النتائج 1 إلى 25 من 26

الموضوع: ركعتين في صحن

أدوات الموضوع
- مشاهدة صفحة طباعة الموضوع


	02-02-2006 06:08 PM #1 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 ركعتين في صحن علي الرغم من انو المدام عربية جزيره لكن برضو خواجيه النعمنو ما بتعرف تعوس الكسره...ولو اتقطعت وحاولت كسرتا يا تخانه قراصه ولأ ناشفه ابري...وبرضو ماسكه لينا في عيب الذاد ولا عيب سيدو....والغايظني انها مصرّه علي انها عربية جزيره...قال جزيره قال....هاك الطايوقه دي... من عدم الكسره ضاربانه كوفاره مزمنه ...كوفاره لا تهدي من روعها كسرة الحبش (الانجيره)...وعليه فطرقات من الكسره تعتبر هدية الموسم اذا جاد بها من كان عنده فضل كسرة...ولله في خلقه شئون... جاتنا الكسره هديه من حاجه بثينه وهي بالمناسبه من اهلنا الطيبين ناس مدني ومع الكسره ملاح الويكه الماخمج....فأكل حاج الماحي ابني ذو السبعة سنوات حينها من الكسره حتي سالت الويكه من كوعه....بعد ان كملت الكسره من صحنه حمله ولحق امه في المطبخ وقال ليها يا ما ما ممكن تديني ركعتين في الصحن دا؟؟؟ فعاينت له امه مستغربه وقالت ليهو يا ولدي ركعتين شنو في الصحن !!!! فأشار حاج الماحي الي الكسره وقال ليها اتنين من دي يا امي....فضحكت امه وقالت ليهو ياولدي طرقتين مش ركعتين....وشر البليّه ما يضحك ...والله يكفينا شر حنكشة اولادنا..... جمال الماحي الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	03-02-2006 05:46 AM #2 عزيز عيسى الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Feb 2005 الدولة مارنجان - مدني - الخرطوم المشاركات 1,716 المشاركة الأصلية كتبت بواسطة Jamal Elmahi يا ما ما ممكن تديني ركعتين في الصحن دا؟؟؟ ...والله يكفينا شر حنكشة اولادنا.. جمال الماحي سلامات يا جمال والبركة في ناس المنتدى اللي شافوك بخير، ذكرتني بنفس الموقف لما أطفالنا كانوا صغار.. المهم المدام كان طبخت لينا ملاح خدرة كارب شديد.. والكسرة برضو جاتنا من الحاجة بثينة (الله يطراها بالخير) لأنها أمنا كلنا.. وكانت الوحيدة التي لديها الخبرة في طبخ المأكولات السودانية الشهية .. المهم ضربنا ضرب شديد حتى الولد والبنات أعجبوا بملاح الخدرة مع الكسرة إعجاب شديد.. مرت الأيام وقامت بنتي الصغيرة (الحاجة لينا) وطلبت من أمها تطبخ ليهم أكله عاجباهم من زمان وقالت ليها: Mother could you please cook for us the green stuff food again that you eat with Sudanese light bread ترجمة: لو سمحت يا أمي ممكن تطبخي لينا الأكله ذات اللون الاخضر التي تؤكل مع الرغيف السوداني الخفيف. طبعا قصدها ملاح الخدرة مع الكسرة.. أنا الضحك شرطني لما عرفت قصدها.. وقلبت لينا كسرتنا رغيف. لكن الحمدلله الآن بعد ما كبرو بقوا بيعرفوا ينطقوا ملاح الخدرة وملاح الويكة بالعصيدة والتقلية.. وعندهم خبرة أحسن مني كمان.. والولد في العطلة الاسبوعية كل مرة لما يقوم الصباح يقول لي: يلا قوم ظبط لينا الفولة.. ولما أنا أشتهي ملاح الخدرة.. بقيت أقول للمدام أطبخي لينا the green stuff. رد مع اقتباس


	03-02-2006 05:51 AM #3 aborawan الملف الشخصي مشاهدة المشاركات عضو ماسي Array تاريخ التسجيل Nov 2003 الدولة بلادي حلوة راجع ليها ودار الغربة ما بترحم المشاركات 6,553 هههههههههههههههههههههههههههههههههههههههههه والله حلوة ركعتين الظاهر الولد لقط كلمة طرقتين دي وغلبو يقرط عليها ولما احتاج للزيادة حاول يرجع بذاكرتو للطرقتين وجاتنا الركعتين حفظه الله لكم من كل شر تحياتي ياصاحب الهم ان الهم منفرج ابشر بخير فإن الفـارج الله اليأس يقطع احياناً بصاحبه لاتياسـن فـإن الكافـي الله الله يحدث بعد العسرميسـرة لاتجزعن فـإن الصانـع الله اذا بليت فثق بالله وارض به ان الذي يكشف البلوى هو الله والله مالك غير الله من احـد فحسبك الله في كـل لـك الله رد مع اقتباس


	03-02-2006 05:01 PM #4 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 عزيزي الخواجه عزيز...اتحفنا بي قفشات لينا وسوزي ...ويا حلاة القراّن عندكم بي عربي جوبا...والله بعد شويه عربي جوبا ذاتو ما نلم فيهو.. والله يكضّب الشّينه.... وتعال شوف قصة عموري صاحبك.... جمال الماحي الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	03-02-2006 05:08 PM #5 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 الوجيه ...العريس ابو روان... وبما انو فوقك الملائكه يا عريس فردك منوّر...وانشاء الله دائماً منوّر والملائكه دائماً حارساك.... جمال الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	03-02-2006 05:59 PM #6 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 عموري والادبخانه عموري (خمسه سنوات) نقلناهو نقله حضاريه شرسه ولاول مرّه في حياته من هيوستن للجنيد... صحي عموري ولقي نفسو نائم في الحوش فأستغرب انو كيف يخلوهو ينوم في الشارع والغرف كلها فاضيه؟؟؟...انطلق عموري وري السخيلات والعتّان وشبك ليك الاولاد القدرو... Hold it...Hold it..Don't let it go....وطبعاّ الشباب عملوهو مضحكه لانو ما داخل راسم انو الزول دا عجمي وقدر عربي جوبا العندو بالقطّاره...وعندهم كلام عموري وكواريك السخيلات كلو واحد...وعمر ما داخل راسو انو هم ما فاهمنو ...ولغاية موضوع السخيلات كنا مستورين ...عموري انزنق ودار يمشي دورة المياه..سأل اختي فأشرت ليهو علي الادبخانه في الكورنه هناك أخر الحوش...دخل عموري الادبخانه وطلع بسرعه محروق ويبكي بشده ومشي يشتكي لامو بأنو اخت بابا ما ورتو دورة المياه وغشتو وما قدّرت زنقتو ودا ما الوقت المناسب للهظار...أمو قالت ليهو معليش أنا بمشي معاك لدورة المياه..فلما شاف أمو ماشّه بأتجاه الادبخانه القبيل قال ليها يا ماما انتي ماشه وين ؟؟ قالت ليهو ما ياها ديك دورة المياه...قال ليها يا أمي انا هسه جيت من هناك مافي دورة مياه..قالت ليهو في...قال ليها والله مافي...فلما دخلو الادبخانه بادرها عموري بنشوة المنتصر أها أنا ماقلته ليك مافي دورة مياه أها صدقتيني ولاّ لسه ؟؟ فردت أمه ياولدي دي ياها دورة مياه هنا...فقاطعها عمر الحفره دي ياها التوليت ؟؟؟ وعندما ردت أمه بالايجاب بكي عمر بحرقه شديده..وبكي ...وبكي ..وبقينا في الطريقه التسكت عمر والطريقه النقنعو بيها يستعمل الحفره بدل التوليت....والحي مصيرو يشوف.........ونواصل.... جمال الماحي الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	30-03-2007 07:17 AM #7 سواااح الملف الشخصي مشاهدة المشاركات فخر المنتديات Array تاريخ التسجيل Feb 2006 الدولة مدني - الدرجة الاولي المشاركات 7,978 يعني الطرقة بقت ركعة !!! لكن الغريبة انو عربي جوبا زاتو ماش في انقراض قلت لي يا جمال ركعتين في الصحن !!! العقول الصغيرة تناقش في الأشخاص، والعقول المتوسطة تناقش في الأشياء، أما العقول الكبيرة .. فإنها تناقش في المبادئ !! رد مع اقتباس


	30-03-2007 08:54 AM #8 BiT@lNiLe الملف الشخصي مشاهدة المشاركات عضو فعال Array تاريخ التسجيل Feb 2007 الدولة OmDuRm@n المشاركات 271 هههههههههههههههههههههههههههههههههههههاااااااي..اسم عوا دي..واحد من بنفس حالة أولادنا ديل..يلا شاف الآبري الابيض..عايز يوصف لأمو العصير..قال ليها CAN I HAVE DAT DRINK WID TISSUES IN IT الترجمة: ممكن العصير داك الفيهوا مناديل داك..طبعا الناس ديل ماتوا من الضحك..قالوا ليهو أنتهيت من الأبري ياود أمي..(هوووووووووووووووووووي ما تعاينوا لي كدا..دي ما أنا)..غايتو يأخي..يديك الف عافية علي الطرح الجميل..تحياتنا الحااااارة لمن مسخنة..!! ســـــــــــــــــــــــــــــــــ(بت النيل)ـــــــــــــــــــــــــــــــــرورة!! LiFe iZ GeT & GiVe..fOrGeT & fOrGiVe رد مع اقتباس


	30-03-2007 08:33 PM #9 الشريف الهندي الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Apr 2005 الدولة الخرطوم بحري - الجريف شرق المشاركات 1,035 ابو حاج الماحي سلامات ... ربنا يحفظو انشاء الله ويخليهو يارب .... ركعتين في الصحن قطعت مصارينا من الضحك والله .. والأعجب .... Don't let it go .... انشاء الله ربنا يخليهم ليك انشاء الله ... أنا من بلداً هو عنوان للصلابة .. فيهو كمين ألف مسجد وفيهو صحرا وفيهو غابة وفيهو نيل جاري فـ دمانا وحبو في الوجدان صبابة .. وفيهو مليون ألف مأوي للمساكين والغلابة .. وفيهو ناس مليانة عزة لا بخافو لا بتغشاهم مهابة .. ناس بتلبس توب محنة وعمة عزة وشال كرامة وفاتحة من الطيبة بابا. رد مع اقتباس


	30-03-2007 08:36 PM #10 الشريف الهندي الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Apr 2005 الدولة الخرطوم بحري - الجريف شرق المشاركات 1,035 المشاركة الأصلية كتبت بواسطة عزيز عيسى والولد في العطلة الاسبوعية كل مرة لما يقوم الصباح يقول لي: يلا قوم ظبط لينا الفولة..ولما أنا أشتهي ملاح الخدرة.. بقيت أقول للمدام أطبخي لينا the green stuff. قلت لي الفوله ياعمنا ... انشاء الله ربنا يخليهم انشاء الله ويحفظو ويخليهو يارب أنا من بلداً هو عنوان للصلابة .. فيهو كمين ألف مسجد وفيهو صحرا وفيهو غابة وفيهو نيل جاري فـ دمانا وحبو في الوجدان صبابة .. وفيهو مليون ألف مأوي للمساكين والغلابة .. وفيهو ناس مليانة عزة لا بخافو لا بتغشاهم مهابة .. ناس بتلبس توب محنة وعمة عزة وشال كرامة وفاتحة من الطيبة بابا. رد مع اقتباس


	30-03-2007 09:10 PM #11 Madanawi الملف الشخصي مشاهدة المشاركات فخر المنتديات Array تاريخ التسجيل Sep 2006 الدولة مدني المشاركات 3,544 اولا لك التحية حبيبنا ود الماحي وابو الماحي ، شكلو ولدك ده ماحي اصيل يا جمال،، كان كده يا حبة نحن اولادنا شوية ماسكين الطريقة ، يمشو لي امهم براهم ويقولوا ليها ملّحي لينا الكسرة دي ،،،، ربنا يحفظهم جميعا ،،،،،،،،،،، إيه الدنــيا غيــــــر * لمة نــــــــاس في خيــــــر * أو ســـاعة حـــزن رد مع اقتباس


	23-12-2007 02:09 AM #12 سواااح الملف الشخصي مشاهدة المشاركات فخر المنتديات Array تاريخ التسجيل Feb 2006 الدولة مدني - الدرجة الاولي المشاركات 7,978 المشاركة الأصلية كتبت بواسطة Jamal Elmahi عموري والادبخانه عموري (خمسه سنوات) نقلناهو نقله حضاريه شرسه ولاول مرّه في حياته من هيوستن للجنيد... صحي عموري ولقي نفسو نائم في الحوش فأستغرب انو كيف يخلوهو ينوم في الشارع والغرف كلها فاضيه؟؟؟...انطلق عموري وري السخيلات والعتّان وشبك ليك الاولاد القدرو... Hold it...Hold it..Don't let it go....وطبعاّ الشباب عملوهو مضحكه لانو ما داخل راسم انو الزول دا عجمي وقدر عربي جوبا العندو بالقطّاره...وعندهم كلام عموري وكواريك السخيلات كلو واحد...وعمر ما داخل راسو انو هم ما فاهمنو ...ولغاية موضوع السخيلات كنا مستورين ...عموري انزنق ودار يمشي دورة المياه..سأل اختي فأشرت ليهو علي الادبخانه في الكورنه هناك أخر الحوش...دخل عموري الادبخانه وطلع بسرعه محروق ويبكي بشده ومشي يشتكي لامو بأنو اخت بابا ما ورتو دورة المياه وغشتو وما قدّرت زنقتو ودا ما الوقت المناسب للهظار...أمو قالت ليهو معليش أنا بمشي معاك لدورة المياه..فلما شاف أمو ماشّه بأتجاه الادبخانه القبيل قال ليها يا ماما انتي ماشه وين ؟؟ قالت ليهو ما ياها ديك دورة المياه...قال ليها يا أمي انا هسه جيت من هناك مافي دورة مياه..قالت ليهو في...قال ليها والله مافي...فلما دخلو الادبخانه بادرها عموري بنشوة المنتصر أها أنا ماقلته ليك مافي دورة مياه أها صدقتيني ولاّ لسه ؟؟ فردت أمه ياولدي دي ياها دورة مياه هنا...فقاطعها عمر الحفره دي ياها التوليت ؟؟؟ وعندما ردت أمه بالايجاب بكي عمر بحرقه شديده..وبكي ...وبكي ..وبقينا في الطريقه التسكت عمر والطريقه النقنعو بيها يستعمل الحفره بدل التوليت....والحي مصيرو يشوف.........ونواصل.... جمال الماحي بس يا جمال انت خميتنا من الموضوع يعني ما وريتنا حليتو مشكلة عمر كيييف ؟؟ العقول الصغيرة تناقش في الأشخاص، والعقول المتوسطة تناقش في الأشياء، أما العقول الكبيرة .. فإنها تناقش في المبادئ !! رد مع اقتباس


	23-12-2007 09:54 PM #13 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 والله ضحكوتنا ضحك الله يديكم العافية ويخلي ليكم عيالكم ... والتحية لكل سوداني في مشارق الأرض ومغاربها بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس


	23-12-2007 11:49 PM #14 نزار حسن محمد الملف الشخصي مشاهدة المشاركات فخر المنتديات Array تاريخ التسجيل Apr 2006 الدولة حى المنيره المشاركات 6,876 والله عمورى شغله نضيف وحاجه لينا شغله انضف ده الشغل ولا بلاش .. وبرضو تقولووو ود المطامير حنكوش .. حليلنا منه الزايله ... غايتو اجازى محنكم ياناس امريكا ... نورته المنتدى بعد ما كان مطفى .. نحن قاعدين ومصنقرين خشم الباب .. ما طوله الغيبه ... [SIZE=2]الابتسامه.. كلمه طيبه .. من غير حروف الابتسامه لاتكلف شيئا ولكنها تعنى الكثير[/SIZE] ************************************************ ************ حياة جل مكسبها خسار وعيش لايسرك يانزار رد مع اقتباس


	24-12-2007 07:55 AM #15 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 المشاركة الأصلية كتبت بواسطة سواااح بس يا جمال انت خميتنا من الموضوع يعني ما وريتنا حليتو مشكلة عمر كيييف ؟؟ العريس سواح ..العيد مبارك عليكم ..عيداَ يسعدكم ويهنيكم ويملأ بيتكم عيال لامن تقولوا بس...وحتدخلوا عالم شطحات الاطفال الحلوه قريب ..وهو أجمل العوالم ... مشكلة عموري حلتا أمو ..كان قبال سفرنا شابكاني وقادّه أضاني بأنها عايزه تشتري مقعد أو توليت متحرك يوضع في الادبخانه ..فقلته ليها مافي داعي خلي الشباب يخشوشنو شويه وزي ما نحنا زمان إتدردرنا خليهم يتدردروا شويه ..المهم لما كتّرت نقتا قلته ليها أعملي البريحك فإشترتوا وفعلا أنقذ لينا الموقف وحتي نفع أهلنا الكبار البعانوا من مشاكل الركب والمفاصل وكمان قام واحد حريف من شباب الحلّه بتقليد الفكره وعمل مقاعد في ورشته وبيعها لناس الحلّه ...وحقوق الطبع محفوظه لعموري ... الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	24-12-2007 08:23 AM #16 معتز الريح الملف الشخصي مشاهدة المشاركات فخر المنتديات Array تاريخ التسجيل May 2007 المشاركات 4,605 المشاركة الأصلية كتبت بواسطة Jamal Elmahi المهم لما كتّرت نقتا قلته ليها أعملي البريحك ما قلتو نوبة !!! .. رد مع اقتباس


	24-12-2007 08:43 AM #17 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 المشاركة الأصلية كتبت بواسطة عثمان جلالة والله ضحكوتنا ضحك الله يديكم العافية ويخلي ليكم عيالكم ... والتحية لكل سوداني في مشارق الأرض ومغاربها حباب عثمان جلاله.. الاطفال حكاويهم طريفه ..عموري طرايفو كتيره ..مرّه سألني ليه صلاتنا كل يوم وما عندها إجازه..؟ وصاحبو وجارنا الخواجه الصغيروني كيث( Kieth ) بصلي يوم الاحد بس ..أديتو محاضره في الفرق بين الاديان ووريتو عظمة أجر لو الواحد فينا كان سبب في إسلام غير المسلمين ...جاني بعد يومين قال لي إتا مش قلتا البدخّل زول الاسلام بدخلوهو الجنّه ..قلته ليهو أيوه..قال لي أنا خليت صاحبي كيث يسلم وجاب الخواجه صاحبو معاهو سألو قدامي يا كيث إتا مسلم ؟ فرد كيث أيوه أنا مسلم ..بي عربي جوبا قال ليهو قول لا إله إلا الله محمد رسول الله ..فردد الخواجه وراهو ...فقال لي كيث أسلم معناها أنا بدخلوني الجنّه وبالتالي مافي داعي أصلّي تاني ..وجرّ صاحبو وجروا يلعبوا وما أداني فرصه أرد عليهو ... الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	24-12-2007 09:46 AM #18 ودأبكرش الملف الشخصي مشاهدة المشاركات زيارة الصفحة الرئيسية عضو فعال Array تاريخ التسجيل Apr 2005 الدولة ود مدني المزاد المشاركات 313 والله عمورى شغله نضيف وحاجه لينا شغله انضف ده الشغل ولا بلاش .. وبرضو تقولووو ود المطامير حنكوش .. حليلنا منه الزايله ... غايتو اجازى محنكم ياناس امريكا ... نورته المنتدى بعد ما كان مطفى .. نحن قاعدين ومصنقرين خشم الباب .. ما طوله الغيبه ... ودأبكرش رد مع اقتباس


	24-12-2007 10:16 PM #19 مرتضى يوسف العركي الملف الشخصي مشاهدة المشاركات اللجنة الاستشارية Array تاريخ التسجيل Sep 2006 الدولة ودمدني-حي مايو المشاركات 2,113 حباب اخوي ود الماحي وجنياتو حباب ابوي الفاقدنو من مده .... يا بخت من غاب وجاب ... قطعت مصاريني بالضحك وانا ما قائل الحنكشة دي برضو عند الخواجات ابن عيونن زرق وقائلها بس في اولاد الشهادة العربية بتعاعين الخليج تصدق يا ود الماحي الاجازة السابقة لاولادي في مدني كل يوم فيلم بما فعلوه عند ناس جدهم يحكي لي مساءا ...تخيل المطرة صابة بغزارة والعصابة ( ابنائي الثلاثة ) محتجين على عدم الدخول من المطرة الا بعد ادخال كل الجدادات الثلاثة الفي القفص معاهم وكذلك الغنماية ....وكيف صرخوا بعد اختفاء اختهم الصغيرة والتي ذهبت مع خالتها وصياحهم بانها ضاعت ...ضاعت ... ضاعت ولا بد من ابلاغ الشرطة بان سعة اختهم ضاعت... ضاعت ... حفظكم الله اخي ود الماحي وحفظ عيالكم وعيال الجميع في امان الله كلمة طيبة كغيث أصاب أرضا طيبة فأنبتت كلأ وعشبا كثيرا الحلامابي رد مع اقتباس


	24-12-2007 10:46 PM #20 ابوجود الملف الشخصي مشاهدة المشاركات عضو جديد Array تاريخ التسجيل Sep 2007 الدولة قريب منكم المشاركات 83 ود الماحى اذيك اديك العافيه وانت خارج حدود الوطن ونحن كذلك وكل عام وانت بخير وكل الاهل والاسره عموما وخاصه صاحبى عمورى والله قطع مصارينى بالضحك وصرت من متابعى هذه الغفشات الجميله التى نحن فى الطريق اليها مع ابنتى الصغيره (جود) التى لم ترى السودان وغبشه السودان بعد لكن صاحبى عمورى ده بالغ ليك فى الخواجه صاحبو دى شديد انا ماعارف كيف لف راسو وخلاه يسلم واكيد بكون قال ليه كلام كتير وذى ماقال ود العركى الخواجات ديل ماذى الشهادات العربيه ونحن شهادات عربيه الله يحفظو ليكم ويديه الصحه والعافيه ولى اولادنا جميعا وبرجع تانى ليه والسلام ابوجود كل الفرح ســــــــــــــــــــــــافر وراك رد مع اقتباس


	26-12-2007 03:48 AM #21 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 المشاركة الأصلية كتبت بواسطة نزار حسن محمد والله عمورى شغله نضيف وحاجه لينا شغله انضف ده الشغل ولا بلاش .. وبرضو تقولووو ود المطامير حنكوش .. حليلنا منه الزايله ... غايتو اجازى محنكم ياناس امريكا ... نورته المنتدى بعد ما كان مطفى .. نحن قاعدين ومصنقرين خشم الباب .. ما طوله الغيبه ... الوجيه ابو النسب ود حسن كل عام وإنتوا بخير ..المنتدي منوّر بيكم وبالناس الحلوين الضاويين كل جنبات المنتدي .. مشاققه ... عزيز الخواجه نفد بي جلدو من الحمي النزفيه وحيشرفكم بكره ..وضارب جرسه تقيله ..قال البلد مسخنه وماقدر إتنفس وجاتو خمّه نفس وشحتفه روح وحالتو ما أكل كمونيه ولا أم فتفت ... الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	26-12-2007 03:52 AM #22 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 المشاركة الأصلية كتبت بواسطة معتز الريح ما قلتو نوبة !!! .. نوبه وين آآآود الريح مع الكنش المتل مدقاق العيش دا ...والعجب المفراكه مضببه كمان ...وفي رواية أخري موسّره بي قد ...ومضارفة المومن علي نفسو حسنه آآآبوي ... التعديل الأخير تم بواسطة Jamal Elmahi ; 26-12-2007 الساعة 04:12 AM الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	26-12-2007 04:15 AM #23 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 المشاركة الأصلية كتبت بواسطة ودأبكرش والله عمورى شغله نضيف وحاجه لينا شغله انضف ده الشغل ولا بلاش .. وبرضو تقولووو ود المطامير حنكوش .. حليلنا منه الزايله ... غايتو اجازى محنكم ياناس امريكا ... نورته المنتدى بعد ما كان مطفى .. نحن قاعدين ومصنقرين خشم الباب .. ما طوله الغيبه ... يا حليلك آآآود أبكرش وياحليل أيامك ...وين الحي بيك آآآعشاي ...من ديك وعيك ... الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	26-12-2007 04:57 AM #24 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 المشاركة الأصلية كتبت بواسطة مرتضى يوسف العركي حباب اخوي ود الماحي وجنياتو حباب ابوي الفاقدنو من مده .... يا بخت من غاب وجاب ... قطعت مصاريني بالضحك وانا ما قائل الحنكشة دي برضو عند الخواجات ابن عيونن زرق وقائلها بس في اولاد الشهادة العربية بتعاعين الخليج تصدق يا ود الماحي الاجازة السابقة لاولادي في مدني كل يوم فيلم بما فعلوه عند ناس جدهم يحكي لي مساءا ...تخيل المطرة صابة بغزارة والعصابة ( ابنائي الثلاثة ) محتجين على عدم الدخول من المطرة الا بعد ادخال كل الجدادات الثلاثة الفي القفص معاهم وكذلك الغنماية ....وكيف صرخوا بعد اختفاء اختهم الصغيرة والتي ذهبت مع خالتها وصياحهم بانها ضاعت ...ضاعت ... ضاعت ولا بد من ابلاغ الشرطة بان سعة اختهم ضاعت... ضاعت ... حفظكم الله اخي ود الماحي وحفظ عيالكم وعيال الجميع في امان الله الحبيب الصحابي ود العركي ..مدد بلا عدد ... تعرف يامرتضي أصعب حاجه إنو يكونوا الابوين من أهل العوض زي حالتنا والاولاد حناكيش ...مع إنو الحنكشه درجات وأنواع ...لكن بيني وبينك الحنكشه عندنا في أمريكا أقل كتير من الشهاده العربيه ...والوليدات مدردحين أكتر وجريئين...الصيف قبل الفات مشينا أوربا ..أيرلندا زياره لخال الاولاد وكان جاب أبوهو وأمو لزوم الونسه والتغيير ...عموري كان عمرو سبعه سنين وكان فرحان شديد إنو حيقابل جدو ويلعب معاهو ..وطبعاّ عند الخواجات الجد والحبوبه بالنسبه للاطفال هم البلعبوا معاهم ويفسحوهم ويشتروا ليهم اللعبات ويدلعوهم ...وعمر قادي أصحابوا الخواجات بأنو حيمشي يلعب مع جدو ...وجدو حيحكي ليهو قصص ومغامرات ...المهم لما وصلنا إيرلندا لقي جدو طوالي راقد في السرير وفتران ..قام سأل أمو قال ليها جدي دا الغلط فيهو شنو ؟ قالت ليهو مافيهو أي حاجه غلط لكن بس الكبر والعمر ...عمر مشي الدكان مع أولاد خالو والجيران وأشتري ليهو شراب منشّط (Energy Drink) وقام سقا جدو نص العلبه ونحن ما جايبين خبر ..بعد شويه جدو قام علي حيلو وقال داير يطلع يشم هوا شويه و طلع برّه البيت لأول مرّه... عموري كان بلعب برّه جاء جاري طيران وفرحان يكورك أنا ماقلته ليكم مافيهو حاجه غلط والمنشط بتاعي الاديتو ليهو إشتغل كويس ...أمو قالت ليهو سجمي منشط شنو ياولد ..قال ليها منشط عادي البشربوا الزول لما يكون فتران وحالتو شرب منو نص علبه بس ...وكان عموري سبب في أنو جدو يتحرك ويمشي معانا المنتزه ويلعب مع عموري والجد وعموري وكل البيت كنا آخر إنبساطه ... الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	26-12-2007 05:16 AM #25 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 المشاركة الأصلية كتبت بواسطة ابوجود ود الماحى اذيك اديك العافيه وانت خارج حدود الوطن ونحن كذلك وكل عام وانت بخير وكل الاهل والاسره عموما وخاصه صاحبى عمورى والله قطع مصارينى بالضحك وصرت من متابعى هذه الغفشات الجميله التى نحن فى الطريق اليها مع ابنتى الصغيره (جود) التى لم ترى السودان وغبشه السودان بعد لكن صاحبى عمورى ده بالغ ليك فى الخواجه صاحبو دى شديد انا ماعارف كيف لف راسو وخلاه يسلم واكيد بكون قال ليه كلام كتير وذى ماقال ود العركى الخواجات ديل ماذى الشهادات العربيه ونحن شهادات عربيه الله يحفظو ليكم ويديه الصحه والعافيه ولى اولادنا جميعا وبرجع تانى ليه والسلام ابوجود مرحبتين حباب أبو جود ربنا يخلي ليك جود وأخوان جود القادمين إلي الوجود قريباَ بإذن الله ... عمر قال الخواجه ما أخد معاهو كتير عشان يقنعو بالاسلام ..قال قلته ليهو لو إنته عايز تلعب معاي من غير ما أبوي يقطع لينا لعبنا بالصلاه الكتيره إنتا أسلم وأنا وإنتا بندخل الجنّه وما بنحتاج نصلي...الجنّه وداخلنها آها الصلاه تاني لشنو ...!!! الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 11:54 AM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني