ماذا تعني .... كسير ثلج

[عباس الدسيس]

يا فؤادي لا تسل أين الهوى.........كان صرحاً من خيال وهوى
فا سقني واشرب على أطلاله........ وارو عني، طالما الدمع روى


أيها الساقي إليك المشتكى قد دعوناك وإن لم تسمع
ونديم همت في غرته
ويشرب الراح من راحته
كلما استيقظ من سكرته
السكران هو متعاطي الخمر (( العرقي – المريسه.... الخ) الخمر معروف كما ورد بين قوسين اما الساقي فهذا نحن بصدده وهو الشخص الذي يصب الخمر ومهامه ايضا ان يكون لبق يجيد فن النكته والترويح عن النفس والخمر لها اعمال يقوم بها الساقي من فتح الزجاج وتنظيف الكاسات والاعمال الاخري التي تستلزمها القعده ومن اهم هذه الاعمال كسير الثلج ليصب في الكاسات قبل ان يتم صب الخمر لتشرب مثلجه .... اها عرفتوا كلمة كسير الثلج معناها شنو.... من اهم الحاجات لازم تكون محبوب ومقبول شكلا وموضوعا عشان تكسر ثلج ما تكون دمك تقيل كلامك بايخ تخش في الموضوع توش بدون مقدمات اهم شيء تعرف الموضوع شنو بعدين تبدأ تكسر عشان تنال مرادك زي ما بياخذ ساقي الخمر بقشيش نظير كسير الثلج
ولد سأل أبوه السكران بابا شنو يعني برج ايفل
قاليهو الابو : ما عارف
قال الولد : طيب شنو يعني كاميرا رقميه؟
قاليهو الابو : ما عارف
قالت الأم: يا ولد ما تزعج ابوك
رد الابو : خلي الولد يستفيد
اها ده كسير مافي محلوا من الام والظاهر عينة الابو ده صعب معاهوا الكسير مع انو سكران.... كده كلمة كسير الثلج وقعت ليكم في المعني والفعل

[الجندي المجهول]

يا فؤادي لا تسل أين الهوى.........كان صرحاً من خيال وهوى
فا سقني واشرب على أطلاله........ وارو عني، طالما الدمع روى


أيها الساقي إليك المشتكى قد دعوناك وإن لم تسمع
ونديم همت في غرته
ويشرب الراح من راحته
كلما استيقظ من سكرته
السكران هو متعاطي الخمر (( العرقي – المريسه.... الخ) الخمر معروف كما ورد بين قوسين اما الساقي فهذا نحن بصدده وهو الشخص الذي يصب الخمر ومهامه ايضا ان يكون لبق يجيد فن النكته والترويح عن النفس والخمر لها اعمال يقوم بها الساقي من فتح الزجاج وتنظيف الكاسات والاعمال الاخري التي تستلزمها القعده ومن اهم هذه الاعمال كسير الثلج ليصب في الكاسات قبل ان يتم صب الخمر لتشرب مثلجه .... اها عرفتوا كلمة كسير الثلج معناها شنو.... من اهم الحاجات لازم تكون محبوب ومقبول شكلا وموضوعا عشان تكسر ثلج ما تكون دمك تقيل كلامك بايخ تخش في الموضوع توش بدون مقدمات اهم شيء تعرف الموضوع شنو بعدين تبدأ تكسر عشان تنال مرادك زي ما بياخذ ساقي الخمر بقشيش نظير كسير الثلج
ولد سأل أبوه السكران بابا شنو يعني برج ايفل
قاليهو الابو : ما عارف
قال الولد : طيب شنو يعني كاميرا رقميه؟
قاليهو الابو : ما عارف
قالت الأم: يا ولد ما تزعج ابوك
رد الابو : خلي الولد يستفيد
اها ده كسير مافي محلوا من الام والظاهر عينة الابو ده صعب معاهوا الكسير مع انو سكران.... كده كلمة كسير الثلج وقعت ليكم في المعني والفعل

تحياتي اخي الغالي جدا جدا

والله انت جيت من الاخر كدا

ودا شكل بسيط ومقنع لي كسير التلج

وطبعا الكسير عندو مواقع تانية كتيرة خالص وبيني وبينك ( الحياة عندنا في السودان بكل اسف بقت كلها كسير تلج) ودهنسة ومحسوبية واديك مثال بسيط :
لو في بكا في الحي (الفريق) والناس جالسة وجا واحد تعبان كحيان يشيل الفاتحة تلقى الناس بتشيلها وما شغالة بيهو ولو جا واحد مروق وراس مالي ولا سلطة كبيرة في البلد كل الفي الصيوان ( إلا جزء بسيط) تلقاهم وقفوا وشالوا الفاتحة غايتو الله المستعان دخلت علينا حاجات غريبة وما بتشبهنا
وصدقني والله والله البوست بتاعك دا من اجمل البوستات الان شاهدتها مؤخراً في الموقع ( دا كلام حقيقي ما كسير تلج ) عشان ما تفهمني غلط

تخريمة --------------

ولا اقول ليك انت براك بتكون فهمتها ؟

[عبدالرحمن مدثر]

كمعنى وقعت ياابن فرناس

ولكن كفعل اصبحت فى اى زمان اى مكان

بيوت الاعراس

وبيوت البكاء

واصحاب السلطة لديهم جوقة من المكسرين

وعييييييييك




سؤال سااااى


هل هناك متعة فى كسير التلج ....؟؟

[عباس الدسيس]

حبيبنا الجندي المجهول المسأله وقعت لي وفهمتها ..... كمان في حاجه بقت في السودان الناس شغاله تكسر في حاجات لا ليها ناقه ولا جمل فيها الله احلنا من حكومة السجم

[عباس الدسيس]

الحبيب عبدالرحمن تقصد المتعه في الكسير الجد جد بتاع الكبابي ولا تقصد كسير الثلج بتاع جوقة السلطه

[esmat]

دي مشاركة قديمة في النفاج :

غايتو اخر ما توصلنا إليه ان مصطلح
كسير التلج ده هو
اخراج كمية كبيرة من الجرسة تترك
المحبوب في حالة تجميد كل الاجهزة
لديه والتركيز على حالتك المستعصية
ويتوهم انك الوحيد القادر على تدفئته
من الشعور بالبرد

[عباس الدسيس]

غايتو اخر ما توصلنا إليه ان مصطلح
كسير التلج ده هو
اخراج كمية كبيرة من الجرسة تترك
المحبوب في حالة تجميد كل الاجهزة
لديه والتركيز على حالتك المستعصية
ويتوهم انك الوحيد القادر على تدفئته
من الشعور بالبرد

حبيبنا عصمت بالله قارن بين تفسيري الفوق والتفسير الجبتوا انت من النفاج ايهما الاصح:
البتقصدوا انت ده ما كسير ثلج ده بقولوا عليهو طحن ناعم اي بمعني طحنك ناعم مصطلح وسط البلوم والبلوم هو معروف يعني الحسس او الجكس قديما كان يقال له الحمام (( يا حمام حم حم شتت ليك السكر)) ولقد تغني الشعراء للحمام كثيرا سابقا كما قيل عن الحمامه الراكه في الزنكيه قولي القضيه ونخلص الي ان المقصود هو الجنس الناعم ولارتباط كلمة ناعم بالجنس الاخر اتضح هنالك علاقه وثيقه بين النعومه في الاكل والنعومه في التعامل فالخبيز الذي يقدم في الاعياد عندما يكون هش في الاكل اي بمعني السكر مطحون جيدا وكذلك الدقيق يقال طحنك ناعم ويقصد بها انسان لبق وبترقد الكلام مع البلوم اي كما مقصود بالمصطلح الحديث اخراج كمية كبيرة من الجرسة تترك المحبوب في حالة تجميد كل الاجهزة لديه والتركيز على حالتك المستعصية ويتوهم انك الوحيد القادر على تدفئته من الشعور بالبرد ....... والله اعلم

[esmat]

البتقصدوا انت ده ما كسير ثلج ده بقولوا عليهو طحن ناعم اي بمعني طحنك ناعم مصطلح وسط البلوم والبلوم

والله يا الدسيس طبعاً انت اعرف مني بهذه الطرق
وأرى ان في معيتك الكثير من فقد قلبت التكسير
الى طحن وبما أن هذه المرحلة لم نخالطها ونبدأ
ولم اسمع بها اراك قد تفوقت علينا فيها .

غايتو لو كان قصدك مصطلح كسير التلج القصدوا
الجندي دا بعيدين منو غايتو

يعني بترقد رقاد شديد واتمنى أن تعطينا مثال لذلك

دا البنعرفو بس
(الحسس ، والبلوم)

[صابرحسين]

[size="5"]أخي عباس الدسيس مصطلح كسير الثلج يستخدم في كثير من المنتديات للتعبير عن أن الشخص ترك الموضوع أو النظرة الموضوعية للشي المطروح وبداء في تأكيد كلام الكاتب مجاملةً لشي في نفسه أو لمصلحة يرجوها من ذلك الشخص ، وفي بعض الأحيان تجد وجهة النظر سليمة ولكن إشاعة مثل هذا المصطلح قد يشوه كثير من الكلام الجميل الذي نتمنى نطلقه أحياناً بحق على موضوع معين لمجرد الإختلاف في وجهات النظر مما يؤدي لكبت كثير من الكلام الجميل خوفاً من النعث بإنك كسار ثلج .

[عباس الدسيس]

حبيبنا صابر اولا شكرا علي المرور ثانيا انا اطلعت علي المشاركه قبل التعديل كنت عايز انداح فيها بس انشغلت شويه في المكتب لما رجعت تاني لقيت التعديل ههههههههه .
التعريف يمكن اكون مطابق حسب ما تم ذكره ولنستمع لتعريفات اخري.
حبيبنا عصمت برجع ليك تاني لمصطلح الرقاد

[صابرحسين]

حبيبنا صابر اولا شكرا علي المرور ثانيا انا اطلعت علي المشاركه قبل التعديل كنت عايز انداح فيها بس انشغلت شويه في المكتب لما رجعت تاني لقيت التعديل ههههههههه .
التعريف يمكن اكون مطابق حسب ما تم ذكره ولنستمع لتعريفات اخري.
حبيبنا عصمت برجع ليك تاني لمصطلح الرقاد

أنت عارف أن حاولت ألون الصفحة ولكن جاء الحزف بطريقة غير مباشرة ، وفعلاً أو مرة نسمع بعرقي ومريسة بكسروا ليها ثلج يعنى كان تكون مريسة كولا أو بوزا كولا ههههه وكان تم تصديرها ههههههههه .