نقطة البداية ....

[الملكة اسماء ( ام محمد )]

بسم الله الرحمن الرحيم

اخوتي الاعزاء

كم مرة ضيعنا نقطة بداية مهمة ..؟
كم مرة اخترنا نقطة بداية ... غير موفقة ؟

هل كنا ممن يتعلم من اخطائه دائما ويستفيد من تجربته في اختيار نفطة بداية جديدة موفقة او على الاقل ( بمعاير حسب معطيات مدروسة )؟

هل يعني الفشل نهاية لكل الاشياء ؟
لماذا نخطئ في اختيار نقطة بداية جديدة بوعي وادراك غالبا ؟
اهلنا بقولوا ( العترة تصلح المشية )
وكمان بقولوا ( البتلدغه الحية في ايده بخاف من جر الحبل )
وبرضو قالوا ( المؤمن لا يلدغ من الجحر مرتين )

من هنا اتمنى ان تساعدوني في ايجاد معنى صحيح ومفهوم واضح لنقطة البداية ..في كل الامور ..
خاصة بعد وضع نقطة نهاية لامر يستوجب بعدها ايجاد نقطة بداية صحيحة ...

والكلام يطول .. لكني اتمنى ان اجد لديكم بعض الاراء حول الموضوع
احتراماتي

[ابوالنور]

التعامل بالأمانة والصدق والعدل والمسئولية.. هو المربع الذهبي
لبداية ناجحة اختي ملكة

[الملكة اسماء ( ام محمد )]

التعامل بالأمانة والصدق والعدل والمسئولية.. هو المربع الذهبي
لبداية ناجحة اختي ملكة

معاك في الكلام دا يا ابو النور

لكن مرات رغم ثقتك في نفسك وقناعاتك بتختار نقطة بداية يتضح انها فعلا غلط
خصوصا اذا كان تعاملك بحسن نية
ويتضح ان الغلط مافيك ولافي امانتك وصدقك وعدالتك ومسؤليتك
ودي مشكلة في حد ذاتها لانها غالبا بتخلي الانسان ما يثق في شي تاني وعلى الغالب يتخلى عن قناعاته
وممكن يصاب بحالة تردد وخوف من دخول اي تجربة او اختيار نقطة بداية جديدة

[عبدالرحمن مدثر]

من هنا اتمنى ان تساعدوني في ايجاد معنى صحيح ومفهوم واضح لنقطة البداية ..في كل الامور ..
خاصة بعد وضع نقطة نهاية لامر يستوجب بعدها ايجاد نقطة بداية صحيحة ...

ملكتنا

افصحى اكثر

هناك غموض يمنع

من وصول الراى الصحيح لفكرة

[الملكة اسماء ( ام محمد )]

ملكتنا

افصحى اكثر

هناك غموض يمنع

من وصول الراى الصحيح لفكرة

لا يحتاج الامر لشرح ياعبد الرحمن
ببساطة ..
بعد وضع نقطة نهاية او قبل وضع اي نقاط بداية جديدة ؟
ماهي المعاير , او بمعنى اقرب ( خطة مدروسة لضمان اختيار نقطةبداية جديدة موفقة )

[الفخيييم]

المشكلة مافي نقطة البداية في حد ذاتها الاشكال في اختيار الارضية الصلبة البتوضع عليه نقطة البداية 00 لو وفقنا في اختيار الارضية الصلبة بتكون الانطلاقة صحيحة00 اتمني اكون اوفيت00

[الملكة اسماء ( ام محمد )]

حد زاتها الاشكال الحقيقي في اختيار الارضية الصلبة البتوضع فيها نقطة البداية لان المشكلة مافي نقطة البداية , بتكون في ارضية صلبة ومنها بتكون الانطلاقة الصحيحة00 اتمني اكون اوفيت00

اولا سعيدة جدا بتواجد اسطرك في صفحتي التي تناقش موضوع مهم
واسمح لي ان اخبرك بانك وضعت حجر بداية صحيح لمعالجة المشكلة
فالارضية الصلبة فعلا تضمن لنا انطلاقة صحيحة
واختيار الارضية يقوم على اسس ومن بينها اكيد خلاصة التجارب وان كانت هي النقطة الاولى اكيد اراء الغالبية في اختيار البدايات

