واسفاه علي سفارتنا وحكومتنا

[امير عبدالباقي]

الشكر و التقدير للأخ الصحفي عبد الفتاح عبد المنعم لنشرة و لتبنية لقضية الأخ مجدي عثمان الذي ذاق و أسرتة و أطفالة الأبرياء الظلم و التجاهل.
حكمة الله انه سفاراتنا بالخارج يختلف دورها عن بقية سفارات خلق الله .. فهي لا توفر الحماية لرعاياها و لا تهتم بأحوالهم و لكن تهتم إهتماماً شديداً بحلب جيوبهم ..
نطالب السلطات المصرية بإطلاق سراح مجدي عثمان محمود إدريس فوراً و التحقيق في قضية تأخير إطلاق سراحة لخمسة سنوات .. و نطالب السفارة السودانية بالقاهرة بالتدخل الفوري ومطالبة السلطات المصرية بتسليمها الأخ مجدي و توفير الحماية اللازمة له..

[aborawan]

واسفاااااااااااااااااااااااااه ثم واسفااااااااااااااااااااااااه
من المؤلم ان تجد سفارتنا نحن كسودانيين لا تهتم بمشاكلنا كأفراد والبتحصل ليه مشكلة ياكل نارو براهو ودي حقاً مصيبة كبيرة


سؤال محير؟؟

ما هو دور سفاراتنا في الخارج ؟؟؟


عايشت مشكلة لاحد المعارف من احدى جنسيات شرق اسيا وكانت المشكلة مستعصية جد ودفعت فيها مبالغ باهظة وقد كلف احد الموظفين في السفارة بمتابعة المشكلة حتى انتهت وتحملت السفارة كل النفقات


اين انتي يا سفارتنا من هذا ؟؟؟؟؟؟؟؟

[shashi]

مشكور اخي امير في الخارج عند سفاراتنا نحن غالين من ناحية الضرائب والزكاة والتي هي عبارة عن ضريبة اخرى وهكذا نحن بقرة حلوب للنواحي المادية فقط اما ناحية
اما حين ما تقع النواب فهم احسن من يتفرج
المهم الله يفرج كربته ويفك اسره ويعيده الى اهلله
مع تحياتي ابو احمد

[امير عبدالباقي]

تكمله للموضوع

[aborawan]

هسه دي ما فضيييييييييييييييييحة عديل كده لا حول ولا قوة الا بالله




هووووووووووووي يا سفارة اصحوووووووووووووا ؟؟؟

[خالد هاشم علي]

أخي أمير....
مشكور مليوووون مرة علي متابعاتك...
اقترح تحويل هذا الموضوع للأخ معتصم عيدروس بحكم انه صحفي وله علاقاته ويستطيع توصيل هذا الخبر لأحمد البلال الطيب حتي يثيره مع الراجل المهذب د/ مصطفي عثمان إسماعيل ، وأنا عندي شعور طيب نحو الراجل ده واحس بأنه مختلف عن البقية وهو نشيط ومتحرك ، وإحتمال يكون ماسمع بالموضوع من سفارتنا التي طنشت الموضوع أو ماسمعت بيهو من أساسه لعدم متابعتهم للصحف اليومية وإنشغالهم بالتسوق والتصييف بالإسكندرية.

وفقك الله وماحنخسر حاجة من المحاولة بس ياريت نتحرك بسرعة ونعمل في منتدي مدني الماقدرت تعملوا السفارة.


ودمتم....

[rasheed]

يحضرني هنا قول الشاعر :
وظلم ذوي القربى أشد ،،، مضاضة من وقع السيف المهند
يأخوانا ناس السفارة وناس الزكاة وناس الضرائب قالوا عشان نحن بندفع عشان كده بنزعل منهم ،، لكن هسع الصحفي المصري ده يا الله يكون بدفعوه الضرائب والزكاة عشان بقى في تكامل ولا شنو ؟؟ وزعلان ما لو من ناس السفارة ؟؟ نص الموضوع وكما جاء على قلم الكاتب الصحفي الإنساني العظيم الشقيق عبد الفتاح عبد المنعم :
((أم أن الأشقاء في السفارة السودانية لا يهمهم إلا مصالحهم الشخصية ولا يهمهم حل مشاكل الأشقاء السودانيين 00(( وإذا فشلت السفارة في العمل لفتح ملف هذا السجين فلماذا تظل البعثة السودانية موجودة؟؟؟ أنا قلت حاجة)) 00 ((الذي لم يعد له اي شئ إلا أن يرفع يديه للسماء حتى يضع حلاً للإفراج عنه بعد أن خذله السيد السفير السوداني بالقاهرة والطاقم الدبلوماسي المعاون له في السفارة السودانية بالقاهرة)) برضو أنا ما قلت حاجة
عيب والله عيب يا ناس السفارة وناس سفارات السودان بالخارج ووزارة الخارجية عيب عليكم 00 وعزاءنا الوحيد أن هذا التوبيخ للسفارة جاء من شقيق مصري وإلا 00 ؟؟ !!! الحمد لله على ذلك لأنها لو جاءت من سوداني كان بقولوا حرقاه دفع الضرائب والزكاة ،، لكن الحمد لله أنو شهد شاهد من أهلها .

[بابكر]

كاتب الرسالة الأصلية shashi
مشكور اخي امير في الخارج عند سفاراتنا نحن غالين من ناحية الضرائب والزكاة والتي هي عبارة عن ضريبة اخرى وهكذا نحن بقرة حلوب للنواحي المادية فقط اما ناحية
اما حين ما تقع النواب فهم احسن من يتفرج
المهم الله يفرج كربته ويفك اسره ويعيده الى اهلله
مع تحياتي ابو احمد

[الزبير محمد عبدالفضيل]

بسم الله الرحمن الرحيم


والسلام علي من أتبع الهدي


اشكري اخي علي طرح الموضوع في المنتدي ثم ارجوكم انتعرفوووووووووووووووووووووووووووووووووووووووووووو وووااااا



بأن جميع سفارات السودان في العالم قاطبة هي مجرة مكاتب ضرائب

بالانابه او بالواضح مكاتب جبايه فقط وليس لها اي دخل بمشاكل اي مغترب او اي شخص تكون له قضيه خارج نطاق حدود الدوله


المهم نقوووووووووووووول ياحكومة السودان انظروا وشوفوا اصغر واضعف واقل الدول منا كيف يقفون مع رعاياهم

[مزوني]

أولا مشكور أخي أمير على هذا الموضوع
وبصراحة على قدر ما هز نفسي صار شي عادي بالنسبة
لانه بصراحة بقت أكبر مشكلة لينا انو احنا بقينا سوادنه
وعايشين تحت ناس هم الامرين وانت ما عليك الا انك تقول سمعا
وطاعة خلاف كدا راح تلقى نفسك في مكان ما تعرفلو اول من اخر
واهانات على كيف كيفك والله المستعان
عشان كدا انا شايف ومن وجهت نظري المتواضعة
(( مع ملاحظة اني اول من حيعمل كدا انشاءالله))
أن الواحد بمجرد ما اغترب ولملم شوية قريشات يشتري جواز أجنبي
ايا كان عشان يقدر يحافظ على حقوقه وكرامته كإنسان عايش على وجه الأرض
لان انا انا شخصيا كنت عامل كدا وكان عندي جواز صومالي (لاحظو<صومالي>)
اللي هم أفقر وأسوأووووو حالا منا لكن والله ما حصل قصرو معانا في أي شي وقف في وشنا
لكن مما شلت الجواز السوداني فحدث ولا حرج
وما نكثر عليكم لأن انا من اول الناس لو تكلمت في موضوع زي دا الله أعلم انو ينتهي
عشان كدا يا معشر السودانيين شيلو الفاتحة على روحكم سااااااااااي كان مغتربين كان محليين وكان الله غي عوننا
وسلامتكم