مسابقة الجائزه الكبرى

[نزار حسن محمد]

طيب يا أبوسفروق بالنسبة للناس الحضروا متأخرين
وما حصلوا يجابوا على (الغلوتية) بتاعتك دي
ما بنلقى لينا عندك جايزة ولو صابونة حمام؟

في الأول لما قريت الجايزة حمام أفرنجي
قلت أخونا عصمت (esmat) حظه اليوم
حيتعشى بجوز حمام جاي من بلد برا.

ود الصول أتاريك أمين مستودعات أبوسفروق
في السودان وأنحنا ما جايبيين خبر؟!!!
كدي شوف لأخوك حاجة إن شاء الله
خرتوش موية نرش بيه الواطة؟!!

الخواجه : عليك شيخى ابو حلوف اخير لك جوز حمام ولا فته كوارع من سوق الفسحه وانتى لافى على حلة حسن..
اما بخصوص الخرتوش اكتب طلب وخلى ود الماحى يوصى عليه وسوف يحول للجنة
عجائز دكان ود الصول ..بحضور مشايخ محكمة العمد عماد الصادق وود الماذون وابوشوارب وحاجب المحكمه ود المطامير

[نزار حسن محمد]

اعترض يا استاذ نزار

اولا جينا متأخرين

وحرم من اول حليتة -

والزول البحله بالنية بتدوهو شنو طيب

عصمت بختك

انت في السودان ولا ووووووووين

مايسه ..ولا يهمك لديك جائزة ترضيه ستجدى اسمك فى شريط برنامج نجوم الغد
ولك الحق فى الاهداء لكل من تريدى ..شفتى كيف

[نزار حسن محمد]

اهدي الجائزة لمدرسة الاحتياجات الخاصة
او لكل ما يراه الاستاذ/ خالد الصول مناسباً
شكراً

يظل الاصيل ..اصيل ..
حب وتقدير وتجلاء للحبيب عصمت

[نزار حسن محمد]

والله يانزار طشيت بينا سااااااااااااااااااااااااى ...................... مشوار وجهد عقلى
جبااااااااااااااااااااااااااااااار ......... (وش زعلان شدددددددددددددددددددديد )


كان من أول تقول أنا مرسل لى صاحبى esmat هدية وكده !!!!!!!!!!!

يشهد ربى ابو خالد تم فرز الاجابات بمنتهى الشفافيه ..لكن ولايهمك امشى ادخل المسابقه الثانيه ونحن فى انتظر اجابتك.. بس ما دايرنك تزعل

[خالد أحمد الصول]

يا عم جنابو علب الواطة قربت تصبح و إنت عاوز ليك جايزة من ابوسفروق

[علي النعيم محمد نور]

إلي (حكمدار) الجوائز الهواء . . .
الناعسات أعيوني . . . أي تاذي الشاعر وأصيب بالعياء من إنبهاره بهذه العيون الناعسه الجميله . . .
ولسرعه الأداء نسمعها دائما" الناعسات عيوني . . . حيث لا يستقيم للشاعر أن يصف عيونه بالناعسات ! ! ! ويحمد للأخ عاصم البناء الذي يبدع في إظهار كلمات أغاني الحقيبه ولو تلاحظ هذه الأغنيه عند عاصم بقوله (الناعسات أعيوني ) . . . يا عجوز يابتاع الحقيبه (والدوره المدرسيه ) .

[نزار حسن محمد]

عمى خالد ود الصول وعمى على ود النعيم
جوائزكم محفوظه انتظرونى فى شارع ام سنط الشكابه
ضابح ليكم عمبلوق ومعاه ضرب عود

[ام قبس]

والله يا اخ esmat تستاهل
وياستاذ نزار جهجت العالم الجماعة ديل لو عارفين الموضوع في حمام في السخانه دي كان جوك حلوها ليك في حتتك
بالغة جنس بوليغ ماكلمتني انا ببني لي في بيت جديد
خلاص المسابقة التانية خلي الجايزة اسمنتي
يهيهيهيهيههيهيه

[esmat]

يظل الاصيل ..اصيل ..
حب وتقدير وتجلاء للحبيب عصمت

متعك الله بالصحة والعافية اخي نزار
وانت اهل الكرم والكل شاهد على ذلك
ونشكرك على هذا التواصل الذي ابتدعته
وتقدمه هدية لنا لنجتمع وتعلمنا معنى الحب
والاحترام لك التحية ولعلمك وقفت حروفي خجلة
لتعلمكم مدى حبي لكم اخي متعك الله بالصحة
والعافية ولاسرتك الكريمة ولأهل مدني جميعاً

شكراً للجميع