عاوزة مشكلة مع المغتربين

[أبو جودي]

الأخت أم قبس ،،،، ملاحظتك في محلها ،،، وطبعاً لو حاولت أشرح ليك ظروف المعاناة هنا ،،، بتحتاج للكثير الكثير ،،، ولذلك كما قال لك أحد الأخوان ،،،، بأنه باقي الوقت البذهب الواحد ليه في البيت بكون يادوب متطلبات الأبناء والزوجة ،،، فلا يوجد وقت غير أنه بين فترات الشغل أهو الواحد بيلاقي فرصة للاطلاع على المنتدي والمشاركة ،، ونسأل الله أن يرد الغربة ،،،، ولك كل التحية والتقدير.

[حاتم مرزوق]

هي ياخوانا دا ما زول السودانيين لو اشتغلوا في الخارج بيبدعوا وبيطوروا وشنو وشنو
وماكسلانيين وما وما
هسع كان سعلتك
كان لاقدر الله فنشوك حتكاوي منو تاني
بفتح النت بفتح النت
ماتخليني اتهور وارسل ليك لاب توب عشان يتم الناقص
سعيدة بي مرورك

الكلام علي الأنجاز يا ام قبس وعلي فكرة انا اعمل في احدي كبريات شركات الأنترنت وكثيرا ما امر علي الموظفين وكلهم مستمتعين بالنت لكن بغيروا الصفحة الي الأوت لوك اول ما يشوفوك ..

لابد ان تتخلل ساعات العمل بعض فترات الراحة الزهنية نحن نتفهم ذلك وطالما ان الموظف ينجز اعماله بكفاءة فلا مانع وتكلفة الأنترنت مدفوعة لو استعمل او لم يستعمل.

وفي انتظار اللآب توب

[الجندي المجهول]

اها يالجندي ماتقول كدا
سارح بالجماعة

ام قبس تسمحي لي استغل بوستيك الجميل دا واحكي القصة دي :
طبعا السعودين عندهم فهم غريب ( انو السودانين) بتاعين تنبشة يعني بتاعين ( بالبلدي كدا) فقراء وكتابة وفكي والكلام داك وصادف انه كان عندنا مدير خاتيهو معاي قرض بسر راس حربة وباك لئيم ( طبعا انا راس الحرية) وراصد لي اي غلطة (لطن اخوك ما حريف) ما اديتو لي اي فرصة وكان معاي متوتر جدا جدا وانا كنت بفكر وبالعل بديت ارسل السيرة الذاتية الخاصة بي لعدد من الشركات قلت اشتري راسي والقى وضع افضل وقلت ذاتو امشي السودان واجي وكانت في ذات اللحظة بقراء في جامعة النيلين ادراة اعمال وصادف انه الامتحانات على الابواب وطلبت اجازة لان ماشي امتحن تتصوري هو ما عاوزني في الشركة ورفض الاجازة بحجة لازم اجيب بطاقة او شهادة قيد من الجامعة (ذكرني عوارة المسؤولين في السودان) فاحرضرت البطاقة لانها كانت مع بجدة وقال لي لازم توفر بديل وربك رب الخير كان عندي زول جاهز فاحضرته بقى ما عندو حجة فسافرت وقبل ما اتم اسبوعين الجماعة اتصلوا علي وانا بفطر مع الغالية والغالي وبنت اختى واختى وقالو لي (ايش سويت لصاحبك طيروا) يعني بالبلدي كدا بيتهموني بانني جيت السودان مخصوص ومشيت لي فكي وعملت عمل للمدير علشان كدا طيروهو وللان ما مصدقين اني جيت امتحنت ( والله حيروني عديل اها رايك شنو في جنس دا)
تخريمة :
المدير الجابواهو بعدو اريتو ولدك ولد السرور ( ادب واخلاق وزوق ) وحقاني وقبل دا كلو زيك كدا (انساني )

[عباس الدسيس]

ام قبس لاكن انتي فعلا بتاعت مشاكل بس نقول ليك... كان ما الانترنت نت ده كان عملنا خروج نهائي اول حاجه الواحد بعملا من اجي المكتب افتح الانترنت معاها كباية شاي اتصفح الجرايد والواقع اها الساعه عشره بتكون جات بعد داك اشوف الشغل فيهوا شنو كمان بتتخلالا دخلات باقي اليوم كان ما عملنا كده الواحد بطق لزحمة العمل ومشاكل العمل زائدا مشاكل ناس البيت زي ما انتي عارفه او ناس الشغل كان عجبم عجبم او كان ما عجبم اشربوا من البحر.
بعدين الواحد اكون شغال في مكتب كلو فلبينين وهنود اتكلم عربي مع منوا غير الجهاز ده.
بعدين الشركات المحترمه بتعتبر ده بصلح نفسيات الموظف يعني الواحد ما اشتغل غضبا عنك الشغل بالمزاج افضل من الضغط وعشان احنا قدر المسئولية ما بسئلونا اصحاب الشركات الشغالين فيها

[مرتضى ساتى]

قبل يجي واحد يعمل حيفاجئني وكدا
انتي ذاتك الدخلك في الوقت دا شنو
انا في البيت
هنا في السويد المراة لمان توضع طفل بيدوها اجازة سنه اسمها اجازة امومة
ومن حقها بعد السنه لو ماعوزة تودي ابنها الروضه تمسكوا معاها ثلاثه سنين بس بعد السنه بتبقي من غير فلوس
اها منتظراكم

انا حسب معلوماتى ان ناس السويد فى اجازه دائمه وبعدين بعد السنه من غير فلوس دي لو لقوها اخوانا المصريين ممكن كل شهرين يجيبوا مولود (ارانب)

[الجندي المجهول]

انا حسب معلوماتى ان ناس السويد فى اجازه دائمه وبعدين بعد السنه من غير فلوس دي لو لقوها اخوانا المصريين ممكن كل شهرين يجيبوا مولود (ارانب)

ام قبس تسمحي لي اليوك اكرمك (ياخي انت الليلة جبتي لينا الحبيب المنتظر ) اديك الف عافية واتمنى ان تتحقق كل امانيك
تخريمة : يا مرتضى عبد العال ساتي قروش ناس السويد دي ( سنة اجازة مدفوعة الاجر واللبن للطفل) ما زي قروش السجون زمان انت ونبيل الشعلة وعبد الله صباحي وياسر عريس ومجاهد زيكو (همسة شوق) ما كنت تشيلوها بااااردة ( بوظتو ميزانية الحكومة)

[ام قبس]

يعني بعد السنة دي تخلص ح نشوفك الساعة كم ؟ مع مراعاة فروق الوقت طبعا !!

مراحب بالملوك لي حدهن
انت ماقريتي الباقي ولا شنو ما انا مهدت لي جنس سوعالك دا
وقلت لو بعد السنه ماعوزة تودي ولدك او بتك الروضه تمسيكيها معاك لي ثلاثه سنين
بس السنتين التانيات ديل من غير فلوس
وفرق الوقت ساعة من هسع انتظريني بعد ثلاثه سنين

[ام قبس]

عمي حاتم ابشرك بشارة خير انا السوداني الوحيد الفي فرعنا والحمد لله انا البقيم الصلاة وبنادي على الناس (الصلاة عماد الدين من اقامها -- الخ وانت عارف الباقي) وهي اول ما يسأل عنه المرء في قبره -- انا قصدت بيجمعوا فترت الصلاة مع البريك علشان كدا بتبقى طويلة وبتيح لي المشاركة او الاطلاع
تخريمة :
طبعا معروفة السعودية الزول البيجي وما كان بيصلي في السودان هنا بيتعلمها لان الحياة هنا كلها بتقيف علشان تصلي وما في شي بيفوتك والحمد لله من السودان جيت بيها واحمد الله على انني ابن امي وابوي لانني والحمد لله وجدتهم يصلون الفجر حاضراً واتخيل لي مافي كلام بعد كدا ..
مشاققة صغيرة : تتصور بقيت لما ارجع السودان وامر باكشاك العصير في مدني او في الشهدا امدرمان او السوق العربي واسمع فنانا يشدو بصوت عالي وفي ذات اللحظة الاذان بيكون بيأذن للصلاة بستغرب وبقول الناس ديل والله في غفلة عجيبة وغريبة ونسال الله حسن الخاتمة لنا ولكم (عمي انت رائع ولا اقول ليك انت الروعة نفسها )

الجندي اخوي
الله يديك العافيه
والاصعب من ناس السعودية
تتمسك بي قيمك في دول غربيه
دا ذي المسك علي الجمر
بعدين تعال هسع شفتني انا جبت سيرة ناس السودان ديل
ماشايف العنوان للمغتربين موجهه
الناس الهناك ديل ماتقدر غير تقول الله يكون في عونهم

[ام قبس]

يا ام قبس

كنت بمشي ازور خالتي في مكتبها وبلقى قدامها كووووووم جرايد
فكنت دائما بستغرب في ناس المكاتب العندهم وقت يتصفحوا الجرايد دي
ناس هنا بيقروا الجرايد في البص او الموقف او لمان يكونوا بيشربوا في القهوة وما اي قهوة القهوة البره موقع العملمع مرور الوقت وتكرار الحادثة امام عيناي لاحظت الاتي :
غالبا الاعمال الرسمية او المستعجلة بتبداء بعد ما يكون كل الموظفين ( شربوا شاي او قهوة بمزااااج اثناء تصفح الجرايد ) زمان في السودان كان في غنيه اسمها دا الشغل دا الشغل
ياداب عرفت قاصدين ياتو شغل
فحاليا كدا انا بعتبر الانترنت عموما والمنتدى خصوصا ( جرايد ) واصبح ذو اهمية للاطلاع على الاحداث من على بعد مناسب من اجل المواكبة والتسلية

واكيدة ايضا ان كل انسان ادرى بمصلحته ... فمافي شخص ممكن يخسر وظيفته عشان يتصفح منتدى او يرد على متداخلين ...
معاك كل شخص ادريبي مصلحته بس وذكر ان الذكري تنفع المؤومنين
واكيد برضو كلنا عارفين ان الاولوية اثناء الدوام للاعمال الرسمية ..
اكيد كلنا عارفين لكن هل كلنا بنطبق العارفنه لكن بما ان الادارة ممكن تكون عارفة وانا شخص ماباخر اعمالي الموكلة الي فلاشك انه ( لامانع )
ذي ماقلتي انت مابتأخري
بس عموما الموضوع للاغلب الاعم
واكيد النسبه اكبر هي البتكون بتتصفح من غير علم رب العمل ومن غير رضائه
لان الشيء المعروف مافي مدير بيرضي الموظفين يفتحوا النت عشان يدخلوا منتدي
ولو حاجة من الاولويات كان استقطعوا ليه وقت رسمي ذي الاكل والصلاه
تحياتي

ملاحظة : الموضوع الذي سبق ان نوقش في هذا الاطار كان ( يسئل عن حرمة استخدام مال الادارة في اعمال غير رسمية .. والمقصود دخول مواقع عبر الانترنت لا علاقة لها بالاعمال الموكلة للشخص )

مشكووورة علي الدخول والمرور والعطور

[ABUZAID]

غايتوا جنس حسد
جابت ليها غر وغيرة اها احسن افوتكم
وكمان واحد تحت جاب ليه مكاوة
وبفتح النت بفتح النت
اها عندنا وظائف عاوز تجي ولا ترسل المدام

ربنا يزيدك كمان وكمان واورغ وبيزجيتار



طبعا حارسل المدام

انا مابدوني اجازة سنة

تحياتي

[ام قبس]

الأخت أم قبس ،،،، ملاحظتك في محلها ،،، وطبعاً لو حاولت أشرح ليك ظروف المعاناة هنا ،،، بتحتاج للكثير الكثير ،،، ولذلك كما قال لك أحد الأخوان ،،،، بأنه باقي الوقت البذهب الواحد ليه في البيت بكون يادوب متطلبات الأبناء والزوجة ،،، فلا يوجد وقت غير أنه بين فترات الشغل أهو الواحد بيلاقي فرصة للاطلاع على المنتدي والمشاركة ،، ونسأل الله أن يرد الغربة ،،،، ولك كل التحية والتقدير.

مشكور الاخ ابوجودة
عارفة شكل المعاناه كويس فانا اعيشها
بس المعاناه لازم نتعلم منها
واهم شيء نتعلمه منها النظام وتقسيم الوقت
وما عشان ناس الخليج اولا عشان انفسنا
لو اتعلمنا النظام لمان نرجع حيتبدل الحال في السودانا العزيز
ولا ماكدا

[ام قبس]

الكلام علي الأنجاز يا ام قبس وعلي فكرة انا اعمل في احدي كبريات شركات الأنترنت وكثيرا ما امر علي الموظفين وكلهم مستمتعين بالنت لكن بغيروا الصفحة الي الأوت لوك اول ما يشوفوك ..

لابد ان تتخلل ساعات العمل بعض فترات الراحة الزهنية نحن نتفهم ذلك وطالما ان الموظف ينجز اعماله بكفاءة فلا مانع وتكلفة الأنترنت مدفوعة لو استعمل او لم يستعمل.

وفي انتظار اللآب توب

طبعا ياستاذنا حاتم الكلام علي الانجاز بس مافي انجاز بيكون من غير اخلاص في العمل ووقت العمل ومال العمل
لابد ان تتخلل ساعات العمل شنو
اسمح لي ياستاذ حاتم دا مامنطق الراحة الزهنيه دي بتكون في وقت الوجبات او الصلاه مش الصلاة برضة راحة ذهنيه
ولا تقصد تتنوع الراحة الذهنية
وهو الدوام فيه كم ساعة عشان يتخلله كل دا
ما دا زاته القالوة في نكته السوداني اول مايقوم من النوم بيعمل شنو (( بيرتاح شويه))
وتطنيشه من اللاب توب
تقبل فائق احترامي

[ام قبس]

ام قبس تسمحي لي استغل بوستيك الجميل دا واحكي القصة دي :
طبعا السعودين عندهم فهم غريب ( انو السودانين) بتاعين تنبشة يعني بتاعين ( بالبلدي كدا) فقراء وكتابة وفكي والكلام داك وصادف انه كان عندنا مدير خاتيهو معاي قرض بسر راس حربة وباك لئيم ( طبعا انا راس الحرية) وراصد لي اي غلطة (لطن اخوك ما حريف) ما اديتو لي اي فرصة وكان معاي متوتر جدا جدا وانا كنت بفكر وبالعل بديت ارسل السيرة الذاتية الخاصة بي لعدد من الشركات قلت اشتري راسي والقى وضع افضل وقلت ذاتو امشي السودان واجي وكانت في ذات اللحظة بقراء في جامعة النيلين ادراة اعمال وصادف انه الامتحانات على الابواب وطلبت اجازة لان ماشي امتحن تتصوري هو ما عاوزني في الشركة ورفض الاجازة بحجة لازم اجيب بطاقة او شهادة قيد من الجامعة (ذكرني عوارة المسؤولين في السودان) فاحرضرت البطاقة لانها كانت مع بجدة وقال لي لازم توفر بديل وربك رب الخير كان عندي زول جاهز فاحضرته بقى ما عندو حجة فسافرت وقبل ما اتم اسبوعين الجماعة اتصلوا علي وانا بفطر مع الغالية والغالي وبنت اختى واختى وقالو لي (ايش سويت لصاحبك طيروا) يعني بالبلدي كدا بيتهموني بانني جيت السودان مخصوص ومشيت لي فكي وعملت عمل للمدير علشان كدا طيروهو وللان ما مصدقين اني جيت امتحنت ( والله حيروني عديل اها رايك شنو في جنس دا)
تخريمة :
المدير الجابواهو بعدو اريتو ولدك ولد السرور ( ادب واخلاق وزوق ) وحقاني وقبل دا كلو زيك كدا (انساني )

البيت بيتك يالجندي
اتفضل

والله قصتك تحير
بس سعال براني
ماتديني اسم الفكي دا مقرووضه فيه

سوال جاد
الفكرة الغريبه دي جات من وين للسعوديين
الجواب حافتح ليه بوست تاني
والله نصرك ياود امي
الله معاك
ومشكور علي ردك علي الاستاذ مرتضي

[بت أم درمان]

قلتي لي المغتربين يجو يبررو موقفهم ؟...

[أبو جودي]

كده ونص ،،،، مع تحياتي ،،،

[ام قبس]

ام قبس لاكن انتي فعلا بتاعت مشاكل بس نقول ليك... كان ما الانترنت نت ده كان عملنا خروج نهائي اول حاجه الواحد بعملا من اجي المكتب افتح الانترنت معاها كباية شاي اتصفح الجرايد والواقع اها الساعه عشره بتكون جات بعد داك اشوف الشغل فيهوا شنو كمان بتتخلالا دخلات باقي اليوم كان ما عملنا كده الواحد بطق لزحمة العمل ومشاكل العمل زائدا مشاكل ناس البيت زي ما انتي عارفه او ناس الشغل كان عجبم عجبم او كان ما عجبم اشربوا من البحر.
بعدين الواحد اكون شغال في مكتب كلو فلبينين وهنود اتكلم عربي مع منوا غير الجهاز ده.
بعدين الشركات المحترمه بتعتبر ده بصلح نفسيات الموظف يعني الواحد ما اشتغل غضبا عنك الشغل بالمزاج افضل من الضغط وعشان احنا قدر المسئولية ما بسئلونا اصحاب الشركات الشغالين فيها

هلا بالحكاي والقصاص الرصاص
الرصاص البرص مش البرصص
هي انت اظنك شغال مع خاله الملكة
ولو هم شربوا من البحر انت ماعندك رجعه للبيت
اها في داعي لي جنس الخراب دا
تيب ماهسع بتكون بتتكلم فلبيني
والله لو طبقوا نظريه الشغل بي المزاج دي مع ناس منتدانا
احسن اليشوفوا ليهم اصطاف مساعد ويجوا يستشيرونا بس

الله يديك العافيه وشرفت كتيير

[ام قبس]

انا حسب معلوماتى ان ناس السويد فى اجازه دائمه وبعدين بعد السنه من غير فلوس دي لو لقوها اخوانا المصريين ممكن كل شهرين يجيبوا مولود (ارانب)

شرفت والله العظيم
لكن معلوماتك لقيتها سي اي ايه
حبه تعديل في المعلومات
كل السويديين والمقيمين او المتجنسيين
اذا عندهم شغل يصرف عليهم الشغل
اما المابتتوفر ليه فرصه عمل بتصرف عليه الدوله من الضمان الاجتماعي
بس كمان مابتخليه نايم في بيتهم لانه مالقي شغل
بتوديه واحد من اثنين يا اما يدرس او براكتيك يتعلم صنعة حسب رغبته
واذا ماداوم في التعليم او البراكتيك بتخصم منه باليوم ذي الزول الشغال
واذا وضعت الام
بتعاملوا معاها علي اساس شغاله والاب ايضا اسبوعيين واجازة اسمها اجازة ابوة لمراعاه زوجته واطفاله
اها قصرنا معاكم
ويلا رد لي علي الجندي دا انا منتظراك يا ناس السجون

[ام قبس]

ربنا يزيدك كمان وكمان واورغ وبيزجيتار



طبعا حارسل المدام

انا مابدوني اجازة سنة

تحياتي

اميييييييييييين يارب
لكن لو رسلتها بعد داك بتبقي من الجماعة البغسله العدة ويمسكوةالجهال علي قول وحدة من اخواتنا
احسن تعال انت وبرضه عندك اجازة مدفوعة الاجر
ولا كيف
مشككور الف

[ام قبس]

قلتي لي المغتربين يجو يبررو موقفهم ؟...

والله نورتي وشرفتي كتيييييييييييييييييييييييييير
قبضتهم بالثابته
لقيتي اختك كيف مانتغمت ليكم من الرجال

[حاتم مرزوق]

انا ما كلمتكم قلت ليكم ام قبس عاملة ليكم كمين من الصباح :d

الظاهر صحت ليكم بدري مخصوص!!

لكن كمينك دا يام قبس حنتسداهو وانحنا اهل الكماين.






بتاعت الطوب

[ام قبس]

انا ما كلمتكم قلت ليكم ام قبس عاملة ليكم كمين من الصباح :d

الظاهر صحت ليكم بدري مخصوص!!

لكن كمينك دا يام قبس حنتسداهو وانحنا اهل الكماين.






بتاعت الطوب

والله العظيم ضحكتني لمان دموعي جرو
حالتي كنت مركبه وش جادي
حلوة صحت ليكم بدري دي
الله يديك العافيه استاذنا حاتم

[ام قبس]

ام قبس
انا ذاتي المدير عارفني ورئيسي المباشر
المدير مرات بسألني بقول لي مريخك كيف ؟؟؟؟

والله اسفة ياعمر سنهوري
بس مشاركتك كاتبها صغيرونة
اها النرد ليك
مرات
ان شاء الله مرات دي ماتقلب ويقول ليك ناس مدني ديل احسن امشي ليهم هناك

[غلباوى]

سؤال واااااااااااااحد بس
ليه الناس دي دخلاتها علي المنتدي كلها من الساعة تسعة ومافوق
بي الصباح
مع ان دا اكيد وقت دوام العمل
وبالذات ناس السعوديه
يالناس البتقوله بالتفاني في العمل والعمل بي اخلاص
ومن اخذ الاجر
والشعب السودان اتبنت علي اكتافة وكدا
والشعب ماكسول وما وما
وتعرفنا بي مواظبتنا في دول الخليج
وكلااااااااااام كتيير
عاوزة رد
بالمناسبه عندي لسته بي الدخلوا الليله
في الوقت دا
وبمناسبه اخري عندي الجواب هاهاهاها

الاخت ام قبس
اشهد والشهاده لله مافي يوم دخلت بالصباح لاني في الشغل ومن الشغل مافي طريقه نهائي !!!لكن لو حصل ودخلت بكون دوام ليل و الدخول من البيت وتسلمي دوما بصحه وعافيه

[ام قبس]

والله الحمد
لكن القوة دي ما فهمتها قوة شنو بالضبط ..
ونصيحتك دي نحاول نعمل بيها مافي مشكلة
واحسن من كدا بفكر الشغل زااتو اشيلوا معاي البيت
ولا اقول ليك ما اجي الشغل زااتو واجي وقت الصرف بس
مش دا احسن من اقتراحك ومشكورة على ردك الاقوي

ياعصمت ياخوي ماتضايق خلي روحك رياضيه
القوة المقصودة هنا بي معني وقت العمل البيستقل في غير العمل وقدام عين المدير
اها دي ماقوة
والله شكلك زعلت شديد

[سواااح]

عن نفسي ..
انا بدخل بي حقي (حلوة مش كده)
نسبة لان عملي في الغالبية ميداني
فلذلك فان دحولي يكون من المنزل
ان توفر وقت لذلك ..
مثل هذه الفرصة الطيبة