ارض الخصم

[مدنيّة]

قالوا
"والله يكفينا شر القوالة"

انه العرضة قبل مباراة القمة امبارح ظهر ليها اوراق ملكية تبع المملكة التي لا تغيب عنها الشمس وانه الي الان لم يتم تحريرها مع الاراضي السودانية عام 56
عشان كدا
الارض ارض خصم
والجمهور جمهور خصم

ولعبناها في ارضنا وسط جمهورنا



غايتو جنس محن بقت علينا

[مرتضى التوم]

يامدنية ده شئ ما فيهو جدال ولا نقاش انو الكورة فى ارض المريخ او استاد المريخ وقصة ارض الخصم دى ما مقصود بيها الدول يعنى فى ملعب الفريق الخصم .
ولو سألتى عن ترتيب فرق المجموعة اسى حتعرفى الفرق شنو .
بس دى حسابات اسى ما مهمة بتظهر الاهمية فى الجولة الأخيرة والله لا يحوج الفرقتين للحسابات دى .
بعدين لما تجو المقبرة بتعرفى الفرق شنو بين ملعبكم وملعبنا .
لكن بينى وبينك والله الواحد خجلان يتكلم عن الكورة لان المستوى كان هزيل جدا

[مهيد ود السفاح]

بصراحه يا مدنيه انا هلالابي لكن حكاية ارض الخصم دي ما وقعت لي .

هو امس كان في مباراة ؟؟؟؟

[عبدالرحمن مدثر]

ارض الخصم بمنظور نفسى فقط

لان العرضة جنوب وشمال وااااحد

لكن عندما تلعب فى القلعة غير لم تلعب

فى المقبرة


نفسياااااااااااات ياحكومة نفسيااات

[مهيد ود السفاح]

ارض الخصم بمنظور نفسى فقط

لان العرضة جنوب وشمال وااااحد

لكن عندما تلعب فى القلعة غير لم تلعب

فى المقبرة


نفسياااااااااااات ياحكومة نفسيااات

انا معاك يا عبد الرحمن اللعب في المقبره غير

لكن الهلال امس كان في اسوأ حالاته

[عبدالرحمن مدثر]

انا معاك يا عبد الرحمن اللعب في المقبره غير

لكن الهلال امس كان في اسوأ حالاته

مظهر الهلال فى الشوط الاول كان روعة تنظيميا وفنيا

لكنه تاثر بانخفاض المخزون اللياقى لقائده ولعمر بخيت

ولسيف مساوى مما ادى الى فقدان السيطرة على منطقة الوسط

وفى الهجوم لعب امبيلى وحيدا لان كاريكا دخل للمبارة وهو مصاب اصلا

(مدنية ............. هااك امبيلى دا )

اجمل لقطة فى المبارة لعبة امبيلى لمهند بعد ان تخطى سفارى بطرقة مباالغة

والمدرب كامبوس كان واقعيا وهو يخوض اول تحدى له

ماتنسى انو ساومبا اصيب بشد عضلى قبل المبارة مما ادى الى الدفع به متاخرا

المقبرة كلاما تاااااااااانى

هاااك سفااااارى دا

[المكاشفى]

مغبره والله الا مغبره للحمار المدفون فيها
زريبه العيش

والمباراه سلبيه النتيجه مافيها اى حسابات
لو كانت واحد واحد كان نقول الحسابات من مصلحه الهلال
لكن طلعت ميطى ساااااااااااااااااااى
وازيدكم فى الشعر بيت يالهلالاب ماتحلمو باللقب
احلمو باللغب انتو لأنو ماشبه القاب شبه اغاب ساااااااى

[saleh farah]

خلاصة القول يامدنيه
الهلال كسب نقطه
والمريخ خسر نقطتين
والترتيب حتى نهاية الجوله
كانو والهلال فى الطليعه
المريخ والزامبي فى المؤخرة
عرفتى شنو يعنى ارض الخصم

[محمد السر]

قالوا
"والله يكفينا شر القوالة"

انه العرضة قبل مباراة القمة امبارح ظهر ليها اوراق ملكية تبع المملكة التي لا تغيب عنها الشمس وانه الي الان لم يتم تحريرها مع الاراضي السودانية عام 56
عشان كدا
الارض ارض خصم
والجمهور جمهور خصم

ولعبناها في ارضنا وسط جمهورنا



غايتو جنس محن بقت علينا

والله يا مدنيه الحكم برضو قايلنو بريطاني
لكن طلع من فداسي
هههههههيييييي