"هزيمة أنثي" / يوجد تساؤل

[حنونة.]

سلامااات ياحبيبة
طبعاً الهزيمة واردة للطرفين ولكن للانثى بتكون اشد ايلاماً
رغم معرفتى بانني كائن ضعيف بحب دائماً اكون قوية وما استسلم ولكن لم يحصل فاننى احضر ورقة وقلم واكتب كل البخطر على بالى وانوى انهى الموضوع وذلك بتمزيق الورقة بحس ان الامور جيدة وطبعا ياستى فى اليوم دى بكمل كل الدموع التى فى مقلتاى ( مش قالوا البكاء يقلل من الاصابة بالامراض والكابة والهزائم صحى) غايتوا بحس ان ذاتى اغتسلت واصبحت اكثر صفاء وامكن ابتسم فى نفس اللحظة وماعرف السبب

[مدنيّة]

أكيد إنها صعبة جدا ... وهو مبدأ الهزيمة عموما سواءا كان رجل أو أنثى ... للإثنين والذين يشتركون في صفة الإنسانية.

ونادرا ما يستطيع الذكر أو الأنثى تجاوز هذه الهزيمة ... إلا إذا كان يتمتع بشخصية قوية .. وقدره على مواجهة الذات ... وتشجيع ممن هم حوله.

ولكن للانثى .. وضع خاص .. لأنها محاطة بسياج من مفاهيم كثيرة لدى المجتمع

الموضوع مهم وكبير .. وأشكرك عليهو يا أم جمال .. وننتظر مساهمات كل أنثى فيه وبعدها نعود ...

ملاحظة مهم جدا:

تختلف نظرة الأنثى للهزيمة ... حسب طبيعة شخصيتها .. وغالبا ما تعاني وبشده الأنثى "النرجسية" .. أو قل المغرورة والحادة ... أو التي لا تعترف أصلا بالهزيمة

همسة : عني أنا غايتو أصلو ما برضى ليك الهزيمة .. يا مدنيه حتى لو كان السبب فيها ولدنا أكرم

اكيد الانهزام يصيب الرجل والمراة علي حد سواء
وقد كان تخصيص الانثني في عنوان البوست لجرها
للحديث عن الهزائم التي تتعرض لها في حياتها


وعدم الاعتراف بالهزيمة سيزيد الطين بلة "نادي المريخ مثالا"

والله ياابوها اكرم العملها فينا
نجار في خشب ماعملها



تحياتي ليك ياملك

[مدنيّة]

شئ وارد في الحياة ولكن هل سيكون هنالك استسلام أم تفاءل وامل لأن الهزيمة ليس نهاية الدنيا بل يمكن ان تكون الطريق للبداية الصحيحة .


تخريمة :
الهزيمة كانت 3/2 ولا كم

لو حصل استسلام يبقي الانسان دمر نفسه بنفسه
وعلي فكرة مافي انسان بيقدر يساعد انسان اخر

لكل كل واحد فينا جواه الطاقة الكامنة ممكن تساعده ممكن يصل بيها للعايزه

رد التخريمة : يا الجندي الواحد اتعقد من الرقم 3 دا
لو ماشي في الشارع وواحد قال 3
بقينا نضاير

الله يصبرنا

[مدنيّة]

الاخت العزيزه جدا مدنيه تحياتى


الانهزام عادة ناتج عن عدم الدراسه العقلانيه والتعامل العاطفى البحت .
ودائما ما نعطى الحلق لى من ليس لديه خرم !
الانهزام الداخلى قد يحدث ولكنه خط محمود فاصل مابين الانكسار والانتصار
نتمنى ان يتخطاه كل منهزم لينعم بالانتصار
------------------------------------
الانهزام الداخلى ليس حصريا على الانثى


دمتم بخير......

هو فعلا غير عقلاني
لانه مبني علي الاحاسيس والمشاعر

ممكن الواحد يتخطاه لما يعترف بيه اولا

------------------------
اكيد الانهزام ليس حصري

تشكري ياغالية

[مدنيّة]

مدون
عشان قلتي أنثى , الرجال استلمو الموضوع
انا سؤالي هل الموضوع ده عندو علاقة بهزيمة المريخ

عارفة ياسمورة
هزيمة المريخ لينا " باعتباره هزمنا احنا قبل ما يتهزم هو"
هزمت جوانا حاجات كتيرة

لما الجمهور يحب ويعشق ويعطي بلا حساب
ويكون في انتظار فرحة تخليه يقابل "حقد الحاقدين العارفين روحهم"
مااعتقد انها كتيرة عليهم

لكن لعيبة المريخ استكتروها عليهم
مع انه انتصار المريخ في حد زاته لو فاز بكاس العالم للاندية
الجمهور ما ح ياخد حاجة لنفسه ويضعها في جيبه
وكله كان ح يرجع للعيبة

لكن ضربوا بكل مشاعر جماهيرهم عرض اكبر حيطة فيك يابلد


سمورة خلا كفاية
ح يجيني انهيار بعد شوية

[مدنيّة]

لدي سؤل ؟؟

هل الانهزام يعني الاستسلام ؟؟؟
ام
يعني فرصه جديده للتعويض والاستفاده من الفشل ليكون بداية النجاح ؟؟

علي حسب شخصية المنهزم ياسنهوري

في اللي بيستسلم ويبقي مكانه
وفي اللي بيعتبرها بداية جديدة وينطلق منها كاقوي مايكون


همسة : تبعا قلت مزمل اشترك معانا في المنتدي متين لما شفت الصورة الرمزية

[مدنيّة]

هذه هي الروح الانهزامية
ولاتعليق لي أكثر من ذلك
فلو حاول النسر الصغير الطيران
لكان الآن محلقاً بالجو !!!

طبعا ياابوحراز
القصة منتهي العبرة
لمن يعتبر


تشكيراااات كتاااار

[مدنيّة]

عزيزتي مدنية - الهزيمة وقعها سيئ جدا على النفس

ايا كانت نوع الهزيمة - اولا طبعا سأسقط سقطة معتبرة - ولكن اثناء هذه السقطة سأفكر - ايستحق الذي حصل السقوط من اجله - طبعا الاجابة لا - لان لا يوجد اصلا في الحياة شئ يستاهل ان نسقط لأجله .

ولذلك سرعان ما انهض وادع الذي حصل وراء ظهري - واعتبره كأنه لم يكن - واواصل سيري (حياتي) - واتعظ - ولا اكرر شئ من الذي ادي الي تلك الهزيمة والسقوط .

اهم ما في الموضوع انك تكوني واثقه جدا من نفسك - دمت

عارفة يامايسة
بيقولوا
اي حاجة بتبدا صغيرة وتكبر
الا المصيبة
بتبدا كبيرة وتصغر
فلو اعتبرنا الهزيمة مصيبة
لما نعترف بيها ونواجها
ممكن بقوة عزيمتنا نحولها لانتصار


تحياتي ليك ياملكة

[ابوالنور]

يا شباب ما تزحو لينا حبة من شريط النتيجة ده

[الاميره]

هل هو انهزام القيم والمثل ...
أم انهزام العواطف ...
أم الانهزام فى طريقة التفكير السابقة وثبات خطؤها

اختى الحبيبه مدون..مساك الله بالف خير
اول ما قرات البوست جالت فى خاطرى عدة اسئله..وحوارات وذكريات..وطلعت منها وواصلت المشاركات..وسبحان الله لقيت بعض الاسئله فى احدى المتشاركات لاخونا عوض الكريم الخواض..
وايا كان نوع السؤال ..فالسبب الحقيقى الذى يؤدى للشعور بالهزيمه لابد من التخلص منه..وبقوة الاراده والايمان بان الله عادل..والثقه بالنفس هى التى تدحر اى هزيمه..
ودمتى بالف خير.

[ابوالناس]

الاخت مدنيه
الانهزام فى حد زاتو انهزام
معناهو :-
الياس والهزيمه والتراجع والانكسار والتقهقر
واذا اجتمعت كل هذه العبارات فى كلمه يكون وقعها قاسى جداجدا
ويقال على صاحبها اى المنهزم يارحمن يارحيم بس الم نفسو قبل ما يلقط
ورق ويركب الزلط يعنى يبقى جنينه عدل كده يلحق الجماعه الطيبين
اما ابوحراز او طيبه الشيخ عيد الباقى ولا الصحه نفيسه
بعد كدا يقولو ليك فلانه دى الليله بحره زايد
(انا جنيت وجنى جنه وجنى اصلو مبدع اهج شقيش اهج فاضلى تانى اجدع)

[الدكتور]

والله شوف مافي بت بتنهزم داخليا الا في حالة واحدة لما تعرس ويعرسو عليها