المكعبات الزجاجية في إستوديوهات الفضائية السودانية

[المسافر]

هي مكعبات زجاجية ( فرض عين ) تكون ضمن ديكور إستوديوهات الفضائية السودانية ، وهي عددها (11) ‏مكعب زجاجي أو تكاد تزيد قليلاً ، الغالبية منها مكعبات بيضاء اللون وهنالك جزء بسيط منها ‏زرقاء اللون . . . تجداها بإستمرار من ديكور إستديوهات الفضائية السودانية (إن جاز التعبير ) ‏وغالباً ما تجدها على شكل هرم ومرات ( مرصوصة فوق بعض ) ومرات ( بالجنبة رايت) ‏ومرات ( بالجنبة لفت ) ومرات أيضاً ( بالجنبتين ) وفي الغالب (مرمية بلا معنى ).‏

قيل إن المكعبات الزجاجية هذه من ( الزمرد الصافي) التي أهديت للفضائية السودانية بمناسبة ‏إختيار إستوديوهاتها كأجمل الإستديوهات في القنوات التلفزيونية .‏

وقيل أيضاً إنها من ( البلور النقي ) والتي حصلت عليها للفضائية السودانية بفوزها بجائزة ‏أفضل البرامج من ناحية الإعداد والإنتاج والإخراج .‏

ثم قيل بعد ذلك إنها من ( الكهرمان الطبيعي المصقول ) والذي منح للفضائية السودانية ‏بمناسبة تميز المذيعين والمذيعات الذين ينتمون ليها في مخارج الحروف وإتقان اللغة والأناقة .‏

وقيل أنها من (الروز كوارت ) و (الزبرجد الأخضر ) والتي منحت لإختيار الفضائية السودانية ‏كأفضل القنوات الفضائية في توارث موظفي ومذيعي وظائفهم إلى أبنائهم وأبناء أبنائهم . . . ‏إلى قيام الساعة .‏

لذلك فإن لهذه ( المكعبات ) وضع خاص في التلفزيون السوداني ولن تتركه أبداً مهما حصل ‏والعجبو عجبو !!! والماعجبو ممكن يطالع (lbc) أو ( مولدي أفلام ) . ‏

[abomazeen]

ياسلام عليك يا مبدع ... اهو كده نتعلم منكم كيفية النقد البناءْ ... أحييك أخي المسافر على ذلك وأشد على يديك بقوة ...

[بت أم درمان]

ما جبت سيرة الفرش الارضي المصنوع من اغلا وافخر المنسوجات الهندية


وما جبت سيرة المجالس التركية الفخمة



وما جبت سيرة الاضاءة


لالالالا كلامك ناقص ناقص


بس مع ذلك الفضائية السودانية تظل محببة لدينا ولكل المتغربين

[غريب الدار]

مشهد مؤثر جدا

كراسي لونها اخضر غامق تبدو للواحد من اول نظرة انها حلوة ومقبولة

المزيعة العاملة الحوار زحت راسها من ضهرية الكرسي عشان تتناول ورقة من الطربيزة الظهر للجمهور بقعة زيت في راس الكرسي ودا كان طبعا الظاهر كدا دهن شعر الاخت المزيعة :d:d

[حسام التنين]

والله ياغريب الدار بلاي دي بس الشفتها

انتو ماشفتو التمتمة و التهجئة في النشرة العالمية

ولا ماشفتو اسامي الاعبين بنطقوها كيف

ولا ... ولا ... ولا..

[غريب الدار]

والله ياغريب الدار بلاي دي بس الشفتها

انتو ماشفتو التمتمة و التهجئة في النشرة العالمية

ولا ماشفتو اسامي الاعبين بنطقوها كيف

ولا ... ولا ... ولا..

ياخي بصراحة تلفزيون السودان بنحضرو اجباري لو الوالد جاء قعد جمبنا وقال شغلو قناة السودان
والواحد يقعد يسئل نفسو العاجب الناس دي في القناة الغير مشرفة دي شنو ؟انا مرة حضرت لي مسلسل سوداني لحد حسي بضحك على التكلف في الاداء بتاع الممثلين - بشتنة ومهزلة شديد

[esmat]

شكراً لهذه النظرة التفاؤلية لهذا الجهاز الكبير الذي تعلمنا منه الكثير


ياخي انت من كعكات لي مربعات مشكلتك شنو مع الرياضيات

[بورتبيل]

ياسلام عليك يا مبدع ... اهو كده نتعلم منكم كيفية النقد البناءْ ... أحييك أخي المسافر على ذلك وأشد على يديك بقوة ...

غريبة ***** دا انتا يا ابو مازن

كيف كيف ما فهمتا يا ابو مازن !!

نقد هو دا قاعد ينقد ولا قاعد يقدد تقدد .. يا اخي دا كان عندو حيطة جالوص في الدراما السودانية .. شلتنا فيه اي حاجة بتخص الدراما السودانية .. انا والمكاشفي وزاهر وكمية عديدة من الاعضاء ..

اها اليوم يقوم يجب لينا موضوع وقزاز كمان .. برضو حا نشلت فيه بصورة اكبر من الجالوص .. خصوصاً ان المشاهد السوداني تتعبه كثيراً البهرجة التي لا توحي الى اي شي ..فقط بهرجة وزخرفة .. اما الموضوع والمضمون ففارغ لدرجة لا توصف .. اللهم الا النشرة الجوية .

بجيكم راجع بعد ما البس ليا نظارات من ضوء القزاز البجهر دا.

[عباس الدسيس]

يابورتبيل حبيبنا انت كان كده ما عارف حكاية المكعبات دي حكايتها قالوا دي كواديك عاملها ليهم فكي لسلامة الوظائف وتوريث الوظائف كمان عشان الناس ما تلاحظ للحاجات اللاحظتها انت الظاهر يا بورتبيل الكواديك ما يتمشي فيك.... الفكي قال ليهم المكعبات دي ما بكسرها الا فنان واحد احزروا الفنان ده هو البعيو كان مستضيفنوا شيلوها بره خلوا المستور انكشف بعدين رجعوها كان اتكسرت واطاتكم اصبحت.... انت يا بورتبيل لسع بتشوف في القناة السودانية الظاهر مخوف الاولاد في البيت.

[abomazeen]

الاهتمام بالجوهر اهم من القشور

[حسام التنين]

ياخي بصراحة تلفزيون السودان بنحضرو اجباري لو الوالد جاء قعد جمبنا وقال شغلو قناة السودان
والواحد يقعد يسئل نفسو العاجب الناس دي في القناة الغير مشرفة دي شنو ؟انا مرة حضرت لي مسلسل سوداني لحد حسي بضحك على التكلف في الاداء بتاع الممثلين - بشتنة ومهزلة شديد

هو تكلف ساي الناس ديل مابدوك احساس الواقعية في التمثيل

ياخ المصريبن ديل ادوك احساس انك بتخضر في حياة زول حقيقية ماتمثيل

معقولا بس

[abdgina]

وهو لسع في ناس بتشاهد السودانية
شئ عجيييييييييييييييييب؟؟؟؟؟؟؟

[حاتم مرزوق]

المكعبات الزجاجية

مشكور يا مسافر علي اللفتة الفنية

ما فضل ليهم الا يعملوها بالجبنة وبالساردين وبالفول.

هدية جميلة اضافت لأستديوهاتنا نشكرهم عليها.

[moh_alnour]

للأمانة من أجمل ما شاهدت في القنوات السودانية من ديكور هو ديكور برنامج حواء النيل
بقناة النيل الأزرق و الذي تقدمه المذيعة تسابيح خاطر في أمسية الجمعة من كل أسبوع عند الخامسة مساء
و الأجمل في قناة النيل الأزرق أن بها وجوه شابة قادرة على الخلق و الإبداع و صُنع الدهشة
و أيضا ً يعجبني ديكور برنامج مساء جديد بذات القناة خاصة عندما يكون التصوير في وقت العصاري
حيث تكون هنالك خلفية طبيعية لمنظر النيل في بلادي و تحفها الخُضرة و تكتمل اللوحة بوجود الوجه الحسُن
حقيقي النيل الأزرق قناة الطيبين ( جمع طيبة كما ورد في - طبقات ود الريح - في وصف جمال نساء الهضبة الأثيوبية )

[بت الشبارقه]

بس مع ذلك الفضائية السودانية تظل محببة لدينا ولكل المتغربين

الا انا ...
مابحبها نهائي والله يابت امدرمان عندي حساسيه معاها كده لله في لله
يوم البشوفا بكون مجبره وعاصره ليمونه في حلقي وقارشه ليمونتين قبلها وليمونتين بعدها واليوم داك بكون مجبره لاني بكون مشيت السفاره
وعشان جرجره الجماعه بضطر استنى في الرسيبشن وماعندي حل غير اشرب مويه بااااااااااااااااارده ....مجازا :d
من الكولر بتاعم
واعلق عيوني فوق اعلي الحيطه
الخاتين عليها التلفزيون التقول بيدور يطير ياكافي البلا
واريتو كان مشغلين فوقو حاجه تسوى كلو اعاده في اعاده و نححححححححححمد الله الجابنا هنا
عشان لادش لاغش
امانه عليك محببه بي شنو
اكان مشتاقه لي اهلك اضربيلم تلفون خليهم يرسلو ليك صور حقيقيه مافيها زيف

[طائر النورس]

مشكور يالمسافر على النقد



ياااخي التلفزيون بقى ذي ( المجروس ) كلو عساكر و ( مشاكل )

[محمد الجزولى]

المسافر يا لذيذ
وينك يا راجل
تجى يوم وتغيب عشره
شوف يا المسافر يا اخوى
تلفزيون السودان حصل فيه طفره كبيره فى الاونه الاخيره ... ومن اهم الطفرات التى حدثت كانت فى مجال الديكور .... حيث تجد الفرق واضح جدا بين الان وقبل خمس سنوات
وفى رايى المتواضع ان التلفزيون به الكثير من البرامج الجديره بالمشاهده ... ويظل هو تلفزيون بلادى الذى يربطنا بالوطن العزيز ... شخصيا انا مدمن الفضائيه السودانيه ...

[علي النعيم محمد نور]

المسافر . . . اوعه لاتنسي . . .
والله كل مره نقول يجب أن ننظر للنصف المملؤ من الكوب . . .لحدي ما الكوب فضي وبقي مااااا فيهو حاجه . . . إضطرينا ننظر ( للكوب ) الفارغ . . .

[المسافر]

ياسلام عليك يا مبدع ... اهو كده نتعلم منكم كيفية النقد البناءْ ... أحييك أخي المسافر على ذلك وأشد على يديك بقوة ...

ألف شكر عزيزي أبو مازن على هذا
الدعم المعنوي الرائع كروعتك . . .
والتلفزويون لولا هو قناة فضائية وأسمها
السودانية ما كان في زول إشتغل بيها.
يعني شايلة أسمنا ومبشتناهو شديد!

[المسافر]

ما جبت سيرة الفرش الارضي المصنوع من اغلا وافخر المنسوجات الهندية
وما جبت سيرة المجالس التركية الفخمة
وما جبت سيرة الاضاءة
لالالالا كلامك ناقص ناقص
بس مع ذلك الفضائية السودانية تظل محببة لدينا ولكل المتغربين

نحن با بت أم درمان ما وصلنا
للفرش والإضاءة عشان ما عايزين
نموت بالمغصة سااااااااااااااي

[المسافر]

مشهد مؤثر جدا

كراسي لونها اخضر غامق تبدو للواحد من اول نظرة انها حلوة ومقبولة

المزيعة العاملة الحوار زحت راسها من ضهرية الكرسي عشان تتناول ورقة من الطربيزة الظهر للجمهور بقعة زيت في راس الكرسي ودا كان طبعا الظاهر كدا دهن شعر الاخت المزيعة :d:d

الغريب حقيقة في الأمر بأنهم يقولون بأن
لديهم مهندسين بتاعين ديكور . . . إلخ ،
لكن الظاهر عليهم ( واسطة كبيرة )
أو هذا المهندس يكون أصلاً خريج صيدلة
لكن أبوه شغال في التلفزيون والباقي
تمو خيال .

[المسافر]

والله ياغريب الدار بلاي دي بس الشفتها

انتو ماشفتو التمتمة و التهجئة في النشرة العالمية

ولا ماشفتو اسامي الاعبين بنطقوها كيف

ولا ... ولا ... ولا..

عادي يالتنينا ، وزي ما قلنا هؤلاء أكيد خريجي
شيء آخر بعيد عن اللغة العربية وبعيد عن
العمل الإعلامي ، ولكن توارث المهن وراء
هذه المهازل .

[المسافر]

ياخي بصراحة تلفزيون السودان بنحضرو اجباري لو الوالد جاء قعد جمبنا وقال شغلو قناة السودان
والواحد يقعد يسئل نفسو العاجب الناس دي في القناة الغير مشرفة دي شنو ؟انا مرة حضرت لي مسلسل سوداني لحد حسي بضحك على التكلف في الاداء بتاع الممثلين - بشتنة ومهزلة شديد

لكن والدك ده إنسان حنين بس
يعني لو عايز أخبار صادقة أكيد
بلقاها في ( الجزيرة ) ، ولو عايز
أي شيء تاني أكيد هنالك قنوات أفضل
من الفضائية السودانية ألف مرة ، لكن زي
ما قلت ليك ( حنية ساااااااااااااااااااي )

[المسافر]

شكراً لهذه النظرة التفاؤلية لهذا الجهاز الكبير الذي تعلمنا منه الكثير

ياخي انت من كعكات لي مربعات مشكلتك شنو مع الرياضيات

أخي عصمت الحاجة الوحيدة التي تعلمتها
من التلفزيون هي ( الصبر ) ومش صبر ساي
( صبر أيوب ) !!!!!!!!!!!!! وبالله لو ما كنت صابر
شديد كده ، كنت عاينت ( للمكعبات دي ) !!!!

[المسافر]

غريبة ***** دا انتا يا ابو مازن

كيف كيف ما فهمتا يا ابو مازن !!

نقد هو دا قاعد ينقد ولا قاعد يقدد تقدد .. يا اخي دا كان عندو حيطة جالوص في الدراما السودانية .. شلتنا فيه اي حاجة بتخص الدراما السودانية .. انا والمكاشفي وزاهر وكمية عديدة من الاعضاء ..

اها اليوم يقوم يجب لينا موضوع وقزاز كمان .. برضو حا نشلت فيه بصورة اكبر من الجالوص .. خصوصاً ان المشاهد السوداني تتعبه كثيراً البهرجة التي لا توحي الى اي شي ..فقط بهرجة وزخرفة .. اما الموضوع والمضمون ففارغ لدرجة لا توصف .. اللهم الا النشرة الجوية .

بجيكم راجع بعد ما البس ليا نظارات من ضوء القزاز البجهر دا.

والله يا تورتبيل زكرتني بالذي مضى
حيطة الجالوص بقيت ( من الأمس ) !!

وزي ما قلت لو إن التلفزيون ده مش
قناة فضائية وبعاين ليها العالم ده كلو
وما كان إسمها ( الفضائية السودانية )
ما كنا جبنا سيرتهم ، لكن شايلن إسمنا
وفاضحننا في كل أنحاء المعمورة . . .

يا خي ما قلت لي النشرة الجوية عرفت
المشكلة في شنو !!!!!!!!!!

وفي إنتظارك