دعوة للنقاش : الاخت نائبة المشرف العام حذفت بوست : أما آن لهذا النباح أن يتوقف ...راي

[محمد حنتوب]

السلام عليكم استاذ/ العقاد
حقيقة الواحد بيشعر بي اسف شديد على الشي الحصل
يساء اليك ويطلب منك ان تحترم من اساء اليك لانة قائد (والله لو مددت الي يدك لتقتلني ما انا بباسط اليك يدي لاقرئك السلام)

[zahid]

ان شاء الله لا توجد اساءات هنا أخ محمد وكلنا أخوان ....وكوننا نلتزم بالقوانين فهذا لا يعني تقليل من شأننا ....ولك مني السلام

[الفخيييم]

[quote=محمد السر;364805]


لأن منتدانا منتدى اجتماعي اولاً

منتدي موجه قصدك؟
وبعدين المجتمع والسياسة والفلك والطب والخيال كلهم ليهم علاقة ببعض00 يعني نتجاوز علاقة علم الاجتماع بالجغرافيا والتاريخ والسياسة واصلا هي موجوده ولا الفهم شنو؟
مافي حاجة اسمها اجتماعي00كل يعبر عن طرحه وفكره بما لا يخدش وجه الادب00يعني اتكلم بعبارات سوقية عشات تحذفو موضوعو ولا شنو؟منتديات مدني زي افكار مدني ودورها في كل الانشطة 00لا ننحني لريح القمع والتنكيل00قال اجتماعي قال00للوفايات والافراح يعني00ولا قصدك شنو يا اللخو00
اتربينا علي الحرية والطرح القوي في مدني00لازم الكل يتقبل النقد بصدر رحب00بعيدا عن عبارات التجريح00وشخصنة القضايا والمواضيع00

[zahid]

أنا بفتكر انو لكل منا توجهاته واراءه السياسية التي يحتفظ بها ...وانا لا اعتقد انه يوجد شئ على وجه الدنيا اسمه حياد والمحايدين هم الموتى وحدهم أو بعض السفهاء الذين ليس لهم رأي في كل شئ وفي أي شئ ....ولكن اذا فتحنا الباب على مصرعيه وقلنا للسياسة أدخلي علينا فسترى يا أخي العجب العجاب ...انظر يا أخي الآن لحال الصحف السياسية في بلاد فسترى السب والشتائم وسترى التعصب الاعمى الذي يفسد الود بين الناس ...لذلك أخي الكريم دعنا نحافظ على منتديات ودمدني بعيدة عن هذا الجو المشئوم ولنتحدث في السياسة يا أخي ولكن على الاقل لنحتفظ لهذا المنتدى بما وضعه لنفسه من قوانين تساعد على نشر جو أخوي بين الاعضاء

[مرتضى ساتى]

الغالي مرتضى

لا والله ما قصدي اجر شكل لكن عمو الشيخ ده زعلني و البلد كلها عاملة نائمة طبعا قاصد ناس الصحافة

والله اخى عقاد نحن الزعلانيين منهم كتار ولو قمنا انتفتحنا بنعمل لانفسنا ضغط وسكري وقمنا اضعف الايمان خلينا ليهم البلد ومنتظرين ربنا ياخد بحقنا ونسال الله ان يرد غربة جميع اولاد مدنى الخيرين الافاضل .
وعلشان كده دارين منتدانا ده نضحك ونهزر ونذكر الزمن الجميل وخليها تولى زي ما بقولو ا الهنود ديل عالم ما بتخاف ربنا وناسين القبر.
همسه :بينى وبينك لو الواحد يحذفوا ليه بوست بزعل بس ما دام جات من اختنا مدنيه مشيها لينا .

[الفخيييم]

اختلاف الرأي لا يفسد للود قضية00
مهما اختلفنا في الواننا السياسية او الرياضية يبقي الود باقي بيننا00
لا بد من احترام وتقبل كل وجهات النظر00لكن لا للحذف التعسفي والارتجالي00
بلا مبالاة متعمده وبدون اخطار صاحب البوست00

[مرتضى ساتى]

تنبيه للمشرفين ونقول اصحوا شويه البوست ده مفتوح بمحلين الرجاء ضمهما لبعض حتى تعم الفائده ونصل لنتيجه مش ناس هنا وناس هناك ده اخونا العقاد تعب مره هنا ومره بودمدنيات . ركزوا معاهوا .

[عبدالله محمد العقاد]

السلام عليكم استاذ/ العقاد
حقيقة الواحد بيشعر بي اسف شديد على الشي الحصل
يساء اليك ويطلب منك ان تحترم من اساء اليك لانة قائد (والله لو مددت الي يدك لتقتلني ما انا بباسط اليك يدي لاقرئك السلام)

الاخ محمد
فعلا والله شي مؤسف

و المشكلة انها تصدر من انسان استاذ في الجامعة يعني الله يلطف بمن تخرجوا على أيديه و الله يلطف على البلد
و شي تاني اشوف حقد و كره لهذا الشعب الطيب من هذا الشيخ و كانما عقاب له عشان ما انتخبوهم ايام الديمقراطية

[عبدالله محمد العقاد]

[quote=الفخيييم;370311]

لأن منتدانا منتدى اجتماعي اولاً

منتدي موجه قصدك؟
وبعدين المجتمع والسياسة والفلك والطب والخيال كلهم ليهم علاقة ببعض00 يعني نتجاوز علاقة علم الاجتماع بالجغرافيا والتاريخ والسياسة واصلا هي موجوده ولا الفهم شنو؟
مافي حاجة اسمها اجتماعي00كل يعبر عن طرحه وفكره بما لا يخدش وجه الادب00يعني اتكلم بعبارات سوقية عشات تحذفو موضوعو ولا شنو؟منتديات مدني زي افكار مدني ودورها في كل الانشطة 00لا ننحني لريح القمع والتنكيل00قال اجتماعي قال00للوفايات والافراح يعني00ولا قصدك شنو يا اللخو00
اتربينا علي الحرية والطرح القوي في مدني00لازم الكل يتقبل النقد بصدر رحب00بعيدا عن عبارات التجريح00وشخصنة القضايا والمواضيع00

التحية لك اخي الفخييم و فعلا الشان العام لا ينفصل عن الاجتماعي والثقافي و لا نكون في عالم و السودان في عالم تاني

[المسافر]

المتهمة لسه ما قبضتوا عليها

[عبدالله محمد العقاد]

والله اخى عقاد نحن الزعلانيين منهم كتار ولو قمنا انتفتحنا بنعمل لانفسنا ضغط وسكري وقمنا اضعف الايمان خلينا ليهم البلد ومنتظرين ربنا ياخد بحقنا ونسال الله ان يرد غربة جميع اولاد مدنى الخيرين الافاضل .
وعلشان كده دارين منتدانا ده نضحك ونهزر ونذكر الزمن الجميل وخليها تولى زي ما بقولو ا الهنود ديل عالم ما بتخاف ربنا وناسين القبر.
همسه :بينى وبينك لو الواحد يحذفوا ليه بوست بزعل بس ما دام جات من اختنا مدنيه مشيها لينا .

الغالي مرتضى

انت تأمر

و هسع زي ما بيقول صاحبي سامي و الملقب بسوسو نحن ممشيناها بالضحك لانه والواحد لو ركز شوية مع الناس ديل ح ينقهر
و نحن اصلا ما اعترضنا على أهدار مقدار البلد و تيسيرها لفئة واحدة و هي فئتهم الناجية من عذاب يوم القيامة
و لكن برضو زي ما بيقول صديق لازم زيادة احترام للعوام طالما انت كابس على نفس المواطن العادي و هو عمال يشوف خير السودان كله بيسرب لماليزيا والبحرين ودبي و خشمه ملح ملح
فحقوا هذا الشيخ وامثاله يقولوا كلام مهذب و يغشوا الناس بكلام طيب مثلا انو البلد لسة في مرحلة بناء البنية التحتية و ان شالله بعد ما نخلص من البنية التحتية ح نلتفت لهذا الشعب الغلبان و نكرمهم بعد ما تكون القيامة قامت .

[عبدالله محمد العقاد]

المتهمة لسه ما قبضتوا عليها

ههههههههههههههههههههه

و الله يا خالد ان قلت انك متور نفس اخونا بكري كسلا بس لكن اول مرة اكتشف انك متور نفس اختنا مدنية برضو

اختنا الغالية مدنية حاشاها من الاتهام دا بس اختلاف في وجهات النظر الادارية طبعا انا بتاع ادارة و اختنا مدنية عندها دبلوم عالي في الادارة
فاصبح الامر اداري بحت ليس الا

[عمرسنهوري]

لست من رجال السياسه ومشاركاتي فيها محدوده
في اعتقادي ان هناك واحد من سببين ادى لحزف موضوع العقاد
اعتقد ان المنتدى حافل بالمواضيع السياسيه كما اسلف العقاد و الخواض
وهذا ينفي الصفه التي حزف بها البوست ( السياسيه ) .
اما الصفه الثانيه فهي الالفاظ بافتراض ان الاخ العقاد جاء بـألفاظ غير مقبوله
هنا يكون التصرف السليم بارسال رساله الى العقاد تحتوي على اقتباسات من
البوست لتوضيح الكلمات الشاذه ليقوم بتعديل البوست .
فان رفض عندها فقط يحزف البوست . وهي الطريقه الوحيده لحزف البوست
حسب وجهة نظري

[بدر الدين محمد]

الاخ / الابن العقاد تحياتنا واشواقنا .. لا انسى اختلافك مع عوض صقير في بوست سابق ودعوتك لاقالته ..

وايضا اذكر رجوعكم جميعا لجادة الصواب وكما يقول (نزار) ديل أهلي

وكلنا يدب بننا الخلاف والشقاق بسبب الشيطان

ونعود فنتذكر الاخوة التي جمعنا عليها هذا المنتدى

ولا اود ان ازكي زميلتي وزميلتك مدنية فحسب وما اعرفه من بذلها للجهد والزمن والمال من اجل ان لا ينفرط عقد المنتدى ويظل الجميع يتحاورون ويجاملون ويخابرون ويتواددون

و موضوع البوست (نافع) فالناس يختلفون حول السياسي ويظلون ايضا اخوة
اتمنى اختيار اللين والطيب من اللفظ والقول في طرح الموضوعات

قديما قيل:
احبب هونا ما فعسى ان تكره يوما ما
واكره هونا ما فعسى ان تحبب يوما ما
وسلمت اخي

[العاقب مصباح]

بكلمتين :-

نعم للتعديل ... لا للحذف ...


دمت كما أود لك من نقاء ,,,,

[عبدالله محمد العقاد]

لست من رجال السياسه ومشاركاتي فيها محدوده
في اعتقادي ان هناك واحد من سببين ادى لحزف موضوع العقاد
اعتقد ان المنتدى حافل بالمواضيع السياسيه كما اسلف العقاد و الخواض
وهذا ينفي الصفه التي حزف بها البوست ( السياسيه ) .
اما الصفه الثانيه فهي الالفاظ بافتراض ان الاخ العقاد جاء بـألفاظ غير مقبوله
هنا يكون التصرف السليم بارسال رساله الى العقاد تحتوي على اقتباسات من
البوست لتوضيح الكلمات الشاذه ليقوم بتعديل البوست .
فان رفض عندها فقط يحزف البوست . وهي الطريقه الوحيده لحزف البوست
حسب وجهة نظري

ابوعمار الشهر مبارك و تصوم وتفطر على خير ان شالله
التحية لك ابوعمار فقد اصبت كبد الحقيقة و هذا بالاضافة إلى راي المتواضع ان الاخت نائب المشرف العام تغولت اداريا و تعسفت في استخدام صلاحياتها

[عبدالله محمد العقاد]

الاخ / الابن العقاد تحياتنا واشواقنا .. لا انسى اختلافك مع عوض صقير في بوست سابق ودعوتك لاقالته ..

وايضا اذكر رجوعكم جميعا لجادة الصواب وكما يقول (نزار) ديل أهلي

وكلنا يدب بننا الخلاف والشقاق بسبب الشيطان

ونعود فنتذكر الاخوة التي جمعنا عليها هذا المنتدى

ولا اود ان ازكي زميلتي وزميلتك مدنية فحسب وما اعرفه من بذلها للجهد والزمن والمال من اجل ان لا ينفرط عقد المنتدى ويظل الجميع يتحاورون ويجاملون ويخابرون ويتواددون

و موضوع البوست (نافع) فالناس يختلفون حول السياسي ويظلون ايضا اخوة
اتمنى اختيار اللين والطيب من اللفظ والقول في طرح الموضوعات

قديما قيل:
احبب هونا ما فعسى ان تكره يوما ما
واكره هونا ما فعسى ان تحبب يوما ما
وسلمت اخي

الغالي مبدعنا و استاذنا بدر الدين

الشهر مبارك وتصوم و تفطر على خير ان شالله
انا والله اقدر اختنا مدنية غاية التقدير والاحترام
و لكن كل من وجهة نظره يسعى لتتنظيم المنتدى وترتيبه اداريا
اما في موضوع الشيخ النافع حقيقة انا استخدمت بعض الالفاظ القاسية و لكن كان ممكن اقبل التعديل او الحذف الجزئي لبعض التعابير و ذلك حتى تستقيم المعاني والقيم والمبادي في دواخلنا من حيث انه انتقدنا الوالي المقال سر الختم و منعنا من انتقاد هذا الشيخ النافع فاصبح عندي كانما تكاثرنا على الضعيف و انتقدناه و غضينا الطرف عن النافذ والمتسلط

[عبدالله محمد العقاد]

بكلمتين :-

نعم للتعديل ... لا للحذف ...


دمت كما أود لك من نقاء ,,,,

الحبيب مبدعنا عقبة

الشهر مبارك و تصوم و تفطر على خير ان شالله

اسعدني مرورك و موازرتك و من اجل منتدى يسع الجميع

[عبدالله محمد العقاد]

و الشكر لكل من اطلع على البوست و الشكر اجزله لكل من شارك معي بالراي والنصيحة

و في راي المتواضع هذا البوست كان نتيجة لزعلي على حذف بوست ( أما آن لهذا النباح أن يتوقف ....) و الذي كنت أرى في الحذف هذا الاسباب الاتية :

1- الكيل بمكيالين في انتقاد الشان العام .
2- لا بد من ترتيب المنتدى اداريا بحيث توضح صلاحية مشرفي الاقسام و صلاحية المشرف العام ونائيبه لانه في راي المتواضع ارى ان الاخت نائب المشرف العام قد تغولت اداريا و حذفت البوست و كان ممكن بالتشاور مع مشرف القسم المعني ان يحذف البوست بواسطة المشرف المعني بدلا عن التدخل المباشر لنائبة المشرف العام و ذلك من اجل الترتيب و المحافظة على الهرم الاداري في المنتدى .
3-التعسف في استخدام الصلاحيات و ارى ايضا ان الحذف عبارة عن تعسف في استخدام الصلاحيات و كان من الممكن التعديل والحذف الجزئي لبعض العبارات والتعابير
و اتمنى من الاخ المشرف العام تعديل بعض اللوائح حتى يسمح لنا بالتظلم من قرارات المشرف العام ونائيبه

و الشكر مرة أخرى لكل من لبى دعوة النقاش

[bakry kassala]

يعني يا عقاد كمان بتعمل بيانات من ورانا ..
==
عقاد قول خير وما يصير إلا خير ..
كل سنة وإنتم طيبين وتصوموا وتفطروا على ألف خير ..

[عبدالله محمد العقاد]

يعني يا عقاد كمان بتعمل بيانات من ورانا ..
==
عقاد قول خير وما يصير إلا خير ..
كل سنة وإنتم طيبين وتصوموا وتفطروا على ألف خير ..

الغالي بكري كسلا

الشهر مبارك و تصوم وتفطر على خير ان شالله

تم التعديل حتى لا يعطي انطباع انه بيان و انما كذا مخلص لورقة النقاش هذه

تحياتي