دمت اخي العزيز بالف خير

[الفخيييم]

خلاصة التجارب دي برضو عايزة تركيز نصطصحبها معانا ممكن 00 المحك بيبقي في توظيفها المكاني والزماني والاني يعني نوجز ليك ببيت شعر بيقول00 لابد من فعل يوازي المرحلة ويعيد للايام دورتها تجاه الشمس00

[العاقب مصباح]

توجد طرق عديدة لوضع بداية جديدة عقب النهاية التى ذكرتيها
أهم أسس تلك البداية تلافى اخطاء النهاية السابقة
ربما هى فترة صعبة الإندماج وبالغة التعقيد ولكنها ليست عصية على كل حال
فى احد المواضيع قلت ليك اصنعى من الحجارة التى تقف فى الطريق سلما لبلوغ الغايات
ومحو النهاية بسرعة يُساعد فى تحديد الأهداف بصورة جلية تُمكنك من الوصول اليها بسهولة
إذا نحتاج لترميم ما اصاب النهاية السابقة والعودة بروح تُمكننا من العثور على الطرق المؤدية الى اهدافنا
وحينما نضع اهدافنا نضع ايضا نصب اعيننا ما جعلنا نسمى النهاية .... وتحاشى أن نسمى المستقبل ايضا نهاية....
والبحث عن هدف يجعل حياتنا بدون أن نوصل لنهايات متشابهة فى كل مرة
مع احتراماتى

[محمد هاشم]

اولا سعيدة جدا بتواجد اسطرك في صفحتي التي تناقش موضوع مهم
واسمح لي ان اخبرك بانك وضعت حجر بداية صحيح لمعالجة المشكلة
فالارضية الصلبة فعلا تضمن لنا انطلاقة صحيحة
واختيار الارضية يقوم على اسس ومن بينها اكيد خلاصة التجارب وان كانت هي النقطة الاولى اكيد اراء الغالبية في اختيار البدايات

دمت اخي العزيز بالف خير

التحية ليك من جديد يا ملكة

[الملكة اسماء ( ام محمد )]

التحية ليك من جديد يا ملكة

محمد هاااااشم
والله المنتدى نور

ياخي جد افتقدناك
عودا حميدا

همسة : الجماعة الفوق جاياكم راجعة بس غلبني اصبر والله
تحية لعودتك اخي العزيز

[محمد هاشم]

محمد هاااااشم
والله المنتدى نور

ياخي جد افتقدناك
عودا حميدا

همسة : الجماعة الفوق جاياكم راجعة بس غلبني اصبر والله
تحية لعودتك اخي العزيز

سلام كتير وشوقا كتير ما ليه حد
ونحن زاتنا بالأكككككككككككككككككتر ياملكتنا
بس أنشغلنا شوية الايام الفاتت وانقطعنا ما أهلنا ناس مدني
لكن ماقدرنا نصبر وجين راجعين جري
وسلامي لكل ناس المنتدى العزاز والحنان

[Jamal Elmahi]

ست البنات مالكة القلوب ...
وحاة المصوبن مشتاقين شوقاَ يغرفو منّو للجيران ..ويوزعو منّو بالفريق ...
نقطة البدايه ...أها بداية شنو الدايره ليها نقطه...!!! البدايات علي قفا من يشيل ..شئ عرس ..شئ شغل...شئ قرايه ..وشئ سفر ...وشئ مو شئ ...
حددي يالحسينه موضوع البدايه ..عشان نتفلسف وندش ليك البدايه تكون كيف ...
مشاققه ...
بركة الجمعه الجامعه والدعوه السامعه موضوع البدايه يكون عرس ...أغني ليك قنبله ولاّ بطفّش العريس !!!

ود الماحي

[بت أم درمان]

ما خاب من استخار ولا ندم من استشار ... الاستخارة افضل شي ... لبداية كل أمر ... كل شي بتهوين من رب العباد ... مافي شي بكون بالحظ ... كل شي مسطر ومكتوب ... لذلك مافي افضل من الاستخارة ... والاستعانة بالله وبالدعاء

[تيسير]

اهلنا بقولوا ( العترة تصلح المشية )
وكمان بقولوا ( البتلدغه الحية في ايده بخاف من جر الحبل )
وبرضو قالوا ( المؤمن لا يلدغ من الجحر مرتين )

سلامات لصاحبة السمو الملكى ..................طبعا شكل الموضوع كبير وعندو ابعاد كتيرة ....
والحياة فشل ونجاح فرح ودموع الم وشقاء ولحظات من سعادة و فى نهاية الامر امر المؤمن كلو خير ..........
ودوما كانت تأسرنى عبارات الفيتورى هذا زمان البدايات المخيفة والنهايات المخيفة والدوار .........
وصراحة فى اعتقادى الشخصى ان حياة الانسان عبارة عن مراحل ومحطات والمرحلة التالية تحكمها تجربة وارهاصات ماقبلها بمعنى ان محاسبة النفس والصدق معها وعلاقتنا برب العباد فى البدء تسهل امور كثيرة على العبد.......... .فى اتخاذ اى قرار مصيرى وزى ما قالت بتنا فى امدرمان الاستخارة والاستشارة والتانية دى لازم الزول يتوخى الحذر فالاستشارة يجب ان تكون من شخص يخاف الله وعندو وازع دينى واخلاقى عالى ..............
ما عايزة اطول اكتر من كدة لكن اذا قريتك صاح اياكى واتخاذ اى قرار بداية شئ او نهايتو وانتى فى حالة غضب ودمتى بود جميل يا ملكتنا ........

[عوض الكريم الخواض]

يبدو أن من سبقونى أسهبوا بآرآئهم النيرة فى تحديد البدايات الصحيحة ...


ولكن ...


علينا أولأً ألا نفقد الثقة فى أنفسنا ... فالثقة فى النفس هي عامل أساسى لبلوغ النجاح .


ليس من المهم أن تكون نهاية البداية هي النجاح ,,, لكن المهم ( تكرار المحاولات للوصول الى النجاح ) ...

وفى كل محاولة يشتد عودنا ونكتسب خبرة ومهارة ( تذيد من فرصة النجاح فى المحاولة التالية) .

[المسافر]

منتظر نقطة النهاية عشان أفهم وأعلق ليك
على بوستيك الحلو ده . . .

أعتقد في الإيمان الحقيقي واليقين تجدي
الإجابة الشافية . . .

[الملكة اسماء ( ام محمد )]

أهم أسس تلك البداية تلافى اخطاء النهاية السابقة
ومحو النهاية بسرعة يُساعد فى تحديد الأهداف بصورة جلية تُمكنك من الوصول اليها بسهولة
إذا نحتاج لترميم ما اصاب النهاية و نضع اهدافنا نضع ايضا نصب اعيننا ما جعلنا نسمى النهاية .... وتحاشى أن نسمى المستقبل ايضا نهاية
والبحث عن هدف يجعل حياتنا بدون أن نوصل لنهايات متشابهة فى كل مرة

الرائع جدا عقبة
كفيت ووفيت بسردك لهذه النقاط التي هي خطة مدروسة قبل انطلاق صافرة البداية الحقيقية
ولو سرنا جميعا في منهج مماثل حتما سنجد البدايات المهمة والرائعة بثقة وحكمة بالغتين

كن بالف خير ياصديقي

[الملكة اسماء ( ام محمد )]

خلاصة التجارب دي برضو عايزة تركيز نصطحبها معانا ممكن 00 المحك بيبقي في توظيفها المكاني والزماني والاني يعني نوجز ليك ببيت شعر بيقول00 لابد من فعل يوازي المرحلة ويعيد للايام دورتها تجاه الشمس00

اعتذر لك عن ردي لمن هم بعدك اولا , وهو خطاء غير مقصود

حقيقة كلامك صحيح سيدي الفاضل
فخلاصة تجاربنا ان لم نستفد منها فلا داعي لذكرها اصلا ضمن ملفات ماضينا وخبرتنا في الحياة
فبعمر التجربة تكون الخلاصة ونتيجة لهذه العصارة الهائلة من تجاربنا العديدة يفترض ان تكون الارضية الاتي اختيارها صلبة لتتحمل بناء اقوى واعمدة للارتكاز على اسس سليمة
ومن لايتعلم من اخطائه وتجاربه شخص فاقد للتركيز
فالحياة مدرسة كبيرة ونحن تلامذة فيها نتخرج بشهادة تحتوي على نتاج تجاربنا ومدى توظيفها لخدمة اغراض مماثلة في وقت لاحق

اشكرك كثيرا على اشاراتك لمواضع ارتكاز في فكرة البدايات والنقاط الصحيحة

دمت بالف خير

[الملكة اسماء ( ام محمد )]

أنشغلنا شوية الايام الفاتت وانقطعنا ما أهلنا ناس مدني
لكن ماقدرنا نصبر وجين راجعين جري

وسلامي لكل ناس المنتدى العزاز والحنان

الف حمدا لله على السلامة اخي الفاضل وعودا حميدا
زي مابنقول دائما من طول الغيبات جاب الغنايم

في انتظار عبير حرفك الزاهي وفكرك المبدع
فلا تجعلنا ننتظر اكثر

[الملكة اسماء ( ام محمد )]

وحاة المصوبن مشتاقين شوقاَ يغرفو منّو للجيران ..ويوزعو منّو بالفريق ...

اخي الغالي جدا جمال ...طبعا ختيت ليك خط تحت المصوبن ونفسي اعرف من هو المصوبن
اما عن الشوق يا اخي
فرسلت ليك مكتوب وقلت احكي ليك
عن شوقي ليك
يا شقيق الروح بقيت بهون عليك
مشغول كتير وتضيق بي الدنيا واكون محتاجة ليك
اجي اشكي ليك
وافضي هم الكون لديك

نقطة البدايه ...أها بداية شنو الدايره ليها نقطه...!!! البدايات علي قفا من
بداية لكل نهاية ,لكل ماقلت بدايات بعيدا عن الزواج والعلاقات واي شي
كيف نختار نقاط بدايات صحيحة
ماهي الاسس لضمان الاختيارات الصحيحة ؟
مشاققه ...
بركة الجمعه الجامعه والدعوه السامعه موضوع البدايه يكون عرس ...أغني ليك قنبله ولاّ بطفّش العريس !!!

ود الماحي

ههههههههههه
غايتو مشاشقاتك كلها تدل على انك عايز تخلص من همي وتشوف لي راجل يشيل عنك شكيتي الكتيرة
طااااااااايب ياسيدي اعتبرها بداية تفكير في نقطة جديدة لعلاقة عاطفية او زواج .. واتفلسف لي زي ماعايز
المهم انك تتكلم لينا عن نقطة البداية عموما وكيف بتم اختيارها ؟
لضمان بداية صحيحة تضمن نجاحنا بناء على اهداف موضوعة مسبقا ومرتكزة على نتاج تجارب سابقة او نهايات خرجنا منها ببعض العبر

[أبوحراز]

كثيراً ماتكون بداياتنا صحيحة ومدروسة وعلى أرض صلبة وقوية
ولكن 00 للأسف أحياناً الطرف الثاني في هذه المعادلة يؤدي الى إنهيار هذه الأرض رغم صلابتها
وأحياناً قد نبدأ بداية سيئة فيعيد الطرف الثاني القاطرة الى سكتها الصحيحة
ومن ثم ننطلق الى آفاق ارحب

مثلاً 00 لو بذلت كل جهودك وخططت جيدا لعمل محل كمبيوتر
واخترت الموقع الصحيح وقمت بشراء أجهزة جيدة وخططت لأبعد مايكون
فقد تتفاجأ بان إدارة المحل سيئة
رغم أنك قد اخترتها بناء على ملاحظات ومشاورات عديدة
وعلى الرغم من بدايتك الصحيحة تجد نفسك فاشلاً بدون ذنب جنيته

في الحياة الزوجية أحياناً تخطط جيداً لحياتك
ولكن تجدي الطرف الآخر تحيط به بعض المشاكل الأسرية
ومن ثم يتصرف بعض التصرفات التي قد تؤدي الى فشل تخطيطك
في المقابل تجدي زوجاً لم يخطط جيداً لحياته
لكنه التقى بإمراة جيدة ومدبرة تنظر للمستقبل بعيون مفتوحة
فتعيده الى نقطة البداية الصحيحة

يمكن أن تخطط جيداً وبطريقة مدروسة وعلمية من اجل أن تكون ملكاً
لكن سرعان ما يأتي آخر ليستولي على هذا العرش
ليس بالذكاء والفطنة والكفاءة بل بالخبث وثقتك فيه

نخلص من رايي المتواضع القابل للصواب والخطا
أن الطرف الثاني في نقطة البداية له دور مؤثر جداً
قد يكون مظلماً وحالكاً وهادماً لكل ما بنيناه في سنين عمرنا الطويلة
وقد يكون مشرقاً ووضاءاً ويفتح لنا مزيداً من ابواب النجاح !!!

[الاميره]

بسم الله الرحمن الرحيم

اخوتي الاعزاء

كم مرة ضيعنا نقطة بداية مهمة ..؟
كم مرة اخترنا نقطة بداية ... غير موفقة ؟

هل كنا ممن يتعلم من اخطائه دائما ويستفيد من تجربته في اختيار نفطة بداية جديدة موفقة او على الاقل ( بمعاير حسب معطيات مدروسة )؟

هل يعني الفشل نهاية لكل الاشياء ؟
لماذا نخطئ في اختيار نقطة بداية جديدة بوعي وادراك غالبا ؟
اهلنا بقولوا ( العترة تصلح المشية )
وكمان بقولوا ( البتلدغه الحية في ايده بخاف من جر الحبل )
وبرضو قالوا ( المؤمن لا يلدغ من الجحر مرتين )

من هنا اتمنى ان تساعدوني في ايجاد معنى صحيح ومفهوم واضح لنقطة البداية ..في كل الامور ..
خاصة بعد وضع نقطة نهاية لامر يستوجب بعدها ايجاد نقطة بداية صحيحة ...

والكلام يطول .. لكني اتمنى ان اجد لديكم بعض الاراء حول الموضوع
احتراماتي

ملكة الملكات اسعد الله مساك

نقطة البدايه موجوده داخلك ابحثى وستجدينها ...بث محتاجه عذيمه...وخطوه نحو ما تريدينهو ليتحقق..
مع احترامىوتقديرى

[محمد موسي الصديق]

[FONT=Comic Sans MS]طااااااااايب ياسيدي اعتبرها بداية تفكير في نقطة جديدة لعلاقة عاطفية او زواج .. واتفلسف لي زي ماعايز

لكن عموما عشان تبدي نقطة بداية جديدة مع مراعاة النهاية السابقه
لابد انك تحصري سلبيات النهاية السابقة وتحاولي تتفاديها بقدر المستطاع في البداية الجديده ولو قلت لي كيف انتي من كلامك انو الزول طلع من النهاية السابقة بعظه واكيد عرف اخطاؤه اذن مافي اي سبب يجعله يقع في نفس الاخطاء في بداية جديدة ...

وكذلك لا تستعجلي في اتخاز القرار بصدد البداية الجديدة ... ان تضعي الاغطيه علي مواعينها ...مشاشقة .: انتي ما تاخدي بي ... انتي لما تكون معاي مابفكر في الزمان لابداية ولا نهاية لا جاي ولا الي كان كل لحظة تبقي جيل كل لمحة يوم طويل من عينيك ابدا نهاري وانهي بيك حلمي الجميل[/FONT

[الملكة اسماء ( ام محمد )]

ما خاب من استخار ولا ندم من استشار ... الاستخارة افضل شي ... لبداية كل أمر ... كل شي بتهوين من رب العباد ... مافي شي بكون بالحظ ... كل شي مسطر ومكتوب ... لذلك مافي افضل من الاستخارة ... والاستعانة بالله وبالدعاء

كلامك ليس فيه ادنى شك اختي العزيزة
فالتمسك بكلام الله سبحانه وتعالى في كل الامور والاستخارة والاستشارة هي اشياء تغيب عن معظمنا في كل البدايات خاصة المندفعة وغير مدروسة الابعاد .. وتكون النتيجة لاتحمد ابدا ونعلق اخطائنا على اسم ( القدر والقسمة والنصيب ), وكلنا يعلم ان كل شي بيد الله وننسى اتباع الاسباب

اما حكاية الحظ دي فهي كفيلة بنهاية سريعة جدا لبداية اكثر سرعة , لانه الحظ كلمة نطلقها على حالات تبؤ بالفشل او النجاح ونتغاضى تماما عن دورنا الرئيسي في تسير مركب الامنيات بنقاط موفقة

وفقك الله اختي ودمتي بالف خير