النتائج 1 إلى 25 من 53

الموضوع: محطات على رصيف الغربة ......@@@

أدوات الموضوع
- مشاهدة صفحة طباعة الموضوع


	02-09-2009 01:31 PM #1 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 محطات على رصيف الغربة ......@@@ أحبتى الأفاضل ..... أنت وهى .. رمضان كريم ... القلب النبيل لايفترض وجود خواطر رديئة فى غيره لأن لاوجود لها عنده .. فى مسيرة كلٌ منا محطات ترمى بظلالها بين وقتٍ وأخر ... فلنجعل صفحتنا هذه مصبآ لمحطاتنا ... وتجاربنا فى الغربة ... فلنتبادل تلك المحطات حلوها ومُرها ... المواقف كثيرة من صديق أو قريب أو ودبلد ... وظلم ذوى القربى أشد مرارة على النفس من وقع الحسام المهندِ ياحقُ ما تركت لى صديقٌ من يفعل الخير لايعدم جوازيه لايذهب العرف بين الله والناسِ فلنسطر محطاتنا المضيئة مع الآخرين تقديرآ وإمتنانآ لهم ... ومحطاتنا المظلمة التى تعيأ نفوسنا حملها نسطرها للعظة والعِبرة ... وكل شجاعة فى المرء تغنى ولا مثل الشجاعة فى الحكيم ولا خيرَ فى خِـلٍ يخن خليله ويلقاهُ من بعد المودة بالجفأ ولكم مودتى رد مع اقتباس


	02-09-2009 01:45 PM #2 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 لا يا ابو خالد ابدا لينا انت الاول في سرد خطوات غربتك من البداية .. انا ما عاوز ابدا عشان ما احدد مسار البوست .. لكن انت لو ذكرت سيرتك الذاتية كمغترب من اولى خطواتك .. ابدا لينا اول من الكفيل البدوي القال لك ( انا لاادري مهندس ولا اش لون انت جيتني راعي تروح تشتغل عندي راعي في البر وتراعي الحلال .. ولا حصلت مع غيرك .. لكن هي تجربة مر بها حتى الاطباء ... ولا موضوع فيه هوى .. المهم ابدا انت الاول عشان نعرف اتجاه البوست ) رد مع اقتباس


	02-09-2009 01:55 PM #3 أشرف صلاح السعيد الملف الشخصي مشاهدة المشاركات عضو فضي Array تاريخ التسجيل Aug 2009 الدولة مدنى حى الزمالك المشاركات 2,086 ابوخالد عوافى.. أحبتى الأفاضل ..... أنت وهى .. دى زاتا مامحطة؟ أنت وهى!! ليه ماأنت وأنتِ؟ وبرجع ليك بس النستجمع ماتبقى من مقدرة على اللا نسيان.. رد مع اقتباس


	02-09-2009 02:34 PM #4 الاميره الملف الشخصي مشاهدة المشاركات عضو برونزي Array تاريخ التسجيل Jul 2009 المشاركات 903 محطه مضيئه: هذا المنتدى الذى اصبح له صفحات من دفتر اسطر عليه ما يجيش فى خاطرى ..ورب اخ لك لم تلده امك ..تعلمت الكثير واستنرت اكثر وشاركت بالبسيط الذى املكه..واتنمى لمدينتى ان ان تنعم بالرخاء والتنميه... رد مع اقتباس


	02-09-2009 02:50 PM #5 الاميره الملف الشخصي مشاهدة المشاركات عضو برونزي Array تاريخ التسجيل Jul 2009 المشاركات 903 محطه مظلمه: كانت صديقتى اكن لها كل تقدير ..سافرت الى السودان ..وعدت ..كانت قد وضعت مولودتها الاخيره فذهبنا لزيارتهم ..لفت نظرها الثوب الذى ارتديه ..ودار الحوار التالى:الله توبك دا شكلو حلو من وين قلت: من هنا.. ويوم ما اشتريتو لاقينا زوجك ومعه قريبتكم بشتروا فى تياب من نفس المحل اعدت الشاى ورجعت جلست الى جانبى تسألنى:وصفى لى المره دى شكلها كيف..وانا بكل بساطه اريحيه رحت فى الاسهاب وفى الشرح وما كنت فاكره ابدا ..انى ولعتها نارا جحيما بينها وزوجها ..ومن حينها ما تلقى ليها فرصه الا ترمى بى فى المواقف المحرجه ..وتغيرت معاملتها واصبحت فى نظرها كالبعبع المخيف..وافترقنا.. رد مع اقتباس


	02-09-2009 04:28 PM #6 ود الجعلي الملف الشخصي مشاهدة المشاركات عضو فضي Array تاريخ التسجيل Jun 2007 الدولة Khartoum, Sudan, Sudan المشاركات 1,180 كلام حكم ودرر ولكل عبارة ادليت بها لها مسار حياة كامل شكرا" ايها الرجل الانيق المحترم ابوخالد ولكن نحن متمردون فينا بقايا عصيان وخروج عن النص عموما" والله العظيم "ما كسار تلج" زي مابقول الجندي المجهول .... لكني بحترمك جدا رد مع اقتباس


	02-09-2009 04:33 PM #7 ود الجعلي الملف الشخصي مشاهدة المشاركات عضو فضي Array تاريخ التسجيل Jun 2007 الدولة Khartoum, Sudan, Sudan المشاركات 1,180 المشاركة الأصلية كتبت بواسطة الاميره محطه مظلمه: كانت صديقتى اكن لها كل تقدير ..سافرت الى السودان ..وعدت ..كانت قد وضعت مولودتها الاخيره فذهبنا لزيارتهم ..لفت نظرها الثوب الذى ارتديه ..ودار الحوار التالى:الله توبك دا شكلو حلو من وين قلت: من هنا.. ويوم ما اشتريتو لاقينا زوجك ومعه قريبتكم بشتروا فى تياب من نفس المحل اعدت الشاى ورجعت جلست الى جانبى تسألنى:وصفى لى المره دى شكلها كيف..وانا بكل بساطه اريحيه رحت فى الاسهاب وفى الشرح وما كنت فاكره ابدا ..انى ولعتها نارا جحيما بينها وزوجها ..ومن حينها ما تلقى ليها فرصه الا ترمى بى فى المواقف المحرجه ..وتغيرت معاملتها واصبحت فى نظرها كالبعبع المخيف..وافترقنا.. مع احترامي لكل الاسر المغتربة يا الاميرة لكن بصراحة بعضا من المغتربين وحريمهم عجبا" عجاب اللهم ابقينا كما خلقتنا سودانيون مسلمون اصيلون اولاد قبائل آمين رد مع اقتباس


	03-09-2009 02:03 AM #8 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المشاركة الأصلية كتبت بواسطة درديري كباشي لا يا ابو خالد ابدا لينا انت الاول في سرد خطوات غربتك من البداية .. انا ما عاوز ابدا عشان ما احدد مسار البوست .. لكن انت لو ذكرت سيرتك الذاتية كمغترب من اولى خطواتك .. ابدا لينا اول من الكفيل البدوي القال لك ( انا لاادري مهندس ولا اش لون انت جيتني راعي تروح تشتغل عندي راعي في البر وتراعي الحلال .. ولا حصلت مع غيرك .. لكن هي تجربة مر بها حتى الاطباء ... ولا موضوع فيه هوى .. المهم ابدا انت الاول عشان نعرف اتجاه البوست ) بوركت أخى أبو الدر على المرور الليلى ... أنا خائف ليلى دى تأكد ظنون أختنا الملكة .. وتمسكا دليل إدانة ... أقصد حلة جديدة موثوق منها ... لادى قصتى مع الكفيل إنو أنا سواق وهو ما عندهم سيارات غير واحدة ... فأصر أن أشتغل صبيب قهوة ... حاجة ذى ( يا ولد كب الجبنة لأعمامك ديل ) ... قال فى المجلس قال ... وهو المجلس كله 4×5 .. يعنى المشب مآخد نص الغرفة ... لكن يادرديرى البوست عشان تفضفضوا شوية ... يلا أدينا محطة مضيئة أومظلمة والا الإتنين فى صحن واحد .. الظاهر رمضان دخل العضم ... صحانة وبوفيهات وبامية مفروكة وإستاكوزا .. وحِلل ... وجرادل ... والله يستر تصوم وتفطر على خير رد مع اقتباس


	03-09-2009 02:10 AM #9 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المشاركة الأصلية كتبت بواسطة أشرف صلاح السعيد ابوخالد عوافى.. أحبتى الأفاضل ..... أنت وهى .. دى زاتا مامحطة؟ أنت وهى!! ليه ماأنت وأنتِ؟ وبرجع ليك بس النستجمع ماتبقى من مقدرة على اللا نسيان.. طبعآ أنت وأنتِ ... كأنهم قاعدين جنب بعض ... لكن أنت وهى ... بيوحى ليك إنها بعيدة ... نظام يا عبدالسلام ... خلينا فى المهم منتظرينك فى البوفية المفتوح ... عشان تعبئ فسفور ... وتجينا تدور ... وتقع فى الخور .. وحتة مضيئة وحتة مظلمة ... وتولع ... رد مع اقتباس


	03-09-2009 02:28 AM #10 حاتم مرزوق الملف الشخصي مشاهدة المشاركات عضو فضي Array تاريخ التسجيل Apr 2007 الدولة جنب الماوس المشاركات 2,569 الذاكرة ملئي .. ابا خالد ولكننا سنظل نستجمع كل شاردة وواردة حتي تزخر اوراق الذكريات بتفاصيل اكثر اثارة. طالما ان العبرة بالخواتيم فسننتظر احداث الختام وعليها سنبني جسم القصة. الي ذلكم الحين نقول من امثال اهلنا (من خلي داره قل مقداره) فقصتنا في الغربة أكثرها يحكي عن السودان الوطن الذي لفظ ابناءه رغم كل هذه الأمكانيات الضخمة والموارد العملاقة، السودان الذي فشل خبراءه و مثقفيه في استغلال ثرواته. ولكن لن تضع الأيام منا سدا فنحن نربي جيلا جديدا علي اسس جديدة ليقودوا هذه الأرض الطيبة الي بر الأمان هذه الأرض التي فشل كبارها في تحمل مسئوليتها وأكلوا قليلها واستأثروا به لأنفسهم الشح وتركوا اطفالها في الظلمات يعمهون. سنأتي الي كل هذا الكلام ان مد الله في الأيام. التعديل الأخير تم بواسطة حاتم مرزوق ; 03-09-2009 الساعة 02:35 AM رَبَّنَا آمَنَّا بِمَا أَنزَلْتْ وَاتَّبَعْنَا الرَّسُولَ فَاكْتُبْنَا مَعَ الشَّاهِدِينَ رد مع اقتباس


	03-09-2009 02:29 AM #11 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 ا ماشي يا ابو خالد انا سافتتح لكم المحطات وحا ابداها من اول محطة لي في الغربة مطار الخرطوم صالة المغادرة .. في يوم 8/6/98 مطار الخرطوم الساعة ثمانية صباحا كانت اولى خطواتي لمغادرة السودان في اول مره .. وكانت توجد صعوبات كثيرة جدا منها ممنوع خروج العملة الصعبة .. وانا بعد ما بعت سيارتي في السودان اشتريت الفيزا وحولت باقي المبلغ امامي للسعودية حتى لا احمل عملة صعبة في جيبي في تلك الظروف الصعبة.. دخلت صالة المغادرة بعد الاجراءات بعد ان تركت محمد ولدي وعمره ثلاث سنوات مع امه في الخارج مع اخواتي ودعتهم .. بعد دموع البكاء .. المترجم الخااص في راسي كاد ينتحر في ذلك اليوم لان راسي يكاد ينفجر مع احتمالات كثيرة ..ر ايح لبلد لاول مره لاتعرف عنه شئ .. معتمد على استقبال الاخوان في المطار .. مغادر الزوجة والطفل والاخوان والاحباب والاصدقاء .. حتى صالة مغادرة هي اشبه بالبرزخ .. لانك في قوانين السودان انك غادرت البلاد طالما اشرت خروج .. وفي السعودية لم تدخل لانك لم تصل .. اذا اين انت في هذه الدنيا .. في صالة مغادرة .. وانا في هذه الهواجس فجاة سمعت اسمي بالميكرفون مثلثا ( على المسافر درديري كباشي الامين مراجعة بوابة الدخول .. طبعا انا راسي شعرت بانه تضخم وملا الصالة .. لانه مثل هذا النداء اما شخص محظور .. او شخص عثرت على مخدرات في شنطته والعياذ بالله ..طبعا وقفت وذهبت ناحية البوابة وكاني رجل الي تحت انظار الجميع وفضولهم .. ورحت البوابة لاكتشف انها بنت شغالة في المطار وعاوزة توصيني وصية لاخيها في السعودية كان ممكن تقولها بالتلفون ..ولكن يبدو انها ارادت فقط ان تستعرض لاهلي في انها قادرة على ندائي حتى لو دخلت صالة المغادرة . وما فكرت في الرعب والهم الذي ادخلتني فيه .. ولكن المفاجاة بعد مارجعت وجدت اخواني وزوجتي جالسين في الكافتريا ويضحكوا ونسوني .. وقلت وين الدموع والحنان دا كله كان حملة انتخابية .. الله يعين .. التعديل الأخير تم بواسطة درديري كباشي ; 03-09-2009 الساعة 02:32 AM رد مع اقتباس


	03-09-2009 03:31 AM #12 أشرف صلاح السعيد الملف الشخصي مشاهدة المشاركات عضو فضي Array تاريخ التسجيل Aug 2009 الدولة مدنى حى الزمالك المشاركات 2,086 قصتى ترجع الى الثمانينات حيث سافر والدى الى السعودية معارا من وزارة الصحة ..ولما كان من المقرر لى مواصلة دراستى الثانوية بالسودان عمل لى والدى زيارة الى السعوديةوكانت المرة الأولى لى بالسفر وحيدا دون باقى العائلة..المهم اخوك لبس اقيف حاجة عندو وكدا عشان يشرف ابوهو فى غربتو..وركبتا الطيارة ونزلنا مطار جدة..قابلنى أبى بحفاوة ومنها على السوق مباشرة واشترى لى كم بنطلون وكم قميص..ولما سألتو لماذا الاستعجال على السوق قال ليى ياولدى ماكفاية البشتنة فى المطار بلبسك الشين دا..جرحنى جرحت جرحت وانا قايل نفسى ولا ابوالشياكة وأبوى شوية كان حيتبرا منى.. ولى عودات.. التعديل الأخير تم بواسطة أشرف صلاح السعيد ; 03-09-2009 الساعة 03:34 AM رد مع اقتباس


	03-09-2009 04:27 AM #13 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 حباب كل المشاركين ... وح أرجع ليهم نفر ... نفر ... علشان نخلص حق المشوار قبل محطاتهم تجى وينزلوا يخلونا .... لكن عندى محطة مظيئة ... خلطة ... المهم سنة 90 .. جينا البلد عمرة مع الوالدة ( ربى يديها العافية ويطول لينا فى عمرا.. آآآآمين ) ... ودى أول مرة أنا أجى المملكة .. المهم بعد أداء العمرة ... قررت أختنا وزوجها لازم ندخل الرياض ... بعد تفكير ومشاورات توصلوا لى قطع تذكرتين للرياض وتذكرتين للمدينة ,اهم شئ تلبس الوالدة عباية سوداء وخمار ... يعنى تغطية كاملة .... وندخل مطار جدة بتذكرة المدينة وبعدين ننتظر طيارة الرياض ونركب ... دخلنا الصالة الداخلية بعد الجوازات ... كان زحمة مبالغ فيها ... المهم دخلت الوالدة وأجلستها فى مقاعد خاصة بالعوائل فى الصالة .. ولما قربت مواعيد طيارة الرياض ... قلت أمشى أكلم الوالدة عشان تجهز وتعال شوف كل اللبس واحد سواد فى سواد ... وأخوك يفتش ويكوس وسط الزحمة ... وسامع إنو البلد دى ماتقدر تكلم حرمة ... وبقيت ألف وأدور ... وقلت أذيع بالميكرفون الشغلة تجر وسين وجيم .... وأدعو فى سرى إنو الوالدة تنتبه لتفتيشى عليها وتلكزنى ... برضو مافى فائدة ...لما فتحوا باب الصالة لأرض المطار بدآ الناس بالتدريج يخفو ... وفى النهاية حتى لميت على الوالدة قاعدة ومبسوطة تتونس مع حاجة سودانية وآخر إنبساطة ... ودى أول محطة لى فى البلد دى ... وسنواصل بقية المحطات رد مع اقتباس


	03-09-2009 04:33 AM #14 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المشاركة الأصلية كتبت بواسطة الاميره محطه مضيئه: هذا المنتدى الذى اصبح له صفحات من دفتر اسطر عليه ما يجيش فى خاطرى ..ورب اخ لك لم تلده امك ..تعلمت الكثير واستنرت اكثر وشاركت بالبسيط الذى املكه..واتنمى لمدينتى ان ان تنعم بالرخاء والتنميه... الأميرة كل التحايا لك ... ومشكورة على الطلة الحلوة دى ... جعل الله لنا هذا المنتدى منارة نتهدى بها الى نور المعرفة .. وصادق الإلفة... وخوة الكلمة ... اللهم أحفظه بحفظك ..... آآآآآآآآآآآمين رد مع اقتباس


	04-09-2009 01:19 AM #15 الملكة اسماء ( ام محمد ) الملف الشخصي مشاهدة المشاركات عضو ماسي Array تاريخ التسجيل May 2009 الدولة مُدن الحروف المشاركات 9,731 المشاركة الأصلية كتبت بواسطة ابوخالد بوركت أخى أبو الدر على المرور الليلى ... أنا خائف ليلى دى تأكد ظنون أختنا الملكة .. وتمسكا دليل إدانة ... أقصد حلة جديدة موثوق منها ... حسستوني انه في حرامي فيكم وبتحاولوا تقلبوا القصة هظار عشان ما افهم حاجة طبعا وبصفتي ( سُقد ) اقدر اقول ليك انه في تلات بساهروا في المنتدى وبحوموا في شوارع الاقسام المختلفة لحد قريب الاذان( ابو الدُر - اشرف السعيد - واحيانا ابو خالد .. وآخرون ) لكن بعد كلامك دا ح افتح عيوني كويس رد مع اقتباس


	04-09-2009 01:23 AM #16 الملكة اسماء ( ام محمد ) الملف الشخصي مشاهدة المشاركات عضو ماسي Array تاريخ التسجيل May 2009 الدولة مُدن الحروف المشاركات 9,731 المشاركة الأصلية كتبت بواسطة أشرف صلاح السعيد ..ولما سألتو لماذا الاستعجال على السوق قال ليى ياولدى ماكفاية البشتنة فى المطار بلبسك الشين دا..جرحنى جرحت جرحت وانا قايل نفسى ولا ابوالشياكة وأبوى شوية كان حيتبرا منى.. واللذيذة لماتجي من السودان .. تحس الناس دي نظيييييييفة وتقرب تقول ليهم لونكم فاتح وهدومكم نظيفة والعكس لماترجع السودان من غربة .. تقرب تمسك ليك كرتونة صابون وتوزعها للناس وتقول ليهم اتلمعوا بالله ( لونكم شربان ) رد مع اقتباس


	04-09-2009 02:51 AM #17 tigani18 الملف الشخصي مشاهدة المشاركات عضو برونزي Array تاريخ التسجيل Feb 2008 الدولة السعودية - الرياض المشاركات 731 المشاركة الأصلية كتبت بواسطة الاميره قلت: من هنا.. ويوم ما اشتريتو لاقينا زوجك ومعه قريبتكم بشتروا فى تياب من نفس المحل الأميرة هههههههه رمضان كريم ,,, رَبَّنَا لَكَ الحَمْدُ. مِلْءُ السَّمَاوَاتِ وَمِلْءُ الأرْضِ وَمِلْءُ مَابينهما وَمِلْءُ ما شِئْتَ مِنْ شَيْءٍ بَعْدُ ، أَهْلُ الثَّنَاءِ وَالمَجْدِ ، أَحَقُّ مَا قَالَ الْعَبْدُ ، وَكُلُّنَا لَكَ عَبْدٌ ، اللَّهُمَّ لاَ مَانِعَ لِمَا أَعْطَيْتَ، وَلاَ مُعْطِيَ لِمَا مَنَعْتَ، وَلاَ يَنْفَعُ ذَا الجَدِّ مِنْكَ الجَدُّ رد مع اقتباس


	04-09-2009 02:58 AM #18 tigani18 الملف الشخصي مشاهدة المشاركات عضو برونزي Array تاريخ التسجيل Feb 2008 الدولة السعودية - الرياض المشاركات 731 المشاركة الأصلية كتبت بواسطة درديري كباشي ا وانا في هذه الهواجس فجاة سمعت اسمي بالميكرفون مثلثا ( على المسافر درديري كباشي الامين مراجعة بوابة الدخول .. طبعا انا راسي شعرت بانه تضخم وملا الصالة .. ..طبعا وقفت وذهبت ناحية البوابة وكاني رجل الي تحت انظار الجميع وفضولهم .. الأديب الفذ درديري ,,, طبعاً إتخيلت المشهد والمنظر ولقيت نفسي مع الأنظار المتجه ليك ,,,(طبعاً العلم دي عليها جنس شماراااات),,,, وماعرفته أضحك ولا أكتم المنظر ,,,صراحة موقف أقلّ مايوصف بأنه الغباء لهذه البنت,,, دمت بخير ويوم جميل,,, رَبَّنَا لَكَ الحَمْدُ. مِلْءُ السَّمَاوَاتِ وَمِلْءُ الأرْضِ وَمِلْءُ مَابينهما وَمِلْءُ ما شِئْتَ مِنْ شَيْءٍ بَعْدُ ، أَهْلُ الثَّنَاءِ وَالمَجْدِ ، أَحَقُّ مَا قَالَ الْعَبْدُ ، وَكُلُّنَا لَكَ عَبْدٌ ، اللَّهُمَّ لاَ مَانِعَ لِمَا أَعْطَيْتَ، وَلاَ مُعْطِيَ لِمَا مَنَعْتَ، وَلاَ يَنْفَعُ ذَا الجَدِّ مِنْكَ الجَدُّ رد مع اقتباس


	04-09-2009 03:02 AM #19 tigani18 الملف الشخصي مشاهدة المشاركات عضو برونزي Array تاريخ التسجيل Feb 2008 الدولة السعودية - الرياض المشاركات 731 المشاركة الأصلية كتبت بواسطة أشرف صلاح السعيد ..المهم اخوك لبس اقيف حاجة عندو وكدا عشان يشرف ابوهو فى غربتو.. . . . قال ليى ياولدى ماكفاية البشتنة فى المطار بلبسك الشين دا.. قلت لي يا باشمهندس فاكر نفسك كااااااشخ وكده,,, هههههه دي مايكون سمعها ابوخالد ,,,,دمت بفرح مقيم ,,, رَبَّنَا لَكَ الحَمْدُ. مِلْءُ السَّمَاوَاتِ وَمِلْءُ الأرْضِ وَمِلْءُ مَابينهما وَمِلْءُ ما شِئْتَ مِنْ شَيْءٍ بَعْدُ ، أَهْلُ الثَّنَاءِ وَالمَجْدِ ، أَحَقُّ مَا قَالَ الْعَبْدُ ، وَكُلُّنَا لَكَ عَبْدٌ ، اللَّهُمَّ لاَ مَانِعَ لِمَا أَعْطَيْتَ، وَلاَ مُعْطِيَ لِمَا مَنَعْتَ، وَلاَ يَنْفَعُ ذَا الجَدِّ مِنْكَ الجَدُّ رد مع اقتباس


	04-09-2009 03:13 AM #20 tigani18 الملف الشخصي مشاهدة المشاركات عضو برونزي Array تاريخ التسجيل Feb 2008 الدولة السعودية - الرياض المشاركات 731 المشاركة الأصلية كتبت بواسطة ابوخالد وتعال شوف كل اللبس واحد سواد فى سواد ... وأخوك يفتش ويكوس وسط الزحمة ... وسامع إنو البلد دى ماتقدر تكلم حرمة ... زي ماقلته أي شئ ولا شوالات الفحم . . . قاعدة ومبسوطة تتونس مع حاجة سودانية وآخر إنبساطة ... هههه الله يديها العافية صاحب الحضور الكثيف الممزوج بروعة الكتابة ,,, مهندس أبو خالد كم هي جميلة إختياراتك النصوصية التي تمحو الغبار عن ذكريات الغربة ,,, شكرا لك حين أخرجت المكنون بصدور المارين فاسترقت النظر واستمتعت بذكرياتهم ,, رَبَّنَا لَكَ الحَمْدُ. مِلْءُ السَّمَاوَاتِ وَمِلْءُ الأرْضِ وَمِلْءُ مَابينهما وَمِلْءُ ما شِئْتَ مِنْ شَيْءٍ بَعْدُ ، أَهْلُ الثَّنَاءِ وَالمَجْدِ ، أَحَقُّ مَا قَالَ الْعَبْدُ ، وَكُلُّنَا لَكَ عَبْدٌ ، اللَّهُمَّ لاَ مَانِعَ لِمَا أَعْطَيْتَ، وَلاَ مُعْطِيَ لِمَا مَنَعْتَ، وَلاَ يَنْفَعُ ذَا الجَدِّ مِنْكَ الجَدُّ رد مع اقتباس


	04-09-2009 03:47 AM #21 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المشاركة الأصلية كتبت بواسطة ملكة القلوب حسستوني انه في حرامي فيكم وبتحاولوا تقلبوا القصة هظار عشان ما افهم حاجة طبعا وبصفتي ( سُقد ) اقدر اقول ليك انه في تلات بساهروا في المنتدى وبحوموا في شوارع الاقسام المختلفة لحد قريب الاذان( ابو الدُر - اشرف السعيد - واحيانا ابو خالد .. وآخرون ) لكن بعد كلامك دا ح افتح عيوني كويس:d:d:d وده معقعول ياسكيننة إنتى ما عارفه البت دى محمية طبيعية .... ممنوع الإغتراب أو التصوير .... أتاريه يابت ياريا سمعت من عبدالعال جوزى إنها عندها حصانة .... يعنى أى محاولة كدة والأكدة .... تقوم حرب سفارات عجاجتا فوق .... رد مع اقتباس


	04-09-2009 04:03 AM #22 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المشاركة الأصلية كتبت بواسطة الاميره محطه مظلمه: كانت صديقتى اكن لها كل تقدير ..سافرت الى السودان ..وعدت ..كانت قد وضعت مولودتها الاخيره فذهبنا لزيارتهم ..لفت نظرها الثوب الذى ارتديه ..ودار الحوار التالى:الله توبك دا شكلو حلو من وين قلت: من هنا.. ويوم ما اشتريتو لاقينا زوجك ومعه قريبتكم بشتروا فى تياب من نفس المحل اعدت الشاى ورجعت جلست الى جانبى تسألنى:وصفى لى المره دى شكلها كيف..وانا بكل بساطه اريحيه رحت فى الاسهاب وفى الشرح وما كنت فاكره ابدا ..انى ولعتها نارا جحيما بينها وزوجها ..ومن حينها ما تلقى ليها فرصه الا ترمى بى فى المواقف المحرجه ..وتغيرت معاملتها واصبحت فى نظرها كالبعبع المخيف..وافترقنا.. إنها فعلآ محطة مظلمة ... أيتها الأميرة .... ولكن تأتى الرياح بما لاتشتهى السَفِن ..... وأتمنى لكم مواصلة الصداقة ... وتوضيح الإمور ... ورمضان كريم رد مع اقتباس


	04-09-2009 04:24 AM #23 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المشاركة الأصلية كتبت بواسطة ود الجعلي كلام حكم ودرر ولكل عبارة ادليت بها لها مسار حياة كامل شكرا" ايها الرجل الانيق المحترم ابوخالد ولكن نحن متمردون فينا بقايا عصيان وخروج عن النص عموما" والله العظيم "ما كسار تلج" زي مابقول الجندي المجهول .... لكني بحترمك جدا التمرد هو صفير البراكين .... أكان دقش أضانك كب الفللى ساكت .... إلا ياود الجعلى .... محطاتك منتظرنها ... وياريت تحكى عن قصة الخروف المشهور بيهو ده ......... ومشكور على الكلام الجميل أخى ... أين نحن من قاماتكم الباسقة .... ولك كل الود والإحترام رد مع اقتباس


	04-09-2009 05:11 AM #24 خالد 000 ابقرجة الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2009 الدولة مدني حي البان # المدينة المنورة المشاركات 2,217 الزمل ابو خالد التحية لك ولضيوفك 000 جئت فقط لتسجيل الحضور 000 وحجز مقعد مبكر 000 فصالات الانتظار علمتنا أن نحرص علي حجز أماكننا باكرا حتي لا يتم زحلقتك لصالح حجز احتياطي لقريب موظف الخطوط 000 بس قبال ما أمشي 000 المديدة حرقتني 000 خلي أشرف صلاح احكي ليك البرلمة بتاعت فندق مارشال في حفل استقبال البرالمة بالمنصورة أبو الشوش 000 خلي روحك رياضية وقول ختو ليك في جيب البدلة كم شوكة ومعلقة أحتاج خريفاً قادم 000 فالقلب انشق به اخدود للذكري 000 كخطو العير 000 في أوحال الأرض الصلدة 0000 لا يمحوه 000 حين تجف 000 الا أمطار أخري 000 والقلب بكي 000 فسحاب بقائي قد ضاع سدي 000 (أبو آية) نحتاج مهنيين 000 يعملون بتجرد 000 ودون ألوان 000 لبناء وطن يحكمه السياسيون 000 أتشرف بكم هنا http://www.blogger.com/profile/02571856119049338589 رد مع اقتباس


	04-09-2009 05:24 AM #25 بدر الدين احمد الطائف الملف الشخصي مشاهدة المشاركات عضو فضي Array تاريخ التسجيل May 2009 الدولة ودمدنى دردق المشاركات 1,351 الاخ الحبيب ابوخالد متعك الله بالصحه والعافيه فى بداية وعى للحياة وفى فترة الشباب كانت لدى الكثير من الافكار والمفاهيم وكنت اعتبر ان بعضها من الثوابت الذى لا رجعةمنه . ما كان فى بالى اننى فى يوم من الايام حا اكون مصنف من فئة المقتربين كان عندى راى فى الناس الذين يهاجروا من الوطن بسبب القروش كان عندى راى فى الناس البيسيبو زوجاتهم واولادهم بالسنين من اجل المال. كنت احدث نفسى لن اترك بلدى من اجا حفنة من الدولارات لن اترك اهلى يعيشون المعاناة وانا بعيد عنهم وللحديث بقية التعديل الأخير تم بواسطة بدر الدين احمد الطائف ; 04-09-2009 الساعة 05:43 AM اللهم اعطنا خير هذا اليوم ما قبله وما بعده اللهم اكفنا شر هذا اليوم ما قبله وما بعده رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 07:47 AM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني