طرق تعذيب الرجل
اها بسم الله الواحد الأحد
* لما يرجع البيت طيري لعنده وشيلي الفي ايده اذا كان ليك ولا للبيت قولي ليهو يسلموا يديك
* استقبليهو بي ابتسامة ما ضروري تشرطي خشمك بالضحك خليها ابتسامة وجانبية كمان ما كاملة
* قاومي نفسك وفضولك بس اسأليه عن نفسه الحقي الكم كلمة الباقية عنده
قبل ما يقول ليك تعبان وهلكان داير انكشح انوم
* في حضوره اقفلي كل المواضيع إلا موضوع جاذبيته ونجاحه...( أي كذبي فيها شنو ) بكدا حا تخليهو ينبهر موش
يستغرب بس
* مرة مرة كدا قولي ليك كلمة حلوة برضو كذبي مافي أي مشكلة عشان توصلي لي مبتغاك
* اذا بحب اتفرج على التلفزيون افتحي ليهو القناة البحب اشاهدها وجيبي ليهو فنجان الجبنة ولا كباية الشاي ولا أي
شي بحب اشربه وامشي وخليهو يستمتع بي هدوءه
اكيد جا يستغرب
* لمن يقول...لا....قولي حاضر....ورددي ...حتى اللا من فمك زي العسل ياحبيبي
ثم استشهدي بقول الشعر... وحسن قول نعم من بعد لا..
حا يستسلم لانك ماقاومت... وفي قلبك قولي اللي العايزاهو
( أي غشيهو يا عويرة عشان يستغرب اكتر )
* ما تكتري عليه بالطلبات بس اطلبي تصيفي في بلد اوروبي او شرق اسيوي
اطلبي بيت كبير وعفش اخر صيحة وعربية اخر موديل
والباقي هين يعني من الاخر ما تخلي ليهو قرش في جيبه
* واذا كان بفضل شيء معين سوي عكسه عشان لما ترجعى للشي البحبه يشوفه شي كبير ورائع
* اذا كان منتظرك عشان تستعدي للخروج معاهو ختي قدامه
الريموت..والشاى...وجريدة..وموبايله .. واستعدى براحتك... ولاااااحااا يسال فيك.
* لمن يكون ساكت اوعك تحاولى تطلعيهو من سكوته وإلا انقلب عليك وسمعك كلام
بس أديهو الأمان والحنان.. وفي سرك قولي احسن.. ( منو داير يسمعك زاتو )
* إذا عايزة منه شيئ اطلبيه مباشرة بلا لف أو دوران
* اهتمى بالمفاجات...ما لازم تكون في مناسبة عشان تطلبي أي شي
اهم شي يكون استلم الراتب اليوم
* لمن يتكلم عن عمله او أي شي ما عاجك استحمليه وتابعي حديثه بنظرات محبة وهزة راس
بس اكيد حا تدوخى من كثر هز الراس بس ما اشكال استحملي حا تسوي شنو
* اذا عمل تصرف بزعل او تصرف مزعج وجاء وهو عارف مسبقا انكم حا تتشاكلو...
فاجئيه انك ما زعلانة ولا غضبانة ابدا...واضحكى وكان ما حصل شي
حا يفضل يسال نفسه يا ربي دي بتخطط لشنو
* اذا دايرة تمشي مشوارو قال لك انه مشغول
اوعك تتذمري ولا تتزهجي
قولي ليهو بكل هدوء ولا مبالاة
ولا يهمك شغلك اهم ووقت تفضا نمشي مشوارنا
واكيد ردك حا يخليهو يفكر كمان الزولة دي ملا بقت طيبانة كدا رببببنا يستر من الحا تسويهو
من الاخر كدا يا حلوات الحرب الباااااردة اسلم وافضل الطرق لتعذيب الرجال
رد مع اقتباس
المشاركة الأصلية كتبت بواسطة مهيد ود السفاح
المفضلات