يا أغنياتنا ماقصرتي مع اسمي تب

[العاقب مصباح]

معقولة لكن غيرتو الاسم بتين ما تكلمونا
ونحنا من قبيل بنجدع برة الشبكة

غايتو الواحد قدر ما يلقى ليهو باب بتسدوهو يا عصمت



البت خجلت وقالت قدمت استقالة من المنتدى ...


لوتجازي لوتسمحي ***مني ريدك مابتمحي

بي خيول الشوق أرحمي ***واروي دمعي البطمحي

بس عشوقك لاتقمحي ***بي طريف العين ألمحي

بريض فاهم سر الوحي*** الفي حواجبك بتلوحي

تمسي هجة ونور تصبحي** *وفي قلوب الناس تربحي

ياالحمامة البتصبحي ***بي فريعك بتميحي

كيف عزولك لاتروحي ***وانت جنة ونار تقدحي

يازهير الروض فتحي ***والنسيم بالطيب كتحي

من غصونك ماتبرحي** *يوم تبكي ويوم تفرحي

المبكم بتنصحي ***وبي نغيمك بتفصحي

هاك عقلي الطاش انصحي***وكان مغيب والان صحي

[الزونية]

يا نسمة لا تتأخري
عذبنى طول الانتظار
قبال تجي رشي المحنه بكل دار
كل البيسأل طمني
و أنا في البعيد مشتاق لهمسه
من الوطن يا نسمة

[الفخيييم]

وانت في شوفك تخاتل رفة الطير والحفيف00
وانت في خوفك تكاتل عينة الجلبت خريف00
وانت في لالوبة مصلبة البنيات00
النسيمات الهفيف00

[esmat]

غايتو الواحد قدر ما يلقى ليهو باب بتسدوهو يا عصمت



البت خجلت وقالت قدمت استقالة من المنتدى ...

دي النسمة بتجيب الأمل والأمل بيصبح رفيق ياخ
تقول لي قدمت استقالتها يعني نبطل جدع

[الفخيييم]

دي النسمة بتجيب الأمل والأمل بيصبح رفيق ياخ


تقول لي قدمت استقالتها يعني نبطل جدع

ميادين الرماية لاحصر لها00
في سباق خيل بينفع تغيير وكده00

[نسمة صباح]

تبري من العلة!
أول مرة أسمع بي نسمة قلبها عليل!!

تسلمي لي انتي ياراقيه
ويسلم لي ذوقك

[نسمة صباح]

معقولة لكن غيرتو الاسم بتين ما تكلمونا
ونحنا من قبيل بنجدع برة الشبكة

ياها الجدعتين ديل

لسه ماشوفنا منك التقيييييييييييييييييييييييييييييييييييييييييل

[نسمة صباح]

إنت كالأنسام لم تهدا تروق
وإنت كالأضواء بعد كل شروق
لو بتذكرنا كنا نحنا ندوق
للسعادة طعم في رضا المعشوق

حتجى البت .. الحديقة
شايلة أنسام فى طريقا
وشاتلا ألوان

حتجى البحدث بريقا
ضجـّة الضو فى المكان
حتجى المن بدرى جات
من ظلامات السكات
شايلة قمرين فى عيونا

اسعدني مرورك الزونيه

[نسمة صباح]

ياخى بتقدرى عادى جدا

رغم انو كلامك بيعنى انى مهروش




وما تهرشى هناى
خليهو يوريك المكشن بلا بصل

ويوريك العين الحمراء

زى ما عملت انا مع هناية

:d:d

ياخي نحن قاصدين انك انت قادر على هنايه بالكلام المنمق الحلو

نحن شن بقدرنا على جنس النضم السمح دا :d

[عمر المامون]

يا نسمة الصبح

طلي واظهري وروحي

وبلغي سلامي للعندهم روحي

وحق من انزل القران في اللوح

فراق احبتي اصعب من خروج روحي

[نسمة صباح]

يا نسمة لا تتأخري
عذبنى طول الانتظار
قبال تجي رشي المحنه بكل دار
كل البيسأل طمني
و أنا في البعيد مشتاق لهمسه
من الوطن يا نسمة

انتى ما نسمه صباح فرحت ريس معدى
انتى ما بسمه طفل سواا سدر امو الوسادى
اى صح انتى ارقى بشوفا فيكى
لون رمالا ولون جروفا هى لون وشيكى

[نسمة صباح]

غايتو الواحد قدر ما يلقى ليهو باب بتسدوهو يا عصمت



البت خجلت وقالت قدمت استقالة من المنتدى ...

اودع كيف
افارق
افارق كيف
ولسه الشوق بعيش فيا
اودعكم لا ... افارقكم لا
لالا انا ما بقدر اودعكم
دموعي بتغطي عينيا

لكين اه..لكين اه
واه بتزود الالام
اودعكم لا...افارقكم لا
بتبقى عشرة الايام
اودع
اودع كيف

لو بالأيد
اعيش بينكم مدى الايام
اغني لكم
وانتو تكونوا لي الهام
ونزرع ريد

[العاقب مصباح]

نسيم الروض زورنى فى الماسية
وجيب لى الطيب من جنائن آسيا
وانعش روحى زيل الم البى

يانسيم نفحاتك بادية ..وغمرت ارجاء الحضر والبادية

اظنك مريت فى ساعة هادية ..وعانقت غصين الزهر النادية

مالك ياعشوق محبوبتك دارية ..بى حالك وليك دايما طارية

شكرا يانسيم اخبارك وافية.. ولكن ريك لى شفاى ما كافية

ماظنى اطيب واضوق العافية.. وغير ما انظر الجميلة وجافية




دمعــــة الشــــوق كــــبي
حكم حــــبي ..أرعى نجم الليل
نسمة السحار.... ليلى طال هبي
أنا مساهر...ونومـــــي متخبى
انتحـل جســــمي والمحـال طبي
مصدره الزهرة الفى نواحي سهيل
انشغال فكــــرى وانفقــاد لبى
وشحــــوب لونى.... كلو من حبي
انســــلب بالــــى وانتزع قلبي
أما امــــالى طوحــــت بالميل
صدري مزمــاري والدمـــوع شربي
أنطـــــرب كل ما ذكره يخطر بى
ماله جافى نفور ما بدور قـــربى
وأنا مالي دوام لي خياله أمــيل
حين قوامــــه يميل للعقول يسبى
وازدهار محيه للبدور يخــــــبى
في جبينه تشوف حكمة الـــــــرب
زى ســـواد حظي جوز دواعجه كحيل
يا بديــع الزى وأزهــــر اللون
يا خفيف الروح يا ســــما الصون
خلقــــك مولاك زينة للكـــــــون
وحبب الأرواح في هواك ياجمـــــيل
عهدي بيك يا جميل دأبك الحـــلم
وارى هجـــــرك لي نير الظــــلم
وأنت عــــارف نوع حبي ليك سلمى
شوقي مهما ازداد برضي شايفه قليل


يا نســـــــــــــيم نومي قلُ وزاد عناد
أستـــــــــــــــعد أصبح عليك الاستناد
أجتــــهد في السـرعة زي قدح الزناد
تلقي سيُاف لحـظو صاحي وطرفو ناد
احتفــــــــــــــــــلبو ولف بثوب الندي

اعلم لولا ما طرفك للبيض الرقاق شاهر
إنسان عيني كاد يغرق في ماء خدك الزاهر
ونورك يتوقد لي عيون الخلوق جاهر
ظلمي شئ ظاهر
وإشراق الفجر يشهد على طرفي العليل ساهر




دمعة الشوق كبي
حكم حبي أرعى نجم الليل
*******
نسمة الاسحار
ليلي طال ذكري
أنا مساهر نومي متخبي
أنتحل جسمي
والمحال طبي
مصدرو الزهرة الفي نواحي سهيل
*****



بالشوق يا نسيم ابقالى رسول
لو يعطف ثانية يزيل البى



خصرو ناحل وزاد جسمي إنحالو ..
طرفو ناعس نام وطرفي يصحالو
الفريع السيل دمعي سحالو ..
يا نسيم ارجوك شوفو كيف حالو ..



إن أقول الثنا يا جحاجح..........فهو منه واليه ........راجح
إن تزنبو ترى وزنه راجح........خلى معنى و الروح خفيف
*********
السلام ما ابتسمت زهورك............ما تلألأ رف نور نهورك
ما جلت بسماتك ...شهورك...........يبقى لي متكأك.....قطيف

[الزونية]

يا نسمة يا جاية من الوطن
بتقولي لى أيام زمان ما برجعن
باكر برجعني الشجن و اتهني بيك
طول الزمن يا نسمة

[عمر المامون]

يانسمه ............. ويا فرحة مليان دعاشة

[نسمة صباح]

وانت في شوفك تخاتل رفة الطير والحفيف00
وانت في خوفك تكاتل عينة الجلبت خريف00
وانت في لالوبة مصلبة البنيات00
النسيمات الهفيف00

عايز أكون زي النسيمات التسافر دون تساريح، لا قيود تملكني لاهماني لا بزعزعني ريح

[نسمة صباح]

دي النسمة بتجيب الأمل والأمل بيصبح رفيق ياخ
تقول لي قدمت استقالتها يعني نبطل جدع

نوره ساعة الحر يولع
تنقلب نسمه وتطوف
تدي للجيعان لقيمه
وتدي للعطشان جغيمه
في تقاة الليل تدنقر تدي لي باكر بسيمه

[نسمة صباح]

نسيم الروض زورنى فى الماسية
وجيب لى الطيب من جنائن آسيا
وانعش روحى زيل الم البى

يانسيم نفحاتك بادية ..وغمرت ارجاء الحضر والبادية

اظنك مريت فى ساعة هادية ..وعانقت غصين الزهر النادية

مالك ياعشوق محبوبتك دارية ..بى حالك وليك دايما طارية

شكرا يانسيم اخبارك وافية.. ولكن ريك لى شفاى ما كافية

ماظنى اطيب واضوق العافية.. وغير ما انظر الجميلة وجافية

ليك السلام من القلوب متبتله
بلد الرجال الفي صفاتها مكملا
روح يا نسيم شيل التحايا مجملا

[عبدالرحمن مدثر]

up
up
up

مع النسيم العليل زاااااااااااد وجدى