خيارات .. وفقوسات..

[ايمن عبد الله]

طبعا يا جماعة قبل فترة كلنا سمعنا بي قصة الصحفية لبنى ..

وحكاية جلدها ومحكمتها اللي لسة ما خلصت ..

عشان بنطلون ..


اها ايه رايكم اليوم وفي التلفزيون كمان (النيل الازرق)

برنامج (اغاني واغاني)

الذي يعده الاستاذ (قدور)

جابو الفنانة الناشئة (رماز ميرغني) لابسة بنطلون

واخير منو بنطلون لبنى

اها الجلدها منو ؟

والسألها منو ؟

ومش الليلة بس ..

تابعو النيل الازرق وكل يوم ح تشوف اكعب من كده ..

معناها لبنى دي مقصودة أديل كده .. ولاشنو ..

معقولة يا جماعة القانون يبقى وسيلة لتصفية حسابات ..

والله السودانيين ديل مساكين ..

الله يكون في العون

[عاطف عولي]

[IMG][/IMG]

[ايمن عبد الله]

مشكور عاطف على المرور والوردة


يعطيك الف عافية

[ام قبس]

يا الله ياايمن من الخيار والفقوس
والالعن والاضل علي عينك ياتاجر
صحيح الاختشوا ماتوا

[تغريد]

مؤسف هو ما يحدث في السودان وحقيقة مسالة الخيار والفقوس دي بقت منتشرة في كل المجالات المخطئ مدان هذا قانون لا قبل لنا بمراجعته دليلنا قول رسولنا الكريم (والله لو سرقت فاطمة بنت محمد لقطع محمد يدها ) ولكن ان يكون هناك مخطئ معاقب ومخطئ معفي من العقاب ومبارك في خطئه فهذا ما يتوجب علينا الوقوف امامه


مشكور ايمن تقبل مرور قلمي

[حافظ الليبى]

طبعا يا جماعة قبل فترة كلنا سمعنا بي قصة الصحفية لبنى ..

وحكاية جلدها ومحكمتها اللي لسة ما خلصت ..

عشان بنطلون ..


اها ايه رايكم اليوم وفي التلفزيون كمان (النيل الازرق)

برنامج (اغاني واغاني)

الذي يعده الاستاذ (قدور)

جابو الفنانة الناشئة (رماز ميرغني) لابسة بنطلون

واخير منو بنطلون لبنى

اها الجلدها منو ؟

والسألها منو ؟

ومش الليلة بس ..

تابعو النيل الازرق وكل يوم ح تشوف اكعب من كده ..

معناها لبنى دي مقصودة أديل كده .. ولاشنو ..

معقولة يا جماعة القانون يبقى وسيلة لتصفية حسابات ..

والله السودانيين ديل مساكين ..

الله يكون في العون

لو لا وجود عدم العدل لما عرف الناس العدالة .
ارق التحيا !

[moh_alnour]

أخي أيمن
الجميع يعلم أن موضوع الصحفية لبنى أحمد حسين فيه ترصد و قصد شخصي و لم يخلو من تصفيات الحسابات
فكل العالم شاهد الزي الذي كانت ترتدية الصحفية و لم يكن فيه ما يستحق أن يُطلق عليه زي فاضح أو خادش للحياء العام
و كما تفضلت بضرب مثال من برنامج أغاني و أعاني فأيضا ً لبس الواعدة ( أفراح عصام ) غير لائق
ومع ذلك لم يقم أحد بمنعها بالظهور بهذا الزي في القناة و لم يتم إيقافها من شرطة النظام العام
و أيضا ً بنظرة بسيطة للمواقف العامة و الأسواق و الجامعات السودانية ستجد أزياء أكثر نشازا ًمن زي الصحفية لبنى
و كما عنونت البوست فالأمر ( خيارات و فقوسات و أضيف لها من عندي ترصدات و إستهدافات شخصية و تصفية حسابات )

[ود الجعلي]

لبنى لن تذوب كالحريم
ولن تخاف
لبنى انتصارات وفرح
ومدادها باقٍ

لا تعيرهم الا ضآلة
ونكران

النكرة لا تعرف
وهم سيهزمون

لبنى
جميلة واسعة الخيال
لا تشتري منهم
ولكنها انثى
تقاوم
الحديد والعبيد

[ايمن عبد الله]

يا الله ياايمن من الخيار والفقوس
والالعن والاضل علي عينك ياتاجر
صحيح الاختشوا ماتوا

والله شي مؤسف يا ام قبس ..

البشوف القنوات المحسوبة على السودان زي زول وهارموني والنيل الازرق يقول السودان كله كده ..

وزي ما قلتي على عينك يا تاجر .. غايتو ربنا يصلح الحال

ومشكورة ام قبس على المرور والمشاركة الجيدة جداً

[ايمن عبد الله]

مؤسف هو ما يحدث في السودان وحقيقة مسالة الخيار والفقوس دي بقت منتشرة في كل المجالات المخطئ مدان هذا قانون لا قبل لنا بمراجعته دليلنا قول رسولنا الكريم (والله لو سرقت فاطمة بنت محمد لقطع محمد يدها ) ولكن ان يكون هناك مخطئ معاقب ومخطئ معفي من العقاب ومبارك في خطئه فهذا ما يتوجب علينا الوقوف امامه


مشكور ايمن تقبل مرور قلمي

الف تحية لمرورك اختي تغريد ..

ونحن ما طالبين شي كثير ولا مبالغ فيه .. نحن عايزين نص الحديث يطبق وتسري العدالة على الجميع مش لو سرق فيهم الشريف تركوه ولو سرق الفقير عاقبوه لا نريد مثل هذا المعنى ان ينتشر ويصبح ثقافة سودانية مسلم بها ..

وبيني وبينك الناس ذاتها قنعت وبقو عايشين من اجل العيش فقط في انتظار الاجل المحتوم والقلوب بردت ونامت وسلمت وهي دي المصيبة ..

[ايمن عبد الله]

لو لا وجود عدم العدل لما عرف الناس العدالة .
ارق التحيا !

الله يحيييك اخي حافظ ... ومشكور للمرور المميز ..

وفعلاً لو لا وجود عدم العدالة لما عرف الناس العدالة ((تخــــــــيل))

[ايمن عبد الله]

أخي أيمن
الجميع يعلم أن موضوع الصحفية لبنى أحمد حسين فيه ترصد و قصد شخصي و لم يخلو من تصفيات الحسابات
فكل العالم شاهد الزي الذي كانت ترتدية الصحفية و لم يكن فيه ما يستحق أن يُطلق عليه زي فاضح أو خادش للحياء العام
و كما تفضلت بضرب مثال من برنامج أغاني و أعاني فأيضا ً لبس الواعدة ( أفراح عصام ) غير لائق
ومع ذلك لم يقم أحد بمنعها بالظهور بهذا الزي في القناة و لم يتم إيقافها من شرطة النظام العام
و أيضا ً بنظرة بسيطة للمواقف العامة و الأسواق و الجامعات السودانية ستجد أزياء أكثر نشازا ًمن زي الصحفية لبنى
و كما عنونت البوست فالأمر ( خيارات و فقوسات و أضيف لها من عندي ترصدات و إستهدافات شخصية و تصفية حسابات )

مشكور اخي محمد على المرور .. وطبعا ((رماز)) دي نموذج فقط لكن لو دققنا لوجدنا العجب وطمبل كمان .. وما خفي اعظم .. وياريت في اقرب اجازة ليك في السودان امشي زيارة لعفراء مول عشان تعرف الخيارات والفقوسات كويس .. او امشي شارع النيل الخرطوم .



لك الله يا سودان

[ايمن عبد الله]

لبنى لن تذوب كالحريم
ولن تخاف
لبنى انتصارات وفرح
ومدادها باقٍ

لا تعيرهم الا ضآلة
ونكران

النكرة لا تعرف
وهم سيهزمون

لبنى
جميلة واسعة الخيال
لا تشتري منهم
ولكنها انثى
تقاوم
الحديد والعبيد

مشكور ود الجعلي على المرور الجميل

وفعلاً لبنى انتصرت وستنتصر اكثر لحواء السودانية ..

والله يصلح الحال ان شاء الله

[أشرف صلاح السعيد]

اخى ايمن عوافى ورمضان كريم..
الخيار وعرفناهو ..الفقوس دا شنو؟
ربما كانت مقصودة الصحفية لبنى ..لكن يجب علينا التركيز على القانون ومادته ال 152 لأنها كرباج على ظهر الجميع..بكرة نلاقى عسكرى نظام مابشجع فريق واتغلب منو يسوق لعيبة الفريق الخصم المركز ويجلدوهم عشان لابسين شورتات..هيى صحى الشورتات الفوق الركبة للرجال مالبس فاضح؟؟
وياربى عورة الرجل مابين الصرة والركبة دى عندها استثناء من المادة 152 ؟؟؟؟
زى استثناءات مذيعات الفضائيات؟؟؟؟؟؟؟؟؟؟

[ايمن عبد الله]

اخى ايمن عوافى ورمضان كريم..
الخيار وعرفناهو ..الفقوس دا شنو؟
ربما كانت مقصودة الصحفية لبنى ..لكن يجب علينا التركيز على القانون ومادته ال 152 لأنها كرباج على ظهر الجميع..بكرة نلاقى عسكرى نظام مابشجع فريق واتغلب منو يسوق لعيبة الفريق الخصم المركز ويجلدوهم عشان لابسين شورتات..هيى صحى الشورتات الفوق الركبة للرجال مالبس فاضح؟؟
وياربى عورة الرجل مابين الصرة والركبة دى عندها استثناء من المادة 152 ؟؟؟؟
زى استثناءات مذيعات الفضائيات؟؟؟؟؟؟؟؟؟؟

آي زي العسكري الهلالابي القال قبض وارغو (واقف شبط)



الله يكون في العون يا اشرف .. الـ152 بندقية وكرباج كجر ..

[littlestar]

خيارات وفقوسات بس؟؟؟
دى سلطات وطحينات
وكوسات
والشغله بقت سايطه جد
نسال الله الستر والثبات

[أبوريتاج]

الاخ / عاطف .. لك التحية.. ورمضان كريم ..
بالجد صح خيار وفقوس .. واحنا لسة ما شفنا حاجة ،، حنشوف لبس في الجاي في برنامج اغاني واغاني في الحلقات القادمة على حسب ما شاهدت في اعلانات البرنامج اعجب واغرب واشذ من الشاذ ... والله المستعاان..

[ايمن عبد الله]

خيارات وفقوسات بس؟؟؟
دى سلطات وطحينات
وكوسات
والشغله بقت سايطه جد
نسال الله الستر والثبات

مشكوره ( littlestar/ dina)

على المرور ..
والله يكفينا شر السلطات والسواطة المعمولة للمكايدات وتصفية الحسابات الشخصية

[ايمن عبد الله]

الاخ / عاطف .. لك التحية.. ورمضان كريم ..
بالجد صح خيار وفقوس .. واحنا لسة ما شفنا حاجة ،، حنشوف لبس في الجاي في برنامج اغاني واغاني في الحلقات القادمة على حسب ما شاهدت في اعلانات البرنامج اعجب واغرب واشذ من الشاذ ... والله المستعاان..

مشكور ابو ريتاج على المرور والمشاركة القيمة

والله يستر ولايانا

ويحفظ نساءنا من كل شر

[الجندي المجهول]

أخي أيمن
الجميع يعلم أن موضوع الصحفية لبنى أحمد حسين فيه ترصد و قصد شخصي و لم يخلو من تصفيات الحسابات
فكل العالم شاهد الزي الذي كانت ترتدية الصحفية و لم يكن فيه ما يستحق أن يُطلق عليه زي فاضح أو خادش للحياء العام
و كما تفضلت بضرب مثال من برنامج أغاني و أعاني فأيضا ً لبس الواعدة ( أفراح عصام ) غير لائق
ومع ذلك لم يقم أحد بمنعها بالظهور بهذا الزي في القناة و لم يتم إيقافها من شرطة النظام العام
و أيضا ً بنظرة بسيطة للمواقف العامة و الأسواق و الجامعات السودانية ستجد أزياء أكثر نشازا ًمن زي الصحفية لبنى
و كما عنونت البوست فالأمر ( خيارات و فقوسات و أضيف لها من عندي ترصدات و إستهدافات شخصية و تصفية حسابات )

كلام (المعلم) ود النور صااااااااااح 100% وابصم معاهو بالعشرة

[أبوريتاج]

الاخ / ايمن
كل سنة وانت طيب ..ولك العتبى ،، وآسف للخطأ في المخاطبة .. كتبت عاطف بدلا عن ايمن وما عارف الظاهر الصيام طشش بينا ... هههههههه... . تحياتي لك ..

[ايمن عبد الله]

الاخ / ايمن
كل سنة وانت طيب ..ولك العتبى ،، وآسف للخطأ في المخاطبة .. كتبت عاطف بدلا عن ايمن وما عارف الظاهر الصيام طشش بينا ... هههههههه... . تحياتي لك ..

ولا يهمك ابو ريتاج .. انا وعاطف واحد ..

وكل سنة وانت طيب وبألف خير وعافية وتصوم وتفطر على خير