النتائج 1 إلى 25 من 45

الموضوع: سفة تمباك....فى يوم دُخلة..*

أدوات الموضوع
- مشاهدة صفحة طباعة الموضوع


	12-06-2009 10:55 AM #1 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 سفة تمباك....فى يوم دُخلة..* جلست عواطف وهى تحتل منطقة الوسط فى الجلسة التى ضمتها ومعها تهانى ونادية وهى يتحدثن فى امور الزواج وخصوصا ان زواج عواطف سيكون السبت المقبل ... تناولت تهانى الحديث وهى توجهه الى عواطف عن ان الرجل لابد ان يرى العين الحمراء فى اول الامر وان المرأة اذا تساهلت فى حقوقها وفى احتياجاتها وطلبتاها منذ البداية تكون قد اتجهت وسلكت مسلكا خاطئا ولابد ان تلبس الزوج دبلة فى اصبعها الصغير...لا ادرى لماذا اصرت على اصبعها الصغير ولم تشر الى اى اصبع اخر هل لضآلة موقف الزوج ام هى طريقة مبتكرة للتهوين منه وجعله يسمع حديثها وينفذ طلباتها دون ان يقول لا فى اى شئ ...وان يصبح فى يدها كزوج سكينة ((الحنتها لسه ما شالت)) نادية :- يا عواطف هوى اسمعى كلامى دا والله الرجال ديل هينين ولينين كان هرشتيهم فى الاسبوع الاول ولو كان فى اليوم الاول يكون احسن وكان ما هرشتيهو والله بتبقى عليك اسمعى كلام مجرب وما تسمعى كلام طبيب... تهانى :- يعنى انتى هسع يا نادية راجلك هارشاهو ما تخلى الكضب عليك الله.. نادية :- ما انا دقست وما دايرة عواطف تدقس زيى كدا دايرة ليك السمح والله... وانتى هسع ما برضو راجلك هارشك والله كان قال ليك تلبى فى النار دى تتلبى.. تهانى :- منو دى؟؟؟ هوووووى وتانى هوى يهرش منو والله فى نص الليل ارسلو يجيب الحاجة من مافى وعليك امان الله العدة بيغسلها وبيفرش الملايات كل يوم ما تشوفى فصاحته قدام الرجال ديل..والله ما بيرفع عينه على .... عواطف:- كدى خلونى منكم اها قلتوا لى اعمل شنو واعمل ليهو شنو دايراهو يكون بيخاف منى وما يعرس فينى تانى والله من هسع خايفة.. تهانى :- تخافى شنو يا بت الناس انتى عروس جديدة وعلى بال ما يفكر يعرس فيك داير ليهو زمن عشان كدا اتقوى عليهو واديهو بالجزمة...رجال الزمن دا ما بيمشوا عديل الا بالجزمة وكلهم عينهم زايغة... عواطف :- انا شايفاكم بتنظروا لى ساى كدى خلونى اصلو والله اكرهو عيشتو... نادية :- لا لا لا ما تستعجلى ...وما يشوف كعابتك من الاول ...ارخى ليهو الحبل فى البداية وبعد كدا شديهو منو بعد ما تضمنيهو وشويه شويه .. تهانى :- لا لا يا نادية خليها من اول يوم كان صبرت حقها بضيع ساى ... عواطف :- كدى فى حاجة مهمة دايرة رايكم فيها .. :- اها ... عواطف :- راجلى قالوا بسف سعوط..... نادية وتهانى سويا :- لا حولاااااااااااااااااااااااا :- قلتى شنو ؟؟؟؟ عواطف :- اى والله زى ما بقول ليكم قالوا بسف سعوط .. نادية :- رايك شنو يا تهانى فى الكلام دا .؟؟؟ تهانى :- لا لا يا عواطف يا اختى ...كل شئ ولا السعوط....هسع كان بسجر ما مشكلة ...لكن سعوط والله والله ما بقعد معاهو فى بيت واحد ... نادية :- انا زاتى والله مستحيل ارضى بى واحد بيسف سعوط وريحته الكريهة دى.. نادية :- انتى وكت عارفاهو بيسف رضيانة بيهو مالك؟؟ عواطف :- هى عاد هدا قربت ابور ومافى ولا واحد ساى جاء بالغلط وقال دايرنى وكان فوتو والله ايانى الما عرست ..... نادية :- خلاص انتى خليهو فى اول يوم بعد تعقدوا تب ويوم الدخلة قولى ليهو يخليهو ولا يخليك وانا متأكدة ما بقدر يخليك بس هسع ما تكلميهو ... تهانى :- والله كلامك صح يا نادية خليهو فى اول يوم وانا متاكدة انو بيخلى السعوط.... عواطف :- يعنى هسع ما اكلمه.. نادية :- لا لا لا ما تكلميهو....وكان خلى السعوط معناها تانى اى كلام ليك بيسمعه وبتمشيهو زى ما دايرة... هنا ابتسمت عواطف وابتسمت ايضا ناية وتهانى وهم فى انتظار تنفيذ الفكرة وكلهم امل بأن تتمكن عواطف من السيطرة على زوجها ... وبعد اسبوع وفى يوم الفرح وبعد ان تفرق المعازيم كل على وجهته جاءت تهانى ونادية يوصيانها الوصية الاخيرة بأن تكون قوية فى وجه زوجها وان تأمر ولا تطلب ولا تترجى وحانت لحظة الجلوس لوحدهما لا ثالث لهما حين دخل سعيد ورأسه خال من المواد المسببة للشعر ...اى لا توجد فيه غير بعض الشعيرات التى تدل على انه كان يوجد شعر فى ذلك الراس منذ زمن ليس بالبعيد.. اول ما قام به سعيد بعد خلوه بزوجته ان اخرج ((الكيس)) دون مراعاة لزوجته...واخذ سفة مدورها بكل ما تعلم من خبرات فى هذا المجال وبحركة لا توجد الا عند لاعبى السيرك وضع السفة مبتسما وابتسامة اخرى عليها سوف تعلن وقوعها على ارض الخصم... قامت عواطف وهى منفرة :- بتسف يا سعيد؟؟؟؟؟ وكأنها ترى ثعبانا التف برقبتها....او كأن نارا ستلتهم البيت المجاور ..ب كل برود اجابها سعيد :- اى بسف فى حاجة .؟؟؟ عواطف :- هوى يا سعيد يا انا يا السعوط فى البيت دا اختار هسع وما بصبر لحدى الصباح.. قهقه سعيد وكأن الامر لا يهمه قائلا لها :- يا عواطف لو عندك صاحب ليهو عشرين. سنة..وعندك صاحب ليهو شهر...وعايزة تخلى واحد فيهم ....حتخلى ياتو فيهم ... عواطف :- حأخلى الليهو شهر اكيد.. سعيد :- اها انا بعرفك لى شهر ...وبسف لى عشرين سنة .... وما بخلى السعوط كان روحك مرقت هسع قدامى... تتراجف عواطف وتطلب منه ان يناولها كيس السعوط ... سعيد :- دايرة ترميهو صح ؟؟؟؟والله ارميك وراهو بالشباك دا وزول يجيب خبرك مافى... عواطف :- لا والله ما دايرة ارميهو بس دايراك تدينى منو سفة انا زاتى خرمانة شديد احتراماتى وبشدة العاقب مصباح أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	12-06-2009 11:26 AM #2 تغريد الملف الشخصي مشاهدة المشاركات عضو ذهبي Array تاريخ التسجيل May 2009 الدولة حي دردق المشاركات 4,715 ههههههههههههههههه والله يا عاقب بالغت عدييييييييييييييييل كدا ما عاملة فيها ضكرانة بس أقول ليك حاجة أنا لو مكانها برميهو واليحصل يحصل هو زاتو راجل بسف دا هي دايرا بيهو شنو ؟ مع الأعتزار للسفافين رد مع اقتباس


	12-06-2009 11:30 AM #3 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة تغريد ههههههههههههههههه والله يا عاقب بالغت عدييييييييييييييييل كدا ما عاملة فيها ضكرانة بس أقول ليك حاجة أنا لو مكانها برميهو واليحصل يحصل هو زاتو راجل بسف دا هي دايرا بيهو شنو ؟ مع الأعتزار للسفافين اى عليك الله قولى كدا لمن تلحقى عواطف والقاك مدقراها بى مزااااااااااااااااااااااااااااااااج هووووووووى يا تغريد والله النسوان ديل كل شئ ولا الطلاق مش يسفن بس على الهناى يسفن الحكومة زاتا بالمناسبة فى ظاهرة سفة النسوان ممكن تعكسها القصة وتتناولها فى اطارها العام لماذا تلجأ بعض النساء لسف التمباك ؟؟؟ أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	12-06-2009 11:35 AM #4 أحمد عمر ( MOODY ) الملف الشخصي مشاهدة المشاركات مشرف المنتدي العام Array تاريخ التسجيل May 2009 الدولة أبوظبي المشاركات 3,309 سلامات يا أبو المصابيح .. وحمداً لله على السلامة .. والرجعة للكتابة لكن أول حاجة النسعلك .. ديل شلة " كيوتو " ولّلا ناس تانين ..؟ وكان الله مدّ في الأيام بجيك راجع تعقيب يا ود العاقب : شايف الحالة نون قرّبت تفك .. لّلا كان فكّت ما عارف ..!! لم نولد شياطيناً .. ولا سنموت ملائكة نحن بشر و كلنا يخطئ .. وخير الخطّائين التوّابون سبحانك اللهم وبحمدك .. أشهد أن لا إله إلاّ أنت أستغفرك وأتوب إليك رد مع اقتباس


	12-06-2009 11:52 AM #5 تغريد الملف الشخصي مشاهدة المشاركات عضو ذهبي Array تاريخ التسجيل May 2009 الدولة حي دردق المشاركات 4,715 [QUOTE=agibmisbah;309405] اى عليك الله قولى كدا لمن تلحقى عواطف والقاك مدقراها بى مزااااااااااااااااااااااااااااااااج هووووووووى يا تغريد والله النسوان ديل كل شئ ولا الطلاق مش يسفن بس على الهناى يسفن الحكومة زاتا بالمناسبة فى ظاهرة سفة النسوان ممكن تعكسها القصة وتتناولها فى اطارها العام لماذا تلجأ بعض النساء لسف التمباك ؟؟؟ [/QUO نسوان بسفن ..! دي بالغت فيها يا العاقب و مع أنو ما شفت لي مرة بتسف قبل كدا بس أكيد السبب الفراغ وعدم الشغلة بس للأسف ما أتعلمن فيهو المشاط اللي هو حاجة نافعة بس أتعلمن حاجة كعبة ومقززة ودا نفس السبب بتاع سف الرجال علي فكرة الفراغ وعدم الشغلة التعديل الأخير تم بواسطة تغريد ; 12-06-2009 الساعة 12:01 PM رد مع اقتباس


	12-06-2009 12:14 PM #6 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة أحمد عمر ( moody ) سلامات يا أبو المصابيح .. وحمداً لله على السلامة .. والرجعة للكتابة لكن أول حاجة النسعلك .. ديل شلة " كيوتو " ولّلا ناس تانين ..؟ وكان الله مدّ في الأيام بجيك راجع تعقيب يا ود العاقب : شايف الحالة نون قرّبت تفك .. لّلا كان فكّت ما عارف ..!! الحبيب احمد عمر مودى سلمك الله من كل شر دى شلة كيوتو ناس عواطف يظهر انهن لاحقاتننا فى اى زقاق خايف يجيبن سيرة كيوتو مرة تانية ونروح فيها نحن شلة الشم على الهواء مباشرة بين قوسين لايف والحالة نووووووون حتفك غصبا عنها ومنتظر جيتك بالحيل مشكور على الطله والله وليك احترام خاص جدا أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	12-06-2009 12:18 PM #7 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة تغريد [ نسوان بسفن ..! دي بالغت فيها يا العاقب و مع أنو ما شفت لي مرة بتسف قبل كدا بس أكيد السبب الفراغ وعدم الشغلة بس للأسف ما أتعلمن فيهو المشاط اللي هو حاجة نافعة بس أتعلمن حاجة كعبة ومقززة ودا نفس السبب بتاع سف الرجال علي فكرة الفراغ وعدم الشغلة رائعتنا تغريد انتى ما شفتيهن ولا شنو والله نحن شفناهن واقفات صف فى محل العمارى الجيد وكان ما فاطر ما تخاطر والغريبة فى الخليج كمان منتشرة الظاهرة دى بنات الخليج بيسفن بعد سماحتهن دى كلها تشوفيهن تقولى اكل ما مفروض ياكلن خلى يسفن تمباك والواحدة تجيها خرمة تشهيها العافية وتقعد تساسق فى انصاص النهار عشان تلقى ليها واحد يجدع ليها الكيس حاجه بالجد سيئة أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	12-06-2009 12:30 PM #8 تغريد الملف الشخصي مشاهدة المشاركات عضو ذهبي Array تاريخ التسجيل May 2009 الدولة حي دردق المشاركات 4,715 المشاركة الأصلية كتبت بواسطة agibmisbah رائعتنا تغريد انتى ما شفتيهن ولا شنو والله نحن شفناهن واقفات صف فى محل العمارى الجيد وكان ما فاطر ما تخاطر والغريبة فى الخليج كمان منتشرة الظاهرة دى بنات الخليج بيسفن بعد سماحتهن دى كلها تشوفيهن تقولى اكل ما مفروض ياكلن خلى يسفن تمباك والواحدة تجيها خرمة تشهيها العافية وتقعد تساسق فى انصاص النهار عشان تلقى ليها واحد يجدع ليها الكيس حاجه بالجد سيئة والله دا كلام عجيب وحقيقة البتاع دا غير منظرو الما حضاري كمان عندو أضرار صحية كتييييييرة يتبدأ بي التهاب حاد في اللثة وبنتهي بي سرطان الفم واللثة الغير قابل للعلاج وجد كدا ربنا يشفي الجميع . والغريبة يا عاقب أغلب الناس البسفوا بتلقاهم من الناس المتعلمين والبيشغلوا مراكز مرموقة في المجتمع ودا بيحيرني شديد لانو انت ياخ كان ما خفت علي صحتك خاف علي مظهرك الاجتماعي والعملي البتبني فيهو سنين دا لاني لو عميل عندك وجيتني بي سفتك دي أكيد حأغير رأيي لأنوالمظهر مهم في معظم الأعمال مع انو الصحة أهم عقبة أخوي البوست مباااااااااااااالغة وأكييد بجيك راجعة لانو عندي كلام كتير فيهو تقبل مروري رد مع اقتباس


