النور محمد يوسف يحرز الهدف السادس

[عثمان جلالة]

يوم الخميس ... اليوم الـــ طشه فيهو المنتدى كنت جاااااااااي أنا ومعاااااااي فرحة تهنئة العضو الفخري النور محمد يوسف بالبنوته الحلوه "ليان" ـــ بكسر الياء .. لو سمحتو

كنت جاااااي وداير أكتب التالي :

سوف أصنع لي فتاة من دمائي أسميها "ليان" قلنا ليكم بكسر الياء

فاز الهلال العاصمي على هلال كادقلي بالـــ خمسه

وفاز الشباب السعودي على الاتحاد بالأربعة

والنور محمد يوسف ... يحرز الهدف السادس

نبارك للعزيز النور محمد يوسف وربنا يجعلها من بنات الوطن الصالحااااات

همسه:

لكن بيني وبينك يا النور البت الــــ بتخلي الناس يحولو ليك رصيد بالغلط وتقفل لينا المنتدى دي معناها منتظرين منها الكثير


أهااااا أنا بت النور دي "الله يحفظها" أكتر زول ح أكون عارف تاريخ ميلادو ... لأنو موثق .. زي حبوباتنا زمان تقول ليها فلان ولدوهو متين ؟؟؟ تقول زمن المحل أو زمن الغرق ... أهااااااا بت النور ولدوها زمن المنتدى طشه .. ههههههههه

أهااااااااااا عرفتو الطشش المنتدى منو؟؟؟؟

[العاقب مصباح]

جلالة مشتاقين والله

وطمنتنى انو خلاااااااااااص الواحد لقى ليهو مرة

من هسع البت دى محجوزة عديييييل كدا والدم ركب

ربنا يجعلها من بنات الوطن الصالحات

ويجعلها بارة كأخواتها بوالديها

همسه :- رسل لينا مسج الضلع فى ايميل وكدا

[مدنيّة]

أهااااااااااا عرفتو الطشش المنتدى منو؟؟؟؟

غايتو ياجلالة يااخوي
المتعهمين كتااااااااااااار
لهسي ما ثبتنا علي زووووول


استاذ النور تتربي في عزك
وربنا يجعلها من الصالحات
وتاني ما تتطشش لينا منتدانا

[النور محمد يوسف]

لازم نراجع المستشفى....احس بالام الطلق ...تقول ام ليان

الساعة الان الرابعة صباحا

اتوجه الى المستشفى

احاول الاتصال باحد اخوانها ... لا يوجد رصيد

اتوقف عند اقرب صراف

البطاقة متعطلة

المهم نصل المستشفى ولا نعرف أولد هو ام بنت

ولكني تاكدت انه بنت ...تاكدت تماما من ذلك

ففي اثناء حيرتي تلك تاتيني رسالة على الجوال
افتح الرسالة ....محول لك مبلغ 100ريال

لا اعرف الراسل

المهم الجوال اتعبا من بعد فراغ ...فعرفت ان القادم بنت وعلى طووووول اتصلت وتجمع اخوانها واخواني وافرحنا الاهل بالسودان ... فكانت ليان عروسة تبتسم مستقبلة هذه الدنيا بكل الفرحة واجازة ليك يااابوي تكون معنا على طووووول بلاش تمشي منا وتذهب المنتدى

وطش....ما رجع الا بعد شبعت مني

يلا نهنيها كلنا والا فالطشات كتااااااار

شكرا عثمان شكرا العاقب شكرا مدنية


وربنا يديم الفرحة عليكم جميعكم ...شكرا شكرا

وليان Liyan استرجعت لي نجمتي....النشوف لي تاني واحد يجي يشيلها

[أبوريلان]

ألف ألف مبروووووك أستاذنا النور محمد يوسف
وصول ليان وجعلها الله من بنات الوطن الصالحات .

[ابو لوزة]

الف مبروك تربي في عزكم

[معتز الريح]

ألف مليون مبروك أستانا الحبيب ..
والحلو أنو أصبحنا مشتركين في هذا الأسم الجميل ..
ربنا يحفظها ويجعلها من البارات بأهلها
النافعات لوطنها .. السعيدات في حياتها ..

[هيثم بابكر]

الاستاذ النور الف مبروك البنية وربنا يجعلها من بنات الوطن الصالحات بس ماوريتنا الرصيد لقيتو جاي مين وين ؟؟

[عوض الكريم الخواض]

أخى النور محمد
ألف ألف مبروك
قدوم المولودة الحلوة ...
ربنا يجعلها من الصالحات القانتات ...
ويحفظها من كل شر .

[عبدالمنعم الصديق(خدرا)]

اخى النور
الف مبروك وربتا يجعلها من بنات الوطن الصالحات المستورات
واكيد الرصيد من بركات ليان ربنا يحفظا
والعاقب قول ليهو اصبر لامن نشاورا ونشوف رايها وبعدين نقول ليك آآآآآى ولا لع

[عوض صقير]

الجميل

النور محمد يوسف

ألف مبروك المولودة
وإن شاء الله تتربى فى عزكم

ونسأل العزيز الكريم بأن تكون من بنات الوطن الصالحات المستورات

[النور محمد يوسف]

ألف ألف مبروووووك أستاذنا النور محمد يوسف
وصول ليان وجعلها الله من بنات الوطن الصالحات .

شكرا ابو ريلان اخي ياسر عبدالرحمن بارك الله فيك وعقبال نسمع عنك اخبارا سارة ومفرحة باستمرار

كما واشكرك على التهنئة كذلك على الهاتف فانت دائما عظيم

شكرا ياسر شكرا

[النور محمد يوسف]

الف مبروك تربي في عزكم

شكرا هيثم الخواض شكرا ابو لوزة بارك الله فيك ويدوم باذن الله عزكم وعزوتكم

[النور محمد يوسف]

ألف مليون مبروك أستانا الحبيب ..
والحلو أنو أصبحنا مشتركين في هذا الأسم الجميل ..
ربنا يحفظها ويجعلها من البارات بأهلها
النافعات لوطنها .. السعيدات في حياتها ..

بارك الله فيك ابا ساطع وابا ليان
ونسال الله ان يحفظكم انتم كذلك ويحفظ اولادكم وبناتكم وان يعمكم جميعكم بالسعادة والهناء
فلتتقبل ليان تحيات ليان

شكرا معتز

[النور محمد يوسف]

الاستاذ النور الف مبروك البنية وربنا يجعلها من بنات الوطن الصالحات بس ماوريتنا الرصيد لقيتو جاي مين وين ؟؟

بارك الله فيك اخي هيثم بابكر ونسال الله ان يمد في اعماركم على طاعته ويجعل من ذريتكم الصلاح ويغمرها بالايمان

طبعا حكاية الرصيد دي من الله سبحانه وتعالى فالحمد له وحده

بعد ان عملت مكالماتي قمت اتصلت بصاحب الهاتف المرسل الرصيد

ايوة ...مين ...عاوز مين؟؟؟؟

لا انا حقيقة جاني منكم رسالة وبها رصيد 100 ريال فعاوز اشوف ليه ارسلتو لي هذا الرصيد

غلطان بااااا...هو مش انت ميرفت؟؟؟؟

ياعم ميرفت مين ؟؟؟؟ انا رجال بتكلم معك ...فاختصارا للموضوع انت وين عشان انا اجيب ليك قروشك دي ؟؟؟؟

أوووول انت الاول انتا فين؟؟؟؟

انا في الرياض

يااااه ...دي بعيدة اوي ....نحن في خميس مشيط

طيب ياااخ اديني رقم حسابك ارسلها لك
ماعنديش

طيب ياااخ الصباح بدري ارسلها ليك رسالة بالجوال
واتفقنا على ذلك وارسلتها له لكن بعد ما قضيت اغراضي ورجعت البطاقة تشتغل من جديد ...وطبعا وريتو الحاصل

وانها فكتني من حيرة كبيرة والحمد لله وشكرته وتاني يوم ارسلها لي مرة تانية وقال هدية للمولودة

جزاه الله خير وجزاك انت كذلك هيثم
شكرا

[امير عبدالباقي]

استاذنا الكريم النور

مبروك المولودة وتتربي في عزك وجعلها الله من الصالحات والبارات باهلها

[سواااح]

الف مبروك استاذي النور ..

وجعلها الله من الصالحات

ونفع بها الاسلام والمسلمين.

[عبدالله محمد العقاد]

ألف مبروك استاذنا النور و من الصالحات ان شالله و تتربى في عزكم ان شالله

انا قلت ادق عليك اول و بعدين ابارك ليك في البوست و دقيت لكن يبدو لي الوقت كان متاخر شوية

الف مبروك مرة اخرى

[سروية]

ألف ألف مبروووووك أستاذنا النور محمد يوسف
وصول ليان وجعلها الله من بنات الوطن الصالحات .

اسم جميل والله
ربنا احفظها واطول عمرها

[خالد أحمد الصول]

الف مبروك
أجعلها ربي من بنات الوطن الصالحات المستورات العابدات
قر بها عين ابويها

[مرتضى يوسف العركي]

استاذنا النور ود امحمد ود يوسف
قبل حضوري والاسرة مليار مبروك
وجعلها الله من العابدات الساجدات القائمات الحافظات لكتاب الله عز وجل
اكيد هاتريك مرتان ولا بد من لقاء اعدكم به

[ودالعمدة]

مليار مبروك أستاذنا النور محمد يوسف
وحمداً لله على سلامة أم ليان
ربنا يحفظها ويجعلها قرة أعين لكما
......
ولا نستعجب قصة رصيد المائة ريال
فلك رصيد فى قلوبنا من الحب والتقدير
ما إن تنوء العصبة بحمله .....
ودمت بخير وعافية ....

[صالح ابوشوارب]

الاستاذ/ النور محمد يوسف

ألف مبروك المولودة
وإن شاء الله تتربى فى عزكم

حتكون باذن الله بت الابريق والتبروقه

[moh_alnour]

ألف ألف ألف
مبروك المولودة أستاذنا النور محمد يوسف
تتربى في عزك إن شاء الله
و ربنا يجعلها من الراكعات العابدات السائحات
و غرة عين لوالديها و ذُخرا ً لوطنها