هنالك تقنية في المنتديات عند تنزيل موضوع موجه لجميع الاعضاء يظهر اسم العضو كما ان الموضوع موجه له شخصيا نزل موضوع يا ....فلان... المتمرد خليل ابراهيم في منتديات الــ....... وكان هنالك عضو جديد قام بالتسجيل لاول مره بالمنتدي فظهرت له الراسالة ولسؤ حظه كانت اول الصفحه فقام بكتابة رسالة لصاحب البوست كان هذا نصها:
كاتب الموضوع : ود الفضل المنتدى : المنتدى العام
بتاريخ : 16-08-2009 الساعة : 05:40 pm
الاخ ود الفضيل لقد ارسلت لك رساله خاصه في بريدك استفسر من وضع اسمي في البوست الخاص بموضوع المتمرد خليل ارجو تفسير وضع اسمي بجواره اذا اختلطت عليك الاسماء فذالك جائز اما غير ذالك فاطلب منك مع الاعتزار حذف اسمي من جوار هذا الشخص واذا كان الموضوع يخصني فاحب ان اعرفك باسمي الحقيقي هو الموجود بهذا المنتدي ولم ازور منه شيئا اقيم في المملكه العربيه السعوديه جده رقم هاتفي ................ورجاء منك ان لاتكتب اسمي بشئ لا يخصني وهذا للعلم فقط وعزرا اذا اطلت علي الاخوه اعضاء المنتدي
لقد قمت بالاتصال بالشخص حسب ماهو مدون اعلاه بجواله الذي قمت بحزفه من رسالته وكان هذا الحوار:
انا: الو السلام عليكم الاخ مرتضي
مرتضي: ايوه نعم انت منوا اي خدمه
انا: عايز استفسر منك علاقتك بي خليل ابراهيم بتاع حركة العدل والمساواة شنو
مرتضي: والله الزول ده انا ما بعرفوا خالص ولا عندي بيهو علاقه بعدين انا اول مره اشترك في منتدي واحد صاحبي قال لي اشترك المنتديات دي ظريفه لقيتها ليك طين من اول يوم عايزين اشبكوني في خليل ابراهيم الناس ديل مجانيين تاري الانترنت نت ده بجيب البلاوي للناس والله انا كان ما ولدي عمل لي الاشتراك كان ذاتي ما عايز الناس ديل عايزين اجننوني انا اولادي وقت الضربة كانو في امدرمان عشت ايام عصيبه كل عشره دقائق اتصل بيهم اشوف احوالم اها ولدي بعد عمل لي الاشتراك فتح الانترنت دخل الموقع بي اسمي لقي اسمي مع خليل ابراهيم تاني رجعت لينا خوفت ضربت خليل قال لي بابا تعال شوف ناس الانترنت خاتنك مع خليل ابراهيم يا خوي موقعكم ده ذاتو ما عايزنوا خلاص الانترنت ده شطبناهوا ما عايزنو الجاب لينا فيها خليل ابراهيم.
انا: انت من وين يا الاخو في السودان
مرتضي: ياخي انت منو البتسأل فيني كده واتصلته علي
انا: معاك عباس الشريف من السفاره
مرتضي: انا من المحميه ام درمان جعلي
انا: ما عندك علاقة بالغرب اصلوا الجعلين ديل ملخبتين مع ناس الغرب
مرتضي: انا والله جعلي حر ما عندي اي لخبته ولا اي علاقة بي خليل ده والله ياخي دي شبكه عجيبه الخلتنا نجي الانترنت ده كفاية العلينا ما تجننونا بي الجوالات كرن كرن كرن انا قلته ليكم ما عندي علاقة بي خليل ده.
قلته ما احرق اعصاب الراجل كفاية كده عرفتوا بي نفسي وانا عضو معاه في المنتدي كما شحته ليهوا تقنية الانترنت كيف تخلي اسمك اظهر مع خليل والحاجه دي عندنا كلنا لما نفتح بظهر اسمنا.
اجابني ضاحكا والله دي حكاية عجيبة قطعتوا قلبنا بي منتداكم وتلفوناتكم دي والله كان ما قلته لي كده كان قلبي ماكلني بي حكاية خليل دي كنت عايز امشي القنصلية في جدة اشوف الموضوع ده الظهر فيهوا اسمي واصحح فهم الناس.
انا: عشان تتاكد من كلامي ده صاح خش المنتدي تاني ارجع الصفحات الوراء بتلقي في مواضيع كثيره موجهه ليك شخصيا باسمك مصداقية لكلامي.
مرتضي: يا خوي هوي انا تاني ما بخش بي اسمي لاكن بمشي لي الزول القال لي اشترك بخلي ادخل بي اسموا كان ظهرت بي اسموا بصدقك.
تم الاستئذان من الاخ مرتضي بتنزيل البوست
رد مع اقتباس
المفضلات