***عنقريب هباب فى ضُل نيمة مرشوشة ***

[الزونية]

في بيوتنا يا الحبان "الرواب" ضروري لو فقدته ست البيت آخر الليل .. ولقتو مافي .. بتمشي على الجيران تجيبو لأنو مهم عشان الكسره والعصيدة والروب وملاح الروب يا سلاااااااام على ملاح الروب.
أنا مع إقتراح أب قرجه لازم يكون عندنا رواب من كلام أمس في نيمتنا دي عشان نستخدمو لـ ترويب الشوق والمحنه والكلام .. ياخي النيمه دي فيها كلام درر بطلع من القلب .. كلام على قول رضا .. تقالدو وتبكي بى حرقه ... الحرقه الجابت لينا العاقب الحنين ... وكل الغاليين هنا في النيمة.
في حلتنا ما قبل رمضان .. النسوان بعوسو الآبري، الأبيض والأحمر .. الرقاق، واللوبا العدسيه لازم تكون حقت السنه "جديده يعني" .. والطواحين اليوم داااك بتشتغل لوقت متأخر لتجهيز دقيق العصيده،،،، وبجوا الحبان من كل مكان .. يجوا على الأقل يصوموا يوم مع ناس البيت في رمضان ... ويضوقو الآبري والرقاق .. بل أن الضواقه .. تشمل كل بيوت الحله .. عماتك وخالاتك .. و ....... ضواقه جد .. ولازم تقول رايك .. وفي منافسة شديده في الآبريها حلو .. والرقاقها طاعم ... عالم جميل .. أجمل من حق ناس زين والمريخ والله

ونحن في نيمتنا دي بنطلب من رواد النيمه ورمضان على الأبواب .. يجونا على الأقل يصوموا معانا يوم يضوقوا آبرينا .. ورقاقنا .. وكلامنا الطاعم والدقاق

الناس الغايبين .. سيد البلد، وبت ام درمان "ديل أكتر ناس عملوها ظاهرة"

دايرين نجي نقعد كلنا هنا قبل الشراب .. وقبل الآذان نحكي تفاصيل اليوم والصيام .. ونطلع فرشاتنا برا في السهلة .. عشان الغاشي والماشي يجي يفطر معنا .. ونحلف طلااااااق ما يمشي قبل الفطور "نحن بس البنحلف" طبعا ناس العاقب يمتنعون والبنات جوااا يظبتن الأكل .. والشاي والقهوة .. ونصلي التراويح في فرشتنا ديك .. ونمشي على أشغالنا .. مليانين آبري وعصيده وكلام طاعم

لك التحية جلال
ودمت ودام هذا العز وهذا الجو الرمضاني السمح ..ضيافة ..ومرحب حباب الجايين مع أذان الإفطار ...والعابرين في الطرقات ...
وأماتنا يمثلن قمة الكرم ..ويتمتعن بالروح الطيبة والأشفاق لكل واحد جاه صداع في أول يوم في رمضان ....
كدي قوم أشرب حبة العصير دي كدي ...كدي هاك القهوة دي ياولدي إمكن تريحك شوية ....

ادام الله لكم أمهاتكم إخواني وأخواتي ...ورمضان كريم على الكل ..
والف رحمة تنزل على امي الغالية والتي حرمت بعدها من كل معنى للجمال ونكهة لكل شئ .
وحتى من الآبري....

[هيثم ادروب]

الجوه قلبى احتلاهو...
اسم ساى دوام اطراهو...
فارق دربى ما هماهو ...
يا الله كيف ووين القاهو
يا ناسينا .. يا مجافينا ..حن علينا
كل ما اميل اجد ذكراه..
بين الروضه ريدتا شذاه..
فى دنيا الغرام اهواه..
اكان ناسينى ما بنساه..
يا ناسينا .. يا مجافينا ..حن علينا
حبيب مشتاق اشوف عينيك..
شعرك موج على خديك..
هناي فى بسمتك..فى وقفتك .. فى مشيك..
بالغالى العزيز افديك
يا ناسينا ..يا مجافينا ..حن علينا
بفرش ليك قلبى وسادة..
يسقيك من غرامى سعادة..
لو عاد الحنين يا السادة..
اقضى عمرى فيك ..عباده
يا ناسينا ..يا مجافينا ..حن علينا


السلام عليكم ..

صباحكم بااااااااااااسطة ..

[wad alballal]

السلام عليكم ..

صباحكم بااااااااااااسطة ..

ادروب ...
وصباحك باسطة برضو ... هسي الباسطة في رمضان دا كيف ...

[عثمان جلالة]

لك التحية جلال
ودمت ودام هذا العز وهذا الجو الرمضاني السمح ..ضيافة ..ومرحب حباب الجايين مع أذان الإفطار ...والعابرين في الطرقات ...
وأماتنا يمثلن قمة الكرم ..ويتمتعن بالروح الطيبة والأشفاق لكل واحد جاه صداع في أول يوم في رمضان ....
كدي قوم أشرب حبة العصير دي كدي ...كدي هاك القهوة دي ياولدي إمكن تريحك شوية ....

ادام الله لكم أمهاتكم إخواني وأخواتي ...ورمضان كريم على الكل ..
والف رحمة تنزل على امي الغالية والتي حرمت بعدها من كل معنى للجمال ونكهة لكل شئ .
وحتى من الآبري....

تعرفي يا الزونيه أختي .. الأمهات ديل .. ما بنقدر نجازيهم ولا نديهم حقهم بالكلام .. لكن فعلاً حنيتهم بتظهر بشكل خاص في رمضان .. وبكونوا هم ضابط الإيقاع في الشهر الكريم كله .. لأمك الرحمه والمغفرة .. ولموتانا وموتى المسلمين ... لكن تعرفي يا الزونيه .. أمك روحها موجودة ومتابعاك .. في كل لحظه .. وبتسعد بى سعادتك وبتحزن بى حزنك .. عشان كده .. لازم تسعديها وبالذات في رمضان تذكريها بالدعاء ... وتعملي الحاجات الكانت بتعملها هي في رمضان .. وكأنها موجوده .. بما فيها الآبري .. تصومي وتفطري على الخير.

[wad alballal]

والف رحمة تنزل على امي الغالية والتي حرمت بعدها من كل معنى للجمال ونكهة لكل شئ .
وحتى من الآبري....

الف رحمة ليها ... وتحية ليك من الصباح ...

[عثمان جلالة]

[size="5"][color="indigo"][font="comic sans ms"]

السلام عليكم ..

صباحكم بااااااااااااسطة ..

الباسطه دي في رمضااان بتعطشنا يااااخ
منور يا أدروب ... شنو ياااخ توعد الملكة بالاندياح وتزوغ .. ما كان العشم والله

[هيثم ادروب]

الباسطه دي في رمضااان بتعطشنا يااااخ
منور يا أدروب ... شنو ياااخ توعد الملكة بالاندياح وتزوغ .. ما كان العشم والله

عمنا جلالة ...

صباحك ابيض .. زي قلبك الابيض ..

والله انا كان عندي مزاج للاندياحة ..

بس مرقنا انا والشباب ..

لاكن اليوم انا منتظرا من الصباح ..

[هيثم ادروب]

ادروب ...
وصباحك باسطة برضو ... هسي الباسطة في رمضان دا كيف ...

عليك الله في احلي من الباسطة في رمضان..

ياخ دي ليها طعم تاني ..

اخبارك شنو ..

والصورة بتاعتك دي مالقيت ليها محل لسة ..

ياخ وين صورة الامورة الحلوة ديك ..

[يوسف كيكل]

السلام عليكم ..

صباحكم بااااااااااااسطة ..

اسعد صباحك ياادرب وصباح كل النيامه
وكل سنه وانتو طيبين

[wad alballal]

عليك الله في احلي من الباسطة في رمضان..

ياخ دي ليها طعم تاني ..

اخبارك شنو ..

والصورة بتاعتك دي مالقيت ليها محل لسة ..

ياخ وين صورة الامورة الحلوة ديك ..

زي ما قال ليك جلاله في رمضان بتعطش .... ونحنا ناس جرسة ...

والصورة والله اخترنا زاتو نخت صورة منو لكن جاري البحث وارضاء كل الاطراف ...

[حسام التنين]

السلام عليكم

وصبح الخير

وكل سنة وانتم طيبين

ورمضان كريم

وربنا اجعلها امطار خير وبركة

و مبروك فطرو العريس

اقصد فطور رمضان





ياخ نحن بارينا عقبة ده والله العرس قام بينا

[عمر المامون]

هيثم مدثر سلامات
الباسطة دي تنفع في السحور ...

ابو النسب لك التحية
وصباح الخير

[عمر المامون]

السلام عليكم

وصبح الخير

وكل سنة وانتم طيبين

ورمضان كريم

وربنا اجعلها امطار خير وبركة

و مبروك فطرو العريس

اقصد فطور رمضان





ياخ نحن بارينا عقبة ده والله العرس قام بينا

tininana

صباح الخير
تعال اتفشي في باسطة
هيثم دي قبل وقت الامساك ما يجي

[عمر المامون]

الزونيه صباح الخير

لكي التحية

نسأل الله لها المغفرة والسلوان

والقبول الحسن

[حسام التنين]

يااااااه ودالبلال

شايفكم انت و ود المامون بقيتوا مشهورين

صوركم في كل مكان

واحد في المول والتاني في الطريق السريع





همسة ود البلال ياقطة زي دي في مدني ماف

بجيكم

[هيثم ادروب]

كيكل ..

التنين ..

الزونية ..

عمنا جلالة ..

والبلال ..

عمر المامون ..

وناس الليل ..

ابومزن ..

ابوقرجة ..

العاقب ..

والملكة ..

وبت مرنجان ..

ميادة ..

وتغريد ..

ومحمد الواثق ..

مريوما ..

سودانية وافتخر ..

رضا العائد من الوطن ..

وكل النيامة المازكرناهم ..

رمضان كريم ..

تصومو وتفطروا علي خير ..

وانشاء الله ربنا يتقبل منكم ..

وصينية باسطة كبيرة كدا بمناسبة رمضان ..

[هيثم ادروب]

رمضانُ جئت فمرحبا (رمضانُ)
يا من بشهرك جاءنا الرضوانُ

يا خير شهرٍ بالزمان قلوبنا
تهفو وفيها يشرق الإيمانُ

تزداد فيها الصالحات ويزدهي
فيها الفلاحُ ويزهر الإحسانُ

ما فيك إلاَّ الخيرُ هَلَّ هلاله
بهلالك اشتاقت له الأكوانُ

وتلهف الصُّوامُ للصوم الذي
صَحَّتْ به وبنوره الأبدانُ

وكذلك الأرواحُ صَحَّتْ وارتقت
مرقى الصلاحِ وطُهِّر الوجدانُ

منذ انتهاء الصوم في عام مضى
شخصت لك العينانِ والأذهانُ

ترجو لشهرك عودةً محمودةً
يا من بصومك حَفَّنَا الريَّانُ

وتفتَّحت أبوابُ خيرات بها
حلَّ السرورُ وعمَّنَا اطمئنانُ

وتحدَّثت عنك القصائدُ تشتهي
منك العَروضَ ولاحت الأوزانُ

فالشهر شهر الطائعين لربهم
شهرٌ به قد أُنزِلَ القرآنُ

شهرٌ به فُتِحَت مفاتحُ رحمةٍ
فُتِحَت به للصائمين جِنَانُ

شهرٌ به قد أُغْلِقَت بجحيمها
وسعيرها ولهيبها النيرانُ

فالله مَنَّ على العبادِ بجوده
وبفضله فهو الولي الدَّيانُ

وهو الرحيمُ المستعان المرتجى
وهو العظيمُ الواحدُ الرحمنُ

منح الكريمُ عبادَهُ من فضله
شهراً به قد طابت الأزمانُ

فيه التراحمُ والتآخي والهدى
والبِّرُ والمعروفُ والغفرانُ


والمكرمات بأسرها في شهره
تنمو ويثمر بالهنا البستانُ

وبليلة القدر الجليلة نورها
بالليل فيه على الأنام أمانُ

وبها المزيدُ من العطاء تلألأت
حورٌ بها للصائمين حِسَانُ

يا شهرَ كُلِّ الخير صَوْمُكَ بلسمٌ
فيه استراح مع التقى الإنسانُ

وقلوبنا والله أصلحها الذي
قد حلَّ فينا بالهدى (رمضانُ) !!

مازلت أشدو للصيام قصائدي
شَرُفَتْ به وتَشَرَّفَ الديوانُ

رباه أهديت العبادَ فريضةً
فيها العلا والنور والفرقانُ

فاقبل إلهي صومَنَا وقيامَنَا
ودعاءَناَ يا فردُ يا منانُ

يا برُّ يا قدوسُ يا ربَّ الورى
يا رازقَ الأحياء يا حَنَّانُ


وانصر إلهي أمة الهادي لها
أملٌ لنصرك سيدي لهفانُ

صلى الإله على الرسول وآله
ما حان للفطر السعيد أذانُ !!

[حسام التنين]

tininana

صباح الخير
تعال اتفشي في باسطة
هيثم دي قبل وقت الامساك ما يجي

انا هيثم ماداير معاه كلام

[الزونية]

تعرفي يا الزونيه أختي .. الأمهات ديل .. ما بنقدر نجازيهم ولا نديهم حقهم بالكلام .. لكن فعلاً حنيتهم بتظهر بشكل خاص في رمضان .. وبكونوا هم ضابط الإيقاع في الشهر الكريم كله .. لأمك الرحمه والمغفرة .. ولموتانا وموتى المسلمين ... لكن تعرفي يا الزونيه .. أمك روحها موجودة ومتابعاك .. في كل لحظه .. وبتسعد بى سعادتك وبتحزن بى حزنك .. عشان كده .. لازم تسعديها وبالذات في رمضان تذكريها بالدعاء ... وتعملي الحاجات الكانت بتعملها هي في رمضان .. وكأنها موجوده .. بما فيها الآبري .. تصومي وتفطري على الخير.

مشكور جلالة ..

وممنونة انا لك كتير لمواساتي ....ودمت بألف خير ياطيب

[حسام التنين]

.

السلام عليكم

[الزونية]

الزونيه صباح الخير

لكي التحية

نسأل الله لها المغفرة والسلوان

والقبول الحسن

صباح الخير عليك ود المامون ....ومشكور ياحبيب...
بس والله إحساسي بي رمضان غيركل الناس ..أعذروني ..

ادام الله عزكم

[الزونية]

الف رحمة ليها ... وتحية ليك من الصباح ...

ود البلال صباحك نور ..ومشكور ياعزيز

[الزونية]

كيكل ..

التنين ..

الزونية ..

عمنا جلالة ..

والبلال ..

عمر المامون ..

وناس الليل ..

ابومزن ..

ابوقرجة ..

العاقب ..

والملكة ..

وبت مرنجان ..

ميادة ..

وتغريد ..

ومحمد الواثق ..

مريوما ..

سودانية وافتخر ..

رضا العائد من الوطن ..

وكل النيامة المازكرناهم ..

رمضان كريم ..

تصومو وتفطروا علي خير ..

وانشاء الله ربنا يتقبل منكم ..

وصينية باسطة كبيرة كدا بمناسبة رمضان ..

أدروب صباح الخير عليك ....ورمضان كريم

[الزونية]

.

السلام عليكم

وعليكم السلام ..وتصوم وتفطر على خير

[حسام التنين]

وعليكم السلام ..وتصوم وتفطر على خير

وانت كل الخير ان شاء الله