	12-06-2009 12:42 PM #9 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة تغريد والله دا كلام عجيب وحقيقة البتاع دا غير منظرو الما حضاري كمان عندو أضرار صحية كتييييييرة يتبدأ بي التهاب حاد في اللثة وبنتهي بي سرطان الفم واللثة الغير قابل للعلاج وجد كدا ربنا يشفي الجميع . والغريبة يا عاقب أغلب الناس البسفوا بتلقاهم من الناس المتعلمين والبيشغلوا مراكز مرموقة في المجتمع ودا بيحيرني شديد لانو انت ياخ كان ما خفت علي صحتك خاف علي مظهرك الاجتماعي والعملي البتبني فيهو سنين دا لاني لو عميل عندك وجيتني بي سفتك دي أكيد حأغير رأيي لأنوالمظهر مهم في معظم الأعمال مع انو الصحة أهم عقبة أخوي البوست مباااااااااااااالغة وأكييد بجيك راجعة لانو عندي كلام كتير فيهو تقبل مروري الرائعة تغريد لا اود الخوض فى منظره الاجتماعى حتى لا اسبب احراجا لبعض الاحبة هنا فقط هو لفت نظر ان الصحة اهم من المنظر الاجتماعى لا تغنينا السفة عن بقية حياتنا ولا تحل مشكلة ولا فائدة تُرجى منها فقط هو عبء اضافى نضيفه الى كاهلنا حين نشعر بزيادة مصاعب الحياة قد نكون تعلمناه فى طور مراهقتنا فى مرحلة اثبات اننا صرنا رجال وإظهار قدرتنا على اتخاذ قراراتنا بأنفسنا وبعد فترة من ادماننا عليه صعُب علينا تركه واصبح صديقنا المقرب وبيتنا المحبب فى انتظارك تغريد واحسب انك ستضيفين الى البوست نكهة خاصة أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	12-06-2009 02:59 PM #10 moh_alnour الملف الشخصي مشاهدة المشاركات فخر المنتديات Array تاريخ التسجيل Aug 2007 الدولة جدة - السعودية المشاركات 7,687 ما قولتوا نُوبة و ين كيس الصعوط أقصد وين الرُطانة مشكور يا عقبة على هذا الإبداع مشاققة : أنت يا العاقب تغريد دي عايشة وين لا شافت نسوان بسفن ولا بتعرف البجعة إننا نحب الورد رغم الأشواك التي تعانقه وهكذا الحياة abu ze yazan جزيرة الفيل الأصالة و العراقة رد مع اقتباس


	12-06-2009 09:44 PM #11 عبدالرحمن مدثر الملف الشخصي مشاهدة المشاركات عضو ذهبي Array تاريخ التسجيل May 2009 الدولة الخرطوم - السجانة المشاركات 5,052 صبحى صباح الخير ياصديقى بين تهانى ونادية وغيرها جوطة احاسيس تكون ضحيتها من تجلس على السنتر عواطف وغيرها ... انها حقائق وواقع حال .. (وكبسة دماغ ) يعانى فيها (العريس المنتظر ) معاناة لاتحدها حدود وهذه (التقة ) وغيرها موجودة وبكثرة فى مجتمعنا فى سباق محموم حول من يضبح (الكديسة ) اولا وماتعبئه نسوان اللمة فىاسبوع يحتاج منك لسنة كاملة من اجل التفريغ قبل ان يفرخ حزن اكبر ... معالجة درامية جميلة وبعيدا عن الونسة ... وقريبا من السفة امام جامع يخطب فى المسجد وبحرقة (ياودالحرقة ) عن تقلب الاحوال فى مجتمعنا السودانى وصوته يرتفع مع كل موقف متناقض يخبرنا عن تفكك المجتمع لدرجة ان البنت تاتى بصديقها فى الجامعة (تيجانى ) فى البيت وتعرف الاسرة به ... وتعرف به ابوها دا تيجا ياابوى تيجا يامؤمنين ... تيجاااااا ويعلو صراخه مجددا والولد ياتى بكل جراءة لوالده ويقول له جيب سفة سفة يامؤمنيييييين ..... سفة أحبابي لو كان الحَزنُ دموعْ لو أنّا بالعيِن نُحسْ لو كان الحزُن يشم نَزَفت رئتاي الدّمْ وطلعتُ عليكم جمرُ الحُرقة يشوي كَفيّ رد مع اقتباس


	12-06-2009 10:29 PM #12 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 تعرف يالعاقب الاسبوع الفات كان عندي اورنيك مامشيت الشغل اها يومي النزلت عندي زميلي من نوعية صاحبك دا لقيته رامي لي اجارك الله سفته دي في الباسكت بتاعي صدقني انا شفته مليون مليون مش عشرة عشرة ولما يعمل فيها حريف و"يدس" الكيس تحت التربيزة عشان يدورها انا طبعا بسمع صوت الكيس جسمي كله بيقشعر غايتو لو كنت في محل عوطف برمي الكيس وقبله برمي سعيد كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس


	12-06-2009 10:56 PM #13 رامى طلبه الملف الشخصي مشاهدة المشاركات عضو فعال Array تاريخ التسجيل Nov 2005 الدولة حى المدنيين - مدنى المشاركات 233 بالمناسبة فى ظاهرة سفة النسوان ممكن تعكسها القصة وتتناولها فى اطارها العام لماذا تلجأ بعض النساء لسف التمباك ؟؟؟[/center][/color][/size][/QUOTE] ماعارفين ظاهره سف النسوان دى شنو ؟؟ دى بالظبط حصلت ليهم زى قصه عواطف ( العروس) شالوا الكيس عشان يرموهوا هرشوهم اخدوا ليهم سفه ومن ديك وعيك . رد مع اقتباس


	12-06-2009 11:39 PM #14 حاتم مرزوق الملف الشخصي مشاهدة المشاركات عضو فضي Array تاريخ التسجيل Apr 2007 الدولة جنب الماوس المشاركات 2,569 الحبيب عقبة مما لا شك فيه كانت هناك جلسة ذكورية مماثلة في الجانب الآخر خرج منها سعيد بتوصيات مدروسة قابلة للتنفيذ( ومافيش حد احسن من حد). استطاع سعيد ان يسيطر علي الموقف منذ الجولة الأولي ولكن كانت عواطف له بالمرصاد فاشارتها بأنها خرمانة من الصباح بالتأكيد فعلت فعلها في نفسيات سعيد ولم نكن نريد ان تنتهي القصة الي هذا الحد ، لكن ماذا نعمل مع لوازم النصوص الرائعة التي تحتم ترك مساحة لدي القارئ ليستنتج النهاية المناسبة. كنت رائعا اخي عقبة وانت تدير دفة هذا الحوار. رَبَّنَا آمَنَّا بِمَا أَنزَلْتْ وَاتَّبَعْنَا الرَّسُولَ فَاكْتُبْنَا مَعَ الشَّاهِدِينَ رد مع اقتباس


	13-06-2009 01:25 AM #15 تغريد الملف الشخصي مشاهدة المشاركات عضو ذهبي Array تاريخ التسجيل May 2009 الدولة حي دردق المشاركات 4,715 المشاركة الأصلية كتبت بواسطة mohalnour ما قولتوا نُوبة و ين كيس الصعوط أقصد وين الرُطانة مشكور يا عقبة على هذا الإبداع مشاققة : أنت يا العاقب تغريد دي عايشة وين لا شافت نسوان بسفن ولا بتعرف البجعة عاد أشوفين وين ؟؟؟ أظنهم بيعملوها بالسرقة بس يطرشني كان شوفتهم ههههههه وبالنسبة للبجعة دي بتاتا البتة في كتاب المطالعة مافي الا كان أنت والعاقب قريتو البستان بتاع الشفع الهسة دا وعاملين صغار قال بجعة قال رد مع اقتباس


	13-06-2009 04:13 AM #16 مهدي إبراهيم الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Jan 2008 الدولة مدني - القسم الأول المشاركات 453 الحبيب العاقب ... أنا رأي من رأي العزيز حاتم مرزوق .. وهو الجلسة و المرافعات و الوصايا من الجانب الآخر ..!! طبعاً حصل معاي نفس الشئ و نفس الوصايا من زوي الخبره !! ولكن حرررررررم ما بقدر أسوي زي فعلته زولك ده !!! من أول يوم دنكلها !!؟؟ لا لا لا دي كتيره !! والله نحن خليناها كم يوم .. وكم يوم شغالين بالدس !! و هاك يا غسيل !!! و بعدين إنكشف المحظور ... عشقي لكل من يعشقك إنتي الحنينه إنتي الحنينه إنتي الحنينه رد مع اقتباس


	13-06-2009 04:27 AM #17 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 المشاركة الأصلية كتبت بواسطة agibmisbah [size="6"] [font="arial black"] احتراماتى وبشدة العاقب مصباح صديقى الرائع العاقب مصباح احتراماتى لك انت ايها المسكون بالابداع ... ولا ادرى لماذا طاف بذهنى تلك المراءه التى بح صوتها لكى تقنع زوجها بترك السيجائر ... والتحول الى الصعوط ... لان السجائر فى اعتقادها مكلف ماديا وصحيا ( يعنى سخانة جيب وكده ) ... والزوج بحاول يقنع فيها ان الصعوط مظهرو ما حضارى وكده ... وصحى ناس وناس لك تحياتى يا عزيزى .. فقد استمتعت بالحوار الشيق رد مع اقتباس


	13-06-2009 04:49 AM #18 عصمت الصادق حماد الملف الشخصي مشاهدة المشاركات عضو فعال Array تاريخ التسجيل May 2009 المشاركات 249 ود العاقب يا روعه بصراحه أنا بتعجبني القفله عندك (نهاية القصة) عندما أطال في النص أقول ود العاقب نهاية قصته القصيرة بتكون كيف لكني أجد نفسي قد بلغت بر الأمان وأن النهاية رائعاً جداً وهذا في جميع ما طرحته من مواضيع فلك التحية ظاهرة سفت التنباك نتفق عليها جميعاً بأن ليست حضارية حتى من الذين ابتلوا بهذه العادة السيئة؟! تخريمة عندما تقدم طالبان من جامعة أمدرمان الإسلامية لأحد الدكاترة لاختياره في مهمة قال الدكتور أما هذا فإنه يتناول التنباك وأن في شاك أو مشكاك؟! وقرر أن يختار الآخر. أنا ياسيدتي ، أترعت حتى التشبع حياة الإلفة من رحم حميمية قرية أصيلة ، ضاربة بجذور عميقة في أرض ما عرفت يوماً جدب الطيبة ولا قحط النقاء رد مع اقتباس


	13-06-2009 05:51 AM #19 يسري الياس الملف الشخصي مشاهدة المشاركات عضو فعال Array تاريخ التسجيل May 2009 المشاركات 349 عواطف :- راجلى قالوا بسف سعوط..... نادية وتهانى سويا :- لا حولاااااااااااااااااااااااا تصدق يا العاقب لمن قريت العنوان قايلك بتسف صعوت .... قلتا لا حولااااااااااااااااااااااااا في عمارة بتزبل لاكن تحت تحت كده جيب سفه يا معلم .. هـجرة عـصافير الـخريف فـى مـوسم الـشوق الحلو هـيج رحـيلا مـع الـغروب احـساس غـلبنى اتـحملو رد مع اقتباس


	13-06-2009 06:03 AM #20 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة mohalnour ما قولتوا نُوبة و ين كيس الصعوط أقصد وين الرُطانة مشكور يا عقبة على هذا الإبداع مشاققة : أنت يا العاقب تغريد دي عايشة وين لا شافت نسوان بسفن ولا بتعرف البجعة يا اخوى دى عالم جبانة خلاص وكان مغالطنى اتزوج يا ود النور وتغريد دى خليها ساى ديل ناس الشهادات الاجنبية وكدا أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	13-06-2009 06:14 AM #21 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة عبدالرحمن مدثر صبحى صباح الخير ياصديقى بين تهانى ونادية وغيرها جوطة احاسيس تكون ضحيتها من تجلس على السنتر عواطف وغيرها ... انها حقائق وواقع حال .. (وكبسة دماغ ) يعانى فيها (العريس المنتظر ) معاناة لاتحدها حدود وهذه (التقة ) وغيرها موجودة وبكثرة فى مجتمعنا فى سباق محموم حول من يضبح (الكديسة ) اولا وماتعبئه نسوان اللمة فىاسبوع يحتاج منك لسنة كاملة من اجل التفريغ قبل ان يفرخ حزن اكبر ... معالجة درامية جميلة وبعيدا عن الونسة ... وقريبا من السفة امام جامع يخطب فى المسجد وبحرقة (ياودالحرقة ) عن تقلب الاحوال فى مجتمعنا السودانى وصوته يرتفع مع كل موقف متناقض يخبرنا عن تفكك المجتمع لدرجة ان البنت تاتى بصديقها فى الجامعة (تيجانى ) فى البيت وتعرف الاسرة به ... وتعرف به ابوها دا تيجا ياابوى تيجا يامؤمنين ... تيجاااااا ويعلو صراخه مجددا والولد ياتى بكل جراءة لوالده ويقول له جيب سفة سفة يامؤمنيييييين ..... سفة ود مدثر صاحب الاضافات الانيقة ما وريتنا نوع الكديسة والارتكب فيها الجريمة منو احيانا تُعد الحالة واحدة والدقون اتلاحقت عشان كدا كيسنا واحد ويا تيجا كان عبلاجك صنقر مافى ليك سفة يعجبنى منظر السفة فى رمضان ويستفذنى دوما بعد الفطور وشراب الجبنة تأتيك لحظة ترغب فيها بالتمدد على جانبى فرشة الفطور وحنكك ملوى بى جنبة وزول زيك مافى احيانا هنالك نوع لا يتناول اى نوع من المكيفات نوع رأس القطعية قد حرموا من بعض الخيال الواسع وبعض اصحاب التدقيرة ليهم خيال واسع مع انه ما واسع شديد بس واسع يبقى قدر مساحة الخرمة الجوه اى واحد واحلى مافى الكيس السفة الاخيرة بتتفنن فيها بى مزاااااااااااج وبتعمل ليها خرطة وابعاد كمان واى زاوية يمكن ان تكون كما الصالون لما يكون جديد تحضرنى قصة حكاها لى احدهم عن ان صديقه يضع السفة فى اذنه من الخارج وليس الداخل وهذا فى نهار رمضان ظنا بأنها لن تصل الى الحلق حتى لا تبطل صومه مع علمه بأن معدل التكييف وصل الاعصاب كلها وبشتنها بشتنة شديدة بعد الكلام دا كله والله ما بسف أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	13-06-2009 06:21 AM #22 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة مدنيّة تعرف يالعاقب الاسبوع الفات كان عندي اورنيك مامشيت الشغل اها يومي النزلت عندي زميلي من نوعية صاحبك دا لقيته رامي لي اجارك الله سفته دي في الباسكت بتاعي صدقني انا شفته مليون مليون مش عشرة عشرة ولما يعمل فيها حريف و"يدس" الكيس تحت التربيزة عشان يدورها انا طبعا بسمع صوت الكيس جسمي كله بيقشعر غايتو لو كنت في محل عوطف برمي الكيس وقبله برمي سعيد مدنية سعيد على الهناى ما بيترمى وصوت الكيس صوت مميز بيخليك تتخيل شكل الرجفة الحاصلة من ورا عينك سفة النسوان يا مدنية ما وريتينا رايك فيها شنو الحمد لله انو فى السودان ما منتشرة شديد او منتشرة بين اجيال كبيرة فى عمرها ونسبتها ضئيلة جدا والفئة العمرية الصغيرة بتتأفف منها شديد يعنى ممكن نصل لى وعى كامل فى خلال عقود قليلة وتنعدم الظاهرة دى ايوا ما ممكن نطلق عليها اسم ظاهرة لكن مافى مسمى تانى... والسودانيات عموما مقلدات لغيرهن كتير جدا وفى سودانيات اسأل الله ان يحفظهن يختلطن بأجنبيات كثُر اتمنى ان لا تنتقل اليهن تلك الظاهرة وفى ذلك حفظ لهن اولا وللاجيال القادمة احترامى أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	13-06-2009 06:27 AM #23 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة رامى طلبه ؟؟؟[/center][/color][/size]ماعارفين ظاهره سف النسوان دى شنو ؟؟ دى بالظبط حصلت ليهم زى قصه عواطف ( العروس) شالوا الكيس عشان يرموهوا هرشوهم اخدوا ليهم سفه ومن ديك وعيك . [/quote] الرائع رامى طلبه قد تكون هى بمثابة طريقة لأثبات اكتمال العقل واكتمال الحرية للبنت وحين تقوم المرأة بعمل ذلك بين صويحباتها تعتقد بأنها اشجعهن جميعا وكل واحدة فيهن تريد التعبير عن تلك الشجاعة بطريقتها الخاصة المشكلة ان الانثى لا تستطيع ان تُظهر ذلك للكل انما يظل حبيسا لأركان صديقاتها ولكن بعض النسوة كبيرات السن لا يُخفين ذلك مع احتراماتى لك التعديل الأخير تم بواسطة العاقب مصباح ; 13-06-2009 الساعة 06:35 AM أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	13-06-2009 06:44 AM #24 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة حاتم مرزوق الحبيب عقبة مما لا شك فيه كانت هناك جلسة ذكورية مماثلة في الجانب الآخر خرج منها سعيد بتوصيات مدروسة قابلة للتنفيذ( ومافيش حد احسن من حد). استطاع سعيد ان يسيطر علي الموقف منذ الجولة الأولي ولكن كانت عواطف له بالمرصاد فاشارتها بأنها خرمانة من الصباح بالتأكيد فعلت فعلها في نفسيات سعيد ولم نكن نريد ان تنتهي القصة الي هذا الحد ، لكن ماذا نعمل مع لوازم النصوص الرائعة التي تحتم ترك مساحة لدي القارئ ليستنتج النهاية المناسبة. كنت رائعا اخي عقبة وانت تدير دفة هذا الحوار. نهاية رائعة تُسطرها بقلمك اخى حاتم مرزوق وما بين محاولة سعيد فرض شخصيته وبين خضوع عواطف تنتج الكارثة التى لم يتوقعها احد زوجة تضع سفة فى يوم زواجها تنهار اسس كثيرة يتمنى حينها سعيد لو لم يكن يتناول التمباك ان لم يكن قد تركه فى نفس اللحظة تماشيا وليس تنازلا مع حلمه بتحقيق حياة نقية لك الاحترام اخى على الاضافة الراقية وتسلم شديد أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	13-06-2009 06:44 AM #25 بت أم درمان الملف الشخصي مشاهدة المشاركات عضو ذهبي Array تاريخ التسجيل May 2009 الدولة ام درمان المشاركات 5,100 الحالة بقت ياتو حرف من حروف الابجدية ؟؟؟ ــهههههههههــ مبالغة ياخ نادية وتهاني ديل والله يا العاقب اقول ليك شنو العروس عواطف دي لو صحي سمعت كلامهم كان ترجع بيت اهلها بي جردل خبيزها عاين : برجع تاني بي روقان كدا زي ما بقول البعض أيقنت مؤخراً بأن القلق لن يمنع عني ما سيحمله الغد ... لكنه سيسرق بجرأة " راحة اليوم" فاجتهدت أن أحاربه بكل ما أوتيت من قوة و الله المستعااااان رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 02:15 AM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني