النتائج 1 إلى 25 من 26

الموضوع: ماذا يدور داخل امخاخكم

أدوات الموضوع
- مشاهدة صفحة طباعة الموضوع


	24-08-2009 02:53 PM #1 ام قبس الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,679 ماذا يدور في رؤوسكم اخوتي في منتديات ود مدني سلام من الله عليكم اجمعين ورمضان كريم عليكم واسفة لو جات متاخرة باعتبار الزمن هنا عندنا بعدكم تقبل الله منا ومنكم صالح الاعمال قولوا امين افرد هذا البوست لتسألوات تدور في داخل الكثيرين عن طبيعة الاشياء في الدول الاوربيه اشياء باختلافها في كل النواحي لتكن دردشه رمضانيه بيننا للتواصل ونقل مايمكننا نقله وليس لنا الا احترام مالايعجبنا ولنبداء من اول مخ التعديل الأخير تم بواسطة ام قبس ; 24-08-2009 الساعة 04:31 PM رد مع اقتباس


	24-08-2009 03:15 PM #2 عبدالله الصديق الملف الشخصي مشاهدة المشاركات عضو مميز Array تاريخ التسجيل Jun 2009 المشاركات 392 شكرا سيدتي لهذه الفكرة حتى نعلم من مجرب وليس طبيب ارى ان الاوروبيين يحترمون الآخرين كل واحد في حالة لا توجد عندهم عنجهية العرب والتدقيق في كل شيء..التعامل الراقي..مساحة الحرية ام المساويء قلة دور العبادة او بعدها..غلاء الاسعار والضرائب الباهظة التي تصل احيانا الى40% من الراتب.. والمشكلة الاكبر تربية الاطفال وقوانين البلد وكثير من الاسر تلاشت وسط العادات الاوروبية وفقدت بناتها الائي احتمين بالقانون الاوروبي في انشاء علاقات غير شرعية تنتهي غالبا بسجن الاب يا خير من دفن بالقاع اعظمهفطاب من طيبهن القاع والأكم نفسي الفداء لقبر انت ساكنهفيه العفاف وفيه الجود والكرم رد مع اقتباس


	24-08-2009 03:38 PM #3 ود الجعلي الملف الشخصي مشاهدة المشاركات عضو فضي Array تاريخ التسجيل Jun 2007 الدولة Khartoum, Sudan, Sudan المشاركات 1,180 باختصار مسلمين من غير اسلام .. صادقين عمليون انسانيون يكرهون النفاق والبوهية رد مع اقتباس


	24-08-2009 03:59 PM #4 ام قبس الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,679 المشاركة الأصلية كتبت بواسطة عبدالله الصديق شكرا سيدتي لهذه الفكرة حتى نعلم من مجرب وليس طبيب ارى ان الاوروبيين يحترمون الآخرين كل واحد في حالة لا توجد عندهم عنجهية العرب والتدقيق في كل شيء..التعامل الراقي..مساحة الحرية ام المساويء قلة دور العبادة او بعدها..غلاء الاسعار والضرائب الباهظة التي تصل احيانا الى40% من الراتب.. والمشكلة الاكبر تربية الاطفال وقوانين البلد وكثير من الاسر تلاشت وسط العادات الاوروبية وفقدت بناتها الائي احتمين بالقانون الاوروبي في انشاء علاقات غير شرعية تنتهي غالبا بسجن الاب اول الامخاخ الاخ عبدالله الصديق في الاحترام دا شيء غريب عندهم احترام للاخر بكل اشكاله وخت الف خط تحت اشكاله دي مثلا عندهم مجموعه مثل عبده الشيطان والعياذ بالله يلونون شعرهم بالوان غريبه ذي تلقي ليك واحدة عامله شعرها برتقالي وعامله كحل في عين واحدة ذي المرة بتاعة المشاكل عارف قصه المرة بتاعة المشاكل دي قالوا المراة البتحب المشاكل لمان تطول ماتلقي ليها زول تشاكله تقوم تكحل عين واحدة وتمرق عشان تلقي ليها زول يسألها هي يفلانه مالك ماكحلتي عينك التانيه وتقوم تدور ليك فيه اها هنا لو كحلوا نخرتهم ذاتها مافي زول بهببه ليهم والجماعة ديل عندهم اسم تاني وسلوك تاني بحكي ليكم قصته بعد رمضان ورغم غرابه كل شيء يتعلق بيهم لكن مابتلقي زول بتلفت حتي ليهم وممكن تلقي زول شايل موبايل 3310 نوكيا عين ابوة طالعة ولابس بنطلون جنز اكل الدهر عليه وشرب ولمان يعرف نفسه يكون عالم ولا نابغة في مجال ما يقيمون الجوهر اكثر من المظهر يعني نحنا هنا بنلبس لبسنا الزي الفي السودان يعني اسكيرت وبلوزة وطرحة بالنسبه ليهم غطاء الشعر دا عحيب لكن ماتلقي منهم الا كل احترام طبعا القله القليله البتلقاها متعنصرة وسبحان الله القله دي لو ازهرت تعنصرها دا من حقي اشتكيها واكسب قضيه تعويض مبالغة يعني حتي واضعين ضوابط للفئه المابتقدر تظبط نفسها بالنسبه لدور العبادة اتخيل هم الاغلبيه منهم لا دينين ( طبعا انا بتكلم عن السويديين علي وجه الخصوص )) والقله مسيحيين لو تصدق ان في المدينه التي اسكنها اكبر جامع في السويد وتقريبا ثالث مسجد من حيث الحجم في اوربا ويزوره المسلمين من جميع انحا اوربا والمتبرع بتشييده رجل بر قطري ومسميه باسم والدته ترحم علي روحها بالنسبه للضرائب دي حقيقة يدفع الشخص الذي يعمل في وظيفة نسبه32% من مرتبه للدوله ضرائب لكن النظام الاجتماعي هنا مرتب يعني هذه الضريبه ترد بارباحها عند التقاعد وتدفع هذة الضريبه للاشخاص الذين لايعملون والامهات حديثي الولادة وطلاب المدارس والجامعات الدوله تحسها نظام اشتراكي بمعني الكل يعيش بمستوي واحد الذي يعمل والذي يدرس ولم تتوفر له فرصه العمل مشكله التربيه والاطفال هذه حقا اخي المعضله الكبري اليوم تحدثت مع جارتي الفلسطينيه وجدتها غاضبه جدا فطفلتها التي تدرس فالصف الاول اساس جاتها تخبرها انهم عرضوا عليهم اليوم في المدرسه كيفيه انجاب طفل من اول لحظه وحتي لحظه ولادة الطفل وهذه البدايه فقط وبجيك بتوسع في موضوع تربيه الاطفال دي ومشكله الاسر كمان الضاع كثير من بناتها وانصهروا في المجتمعات الاوربيه وصدقني يا اخي الاطفال عجينه لينا يمكن تشكيلها بدفيء الاسرة وحنان الابوين وقوة العلاقة الاسريه لحفظ كيان الاسرة وعاداتها وتقاليدها لدي طفله تدرس في الحضانه عندما حان موعد تسلمها للروضه سألوني عن ماذا اريد انبههم له شرحت لهم انني مسلمه لا احب ان تطعم ابنتي لحوم بكل انواعها (خنزير ولحم بقر وخراف او دجاح حتي) استجابوا لطلبي ولكن اشترطوا ان اطعمها في نفس الفترات لحوم من المذبوحة بالطريقة التي تتوافق مع ديني في البيت لكي يضمنوا نموا الطفله بشكل صحيح طبعا سيدور في راس الكثيرين كيفيه تمكني من التأكد انهم لا يطعمونها كما اتفقوا معي طفلتي في عمرها سنتين عندما سلمتها لهم تعرف تتحدث وتعرف انواع الاطعمه بالذات اللحمه وكنت اسالها في كل اليوم ماذا اكلت في الروضه وصادف يوم ان اخبرتني انها اليوم اكلت لحمه في الروضه فزعت واخذت بعضي ودقري علي الروضه وواجهتهم بان لماذا اطعمتم الطفله لحمة باخبروني انها ليست لحمة بل مشروم وحضروه لي وفعلا شكله كما اللحمة ولنا عودة شاكرة مرورك ومعلوماتك القيمة التعديل الأخير تم بواسطة ام قبس ; 24-08-2009 الساعة 04:09 PM رد مع اقتباس


	24-08-2009 04:08 PM #5 ام قبس الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,679 المشاركة الأصلية كتبت بواسطة ود الجعلي باختصار مسلمين من غير اسلام .. صادقين عمليون انسانيون يكرهون النفاق والبوهية والله شرفت وعلي وزن الغنيه ياود الرجال انت الليله شرفت صدقني ياود الجعلي هذا اول ماجاء بخاطري عندما عايشتهم سبحان الله واكيد لحكمة يعلمها الله سعيدة بي مرورك رد مع اقتباس


	24-08-2009 07:41 PM #6 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 رمضان كريم أم قبس ....... تصوموا وتفطروا على خير ... حسب علمى ثقافتهم عن دول العالم الثالث شبه معدومة والأفريقية بالذات ......... ودى سمة غالبية الدول الأوروبية ... بتعملوا شنو لتوضيح صورة السودان مثلآ لدى السويديين ؟؟؟؟ وهل فى رغبة منهم لتفهم ذلك ؟؟؟ ودمتى بألف خير رد مع اقتباس


	24-08-2009 08:42 PM #7 ام قبس الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,679 المشاركة الأصلية كتبت بواسطة ابوخالد رمضان كريم أم قبس ....... تصوموا وتفطروا على خير ... حسب علمى ثقافتهم عن دول العالم الثالث شبه معدومة والأفريقية بالذات ......... ودى سمة غالبية الدول الأوروبية ... بتعملوا شنو لتوضيح صورة السودان مثلآ لدى السويديين ؟؟؟؟ وهل فى رغبة منهم لتفهم ذلك ؟؟؟ ودمتى بألف خير رمضان كريم يابو خالد دي حقيقة واذكر اول فترة لي بالسويد جأتني فتاة تدرس في مايعادل عندنا الثامن اساس وقالت لي صحيح النساء في السودان لايرتدون ملابس استغربت جدا وسألتها من اين جاءت بهذا الاعتقاد ردت انهم احضروا ليهم في المدرسه فلم توثيقي عن السودان وفيه ترقص النسوة شبه عاريات اولا اوضحت لها ان هذا الفلم يخص قبيله في جنوب السودان كانت في الماضي من عاداتها ان تفعل هذا وكل ذلك كان في الماضي نسبه للحرب الاهليه التي حدت من تطور اهل الجنوب اما في السودان فلا يوجد مثل هذا الشيء وكانت المدرسه قريبة من المنزل واجمل مافي هذه البلد لايتردد الشخص كثيرا في الاعتراض علي كل شيء بالمنطق والجدل الموثق ذهبت ثاني يوم لهذه المدرسة والغريبه حتي معرفتهم بالسودان ضعيفه جدا وكانوا يصنفوننا علي اننا من الصومال فهم يعرفون الصومال كثيرا نسبه للتواجد الصومالي الكثيف هنا المهم سالت من مشرفة الصف واخبرتها انني اريد التحدث معها بخصوص الفلم الذي عرضوه في يوم امس علي الطلبه سألتني لماذا اخبرتها عن مادار بيني وبين الفتاه اول تعليقها هل يوجد في السودان اشخاص لهم لون ابيض مع العلم ان لون بشرتي ليس ابيض ولكنها قالت انها كانت تعتقد ان اهل السودان هم الجنوبيين فقط احضرت لي الفلم وطلبت مني ان اشاهدة وحدي (( طبعا داخل المدرسة)) لانشغالها وسوف تحضر عند انتهاءها وفعلا حضرت قبل انتهاء الشريط وطلبت ان اشرح لها قمت بالتوضيح كما وضحت للفتاة ووعدتها ان احضر لها افلام توثيقيه عن السودان بشرط ان توعدني بعدم عرض هذا الشريط مرة اخرة اما بالنسبه لرغبتهم في التفهم هم شعب نهم للمعرفة كل انواع المعرفة ومستمعييت جيدين ويحترمون الثقافات الاخري بالاخص التي يجهلونها ونحن والحمد لله برغم جهلهم الكامل لثقافتنا لكنهم الان صاروا يفرقون بيننا وبين الشعب الصومالي واصبحوا يدركون الكثير عنا بالاخص في طريقة التعامل ولي عودة في هذا الموضوع اشكرك جدا علي مرورك التعديل الأخير تم بواسطة ام قبس ; 24-08-2009 الساعة 08:47 PM رد مع اقتباس


	24-08-2009 10:12 PM #8 الصادق صديق ابوالجاز الملف الشخصي مشاهدة المشاركات عضو جديد Array تاريخ التسجيل Aug 2009 الدولة مدني - حي مايو 40 المشاركات 26 السيدة أم قبس تحية طيبة ورمضان كريم (زي بتاعتك) جات متأخرة فعلاً ما يدور في أزهان الناس عن أوروبا وأمريكا كثير, ما يجول في خاطري دائماً وخصوصاً عندما قدمت للحصول على طلب (الغرين كارد الأمريكي) هو أن الشارع الأوروبي متفكك نهائياً وليس فيه أي خصوصية, بمعنى أكثر (للشرح فقط) الممارسات الجنسية المخلة بالأخلاق تملأ الشارع وهذا ما كان يوجسني من الذهاب إلى هناك. ثانياً: موضوع ضرب الأبناء وأنهم من الممكن أن يسحبوا أبنائك منك إذا وجدوا علامات ضرب على أجسادهم؟؟!! وحدثت في أمريكا لعائلة سودانية. منتظرين ردك. رد مع اقتباس


	25-08-2009 01:02 AM #9 ام قبس الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,679 المشاركة الأصلية كتبت بواسطة الصادق صديق ابوالجاز السيدة أم قبس تحية طيبة ورمضان كريم (زي بتاعتك) جات متأخرة فعلاً ما يدور في أزهان الناس عن أوروبا وأمريكا كثير, ما يجول في خاطري دائماً وخصوصاً عندما قدمت للحصول على طلب (الغرين كارد الأمريكي) هو أن الشارع الأوروبي متفكك نهائياً وليس فيه أي خصوصية, بمعنى أكثر (للشرح فقط) الممارسات الجنسية المخلة بالأخلاق تملأ الشارع وهذا ما كان يوجسني من الذهاب إلى هناك. ثانياً: موضوع ضرب الأبناء وأنهم من الممكن أن يسحبوا أبنائك منك إذا وجدوا علامات ضرب على أجسادهم؟؟!! وحدثت في أمريكا لعائلة سودانية. منتظرين ردك. رمضان كريم يالصادق الشارع اوروبي متفكك بقيمنا نحن نحن نعتبرها تفكك وهم يعتبروها قمه الترابط ((بالذات الفي الشارع دي وقدام الناس)) بالمناسبه يمكن تكون شويه فكرتك خطاء عن الشارع الاوربي ((الممارسات الجنسيه)) لاتحدث ابدا في الشارع العام ولا في الحدائق والكافيهات وممنوعه بامر الشرطه اكيد هناك اشياء تحدث في الشارع تحدث بالنسبه لنا غريبه ولو حدثت في بلادنا لوجدت كل الشارع وقف يتفرج وعملوها سينما من غير فلوس بس عندهم الاشياء دي اكثر من عادي ولا احد يعيرها اي اهتمام وهذه هي خصوصيتهم اما بالنسبه لضرب الابناء هذه موجودة بكثرة وعادي جدا ياخذ ابناءك منك اذا ثبت انك قمت بضربهم حتي اذا لم يكن هناك اثار في اجسامهم اذا اشتكوا هم فقط من سوء معامله او تضايقوا من اجواء المنزل وعن من فقدوا ابنائهم وبناتهم حالات تحدث بين الفينه والاخري واختك كان ماشه تحدث ليها (( راجع البوست قبل تقول لا ليه لا)) وربنا يحفظنا ياخي واسعدني مرورك التعديل الأخير تم بواسطة ام قبس ; 25-08-2009 الساعة 01:04 AM رد مع اقتباس


	25-08-2009 01:29 AM #10 أشرف صلاح السعيد الملف الشخصي مشاهدة المشاركات عضو فضي Array تاريخ التسجيل Aug 2009 الدولة مدنى حى الزمالك المشاركات 2,086 احتكاكاتى مع الاوربيين دايما علاقة طالب ومعلم او مرؤس ورئيس..فلا استطيع تقييمهم خارج هذه الايطارات..والتى اراهم فيها يتناولونها باحترافية عالية.. اما الامريكان حبابينا فديل راقدين سلطة مابعرفو سجمن ..كان فى برنامج تبادل طلابى بين جامعتى وجامعة ميتشيغن وكنا بنعمل علاقات معاهم لمعرفتم بس فعلا الناس ديل ماشين على البركة وماناقشين حنانانم دا بالنسبة للثقافة والحياة العامة..بس تجيهم فى تخصصاتم مابتصقعو فهم جد بس تطلع بيهم برا الفريق "التخصص" بيقعو واطة..زى اهلنا اولاد بمبة عرفتوهوم؟ رد مع اقتباس


	25-08-2009 12:06 PM #11 ام قبس الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,679 المشاركة الأصلية كتبت بواسطة أشرف صلاح الدين احتكاكاتى مع الاوربيين دايما علاقة طالب ومعلم او مرؤس ورئيس..فلا استطيع تقييمهم خارج هذه الايطارات..والتى اراهم فيها يتناولونها باحترافية عالية.. اما الامريكان حبابينا فديل راقدين سلطة مابعرفو سجمن ..كان فى برنامج تبادل طلابى بين جامعتى وجامعة ميتشيغن وكنا بنعمل علاقات معاهم لمعرفتم بس فعلا الناس ديل ماشين على البركة وماناقشين حنانانم دا بالنسبة للثقافة والحياة العامة..بس تجيهم فى تخصصاتم مابتصقعو فهم جد بس تطلع بيهم برا الفريق "التخصص" بيقعو واطة..زى اهلنا اولاد بمبة عرفتوهوم؟ مرحب اخي اشرف حقيقي هم عندهم التخصوصيه مهمه جدا يعني بتاع الطب ما ممكن يفهم في اي مجال تاني لكن يكون بيبحت ليل ونهار في مجاله ومعلوماتهم بسيطه جدا عادي تلقي واحد او واحدة مابيعرف ابسط المعلومات الجغرافيه ودا راجع لانه وقتهم مقسم بطريقة عجيبه جدا قدر ماحاولت اقسمه زيهم ماقدرت ضرب مثل اول ايام الاسبوع يوم الاثنين عادة العمل بيبدا من الساعة ثمانيه صباحا بيصحوا من النوم الساعة سته ودا الشغال ولا العاطل الساعة سته كل البلد فندروا يقعدوا يشربوا القهوة ويفطروا لحدي الساعة سبعه بعد داك العندوا شغل او مدرسه او جامعة كل زول ركب وسيله مواصلاته (( وفي الصيف الكل بي عجلاتهم)) ومشوا الي مواقعهم الغداء في كل السويد الساعة 12 لحدي واحدة او في بعض المؤسسات الي الساعة واحدة وربع عادة الدوام لحدي اربعة بيجوا البيت اربعة ونص او خمسه عندهم وجبه اساسيه بياكلوها هي العشاء بعد داك عندهم ذي ساعة ونص للتلفزيون و الجرايد او الجلوس مع الاطفال لحدي الساعة تسعة لازم يكونوا رقدوا في سرايرهم عشان ينوموا ويواصلوا بكرة نفس الفلم بي ضبانتها عندهم ايام العطل السبت والاحد هي دي الايام لترفيه والسوق وتسوق حاجات البيت ونضافة البيت والغسيل وكدا وفي اليومين دي من النادر تلقي فيها عمل او بحث او ماشابه ذلك اها قول لي يعرفوا حاجات خارج تخصصاتهم بي وين ولو سألت الواحد منهم بعد سنتين الساعة عشرة صباحا حيعمل شنو بيكون عارف مش تقول لي نحنا لو قلت لي بعد شويه ماشة وين اكون ماعارفة وكل شغلنا نجر في نجر وعلي راي اخونا عبد المنعم السباك يعمل ليك فيها كهربجي وبتاع سيراميك وبتاع بهيه وبصلح تلفونات وموبايلات كلام ذي دا مافي هنا ووالله الاغلب الاعم مابيعرفوا شي عن الشعب السوداني غير اننا سود وكلنا جنوبيين او من دارفور (( ودارفور دي زاتها جات هسع قريب)) اسعدني تداخلك التعديل الأخير تم بواسطة ام قبس ; 25-08-2009 الساعة 12:11 PM رد مع اقتباس


	03-09-2009 04:08 AM #12 ود الجعلي الملف الشخصي مشاهدة المشاركات عضو فضي Array تاريخ التسجيل Jun 2007 الدولة Khartoum, Sudan, Sudan المشاركات 1,180 ام قبس شكرا" على المعلومات مفيدة جدا" وارجو ان تواصلي عن التعليم والتربية لان ذلك ما نفتقده رد مع اقتباس


	05-09-2009 08:58 AM #13 ام قبس الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,679 المشاركة الأصلية كتبت بواسطة ود الجعلي ام قبس شكرا" على المعلومات مفيدة جدا" وارجو ان تواصلي عن التعليم والتربية لان ذلك ما نفتقده ود الجعلي هلا حاواصل في الموضوع بتوسع وحنمسكم حته حته افتتهم ليك فتيت وهاك دي جرعة عن التعليم من عمر السنه الطفل مسعوليتهم او فلقل مشتركة بين البيت والمرسه (( صحي صحي مشتركة ماذي شعاراتنا البنرفعها ديك)) وهاك يا حوارات اسبوعيه وجنس سعالات لو الطفل غاب هاك الحكايه دي جارة لينا صوماليه عندها ولد عزبها عذاب شديد جدا جدا عمرة في حدود ال15 سنه امسكي اشحني الولد علي الصومال غشته طبعا نمشي لي اهلك ونشوفهم ونرجع الولد صدق سافر معاها خلته هناك وجات بجيك للقصة بعد افطر الاذان اذن رد مع اقتباس


	05-09-2009 03:52 PM #14 ام قبس الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,679 اها جيت حبيبي صدق المؤمن ماصديق وساف في الاجازة بتاعة الصيف مع امه للصومال انتهت الاجازة بيحضر في حاجاتهقالت ليه لا ياشاب ماكانك قال ليك الولد اتهجم هجمه مرتدة وقعد يبكي بكي شديد واهلها قدر ماشولوها وختوها حلفت بالتقطعها ماهي سايقاها معاها المهم جات راجعه مافي زول جاب خبر الولد وين مشي الصومال فتحت المدارس المشرفين سالوا من محمد محمد اجازة تمت (( بس ماجاء راجع )) رسلوا للام نادوها الولد وين الولد في الصومال يعمل شنو هناك خليته مع اهله ليه الولد مااتربي كويس وتتقال من العدوا رساله للبوليس رساله للخدمه الاجتماعية (( ودي البتصرف الفكة )) يعني لو زعلت منك حققك راح البوليس عمل للوليه استدعي الولد حصل ليه شنو هناك المرة والله ماحصل ليه شيء الولد كويس لو كويس ليه هو هناك اداة التأمين الاجتماعي استدعاء الولد لو ماجاء في خلال اسبوع حتتعرضي للمحاكمة وبعدها ترجعي انتي واولادك كلكم الصومال المرة جقلبت شيلك في ختك البوايس سمع صوت الولد فكوها بقت في البيجيب ليها الولد من هناك خسارات تقيله ودولارات والولد يجي بس وامبارح بحمد الله رجع البلد وماعارفة الموضوع حينتهي وين والله يكون في عون امه تقول لي الفصل فيه كم المدير ما عارف رد مع اقتباس


	06-09-2009 02:08 AM #15 littlestar الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,017 المشاركة الأصلية كتبت بواسطة ام قبس رمضان كريم يابو خالد دي حقيقة واذكر اول فترة لي بالسويد جأتني فتاة تدرس في مايعادل عندنا الثامن اساس وقالت لي صحيح النساء في السودان لايرتدون ملابس استغربت جدا وسألتها من اين جاءت بهذا الاعتقاد ردت انهم احضروا ليهم في المدرسه فلم توثيقي عن السودان وفيه ترقص النسوة شبه عاريات اولا اوضحت لها ان هذا الفلم يخص قبيله في جنوب السودان كانت في الماضي من عاداتها ان تفعل هذا وكل ذلك كان في الماضي نسبه للحرب الاهليه التي حدت من تطور اهل الجنوب اما في السودان فلا يوجد مثل هذا الشيء وكانت المدرسه قريبة من المنزل واجمل مافي هذه البلد لايتردد الشخص كثيرا في الاعتراض علي كل شيء بالمنطق والجدل الموثق ذهبت ثاني يوم لهذه المدرسة والغريبه حتي معرفتهم بالسودان ضعيفه جدا وكانوا يصنفوننا علي اننا من الصومال فهم يعرفون الصومال كثيرا نسبه للتواجد الصومالي الكثيف هنا المهم سالت من مشرفة الصف واخبرتها انني اريد التحدث معها بخصوص الفلم الذي عرضوه في يوم امس علي الطلبه سألتني لماذا اخبرتها عن مادار بيني وبين الفتاه اول تعليقها هل يوجد في السودان اشخاص لهم لون ابيض مع العلم ان لون بشرتي ليس ابيض ولكنها قالت انها كانت تعتقد ان اهل السودان هم الجنوبيين فقط احضرت لي الفلم وطلبت مني ان اشاهدة وحدي (( طبعا داخل المدرسة)) لانشغالها وسوف تحضر عند انتهاءها وفعلا حضرت قبل انتهاء الشريط وطلبت ان اشرح لها قمت بالتوضيح كما وضحت للفتاة ووعدتها ان احضر لها افلام توثيقيه عن السودان بشرط ان توعدني بعدم عرض هذا الشريط مرة اخرة اما بالنسبه لرغبتهم في التفهم هم شعب نهم للمعرفة كل انواع المعرفة ومستمعييت جيدين ويحترمون الثقافات الاخري بالاخص التي يجهلونها ونحن والحمد لله برغم جهلهم الكامل لثقافتنا لكنهم الان صاروا يفرقون بيننا وبين الشعب الصومالي واصبحوا يدركون الكثير عنا بالاخص في طريقة التعامل ولي عودة في هذا الموضوع اشكرك جدا علي مرورك أم قبس أحييكى على المجهود الجبار فى نقل ثقافات متبادله بين عالمين تعرفى زمان برضو كنا ف دوله أوروبيه ف كانو الخواجات بيستغربو من لونا ولبسنا وبيسألو أمى إنتو اللبس ده يعنى بيصرفوهو ليكم ف المطار لا والأدهى والأمر لما جات مسافره السودان سألت جارتا لو محتاجه لحاجه من السودان قالت ليها آى دايره أسد صوره مشوهه جدن عن السودان وإنو هو إنسان الغابه أكيد دلوقت الصوره نوعاً ما بتكون إختلفت وإتغيرت بالعولمه والتكنولوجيا الحاصله وموقفنا السياسى المتأزم خلت العالم كلو يلقى ضوء على بلدنا المغموره والمُغيبه إنّهـا لا تختفـي. إنهـا تقضي الليالـي، دائماً، في مِعطَفـي . دائمـاً تحضُـنُ، في الظُلْمـةِ، قلبي هـذهِ الشّمسُ .. لكي لا تنطَفـئ ! رد مع اقتباس


	06-09-2009 02:10 AM #16 littlestar الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,017 وبجيكى تانى صااااااده لأنو كل واحد فينا بيحمل داخلو عبر وحواديت إنّهـا لا تختفـي. إنهـا تقضي الليالـي، دائماً، في مِعطَفـي . دائمـاً تحضُـنُ، في الظُلْمـةِ، قلبي هـذهِ الشّمسُ .. لكي لا تنطَفـئ ! رد مع اقتباس


	06-09-2009 02:12 AM #17 ام قبس الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,679 المشاركة الأصلية كتبت بواسطة littlestar أم قبس أحييكى على المجهود الجبار فى نقل ثقافات متبادله بين عالمين تعرفى زمان برضو كنا ف دوله أوروبيه ف كانو الخواجات بيستغربو من لونا ولبسنا وبيسألو أمى إنتو اللبس ده يعنى بيصرفوهو ليكم ف المطار لا والأدهى والأمر لما جات مسافره السودان سألت جارتا لو محتاجه لحاجه من السودان قالت ليها آى دايره أسد صوره مشوهه جدن عن السودان وإنو هو إنسان الغابه أكيد دلوقت الصوره نوعاً ما بتكون إختلفت وإتغيرت بالعولمه والتكنولوجيا الحاصله وموقفنا السياسى المتأزم خلت العالم كلو يلقى ضوء على بلدنا المغموره والمُغيبه لتلاستار كلامك ميه ميه وماشه بعيد ليه حتي العرب جاهلين لي ثقافتنا ولينا حكاوي جايه انتظريني شكرا علي المداخله رد مع اقتباس


	06-09-2009 02:21 AM #18 الجندي المجهول الملف الشخصي مشاهدة المشاركات عضو ماسي Array تاريخ التسجيل Apr 2006 الدولة من حته جميلة خلاص المشاركات 6,674 هل صحيح بالنسبة للمشاريع التي تخدم المواطن لا يوجد بها غش او رشاوي او تلاعب في المواصفات والمقاييس كما يحدث عندنا ام انها اشاعة وكذلك لديهم من يسرق اموال الشعب وتلاعب بها اللهم صلي وسلم على سيدنا محمد وعلى آله وصحبه وسلم تسليما رد مع اقتباس


	06-09-2009 02:37 AM #19 ام قبس الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,679 المشاركة الأصلية كتبت بواسطة الجندي المجهول هل صحيح بالنسبة للمشاريع التي تخدم المواطن لا يوجد بها غش او رشاوي او تلاعب في المواصفات والمقاييس كما يحدث عندنا ام انها اشاعة وكذلك لديهم من يسرق اموال الشعب وتلاعب بها الجندي اهلا بيك غش ورشاوي مافي بالنسبه للمشاريع مامحتاجين ليها غش في المواصفات في في محلات العرب والاجانب ليس لديهم من يسرق اموال الشعب ليه؟ لان الشعب اساسا ماعندة مال يتسرق رد مع اقتباس


	06-09-2009 03:45 AM #20 بنت الرفاعي الملف الشخصي مشاهدة المشاركات نائب المشرف العام Array تاريخ التسجيل Dec 2006 المشاركات 9,979 المشاركة الأصلية كتبت بواسطة ام قبس لتلاستار كلامك ميه ميه وماشه بعيد ليه حتي العرب جاهلين لي ثقافتنا ولينا حكاوي جايه انتظريني شكرا علي المداخله فعلا العرب جاهلين لي ثقافتنا وحياتنا , تصدقي إنو لما كنا صغار أنا وأخواتي , اللي بيتعرفوا علينا أول مرة , كانوا بيغالطونا في جنسيتنا !!!! اللي بيقول نحن من أهل البلد , واللي بيقول نحن من إحدى الدول الخليجية , وده كلو لأنو لوننا فاتح ( بالرغم من إنو مافاتح للدرجة دي (أكيد ناتج من مقارنتهم للبيشوفوا في التلفزيون وناس الحرب ))!! , وطبعا هم بيشوفوا في التلفزيون زي ماقلتي من زمن حرب الجنوب , وأسي كمان دارفور , و متخيلين إنو نحن بيوتنا من القش وقطاطي القش ( ما القطاطي الحديثة ) , وماعندنا ترفيه , وحياتنا حرب في حرب , يعني في نظرهم حياتنا غاية في البؤس , وبالرغم من أني كنت صغيرة , كنت بجتهد علشان أغير فكرة الأطفال اللي معاي , وأحكي ليهم عن السودان , وناسها كيف عايشين , وكانوا بيستغربوا لأني بحكي عن دولة , وهم بيشوفوا في التلفزيون دولة ثانية !!! و كنت بزعل لأنو الإعلام هو اللي ناقل صورة جزئية , وهو اللي مدخل كل الأفكار دي , حتى الأستاذات مرّات كنت بحكي ليهم عن العيش في السودان , و الحمدلله بالرغم من إستغرابهم بيفهموا الوضع , وزي ماقلتي مامتخيلين إنو في ناس لونهم فاتح و أبيض بس كلهم من ذوي اللون الأسود فقط !! والحمدلله حاليا في نوع من التطور , وإحتمال يكونوا فهموا طبيعة السودان , وأهلها , أتمنى ذلك. علِّمي نفسك ما تندهشي صدِّقي كل الما معقول!! ----------------------- سأبقى ماحييت بدار دنيا .. رفيقاً لا يخون ولا يجافي وأحفظ عهدكم في عمق قلبي .. ويروي ودكم نظم القوافي ويبقى دائماً هناك وإن (مرام) لتحقيقه. ----------------------------------------------- اللهم اغفر لوالدي، وارحمهما وأطل في عمريهما يارب العالمين. ----------------------------------------------- اللهم ارحمني برحمتك، واغفر لي يا مالك الغُفران، واجعل قبري روضة من رياضك، وأدخلني فسيح جناتك، يا رب العالمين. رد مع اقتباس


	06-09-2009 04:15 AM #21 الدكتور الملف الشخصي مشاهدة المشاركات زيارة الصفحة الرئيسية عضو مجتهد Array تاريخ التسجيل Oct 2004 الدولة الجزيره-ود النور المشاركات 131 الحمد لله الذي جعلني من المسلمين اختي والله مهما بلغوا من التطور وكل شي اذا مافي اسلام ولاحاجة لاتندم على من احببته وتركك اندم على من احبك وتركته dr_dafallh_2005@hotmail.com رد مع اقتباس


	06-09-2009 11:36 AM #22 littlestar الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,017 تعرفى يا (أم كبس) أكتر حاجه بتعجبنى ف الأمه دى شنو طبعن بعد إحترامهم لمواعيدهم وشغلهم وإخلاصهم فيهو بالجد لما يجو عندنا هنا ف السودان بيحاولو بقدر الإمكان يحترمو الشارع السودانى يعنى ما أظن إنى شفت لى يوم خواجيه حايمه ف السودان لابسه شورت ولآ فانيلا كت مثلاً لا بالعكس بيحاولو قدر ما فيهم يحتشمو ويحترمو شعائر البلد ال هم فيهو لدرجة ساعات بتخت الإشارب فوق راسها وشال يغطى أكتافا لو الحاله إستدعت بقى تعالى شوفينا نحن لما نمشى هناك ال تقولى أساسن نحن أل فرنجه بنرمى كل حاجه ورا ضهرنا وهاك يا لبس أقصد ياعرى تعرفى إتذكرت لى نكته من واحده صاحبتى ملتزمه ومتحجبه والحمدلله وخلى بالك من كلمة محجبة دى ختى تحتها ألف خط أحمر قالت هى كان مشت أى دوله أجنبيه ما بتشوف أى غضاضه فى إنها تلبس هدوم سباحه لأنها وقتها ما بتكون حاجه شاذة ومافى زول ح يعاين ليها أصلن بالذمه ده كلام !!! حمانا الله وأصلح حال المسلمين جميعاً إنّهـا لا تختفـي. إنهـا تقضي الليالـي، دائماً، في مِعطَفـي . دائمـاً تحضُـنُ، في الظُلْمـةِ، قلبي هـذهِ الشّمسُ .. لكي لا تنطَفـئ ! رد مع اقتباس


	06-09-2009 12:28 PM #23 سودانية وافتخر الملف الشخصي مشاهدة المشاركات عضو برونزي Array تاريخ التسجيل May 2009 الدولة في قلـوب الاحبـة المشاركات 985 والله يا ام قبس احييك على الجهد الرائع الي بتبذليهو..امشي وارجع ليكي تاني مع اسئلتي واستفساراتي:d:d ❤ دَقْآآتُ قَلْبِღالمرْءِ قَآئِلَةً له إِنْ الحيآةَ دَقآآئِقٌ وثَوًآنِي ❤ « آلّلّهُمْ ثبتَ قُلُوَبًنَآ عَلىَََ دٍينكـَ.!\| رد مع اقتباس


	06-09-2009 12:35 PM #24 سودانية وافتخر الملف الشخصي مشاهدة المشاركات عضو برونزي Array تاريخ التسجيل May 2009 الدولة في قلـوب الاحبـة المشاركات 985 المشاركة الأصلية كتبت بواسطة moram فعلا العرب جاهلين لي ثقافتنا وحياتنا , تصدقي إنو لما كنا صغار أنا وأخواتي , اللي بيتعرفوا علينا أول مرة , كانوا بيغالطونا في جنسيتنا !!!! اللي بيقول نحن من أهل البلد , واللي بيقول نحن من إحدى الدول الخليجية , وده كلو لأنو لوننا فاتح ( بالرغم من إنو مافاتح للدرجة دي (أكيد ناتج من مقارنتهم للبيشوفوا في التلفزيون وناس الحرب ))!! , وطبعا هم بيشوفوا في التلفزيون زي ماقلتي من زمن حرب الجنوب , وأسي كمان دارفور , و متخيلين إنو نحن بيوتنا من القش وقطاطي القش ( ما القطاطي الحديثة ) , وماعندنا ترفيه , وحياتنا حرب في حرب , يعني في نظرهم حياتنا غاية في البؤس , وبالرغم من أني كنت صغيرة , كنت بجتهد علشان أغير فكرة الأطفال اللي معاي , وأحكي ليهم عن السودان , وناسها كيف عايشين , وكانوا بيستغربوا لأني بحكي عن دولة , وهم بيشوفوا في التلفزيون دولة ثانية !!! و كنت بزعل لأنو الإعلام هو اللي ناقل صورة جزئية , وهو اللي مدخل كل الأفكار دي , حتى الأستاذات مرّات كنت بحكي ليهم عن العيش في السودان , و الحمدلله بالرغم من إستغرابهم بيفهموا الوضع , وزي ماقلتي مامتخيلين إنو في ناس لونهم فاتح و أبيض بس كلهم من ذوي اللون الأسود فقط !! والحمدلله حاليا في نوع من التطور , وإحتمال يكونوا فهموا طبيعة السودان , وأهلها , أتمنى ذلك. انتي عارفة يا مرام والله نحنا برضو كان بحصلينا تفس كدا ياماااا كانو بغالطونا في جنسيتنا..لا وغير كدا اتذكر مرة من المرات في وحدة صحبتي كانت من اهل البلد مرة جات زيارة عندنا في بيتنا فكنا قاعدين نتكلم على السودان كدا ففجاة سالت قالت انتو عندكم في السودان بيوت كدا زينا ومحلات ومولات وحدائق وكدا؟!!!! عاد ان هنا استغربت استغراب من سؤالها ولمن جاوبتها قلتليها ايوة دا كلو عندنا وكدا وقعدت احكليها عن السودان قامت قالت لي انا كنت فاكرا السودان دي كلها غابات وناس مقطعين وسود وحالتهم حالة لمن سالتها طيب من وين اخذتي الانطباع دا قالت من الاعلام السوداني!!!! لذلك وجب على الاعلان السوداني تحسين صورة السودان واظهاره بالكامل مش جزء فقط منو ونحن كمان لازم بدورنا نحكي ليهم السودان هو شنو؟!... والمعذرة على الاطالة.. مع خالص الاحترام والتقدير ❤ دَقْآآتُ قَلْبِღالمرْءِ قَآئِلَةً له إِنْ الحيآةَ دَقآآئِقٌ وثَوًآنِي ❤ « آلّلّهُمْ ثبتَ قُلُوَبًنَآ عَلىَََ دٍينكـَ.!\| رد مع اقتباس


	06-09-2009 12:38 PM #25 سودانية وافتخر الملف الشخصي مشاهدة المشاركات عضو برونزي Array تاريخ التسجيل May 2009 الدولة في قلـوب الاحبـة المشاركات 985 هل بالفعل ان هناك في الدول الاوروبية بيخيرو الوالدان في الدروس الي بياخدوها اطفالهم في المدرسة؟؟مع كل التحايا ❤ دَقْآآتُ قَلْبِღالمرْءِ قَآئِلَةً له إِنْ الحيآةَ دَقآآئِقٌ وثَوًآنِي ❤ « آلّلّهُمْ ثبتَ قُلُوَبًنَآ عَلىَََ دٍينكـَ.!\| رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 10:49 AM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني