم بي عوالم زي رؤى الأطفال حوالم لا درادر .. لا عساكر .. لا مظاليم لا مظالم نورة تحلم .. ولما تحلم نورة ترجف ولما ترجف نورة تحلم .. ولما ريح الواقع المر .. لي عشيش أحلاما ينسف نورة تنزف ولما تنزف بالا يهتف .. يوم حا تنصف يوم حاتنصف وتبدأ تحلم .. ولما تحلم نورة ترجف ولما ترجف نورة تحلم صاحي تحلم.. وصاح بتحلم صاح بتحلم وما خفي كان أعظم بحيكم تأنى راجعة بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي رد مع اقتباس


	12-12-2007 03:29 AM #2 Madanawi الملف الشخصي مشاهدة المشاركات فخر المنتديات Array تاريخ التسجيل Sep 2006 الدولة مدني المشاركات 3,544 بالجد الشوايقة يمتازون بالكلام الحنين والعذب كما لهم باع طويل في وصف الشوق للعودة لارضهم ونخلهم وديارهم .. والأم لها نصيب الأسد دائما في كلماتهم .. فهي رمز الحنية والحنين،، إيه الدنــيا غيــــــر * لمة نــــــــاس في خيــــــر * أو ســـاعة حـــزن رد مع اقتباس


	12-12-2007 03:44 AM #3 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 التحية للشوايقه .. وحنيتهم المرهفة الصادقه ووصفهم السريالي لمشاعرهم ... وأحاسيسهم فهم مسكونون بحنين دائم للأرض والزراعة ..... والأم محور كل الحنان والشوق ... رغم انهم أكثر غربه من الآخرين ... طبعا يسبقهم المحس والدناقله ... في القدره على التغرب لمدة طويلة ... لكن الشوايقه اصدق في ترجمة هذه الغربة إلى إبداع بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس


	12-12-2007 03:18 PM #4 moh_alnour الملف الشخصي مشاهدة المشاركات فخر المنتديات Array تاريخ التسجيل Aug 2007 الدولة جدة - السعودية المشاركات 7,687 وكتين يضيع عرق الجباه الشم شمار في مرقة أه يا نوره أه تخريمة : قالوا الدين حلل للراجل أربعة جعلية للإكرام ودنقلاوية للنظام وجنوبية للسلام وشايقية تمامة عدد وتقبل مروري يا تباريح الهوى فكل أصدقائي من السناجك وحقاً الشوايقة مبدعين إننا نحب الورد رغم الأشواك التي تعانقه وهكذا الحياة abu ze yazan جزيرة الفيل الأصالة و العراقة رد مع اقتباس


	12-12-2007 10:11 PM #5 تباريح الهوى الملف الشخصي مشاهدة المشاركات عضو جديد Array تاريخ التسجيل Jul 2007 الدولة الخرطوم بحرى المشاركات 74 الاخ مندناوى تسلم على المرور والام اينما كانت لها نصيب الاسد ودى هدية ليك من الشوايقة تصف قلب الام الزمن مهما كان عنيف شكل افعالو وطوره برضو ننسأ سواتو ونقول قسمة والله مقدره كل يوم يغمرن بفن قصة مختلفة مغايرة انا مابحكى عن افعالو لى بس مئات ماداير احصره عاش منعم بين والدين ريدته فيهم متفجره شب بين والد كم عطوف وبحنان والده ممطرأ لف دار دولاب الزمن والقدر يتم ميسره مات ابوه الكان حنين خلأ للام ورثت الهم والنحيب ممطرة خلأ لشاب ارملة يادوب زهره منورة لسة فى ريعان الشباب حلوة مريوده واثره قررت تتحزم تقيف جنب وليده تكون متصدره تفدى فقد ابوه تبقى يا الراجل والمراه رغم قوة الهم والنكد مهدتلو الطريق قرأ رغم انو زمانا قاسى كان بتقعدلو مذاكره كان بتحلم بوليده يبقى كان كابتن طائره ولا يصبح باشمهندس ولايتخرج دكتره الوليد صبح كبير وفات يادوب العاشرة والزمن غير كل شى الا والدتو مو غيرأ زادت فى نظر الكل سماح وفى عيون الناس كبرا صارت انموزج يحتزأ وللخلوق صبحت مفخره فى يوم الحلة جاطت وقالوا سعيد دايره كان سعيد راجل مهذب ويملك الجاه والسيطرة فى البلد معروف راجل وبرضو حالتو ميسره قام طلب ايد ام الوليد ونية صافية لبن طاهرة قال يكون لها راجل امين ويبقأ والد لميسره حست انها امام امتحان قاسى بين اثنين خيره خت الشافع امام ومغريات الكون بوراء بين وليده الفارق كبير وبين قروش وحلى واسوره رفضت الفكره وبادب رسلتلو جواب معزرة وردت انها داب الوليد فى العرس ماها مفكره قام سعيد نادا الشويفع ورغبوو قالو واغراءه جب لى قلب امك ياوليد ولينا طلباتك آمره كان طلبت الشئ المستحيل يبقأ ممكن فى شان خاطره كم فرح وانبسط ميسره ولى ديارم فرحان جرى فتحت امو احضانا راجية .... فتحت امو احضان راجية .... فتحت امه احضانه راجية فى شان تضمو ويروق خاطره وبين ضلوع امو الحنينى غزأ السكين لى اخره ماتت ماتت ماتت الام جنب وليده وفوق دموم سالت طاهره انتزع قلب امو عجلان لمحل ريدتو مؤكرة شال قليبه بين ايده زود السرعة وكتر ومن كتر سرعتو قام وقع وماعرف حاجه ومادره غير سمع قلب امو ينضم وفيهو كم انات عاصرة بكلام اشبه بالبكاء ومن حلق سادهو عبره ياوليدى نعل من ضرب بدموعك متاثرة كان كلام امو تيار فى دواخل الوجدان سرى رغم انو يفيض محنى ضاق طعم كلامتو مره حس انو فعل جريمى مستحيل تلقأ المغفرة سل السكين داير يموت وفى وسط قلبو يوكره اليموت كان يرضى الضمير اويبقأ لذيو عبره الاتانى ... الاتانى ... تانى تانى قليبا ناداه رجع السكين لى وارء لاتكتل قلب امك مرتين كفاية مره واحدة ياجنايا بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي رد مع اقتباس


	12-12-2007 10:18 PM #6 تباريح الهوى الملف الشخصي مشاهدة المشاركات عضو جديد Array تاريخ التسجيل Jul 2007 الدولة الخرطوم بحرى المشاركات 74 عثمان يارائع لك كل الود والشوايقة الغربة صعبة عندهم واسمع دى معذرة.. لو معاك منى الكلام حـــــره .. معليش الخطاب كاتباهــــــو مضطرة حـــــــــــرام والله مننـــا إنت تتبرا .. خمسة سنين تفوت تجى فيها فد مرة وراك أنا كم شقيت وعشت فى مرة .. وتعبـــت مع البطان الهم للعيون غرة بيخاف الغرق الغاص ورا درة .. قالو أدب الصغار والعقــــدة من خدرة حليلى أنا الزمن ضى فاطرى ما انفر .. وخمسة سنين غياب مابتحملن حرة أنا الحاضنة العذاب وآمالى محتضرة.. وإنت الفى النعيم ما خات حساب بكرة مسكينة التقول فى الإغتراب سترة .. وتتناسى القروش فى يوم تكون ضرة حليل زمنك وكت عايشنا بالأُجــرة .. يا ريــــت لا عرفـــــــت ولا مرق برة ********** الكاتما فى جواى كتير متملك الجوف والعصـب.... وما كت دايرة أقولو ليـك لكن لسان الحال غلـب ما بنسى يـوم ودعتـنا وسافـرت فى غـرة رجـب. ...خلـيت وراك الـدار حـزين يتباكـا والدمع انسكـب أعذرنى والله العظيـم لو ما الضـرورة أنا ما كـتب.... وأنا خايفـة فى بعـدك يكون الضاع هو ضعف المكتسـب اليومـة داك ناس البلـــد هنونى شايقيــــــى وعرب.... قالو لى مبروك خير وجاك يكتب سلامــــتو الإغــترب قالو لى دوب نجم السعد طلاكى من بعـــــد إحتجــب.... يا دوبا بالك يستريح وتنسى العـــــــذابات والتعــــب فضّلت أحسب فى الشهور قاعدالى فوق نيران لهــب.... صابرة وحريصة على العيال لا بيقو للريح فى المهـب سديت خانتك مــن مشيت قايمـابو واجبــــى كأم وأب....والأســــرة يضنيها المسير .. وتتهاوى لو ما فيها رب والله ما بنــــكر جميلك برضـــــــــو لينا ثناك وجب.... موكب هداياك ما انقطع .. كان سترة فى الزمـن الصعب لابسين وماكلين والنعيم كايلنا فى يوم ما نضب .....وعايشين معيشــــــــــــة المترفين .. طولنا والطبع إتخرب البيت مفرش بالحرير ومليانة إيدى بالدهب.... لكن خسارة على محل .. عاش سيدو خمســــــــــة سنين عزب الشى المهم ما قلتو ليك وليهو إنت ما ظنيت حسب.... كبرو الصغيرونين خلاص .. خايفالم الطبــــــــــع الكعب وصولوها مرحلة الخطر .. والأمن ما زال مستتب.... وانا كتّ قادراهم زمان لكـــــــــــــن بعد كبــــــرو اتغلب حصلنى قبل الجد يفوت .. دوبنهم فوق العتب.... قبال نحصـــــــــــــــد الخير ندم .. ومابيجدى كان لمت وعتب خايفالم الطيش فى الدروس .. ومابرضى لو واحد رسب.... خوفنى المتعبنى الكبيـــــــــر بعدين يمرقو بلا أدب وريتك الحاصل على لا فيهو ثورة ولا غضب ....شان الحديث مايبقى نى .. والواحــــــــــــــــــة يكتنفا الجدب أنا قلبى مازال لسة حى .. ونجمو الملاهج ماغرب..... وآخر كلامى ترد على .. لا أبقة بكـــــــــــــرة أنا السبب ما كنت دايــــرة اقولو ليك .. لكن لسان الحال غلب بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي رد مع اقتباس


	12-12-2007 10:25 PM #7 تباريح الهوى الملف الشخصي مشاهدة المشاركات عضو جديد Array تاريخ التسجيل Jul 2007 الدولة الخرطوم بحرى المشاركات 74 الرائع mohalnour تسلم قلت لى الشايقة تمامة عدد كدى اسمع دى سامحني واصفح ياحبيب ساقوني منك بالغصب ندمانة ليه سبتك براك تتباكى في نص الدرب طمني حالك انت كيف والبي همه ماصعب انا اصلي زول احساس ومات من بدري معتاد الضرب كم مرة شانك يامناي من حنضل الالام شرب من خشمي تتقاطر دماي لو ينطق اسمك بالكضب نفوني من نص الديار يوم عرفوا اني ليك بحب لكن كل مازاد بعادي لقيته شخصك لي قرب سجنوني بين اربع حيط زربوني من جيهتك زرب لكني شايفك كل يوم هل طيف خيالك يحتجب طالوني باليد واللسان مافي شيتن ماسلب غير حبك الماقدروا يوم يصلوه ماساكن القلب واغرب شىء اني انا بي وراك بنزل واتهان وانضرب لكني في لحظة لقاك بنساه زي الكان لعب وريتم اني انا لي حبيب لو خنته بشعر بالذنب ساقيني راويني المحبة ومن حنانه كمان شرب ياخوية زي ريدك وليداك وبرضي للمريود بحب والله لو حاس بالعلي مابترضى بيتنا يتخرب زي مابتدورلهم السمح لي برضوا خير الدنيا حب لكني القى الدايره وين متن ناس معين خيرن نضب من شيلة زي شيلة الملح باعوني في السوق بالجلب وماراعو لي امي الدوام تتباكى شاني وتحتجب باريتني زول بالجتي بس بارنك الروح والقلب انا قلبي لو فارق ضراك ماظنه من بعدك يحب متحمل الام براي شايل الهموم مابتتحسب ومالقيته زول حس العلي قاسمني همي معاي تعب عرفت صح الم الضرب مابحسه زول غير الضرب الغربة كيف وعذابه ما مابيدرى الا المغترب فوضت لي الله الامر وكتين من التحنيس غلب مظلومة والمظلوم دعوته من الاله مابتتحجب بكتب لك هسع يالحبيب مصبر وماسك القلم بكتب لك هسع والقليب مجروح يعاني من الالم مكتوبي من شهر العسل شهرالمرض شهر السجم ملفوفة بي كفن الزفاف والحنة في ايدي دم مرقت من سجن الطغاة وقعت في الذل والوهم قبلت بالواقع المرير امنت بي امر القسم قبلت بالدايرنوا لي كم قبلي مظلوم انظلم ويئست من عيشة عذاب راماني في زول مارحم انسانة صرت بلا طموح بلا مبادى بلا قيم قنعت من الرحمة تب بس فيك ماتقطع العشم ولازلت ياك ماسك القليب رغم انه امرنا انحسم ولازلت بفخر بيك واقول انت الحبيب في كل ملم ولازلت بي اسمك بصيح لو حتى ساكت اتهجم وبقوله قدام اي زول ماخايفة اصو الموت حكم واخر رسالتي بطمنك ارجوك ماتشيلي هم خليك في عهددك معاي ارجاني ماتفوت بالسام تقول في جواك فرح بلسم تداويبه الالم زي حفظي ليك بين الضلوع انت وقليبي انا جم جم اخواني فيهم يفرحوا انا جرحي لسع مالتئم يمكن ضميرم يوم يحس ويعرفو اني ان انظلم ويعودوا شان يبنو الوقع كيفن بيبنه الانهدم ديل ناس هوايتم الظنون ديل خلوا عيشتي بلا طعم وماسوو بي حكم العقل مابيندم اليه احتكم الناس بتنقاس بالعقول مابلجلاليب والعمم وانا ماسكي في حبل الصبر في الله املنا ماتعدم×?° بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي رد مع اقتباس


	13-12-2007 03:33 PM #8 moh_alnour الملف الشخصي مشاهدة المشاركات فخر المنتديات Array تاريخ التسجيل Aug 2007 الدولة جدة - السعودية المشاركات 7,687 المشاركة الأصلية كتبت بواسطة تباريح الهوى الغربة كيف وعذابه ما مابيدرى الا المغترب الأخ : تباريح الهوى عهدناك تسطر الحروف المموسقة والجميلة عبر هذا المنتدى وعندها لا نجد ما نقول إلا ( لسان الشوايقة ) غلب التحية لك وعلى حضورك الأنيق ودمت لنا بألف خير وعافية إننا نحب الورد رغم الأشواك التي تعانقه وهكذا الحياة abu ze yazan جزيرة الفيل الأصالة و العراقة رد مع اقتباس


	13-12-2007 04:40 PM #9 المكاشفى الملف الشخصي مشاهدة المشاركات عضو فضي Array تاريخ التسجيل Oct 2006 الدولة الزهراء - طابت الشيخ عبدالمحمود المشاركات 2,522 التباريح تسلمى على التحف كشه الدولى - حبيب الكل رد مع اقتباس


	14-12-2007 11:43 PM #10 تباريح الهوى الملف الشخصي مشاهدة المشاركات عضو جديد Array تاريخ التسجيل Jul 2007 الدولة الخرطوم بحرى المشاركات 74 المكاشفى تسلم يارائع ليك اجمل تحفة من اغانى الشوايقة شجيرة الأرااااك!! ياقمر عشرة الفي سماك.. شاغلة روحي.. وقلبي المعاك.. وين لقيتك !! لامن آباااااك .. القمر بوبا عليك تقيل.. بوبا عليك تقيل.. يا قمر بوبااااا .. عليك تقيل الجزيرة ام بحرا حمى .. فيك روحي.. وحبي النما مابسيبها ان بقا في السما.. ما بخلي الناس تظلمها روحي في دربك سايمها يا غرقت !! يا جيت حازمها.. القمر بوبا عليك تقيل الصغيرون الما كبير.. الرقيبة قزازة عصير.. العيون متل الفناجين السنون براقن يشير.. مابتحش.. قشة تناقير مابتشيل.. جردل على الزير الزراق فوقها تقول حرير.. شتتي الشبال.. يا ام ضمير خلي قلوب الصبيااااان.. تطير !! انتي ريحتك دمور فرير ولا.. بت السودان اصيل.. القمر بوبا عليك تقيل.. القديمها قديم الحمام الوزيزين في موجو عام يا ما رايقة قليلة كلام وآآآآ حلاتها!! تقول السلام.. يااااا القمر.. بوبا عليك تقيل.. الديوان الديمة مقشوش.. بالزهور.. والورد معروش بالحرير الأصلي ..مفروش ريحتو مايقوما بلا رتوش.. كان دا وصفو.. ماهو مغشوش قدروا ..الساكننو في الحوش!! القمر بوبا عليك تقيل بحر الدميرة العب ونزل.. مرة يسقي الفل والنخل فيهو عام وزينا وقدل.. يانى أنا.. البيك عقلي انشغل.. بعت روحي عشان ليك اصل وانت ابعد لي ..من زحل!! يا قمر بوبا عليك تقيل.. الغزال الفوق في السلم.. المحبة تذيدى الألم!! كل يوم اصبح لي في هم سيسبان.. عودك منظم شمعدان نفسك يا أم ختم البرتكااااان .. يا قمر بوبا عليك تقيل!! المبااااارك ..شيخ الظهر العليك.. ساسكت و فترت.. قلى جنيت!! ولا دسترت ?? اي.. أنا المرضان مكنتر.. جابولي حكيم.. خير وشر قال لى.. يااااا زول !!!! مرضك كتر.. سببك ام شلاخا خضر القمر بوبا عليك تقيل.. الصغيرون ام الجنى .. ياكريم ربي تسلمها.. تبعد الشر من حلتها.. جنة للأم الولدتها.. الفي جبل عرفات.. وضعتها تسلم البطن الجابتها دي ترباية حبوبتها التميرة الفي سبيطتها.. الصفار صابغ خضرتها.. معزورة امها كان دستها وآآآآ هلاكي ..الناس شافتها.. معزباني.. انا ود حلتها.. القمر بوبا عليك تقيل الدفيفيق الدابو .. ني البسيمتو تكويني.. كي!! اهلو ضنوا عليهو.. وعلي.. حبك النسااااانى والدى.. ما بخليك.. ان بقيت حي.. يا قصيبة السكر الني.. ووووب على أمك.. .. و وبين علي.. ياا قمر بوبا.. عليك تقيل العيون الما.. بدمعن.. نامن.. أو صاحيات يبرقن لا بصيدن.. لا يعتقن.. سرهن في الجوف يحرقن.. كشفن رموشن أو غمضن.. كلووووو.. موت!! مااااا .. تقول يرحمن!!!! القمر بوبا عليك تقيل.. بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي رد مع اقتباس


	15-12-2007 01:39 PM #11 moh_alnour الملف الشخصي مشاهدة المشاركات فخر المنتديات Array تاريخ التسجيل Aug 2007 الدولة جدة - السعودية المشاركات 7,687 تباريح الهوى يشهد الله أنني وإلى الأن لا أدري هل أنت ولد أم بنت فقد كنت دائماً أخاطبك وأقول الأخ : تباريح الهوى ولكن عندما قرأت تعليق الأخ مكاشفي أنتبهت للأمر فأرجو المعذرة ولك العتبى حتى ترضي وشكراً كثيراً على رائعة الفنان القامة : محمد وردي وفي إنتظار المزيد منكم ودمتم لنا بالمنتدى همسة تبقى سيرتك هي الكلام وتبقى صورتك هي الرؤى الحلوة البعيشا في صحوتي أو حتى في عز المنام يبقى أسمك هو الغنا هو البخفف لي عذابات الضنا الشوفتو منك يا منى الروح يا أنا وصفو بصعب يا جميل بعدت عنك ولما طال بي النوى بقى لي أسيبك مستحيل إننا نحب الورد رغم الأشواك التي تعانقه وهكذا الحياة abu ze yazan جزيرة الفيل الأصالة و العراقة رد مع اقتباس


	16-12-2007 01:11 AM #12 تباريح الهوى الملف الشخصي مشاهدة المشاركات عضو جديد Array تاريخ التسجيل Jul 2007 الدولة الخرطوم بحرى المشاركات 74 مرحب mohalnour ونحن قلبنا ابيض ومابنزعل وليك هدية عـــافــيـــة مــنــك وراضــيــة عنــك سـو رضايـا ومـــا بـيــخــــيـــــب الـرضــا والـدتــو يـا جــنـايـا أنت مـن يـا دوب صـغــيـــر مـن زمان دايماً مـعايا أنــت ديـمـه أمـامـي سـايـــر مـا بخـليـك بـي قـفايـا ما بتغيب من عيني لحــظـة ولا حصـل سبتك ورايا لا من الله يشيـل أمانتوا أنا بـبـقي خاصاك بالرعـاية ليَ يــرعــاك الـبـيـــرعـي لـيَ بـيــك يبـــرد حشايـا أصــلـك أنــت هـديــه مـنـو والله بـيـك أجزل عطايا جيـتــنـي واحـد مـالـيهو تــانى رحمـه في آخر صبايا قـبــل مــا أفــقــد قــدرتـي وقـبــل مـا تنـهـار قـوايـا جيـتـنـي ذي بــدر منـور وفجـأة طلـيــت فـي سمـايا انـت لــمـا خـلاص كـبـرتـا دار تسيبني أعيش برايا دار تـفـارقـني وتـهلجر والـحــزن يصـبــح جـزايا كيف يـهـون لك تحـزن أمـك شـان تحـقـق ليـك غاية كان مسـافـر شـان عـلاجي بـلـقي في شـوفتـك دوايا وكان عشـان تـســقـيــنـا مالك نحـن بي حنـك روايا كان عشـان كــرعــيــنـا راحـل نحن بي بـعدك حفايا كان مهاجـر شــان تـعـرس خـيـر أبـوك مالي التكايا خـيـرو وافـر أبــوك يحـمـدوا مراحو مليـان بالسعايا وبالـقروش الجـيــب مـجكن ولسه برضو الجايا جايا بـرضـي مــنــك مـا بـقـصـر بـحـفــر أديـــك المعـايا كــان ده كـلــو كـمــان شُـويّ بـتلقي في دهبي الكفايا أصـلـي مـن ســويـتــو نــاذرا يبـقـي لــي أيـام قسـايا داخرة للــزمــن البـعــانـد لـي سعــادتــك يــا عشـايا أنـت مـن شبـيـت صـغـيــر راسـي مـا بتحتاج وصايا مـا حـصـل خيـبـتــا ظـني ولا فشــل فيـك زين غنـايا لا تسـيـب أمــك تـهـاجــر يـمـه محـتـــاجــي الحـمايا لا تسـيـبـني وراك تـرحـل إنـت يـاك ضُـلـي وضرايا أنـت فـوق الـحـوبــة مـقـنــع إنـت للـمـكشـوف غطايا دايري مـنـك تـبــقـي جنـبي . جنبي في فـرحي وبلايا دايـري كـان قحـيـت اتـبـنـك ارفـع اقـســمـلـك غـتـايا أنت سـاعـة تـبـقي جنـبـي تـبـقـي ضُـلــي وتـوب قفايا ومـا بخــاف ظـلـم الـلــيــالي وأنـت يــاك عكاز عمايا دايـري أقـضـي عـمـيـري جنـبـك أصـلو قارب للنهايا خـايـفـي كـان ســافرتـا ترجع تلقي فـاضي البيت بلايا حـيـنــا مـا بتـنـفـع قـروشـك وما تجـيــب لك أم سـوايا مـاني عــارفـي سـبــب رحـيلك يـا وليدي شنو الحكاية إلا تبـقي بـــراك شــايـف فـي فــــراق الــوالــدة غـايـه ما بعاتبك وما بلومك لو رحلت بلـقي في الأمثال عذايا عـلـي حـجــر دايـمـاً قليـبـك وقليـبـي كـله عليـك جنـايا بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي رد مع اقتباس


	16-12-2007 01:49 PM #13 moh_alnour الملف الشخصي مشاهدة المشاركات فخر المنتديات Array تاريخ التسجيل Aug 2007 الدولة جدة - السعودية المشاركات 7,687 تسلمي يا تباريح الهوى مثل هذه الروائع هي التي جعلتنا نلتفت إلى غناء الشوايقة التحية للعمالقة النعام أدم وصديق أحمد ومحمد جبارة وعبد الرحيم البركل وعبد الرحيم أرقي وجعفر السقيد وخالد الصحافة وبقية الكوكبة الجميلة وفي إنتظار المزيد منكم تخريمة : باين عليك شايقية سيوبر عشان كدا قلبك أبيض إننا نحب الورد رغم الأشواك التي تعانقه وهكذا الحياة abu ze yazan جزيرة الفيل الأصالة و العراقة رد مع اقتباس


	17-12-2007 12:57 AM #14 تباريح الهوى الملف الشخصي مشاهدة المشاركات عضو جديد Array تاريخ التسجيل Jul 2007 الدولة الخرطوم بحرى المشاركات 74 mohalnour ايديك العافية عشان تعرف قلبنا كيف ابيض وريادين بالحيل اسمع البكية دى كيف عاد العيون مابتبكي ما دام في الحزن غرقانى وكيف أقدر أوقف سيلة ولومك يامناي أعياني الحزن الحزنته عليك ما ظنيت تعيدو أغاني وحبك قدر ما أسعدني يا أحلام صباي بكاني أياما قضيته معاكي ما ظنيت يعيدة زماني ما ظنيته ربوع البادية تبسم والبلاد محلاني انت يامولد هواي العذري وينك أنت من أحزاني والله خلاص بعد فرقتنا كل واحد يلوم التاني أوعك من تصدقي أنو بعدك أصلو ما هماني والله طيفك يا بهية الطلعة لا خليتو لا خلاني الناس قالوا لي الغالية في شكواك دوام لا يماني وماك عارفه العذاب العايش و لخبت يا مناي كياني بعدك ما قدرته اطيقو ا يا نور عيني حتي ثواني من فتيني يا محبوبة ضايق بي سوداني غايتوا عزاي في دنياي طيفك ما نسي ونساني زادي انا لي عميري الباقي انك يامناي طاراني التعديل الأخير تم بواسطة تباريح الهوى ; 17-12-2007 الساعة 12:58 AM سبب آخر: كلمة خطا بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي رد مع اقتباس


	17-12-2007 02:52 AM #15 moh_alnour الملف الشخصي مشاهدة المشاركات فخر المنتديات Array تاريخ التسجيل Aug 2007 الدولة جدة - السعودية المشاركات 7,687 صدقنا وأمنا أنكم ريادين أما قلوبكم بيضاء دي فيها قولان عند أهل السودان والراجح أن الشوايقة ........ إننا نحب الورد رغم الأشواك التي تعانقه وهكذا الحياة abu ze yazan جزيرة الفيل الأصالة و العراقة رد مع اقتباس


	17-12-2007 02:57 AM #16 تباريح الهوى الملف الشخصي مشاهدة المشاركات عضو جديد Array تاريخ التسجيل Jul 2007 الدولة الخرطوم بحرى المشاركات 74 لو كنت مقتنع بالبقولو كان تميتا تسلم بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي رد مع اقتباس


	17-12-2007 03:03 AM #17 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 يا تباريح الهوى ... شكرا ... فيضا كما النيل الأزرق على قصيدة (القمر بوبا عليك تقيل) وكل سنة وانت طيبة وكل اهلنا الشايقية ... وكل سوداني بدون قبيلة أو لون أو ثقافة أو دين بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس


	17-12-2007 03:20 AM #18 تباريح الهوى الملف الشخصي مشاهدة المشاركات عضو جديد Array تاريخ التسجيل Jul 2007 الدولة الخرطوم بحرى المشاركات 74 عثمان عيد مبارك علينا عليكم كل سنة طيبين طيبين وعساكم من عواده بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي رد مع اقتباس


	17-12-2007 11:05 PM #19 المكاشفى الملف الشخصي مشاهدة المشاركات عضو فضي Array تاريخ التسجيل Oct 2006 الدولة الزهراء - طابت الشيخ عبدالمحمود المشاركات 2,522 تبروحه عيد مبارك عليك اها بعد ده كلوا ومابكى؟؟؟؟؟ كشه الدولى - حبيب الكل رد مع اقتباس


	19-12-2007 01:20 PM #20 ناصر عمر دبيب الملف الشخصي مشاهدة المشاركات فخر المنتديات Array تاريخ التسجيل Dec 2006 الدولة مدني ودزراق المشاركات 3,752 بالجد الشوايقة يمتازون بالكلام الحنين والعذب مدني في حدقات عيوني اصلي لمن ادور اجيك بجيك لابتعجزني المسافه لابقيف بيناتنا عارض لا الزمان بمسك بايدي ولامن الايام مخافه ...يامدني *ناصر دبيب* naserdabeeb@hotmail.com www.wadmadani.com رد مع اقتباس


	19-12-2007 01:36 PM #21 moh_alnour الملف الشخصي مشاهدة المشاركات فخر المنتديات Array تاريخ التسجيل Aug 2007 الدولة جدة - السعودية المشاركات 7,687 المشاركة الأصلية كتبت بواسطة ناصر عمر دبيب بالجد الشوايقة يمتازون بالكلام الحنين والعذب وحاجات تانية حامياني إننا نحب الورد رغم الأشواك التي تعانقه وهكذا الحياة abu ze yazan جزيرة الفيل الأصالة و العراقة رد مع اقتباس


	19-12-2007 02:11 PM #22 ناصر عمر دبيب الملف الشخصي مشاهدة المشاركات فخر المنتديات Array تاريخ التسجيل Dec 2006 الدولة مدني ودزراق المشاركات 3,752 المشاركة الأصلية كتبت بواسطة mohalnour وحاجات تانية حامياني ههههههههههههههههه لكن ياود الجاك شوية شوية مدني في حدقات عيوني اصلي لمن ادور اجيك بجيك لابتعجزني المسافه لابقيف بيناتنا عارض لا الزمان بمسك بايدي ولامن الايام مخافه ...يامدني *ناصر دبيب* naserdabeeb@hotmail.com www.wadmadani.com رد مع اقتباس


	27-12-2007 02:46 AM #23 تباريح الهوى الملف الشخصي مشاهدة المشاركات عضو جديد Array تاريخ التسجيل Jul 2007 الدولة الخرطوم بحرى المشاركات 74 المكاشفى وانت طيب وربنا يحقق امانيك والله مابكاء قلنا حنيه كدى شوف ده كلام ناس بكاية أنا أخو البت اللكعت قرن الخمرة النازة على وردان الصبوة الراكزة الجنيات الهازة .. صدورن لازة ورقّ النص زي خيت الشلة بالحيل آ جني إيه والله الجنيات الحزمو الجبة وعرق الشتوي عليهم نايا و صب قول ما دل .. رجالا حصدوا الحبة عيشهن هادو انكال واتعبّ ومنو كتير في الواطا انكبّ وباقي مصوبر واقف قبة الحمد آلاف .. الشكر آلاف الحمد آلاف الشكر آلاف العيش الرقد أصناف أصناف الولد الكال.. عزام .. حلاف...ضياف الرزق الجانا مدلة.. الحلق الجاف اتبلة بالحيل آ جني إيه والله الوادي الجانا مترقن مدّ جناحو الطايل شرقا وغربا القبلي بروقو على القلعات يضّربن الدكن البعدن قربن فوق صنقور المحلة الطالت كبن قول للمحلة بيوتك خربن قول ما دلة.. الحلف الجاف اتبلّ بالحيل آ جني إيه والله مرحاتنا شرابهن يوت ماغبن شبعانات في الشقل أب شوك ما شبن الحمل ولدن وربن حلماتن تقلن.. جرّن.. فوق سيقانن كبن اللبن العاتم في ضرعاتن جبّن المغصة إن كان ضرعاتن خربن القرعة آ وليد .. السعن آ بنية القربة كمان... كبوها المية المغصة إن كان ضرعاتن خربن شوفو النعمة السالت فوق قيزان الرملة ناس البندر لبن الشاي بالعملة سمح الخمج الفوق أسيادو سمح العز المن أجدادو الجنيات المشو ما عادو كان بالردة أكان اتنادو غرب حامد وشرق بلة كانوا بحلبو الضرع الدلة كانوا بحضرو الخير القدحو معلا الجنيات ما كفرت بنعمة الله بالحيل آ جني إيه والله ذات في يوم والغيمة تهتّف مطرا نقّع فوق نوار الطلح الفقع ريحة البرد إن جاتك عطرا فايت خمر الفوق أردافا مجضع شفنا الوادي يقشقش في دمعات الليل والتعل الشايل بدا يتفقع تلب حامد فوق مخلوفة أب زور واتربع طلق الرسن أب زمة وسوّا خبيبا بدّع هوّد في رقّاب الصي لا قوه ثلاثة زبيدية خالفين سيقانن فوق السنكيت ورقاب ألبل بيناتن مرخية محجوبات بالخرز الفصلو السوميت كل واحد درقة وسيف وطبنجية وباقي جرابن مليان دلميت الجنيات اتقبلو وضاقو الحارة وضاقو المرة وكان حجازن صقر الجو حامد كان عارفين ضاقوه رجال قبالكن شوفو أرزاقكم أخير من ضو حامد عوج الطندب آ وليدات عوج الطندب نار القصب الهبلت ما بتعدلو شوفو شلوخو تلاتة مطارق رقدن وكل تلاتة يمين سياف اتقبلو حبوب القارح ... ما دلة ولدا ما ختالن زلة شن قولك فيهو عليك الله بالحيل آ جني إيه والله وينا مراتع الدرت الباسط دايما ببكي عليهن وين بنوت الحلة البكّر عصرا بدري يسون في شاهيهن بعد الليل ما يهّود ونحن نهّود.. عاد أماتن ينادن ليهن نمشي على القيزان نتقادم.. أقيس الخطوة مع التاتاي ومشيهن والله البعد الحاصل ما نساني وحاتكن في قمراتنا بشوفو وشيهن الا النضم أب غنة اللهج السكر وين بلقاهو بنات الريل الدوب ليهن الخوف يا ناس كان يبقى الشوق الحاصل بينا معشعش فيهن مقنع سابل وين بلقاهو طرفا ذابل وين بلقاهو وعين بتدنقر من واليهن الوجنات الشعّن بقّن ود العين النايم زرقن مو زايغ رسيان وميقّن زولن كان خدران ومحقّن من الشوفة عروقو يطقّن كان الدنيا بصح تتخلا كن بركن معاهن فوق رملاة الحلة الا كمان بنشوفا مذلة الجنيات الغابت جابت إنت الجيب بس قايلو قميص افرنجي وكرتونات كرملّة لا لا وحاتك حاشا وكلا ديل يوم عادوا اتلافو الجاهل بحقوق الله ديل كم لحقو البشهق ضايق وداوو العلة الولد الجايس حقايب سفرو تقال.. تقال من جنس كتاب ومجلة الحكمة النضم إياهو الكان.. الحكمة الولد اتوضا وصلّ عادة البلد الدخلت فيهم سكنت .. سكنت ماب تتخلا نحن كما طارين الحلة ودرنا الطلة نشيلا معاهم فرح وميتة حلاة الموت كان في عبدلة بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي رد مع اقتباس


	27-12-2007 02:47 AM #24 تباريح الهوى الملف الشخصي مشاهدة المشاركات عضو جديد Array تاريخ التسجيل Jul 2007 الدولة الخرطوم بحرى المشاركات 74 ناصر عمر تسلم وكل سنة وانت طيب واعذب من الكلمات دى مافى بلادي أنا بلادي أنا بلد ناسا في أول شي مواريثم كتاب الله وحصان مسروج، وسيف مسنون حداه درع كتاتيباً تسرج الليل مع الحيران وشيخا في الخلاوي ورع وكم نخلات تهبهب في جروفا الساقية وبقرة حلوبة تتضرّع وليها ضرع بلادي أنا تشيل الناس ، كل الناس وساع بي حيلا وليلا يسع وتتدفق مياه النيل على الوديان بياض الفضة في وهج الهجير بيشع بلادي سهول ، بلادي حقول بلادي الجنة للعاشوها ولي البرّة بيها سمع بلادي أنا بلد ناساً تكرم الضيف وحتى الطير يجيها جعان ومن أطراف تقيها شبع بلادي بلد الصفقة والطنبور ,وداراتن تنح فى الليل وبنوتن تحاكي الخيل يشابن زي جدي الريل بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي ديل أهلي البقيف في الدارة وسط الدارة وأتنبر وأقول لي الدنيا. كل الدنيا ديل أهلي عرب ممزوجة بي دم الزنوج الحارّة ديل أهلي ديل قبيلتي لمّن أدور أفصل للبدور فصلي ديل فصلي أقول بعضي ألاقيهم تسرّبوا في مسارب الروح بقوا كلي ألاقي قلبي والإحساس وسافر في بحار شوقم زمــــان عقلي أنا محل قبّلت ألقاهم معاي ، معاي زي ضليّ أنا لو ما جيت من زي ديل كان وا أسافاي ، وا مأساتي وا ذلّي تصوّر كيف يكون الحال لو ما كنت سوداني... وأهل الحارّة ما أهلي تصوّر بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي رد مع اقتباس


	27-12-2007 02:51 AM #25 تباريح الهوى الملف الشخصي مشاهدة المشاركات عضو جديد Array تاريخ التسجيل Jul 2007 الدولة الخرطوم بحرى المشاركات 74 mohalnour يديك العافية والحاجات الحاميك دى ماعرفنننننننننناه غايتو لوحاجات كويس الحمد الله نحن اهله لو كمان شايف فينا حاجات ماكويسة القممممممممممم دائما مستهدفه وكل الود بلادي أمان ، بلادي حنان وناسا حُنان يكفكفوا دمعة المفجوع ويبدّوا الغير على ذاتم يقسموا اللقمة بيناتم ويدّوا الزاد حتن كان مصيرم جوع يحبّوا الدار يموتوا عشان حقوق الجار يضوقوا النار عشان فد دمعة وكيف الحالة لو شافوها سايلة دموع! ديل أهلي .. ديل أهلي رد مع اقتباس

الإنتقال السريع المنتدى الثقافي الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 08:32 AM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني