النتائج 1 إلى 25 من 48

الموضوع: الشعر الحلمنتيشي ما رايك

أدوات الموضوع
- مشاهدة صفحة طباعة الموضوع


	30-03-2005 11:46 PM #1 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 الشعر الحلمنتيشي ما رايك رايكم شنو لو فتحنا لينا باب آخر الشعر الحلمنتيشي المهم تدوين لما كتب ونشر وكل حسب ما في وسعه نسأل الله التوفيق ... قلبي صحن دش وعيونك عربسات والبث حي مباشر من شفاتك سلكي ولاسلكي وعبر المسافات يسري اثيرك في فضاي وصفاتك القلب مخرج والمشاعر مذيعات والشوق مبعوث مراسل لذاتك ارسال متواصل على خمس فترات ينقل وقايع ما يصير بحياتك صورتك في فكري على سبع شاشات وافضل برامج سهرتي ذكرياتك وارسال حسادك قطعتة عن السات بدلت كيبلهم بكيبل غلاتك والغيت يا ثريا الغلا الأشتراكات ما عاد اشاهد غير ما بث ساتك لو شوشت ع البث كل المحطات يلقط رسيفر خاطري ذبذباتك جرب على ريموت الأحساس ضغطات تلقاه ما يختار الا قناتك عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	02-04-2005 09:22 PM #2 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 سـِـــــــســتر أنا العيان حرارتي الضاربة فوق ميتين ولا بنفع بخور تيمان ولا بتنزل بنوفالجين رقدتّ سنين ... سريري تِعِب مِركب في وريدي دِرب جُحر عيني يدخل فارة أُم سيسي أجر في نفسي السيسي .. تقول مخنوق مصنقع فوق وكل ما يوم يشيلوا الدم ... يزيدوا الهم يقولوا مقامسو طالع كم وطالع كم وأنا الساكت وغالبني ... محل ما اشوفِك أتكلم وما بسلم ... وحاتي البلي والشمبر أكان قمت .. بقع في السلم أتكسر عشان تظهر .... تمر بسراير العنبر وتأخد نبضي بت سستر عيونها الزي عيونها براها تطعِّن بالإبار مُرضاها وإبره تريكو في منديل ... وما بتتعب تكركب في البلاط كركب قِليبي يــدق .. يِســــــو رب .. رب وناره الليلة تتعلب دا عنبر كم وشايل كم دكاترته كم .. وفد سستر وحايمة براها في السنتر تجهجه في خلايق الله وأنا العيّان ... حرارتي المابية تتدلي أدوش دوشــــــه أهضرب هضـــربة زولاً رقــد في برشـــو ... خت رِويســــو فُوق بنبر ولما الناس تقول هســـتر وتتغالــط ... أظن هســــتر أظن دســـتر أظن بامية وأظن كســـتر أظن شــيزو وأظن أكتر أدق الطاره واتحكــــــــر أدوبي أشــكِّر الســــستر أوصِّـــف في بنات آوى كِـضب كان قالوا بتداوى وآخر في المداوى الكيّ وما أظن ذاتو ينفع في أتوه كل ما العيون ترمش وكل ما السِّلسلة تكشكش أزوغ أتضّــــارى ف الكُــوريِــدور وأخضر لابســـة بقت نور وخاته الكاب على جنبــــه وراشـــّه الريحــة فايحة زهور تموت كُــرعي ... أقع وازحف وراك طرطـــور عشـــــان أرتــاح .. عليك الله وعليك الله تَفَجِّـــــخي راسي بي ســــــاطور . عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	02-04-2005 09:42 PM #3 ابراهيم الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Nov 2003 الدولة مدني الجميلة/جزيرة الفيل المشاركات 4,172 لك الود والتحية أخى طه لهذه الاضافة الجديدة وهذا الجانب الاجتماعي الجدير بالاهتمام فأحيناً حلمنتيشية المواضيع تخدم المجتمع أكثر من جديتها أحييك على هذه اللافتة والفكرة الجهنمية .. وهذه قصيدة حلمنتيشية (فرمالتي طبعاً) بعنوان بعشوم وصل حافظا من سنة رابعة: بعشوم وصل أمونة كان بتدورو من زمن الجهل والليلة عاد .... أمونة ما طيفك وصل قال السنين في الغربة مرة عديتة والدمعة بتسيل وعشان عيون ست البنات أمونة خضت المستحيل كل يوم دمعة بتسيل قال يا حماتي: المهر جاهز والله تب والصناديق الهناك ... أكوام حليب جاهز معلب والشيلة ماليها الهدوم والعطور باريس ، ديور والكريم عند اللزوم وعيون حماتو عليه تطوف قالت: بلاهي شوف !! امونة طاريها الألوف خطابا واقفين بالصفوف بتدورو بي حبة قفوف؟ بلاهي قوم شوف ليك مكاناً فيهو نوم بعشومنا قام قال يا حماتي كفاية عيب قولي شن بتدوري شان امونة تبقى على قريب قامت حماتو من البرش قالت مهر أمونة بت ما بتهبش مهر أمونة دش وات كان صعب أحسن تمش بعشومنا قام قال يا حماتي أكان نسيتي أذكرك يوم عرسوكي بفد قرش؟ الشيلة دمورية سادة والغرفة مخلاية وبرش والحفلة لا فنان .. ولا ضلاً يلم والكون يشع دلوكة في عز الشمس والليلة جيتي تقولي عايزة مهر امونة دش عل عالمنا الجديد مليان خداع أوهام وغش الناس أمورة معركشة من الغنى الداير يزيد والفقير الداير يضوق الحنكشة يطلب مهر دشاً كبييييييييييير وكمان عمارة مكندشة بعشومنا قال: أمونة كان ضحيتي بي حب السنين وطريتي عهد النعنشة ما تطري زولاً كان حبيب خليهو للزمن الغريب ينهش عواطفو يخربشة وأنا هل كنت إلا ألقاً ذاب في عينيك وهجاً أبديا او فتوناً فوق خديك إنتشي بهجة عاد بها الحس إليا رد مع اقتباس


	03-04-2005 05:52 AM #4 114 الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Oct 2003 الدولة ود مدني - 114 ثم عووضه المشاركات 2,588 أحب الشعر الحلمنتيشي يا طه، فكرتك حلوه، وحتبذ بقية المطارحات الشعرية والغنائية والدوبيتيه روحي ليه مشتهية ود مدني؟ عمر حسن غلام الله رد مع اقتباس


	03-04-2005 08:19 AM #5 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 الأعــزاء إبراهيــم ، والرقم المميز ( 114) عدد سور القرآن الكريم لكم مني كل الشكر والتقدير وكل هذا من فيض مشاعركم وإلهامكم وذلك حسب ما عرفت بفكر إني أكون فعلا مجتهد وبحاول إني أكون في زيل إبداعاتكم لأنكم ضليعين في هذا المجال وأتمنى أن أكون عند حسن ظنكم بي ولكم مني كل التجلة والإحترام ،،، عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	04-04-2005 12:00 AM #6 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 بتقولي شاغلتك ؟ بتقولى شاغلتك؟ حصل شوفتينى اتكبكبت ولا مشيت فى دربك ما بس ساكت قدر مكتوب وجابنى وقعدنى جنبك ولمن كنت بعاين ليك وما عاجبنى لون عينيك ما بس كان قصدى اتسلى وافكر فى خلايق الله واتذكر بناتن لينا فى الحله رقابن زى رقاب الريح وقت فجّى الغمام طله وقادر انت يا الله كيف خلقك وكيف رسمك وكيف سواكى غورييلا كلك توب وباروكه ويا ملوخيه مفروكه يا مكرونه بالشوكه ما خليتى ليك ريحه فلودمور وباتريشا كمان دلكه وكريم نيفيا بتقولى شاغلتك احب الله وازيدوا ملاذ احبك أنا رامينى جمل رقم ( 2 ) سبحان الكريم سبحان الكريم مخلوقه انتي من التراب محظوظ دوام دا البشوفك بستطاب حلوه ..وظربفه وبسحروك من غير حجاب الوش ملمع مافيهو طبعا حب شباب والعيون بس رسمه بس وقلبي الرهيف وقف انحبس قام انفعل دفر الضلوع خلاها تدخل في الجبس وانشلت الافكار معاك غاب القليب سافر هناك وما اظنو عائد يا ملاك كيف يعود والبسمه راحت وانتهت وكل الاماني الفي قلبي اتمحت ما انتي ما زي فلانه ديك جابت كريم اتمسحت ولا زي ام الحسن قاعده في بنبر قديم اتمشطت لا شربتي ليك جبنه في سموم ولا نهرتي ليك غنمايه يوم وانتي الجنه والجنه براها كوم انتي النظام لبسك نظام اكلك ظريف كبسه وحمام يومك كمان دائما غمام ما اظنك قلتي .. يا ناس ..هوووي سلام ولاقلتي (تب) ولا هداك زول وما اكلتي كسره ملاحه كول وما اكلتي فته معاها فول وما شفتي احساسي الرهيف يا ست البدور وانا بحكي لي وليدا كان جاني ضيف نظراتك تخلي الزول بردان خلااااص والدنيا صيف وقلبي المشمع زي مساعد حريف تعب بي وراك وضاق الوان العذاب وعزاهو في صوره منك يا رحاب ساعه لقاءنا يا جميله كانت ساعه وداد وسبحان الذي خلق نوح وهود وعاد وساعه وداعك ياجميله البرد زاد والحر زاد وانا من زمان عارف انه حب الجمال مزكور في الكتاب لكن ما كت قايل حواء وضعت فيك كل الجمال يا رحاب عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	04-04-2005 12:02 AM #7 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 يا ناس عشه جيناكم يا ناس عشة ناكل ونتعشى نشرب وندشى وبالموية نترشة كشونا جنس كشة *** سيد بشبش .. سيد بشبش عامل حاج ونضيف وبيرقش أمرو بيمشي وكفو بيطرش وعينو الحارة في يوم ما بترمش عند المكتب رسمي بيغضب جوة البيت يرفس ويضرب وسط أصحابه بيرقص ويلعب راجل نكتة وصاحب مقلب وآخر الليل يقابض بشبش * وسيد بشبش راجل دين وراجل دولة صاحب سطوة وصاحب وخطوة وصاحب صولة وبيني وبينكم سيد بشبش واعي وفاهم .. فاهم .. فاهم وعارف إنه الواحد .. برضو .. ويعني .. ولازم وبالمفتوح بس ده كلام سر مافيش واحد يمشي يسمع سيد بشبش راجل دغري لكن بالليل هجيجو يولع زي ما تقول بيحب المنقة والحاجات النايس ونص نص وقبل ما ندخل ديب آند ديب أحسن نعرف صورة بشبش أسمر .. أصلع وشو بيلمع بادية عليه علامة النعمة عالي ومكرش وعرجة خفيفة في حادث حركة شكل سيادتو عموماً مدهش ودايماً يحمل سبحة تسبح وحدها دون تسبيح أتوماتيك .. حكمة ربك ونعمة صحيح * سيد بشبش راجل أرقد ريتش إنتلجنت إسموث آند إليقانت بت سمتايمس آند دستدريندق أبريس وييك آند دسلايكلي .. سيمكالت في عصرية وكانت جمعة سيد بشبش .. حكحك دقنو وهذب شنبو ووشو بينضح نضرة ولمعة خت عبايتو، وطق عصايتو وخبت الباب من خلفه برزعة خلى البيت يتراجف كله حاجة نفيسة بناتها تلاتة وبالأولاد بيكملوا سبعة في المرسيدس أخد القعدة كدوسو البني يهبهب نارو مد صباعو .. وهز دماغو يعني سيادتو بيحي في جارو وعاد البينز قال يا ليل وسط الشارع يلوي غبارو وأثناء ما سايق وماش في السكة كان بيدندن.. يعني بيمدح دشكة .. دشكة .. أووو دشكا دشكة .. دشكة .. أووو دشكا نحن ما صعاليك .. أووو ديشكا نتاوق بالشبابيك أووو ديشكا دشكة .. دشكة .. أووو دشكا وأثناء ما سايق يغني ويمدح عينو الزايغة بتجمع وتطرح وهناك على زاوية لمح المنقة أووووووووه سيد بشبش تمساح لو يلمح قلبو ينطط جوة ضلوعو يطق الروري يسكل ويردح ولفه ودور حول المنقة ودور ولفه رسم الزاوية وكشف المسرح وبسمة أنيقة صناعة بره بسمة ثعلب حكمة وخبرة ما نتفاهم يا خلق الله وعاد خلق الله ما فهامة وناس واعيين عارفين الحال والأمر الواقع إشارة خفيفة وغمزة عين كان الرد الفرح بشبش وخلى سيادتو يهدي يمين وجات المنقة تشيل تتمخطر مساء الخير .. آنسة مرمر إسمك روعة جسم روعة بهجة وسكر أما سيادتو: سيد بشبش رائع مدهش إسمك منعش موسيقي ومطرب بس خازوق الناس تتلخبط ومرة تقول لسيادتك.. شبشب يا بت يا نكتة صنفك متعب *** وهناك في شارع كم مش عارف والبيت الناصية أشجار وزخارف عربات تتلامع لمبات ورفارف كانت هيصة وربة تولول ناس بتصفق وناس بتزغرت وناس بتهلل وناس بتنادي شيلي وختي وناس بتغازل أموت يا إنتي وناس منبسطة غاسلة وكاوية وناس ركاني بتعزف زاوية وناس بتغني حني يا تتي وسيد بشبش أمير الموقف وبطل الساعة كان مشغول.. مع ناس مرمر بيصلي جماعة لمن تم صلاتو وسلم قام يسلم بالأحضان قال مشتاق وكاتلو الشوق في الحبان وزي ما قلنا قبيل عم بشبش راجل بهجة وجد فنان جدع العمة هناك وعصايتو ولحق جزمتو بالقفطان وهاك يا دانس ودارت حلقة عجاج وغبار وناس بتسوي الردحي الجد وناس في الردحي رقيصها هظار وناس إنبسطت فوق للحد وناس بتدق كاروشة وظار وناس بتقول يا رفاعي مدد ناس إنبطحت ناس إنمبرشت ناس إندرشت ناس إنكمشت شان تتمد وفجأة في لحظة حصلت كبسة وزي ما تقول البيت إنهد الجو إتلغم فار واتسمم وصل الكومر شكله يخوف نزل إمباشى معاهو الأورطى عملوا السد وجاط الموقف وسيد بشبش ضرب اللخمة ربط الساعة مكان الجزمة لبس الجزمة وفاكرها عمة لفة العمة محل الساعة لقى القفطان ورمى الشماعة فكر ينط من فوق للحيطة تلب تووف جوة البلاعة وجوة الكومر وبالبوليس الناس شحنوها البتباكى والبتوقع البتعزر وبالبتشفع والضحكات باهته وبتشجع وناس تتجرس وناس تتونس وناس بتحنس شان يعفوها وفي نص الكومر كان متمحن سيد بشبش ماسك سبحتو مرة يسبح ومرة يقحقح ومرة يسب مشغول باولاده وحاجة نفيسة وناس المكتب وكيف القصة هناك بحكوها وكل ما مرمر تبسم ليهو يسب للمنقة ويوم زرعوها نحمدو وفي الجنة ننكمدو عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	04-04-2005 12:03 AM #8 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 هاكم دي ماني شبه عريسك انا الحفيد تربال غبش ومشققات ايدى وحرم الكرم والجود والطورية والواسوق ياها ورثتي من جدى عريسك انتي دايرة حمار اردوي وتلب مردى والياخدك حقيقة حمار وبي سرجا عضم شدي ولا عري اركبيهو كمان ولا شوال ولا لبدى واربطي برة من الحوش بي جنزير وبرمندي ماني شبه عريسك انا والي بكرة ماعندي عريسك انتي شبهو برة عريسك يشبه القمرة يشاركك انتي في التوليت والمكياج والخمرة كمان عن حفرة الدخان يقولك ياختي زحي كدي ملقطة كلك اسبيرات متل فضية العدي ضفورك من صنع باريس رموش عينيك هولندى مساحق بدرة مصرية بي صابونة بتهدي كدي اسكني اقلعي الباروكة كان ما تشبهي الكودى ولا تعالي بي شوال قصير ركبي كان ما احلف عليك سقدي وماني شبه عريسك انا وانا اللي بكرة ما عندي عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	04-04-2005 12:05 AM #9 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 دريفونه وصغيرُونه وحليوُونه ، تقول ليمونه .. مَسْقِيه بدموع الناسْ ، تقول حِنه مشتته فوق إيدين حلوينْ فى بهجة عرس سودانى ، تقول نَمّه يا دوب تِتْلمه تِتْلَمه شِوَىْ فى شوَىْ شويفعونه لِذيذونه ، تقول وَجَعَ الطِنيبراتْ فى ذاتْ . . مِن ليلْ بِتنقرشْ على القِيزان . . غناوياتْ ، -3- دِقَيْقُونه تقول رميه سُؤال . . يا دوبْ ومن خَشْماً صَغَيرُون .. دوبْ وما عِرف الكلامْ . . يا دوبْ ، -4- شويفعونه ، تقول مويةَ المحاية . . تقولْ ، تداوى الزولْ ، بِسيماتَه .. تقول نُقَاطْ شِوىْ فى شِوىْ يِسَوِن طَاطْ ، عِويناتَه تقول هَمْبُولْ وللبنوتْ . . وَجَعْ مسلولْ ، -5- طِعَيْمُونَه تقول سُكرْ ، وإن نضمتْ .. نَضِم سُكرْ ، وإنْ ضِحكتْ .. ضِحِكْ سُكرْ .. تعادى الزولْ تخليه .. يكون سُكرْ ، دِريفونه وصغيرونه وحليوونه ، ولسه يا دوبْ ... ولكين ووبْ .. من لشافعة . . . الشِويفعونه عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	04-04-2005 12:06 AM #10 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 ألانا حدباى هى زى هبهانة وما هبهانة وزى بنانة وما بنانة غايتو نحن مجننانا حتة حتة مكسرانا لسة ما عرفتوها برضو دى ما ألانا ألانا خلتنا عاد ننضم برانا غايتو لو سكنت حدانا نحن ما الله معانا ألانا ما بتاكل فتة اصلو وما بتمشى الاجزجانة فيها حاجات مغلغلانا تلاتة شامات جنب خدودا وجنب اضانا اضانا زاتا مطنشانا تلاتة حاجات لاها وحدى ولا توأيز وفيها أيز اى واحد شافا مرة الجماعة رقدوا خردة أولزا بيبل راقدين جنايز اف انا مرة اغتربت ولى امورى اورقانايز لى ابوها جوة هاوسو بمشى ليهو وما بلاوز اصلى حربى وفقرى ييشن اقولوا امايستميشن انى يور دوتا رهيبة وليها عايز اعرسيشن اف هو قال لى رافضيشن ولى عيونو حمريشن بقولو ليشن وبالحجارة بجدعيشن وابقى بيشن ألانا جاتنا فى الخرطوم هنا الجماعة جنس دفر وجنس عفص وجنس كبع وحريمنا عاد فتحولو تب من الزعل داير ينفقع ألانا جاية من استراليا جكسينا عاد امبدة والديم والربع ألانا جاية من استراليا لابسة جنز بلوزة غالية جكسينا ناس جكس العباية وفى العباية قماش ملاية ألانا جاتنا بقوها زى ست الودع جاها واحد قال ليها يا ألانا جرى كبسولة الزمن دى شهرين لى قدام شوفينى بعد الامتحانات بباصى ولا بتشلع جاتا وحدى قالت ليها الرسول يا ألانا تجرى كبسولة الزمن دى عشرين سنة شوفينى بتزوج ولا شاكوش بتلبع بعدين ألانا لا بتنخلط ولا بتقتنع الا لى انا دة فقرى جدا مطلع انا عاد بخاف قلت ليها ارح نقعد فى سنة تلاتة الاف وفو مشينا سنة تلاتة الاف قلت ليها تعرفى ناس القرن العشرين ناس متخلفين ... سفر بالطيارة وكمبيوترات وجنس عوارة اها قمنا راجعين كبسولة الزمن ضهبت وقعت بينا فى امبدة جنب المزارع نزلت منها ألانا شافت الناس بتاكل فى الكوارع جرت للكمبيوتر قالت ليهو يااى نحن فى ياتو زمن ؟ قال ليها نحن فى الزمن الضائع ألانا معاها وحدى قالوا جانا يعنى بس بالشايقى جينى يالحلوى وظريفى الكريشة ماها ظاهرى والرويس تب ماهو نيفى جينى قمى وكونوا زاتا نشوفا نحنا دى زاتا نعمى والشايقى فيها اندهش داير يقول دة الشغل قال دى الخدمى يا وجع ساكن كلانا الا جد جد وبامانة فى بناتنا بنلقى مليون زى ألانا فى السماحة عسل بدفق ومسخن سكر كنانة وفى العلم افكار دؤوبة شان يطوروا مستوانا فى بناتنا بنلقى حاجة ما بنلقاها فى ألانا فيهن العفة الرزانة وفيهن الامل البيضوى فى مدنا وفى قرانا عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	04-04-2005 12:26 AM #11 أبوبكرحامد الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Dec 2004 الدولة مدنى - بانت المشاركات 2,748 والله ياطه الفكرة قمة فى الروعة وتمثل إضافة حقيقية للمنتدى ، مثلما كانت مشاركاتك اضافة رائعة للمنتدى سعدنا بها وكلى ثقة أن لديك الكثير من الإبداعات فإلى الأمام . أجمل النقد ماكتب عن مَحَبَّة - الراحل / أميل حبيبى رد مع اقتباس


	04-04-2005 12:35 AM #12 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 الأخ الغالي أبو بكر حامد والله كل ما لدي لا يساوى شئ بالنسبة لكم فأنت بحر زاخر بما تملك من كل المواهب وشكرا لك على هذا الإطراء وأتمنى أن أكون عند حسن ظنك والي اللقاء عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	04-04-2005 10:05 PM #13 naz_imam الملف الشخصي مشاهدة المشاركات زيارة الصفحة الرئيسية عضو برونزي Array تاريخ التسجيل Feb 2005 الدولة الزمالك المشاركات 620 ابداع الاخ العزيز طه المميزون فقط هم القادرون على صنع الابتسامة فى زمن الرتابة لك تحياتى الحارة وانت تثرى المنتدى بكل ماهو جيد وجديد وقد كنت انت دوما السباق لكل ماهو جميل لك منى اسمى ايات الشكر فحقا ارجعتنا الى زمن كنا نتمنى ألا يمر هكذا ، وكلنا على ثقة بان لديك المذيد فلا تبخل عليناوفقك الله وسدد خطاك وحفظك فى حلك وترحالك اخوك دوما/ نزار الامام ابوريم رد مع اقتباس


	04-04-2005 11:06 PM #14 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 عــــايز أكـــــــــون لك ألف شكر على هذا الإطراء يا أخ نذار وأنا الذي يقول لك إلى الأمام يا إبن الإمام عايز اكون ------ قالو زهجانه واظنك ....ما عرفتي سؤالي عنك يا اللزيزه الكلكي جنك عايز اكون انا ابقي منك اي حاجه قريبه منك تبقي طربيزه ابقي كرسي تبقي راكب ابقي تكسي بيكي اسافر لام دقرسي وتبقي حافله ابقي بوكسي وياسلام لو ابقي ببسي تشربيني تقرطعيني تدفقيني وما مهم هي قرطعيني بس مهم شوفت عيونك ابقي منك ... اي حاجة قريبه منك تبقي وردي ابقي ترباس تبقي سانتو ابقي كدباس تبقي بنكي ابقي حراس تبقي برعي ابقي عباس تبقي اوبرا ابقي ترباس ابقي غرقان تبقي رفاس رفسيني وفتشيني وغرقيني وفنجطيني وماهم هي رفسيني بس مهم شوفت عيونك وابقي منك ... اي حاجه قريبه منك تبقي فالق ابقي مفلوق تبقي كسره ابقي طايوق تبقي منفوخ ابقي مطفوق تبقي ويكه ابقي لايوق تبقي شناق ابقي مشنوق تبقي حراق ابقي محروق وياسلام لو تبقي خازوق مقلبيني وزهجيني وعكريني ومامهم هي مقلبيني بس مهم شوفت عيونك وابقي نك ... اي حاجه قريبه منك تبقي حيطه ابقي طوبه تبقي روسيا ابقي كوبا تبقي جمباظ ابقي هوبا تبقي غنمايه ابقي لوبه تبقي فاطمه ابقي زوبه ابقي راس هي تبقي قوبه ألميني وعوريني وبشتنيني وزهجيني ومامهم هي عوريني بس مهم شوفت عيونك وابقي منك ... اي حاجه قريبه منك تبقي سكر ابقي ضبان تبقي بوليس ابقي بمبان تبقي كبده ابقي مصران تبقي شيته ابقي طرزان ابقي حفله وتبقي سكران فرتقيني وجهجهيني وبهدليني ومامهم هي فرتقيني بس مهم شوفت عيونك وابقي منك ... اي حاجه قريبه منك قالو زعلانه واظنك قالو قرفانه واظنك ماكي عارفه سؤالي عنك يااااااااااااا اللزيزه الكلكي جنك عايز اكون انا ابقي منك اي حاجه قريبه منك اي حاجه قريبه منك اي حاجه قريبه منك اي حاجه قريبه منك عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	05-04-2005 11:42 PM #15 سنين الملف الشخصي مشاهدة المشاركات زيارة الصفحة الرئيسية عضو جديد Array تاريخ التسجيل Jan 2005 المشاركات 42 لك الشكر اخي طه لاتاحة هذه المساحة وهذه مشاركة مني ارجو ان تجد القبول والاستحسان <marquee><font size=5color=red> <center>فلنتاين</marquee> جابت ورده <p> وختت شمعه <p> "وقالت صحي ..النوم يازول<p> عيد الريد والناس مبتهجه <p> مالو البال لا زال مشغول" <p> عيد الريد<p> السنه كم عيد ؟ <p> ماهم عيدين <p> في تاني جديد <p> يابت معقول <p> ضحكت <p> ونغمة صوته تغني <p> وقالت <p> "تُب تاريك ما ناقش <p> عيد الحب الليه وحاتك<p> وكان ما ما شي <p> برايه بقول"<p> بتقولي شنو <p> شالت عينه..ورفعت راسه <p> وقاعده بتكتب في<p> كراسه <p> تكتبي شنو؟ <p> هي يازوله دقيقه <p> استني <p> عيد الحب ده عديل محني <p> <p>العيد الاول معروف شغلو لفا طويله وحلويات <p> والعيد التاني <p> كمان بس لحمه<p> مراره وشيه وشربوتات <p> العيد التالت <p> فيهو شنو؟ <p> "قالت فيهو جنس حاجات<p> اسكت ساكت <p> امشي وشوفو<p> وكان ما بتعرف <p> قلد واعمل <p> بس <p> بنظام الخواجات <p> " الخواجات!!؟ <p> ناس عوض ود احمد<p> وقامت كيف<p> والغضب اتوحد<p> وقالت وصوته حاضر وبشهد <p> انت مطرطش ولا شنو<p> اه لو اعرف قبل القاك <p> انك فاره <p> فاره منو؟ <p> اه لو تعرف قلبك صخره <p> وانا نواره <p> نوره منو؟ <p> اه لو تعرف ؟ بس استني <p> آآآه انا منك <p> ياخ ما بتفهم <p> هوووووووي <p> يابت ما عندك شغلا <p> قالت عيد والناس محتفلا <p> وبتضبحو ايه انشالله الليله <p> زعلت وقالت "حاوريك <p> حضبك انت يامتخلف <p> وما متعلم <p> فلنتاين <p> ما تتكلم "هي ما تقولي بقولو شنو <p> ضحكت وقالت <p> "i love you" <p> هي يا زوله <p> <p>u love me اي لفلي اشوفك<p> دي براها كفايه <p> can i see <p> <p>عيونك مره <p> ابتسمت وقالت <p> "ههههاااااااي <p> yes u can" <p> وطيب بس <p> ما تقولي كده <p> علا دقيقه عليك عينيك <p> عيد الحب ده <p> علينا عليكي <p> وكل سنه وانتو طيبين <p> التعديل الأخير تم بواسطة سنين ; 05-04-2005 الساعة 11:45 PM رد مع اقتباس


	06-04-2005 12:36 AM #16 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 والله عقدتني عديل ما عارف أقول ليك شنو حتى الشكر بسيط عليك ربنا يديك ألف عافية وما تنقطع ( وما تسوي الدرب ساساقه ) هاهاهاهاههههههههههاي بالله ما تزعل لزوم الضحك بصــراحة والله يا سنين زولا لقطة وكل إحساس وزوق وألف شكر على هذه المشاركة الرائعة زي روعتك وأكيد عندك الكتير الكتير لو الشجر أقلام جميع والنيل مداد لو كتب أشواقي ليك ما عــددا عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	06-04-2005 03:14 AM #17 ياسر فقيري الملف الشخصي مشاهدة المشاركات زيارة الصفحة الرئيسية عضو برونزي Array تاريخ التسجيل Dec 2004 الدولة القسم الأول المشاركات 808 طهههههههههههههههههههههه رائعة جداً فكرتك دي .. ونحن معاك ومن خلفك وبي جنبك يلا سوا رد مع اقتباس


	06-04-2005 12:56 PM #18 aadarob الملف الشخصي مشاهدة المشاركات زيارة الصفحة الرئيسية عضو فعال Array تاريخ التسجيل Nov 2004 الدولة kassala المشاركات 235 Re: ابداع [QUOTE]كاتب الرسالة الأصلية naz_imam [B]الاخ العزيز طه المميزون فقط هم القادرون على صنع الابتسامة فى زمن الرتابة لك تحياتى الحارة وانت تثرى المنتدى بكل ماهو جيد وجديد وقد كنت انت دوما السباق لكل ماهو جميل لك منى اسمى ايات الشكر فحقا ارجعتنا الى زمن كنا نتمنى ألا يمر هكذا ، وكلنا على ثقة بان لديك المذيد فلا تبخل عليناوفقك الله وسدد خطاك وحفظك فى حلك وترحالك ]الاخ طه الفكرة رائعة اتمنى ان لا تنقطع ......كل الشكر لك رد مع اقتباس


	06-04-2005 10:28 PM #19 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 الأعـــزاء يـاســـر فقيــري / aadarob لكم مني كل الشكر والتقدير على هذا الإطراء لحظة أستجمع فيها شتات أفكاري وأحرفي وكلماتي لأختار حرف من حروف تلك الظلال وأتركه يمتطي صهوة شعاع الدفء المسافر إلى حيث شخصكم الكريم عله يجدكم سابحين في بحور السعادة والهناء ... أو لعله يترك خيال شخصي بينكم ليشاطركم لحظات الأنس أو لعله ينهل من معين حديثكم العذب الشجي الذي يشرح الفؤاد ويسر الخاطر ويبعث في النفس راحة البال وهجعة زول بعد ترحال ... بل لأن هذا الإطراء لا يموت بل يترعرع وينمو كما تنمو الذكريات ... أمسكت بالقلم الذي يبكي أمامي في جنون هيا إليّ ... فربما نجد الطريق . (( للتعبير عن شكري وتقديري لشخصكم )) هيـا إليّ ... فربما نجد الرفــيق (( بل أنتــم الرفــاق ) كل المنتدى )) مــاذا أقــول ؟ تــاهت خطاي عن الطريق (( لا بل وجد ضالتي في هذا المنتدى )) وربنا ما يحرمنا منكم وأن يجعلني عند حسن ظنكم بي وأن لا أخيب أملكم فيّ طه عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	07-04-2005 03:24 AM #20 114 الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Oct 2003 الدولة ود مدني - 114 ثم عووضه المشاركات 2,588 على فكرة ، حدباي زميل دراسة في الماجستير (جامعة الجزيرة بجدة) وهو معانا هنا في جدة وكم اتحفنا بانتاجه الجميل في أيام الدراسة ، وفي جلسات خاصة في منازلنا التحية له من هنا , ولكم جميعا روحي ليه مشتهية ود مدني؟ عمر حسن غلام الله رد مع اقتباس


	10-04-2005 12:28 AM #21 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 عبلة لها سفة لو انها دخلت بها يوما على واحد عاش فى السجن وانقفل لاصبح مهووسا بها ولهاج واغتاظ وانفعل منشية الكرعين و الحشا تكاسية الالفاظ من شافها جفل ام بدية الكعال وسطية الضفر كمسارية الحوار مقطوعة الاهل محدبة الفكين ريحتها بصل لاعبتها السيجة حجارى ترادفت ودكتها لاننى البطل فلبعتها تسع وتسعون لبعة وبلنجة اخرى وكنت على عجل ثم انى حرستها على بابها اربع وعشرون ساعة لم يهمنى الحر ولا السقط ولا اولاد حيها اذاما الليل جن او دخل عصاتى مدببة مضببة ودراعى بها سكينة تجقد من تطاول او سأل ولم تعر الباب مرة لتعرف ما بى لا انا اكل ولا هدمى ينغسل واباك اذا ما مر بى ادسس وجهى او ادنقر راسى او اكب الفلل ومرة اباك لقانى فى الشارع فحيانى وظننته فصل وكم من مرة تمنيت لو اننى دخلت توشا لكننى اتردد حين يتملكنى الخجل الدنيا قست معاى حين نشأتى وحالتى شلش ووالدى يبيع القلل ولانه حين ولدونى وسمونى كانت سمايتى على سخل وانت رغم صدقى وصبرى يستهويك من له كريسيدا او كرونة او حتى من يمشى على عجل انا من له الجسم غريب الى الان لم ازل اصفر اللون باسم وانا فى الكتشينة اول من نزل عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	10-04-2005 11:46 PM #22 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 خليناك وما خليتنا !!! خليناك وما خليتنا -------- خليناك وما خليتنا يا القصيت دربنا وجيتنا من بين الشباب ناديتنا قلت كتير خلاص حبيتنا لما شبكنا فيك ابيتنا يظهر ناوي تخرب بيتنا قول باالله كيف باريتنا بي مات العيون جريتنا في حبل الغرام شريتنا مااا تنزلنا ياااا الماطريتنا ورانا كتير جريت سكيتنا لي قاضي المحنه شكيتنا لما شبكنا فيك فكيتنا بدمع العيون بكيتنا جيتنا وبالعيون باكيتنا لمّن غلبك سكيتنا زي لعب الورق شكيتنا جيت حمبكته ليه دكيتنا تاني بريس بريس لاقيتنا لما رضينا بيك صافيتنا وتاني بدون سبب جافيتنا ليه يا جكسه يعني طفيتنا وقمت وبالحنان وصيتنا لمن للاهل عصيتنا ولمن في الدرج رصيتنا في الاوت بعيد باصيتنا زي لعب العيال سويتنا واتفششته زيييييين كاويتنا ه ياالغسلتنا ولاويتنا ما اتكرمشنه ليه ما كويتنا اتشتت ما لميتنا في قفه هواك خميتنا في كانون هواك حميتنا لمن زيتنا فاح شميتنا لمن زيتنا فاح شميتنا عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	12-04-2005 06:38 AM #23 tahaa الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Mar 2005 الدولة وطن الجدود نعم الوطن المشاركات 588 يـــــوم داك ... يوم داك كشكة مشكلتى انى جكستك وشلتك شمعة فى جواى وقدستك وبعد الكلام القلتيه صدقتك نسيت انى تربيت فى راكوبة وكنت بدردق اللستك مشيت حفيان وبت جيعان وما صدقت شاكلتك وونستك بقصة ابوى لمن هاج وضرب العرقى وفرتق الجرتق وألمتك بقصة ديكنا لمن مات واحزنتك وجيتك يوم داك بدرى شاكى ومضيقة ولابس جزمتى السوداء عفصتك بيها عوكتك وضحكتك وكلكلتك وونستك انا بريدك حتى ذراتك وتصدقى انى قبالك بيدفرونى للحمام واخش حمامى بالدفرة ما اتسوكتا ما اتشطفتا ما اتمخطا قبالك وبعد ما جيتى لاقيتك كان عيدى وميلادى تشرينى ؟ ان شا الله تموتى يا كلبة عمـري يمــر اليـوم أثــــر اليــوم محترقا كأعواد الثــقاب وأنـا غبيــن ظـامىء دومــا يـســـــاومني الســــــــــــراب رد مع اقتباس


	16-04-2005 12:06 AM #24 مصباحيه الملف الشخصي مشاهدة المشاركات عضو مميز Array تاريخ التسجيل Apr 2005 الدولة ود مدنى المشاركات 494 واحد زهجان من مرتو سمعتوا دى ريدى ليك يا ام شداق يقلب اللورى فى الدقداق وكت اغلط واقول مشتاق عيونك جك تكركب جوه فى عيونى تبهدلنى وتبشتنى وتجعوص فوق مصارحنى واتوكل والقول ليك بريدك ياسجم خشمى ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،، بريدك ساهى زنديه وبريدك يا القرنتيه يام ايدا قدر جسمى ويام ريدا بعج بطنى ويم وشاً هرانى هراى ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،، اريدك كيف اوديك وين اطير بيك وين ياكتلة لحم منشوره فى رجلين ثلاثه شهور ابحلق فيك افتش لرقبتك وين وحاتك ما بشوف غير هامة سواد الراس هناك منقزه بين كتفين ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،، تبلعوا ساكت تسفسفوا ساى وعاملين فيها حبيبين ده حب دار وين جبر ساكت تجبرونا على الريده هيا ناس الله يا خلق الله ما تورونا كيف الزول يريد ليه حيطه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،، اريدك كيف براطيشك وكت تنخمى زى كتاحة ام درمان فى عز الصيف شلاضيمك قرب تنخج جوز اضنيك طرق عشراً ضربلوا خريف شقوق كرعيك تدخل ضب تدخل فار دى قول سحليه راسها عديل جفون عنيك مطاميراً تفك كتاحه نصف الليل اريدك كيف وكيف ياناس اريد ليه فيل يحلنى الله يا البرميل رد مع اقتباس


	16-04-2005 08:02 PM #25 ابراهيم الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Nov 2003 الدولة مدني الجميلة/جزيرة الفيل المشاركات 4,172 (الوداعية) على وزن (قارئة الفنجان) جلست في ظل النيمة تتأمل في الودع المرصوص قالت يا ولدي شيل شيلتك وتسلح فالحرب ضروس امامك مشوار طويل الا ان تركب مخصوص الموقف مكتظ مليان ستدافر يا ولدي كثيرا وستركب وسط النسوان وستنشل كل نقودك وستصبح دوما حزنان الناس يا ولدي جيوش مندفعة مثل الطوفان فنصيحتي أن تذهب كداري ولا تركب بص ام درمان زواجك يا ولدي محال أصبر يا ود الصًرة حالياً وضعط بطال وحتبقى حياتك مرة فالمهر في كل الحلال قد اصبح بالعملات الحرة احببت فتاة مغرورة لعبت بي قلبك كورة أنساها وأبحث عن غيرها ويا ريت لو شرطت الصورة أنسى وتبسم فالزوجة قسمة وتوتوكورة وأنا هل كنت إلا ألقاً ذاب في عينيك وهجاً أبديا او فتوناً فوق خديك إنتشي بهجة عاد بها الحس إليا رد مع اقتباس

الإنتقال السريع المنتدى الثقافي الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 10:38 AM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني