النتائج 1 إلى 25 من 31

الموضوع: تاااااااااااااورني الشوق

أدوات الموضوع
- مشاهدة صفحة طباعة الموضوع


	28-09-2009 02:49 AM #1 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 تاااااااااااااورني الشوق والمتاوره هنا .. جايه من الاستمرار في الشوق المفرط .. زي الجرح الـ بتاورك كل ما مر عليهو الزمن تلقاهو مازل جرح وبينزف !!!! والفرق هنا ... أن الجرح في أثناء المتاوره .. يمكنك أن تتحسسه أو حتى " تحكو" لكن الشوق دا يحكوهو كيف؟؟؟!!! .. نفسي ألقا واحد بحك في شوقو بطريقه مختلفه .. غير طريقتي دي "عبر الكلمات" وزي ما الجرح لامن يتاورك .. بجيب معاهو حمى وصداع ... وصديد وألم ... برضو الأشواق بجيب معاها لوازمها .. والمتاوره .. زي التواتر .. في الخواطر والمشاعر والاحسايس بتجيك كااااااااملة الدسم. عمنا الفاضل : عز الدين الأمين "له التحية والتقدير" قاااااااااال لي يا عثمان : قول لينا القصيدة المسكوك فيها ناس الحكومة ؟؟؟ في اللحظة ديك ما إتذكرتها ... لكن بعد ما إتذكرتها تاااااااورني الشوق. والكلام عن مشروع الجزيرة .. وما إليه الحال بالمشروع بخلي كل الأشواق تتاورك .. وكل الجروح تنزف. مشروع من أكبر المشاريع في أفريقيا يتباااااااااع بالقطاااااااااعي .. حته حته ... وناسو بتفرجو. نرجع لمتااااااااااورة الأشواق الزول السوداني ود البلد .... أكبر معبًر لمتاورة الأشواق .. في ديوانو بتلقى .. الإبريق والتبروقه والسبحه.. وبتلقى الجريده السياسية والرياضيه وبتلقى الشاي والقهوة .. والقدح المليان خير وكرم .. وبتلقى السكين والحربه والدرقه .. وبتلقى الرادي وأغاني الحقيبه .. وقصاصات من مذكرات زول في زمن الحب. بعد ما الحمى تتمكن منك تب ... وجرحك يحميك النوم ... وتمشي من صباح الرحمن على الحكيم في الشفخانه في حلتكم .. بقول ليك .. عشان جرحك يبرا ... لازم ننضفو شديد لامن يجيب الدم .. ونشيل كل الخلايا الميتة عشان الجرح "يلتئم" .. يلتئم دي كيف بالله .... أهااااااا ورونا نلملم جرحات أشواقنا كيف ؟؟؟ يوم يكون يوم صرف "الفردي" ... كنا بقوم الدغش أنا وأخوي محمد وجدي "رحمه الله عليه" ونتراوح من صباح الرحمن على المكتب في شان نصرف الفيها النصيب .. ومعانا الكتير من الشوق والاماني والإحتياجات الضرورية ....... وكنت لامن يندهو اسم جدي بدخل معاهو عشان أدي المفتش والصراف نظرة حقاااااااااره وأقول ليهم في سري ... "بكره نحنا الـ ح نكون أهل العقد والرااااااااااي" ... وأحسب لى جدي قريشاتو وأقارنن بالمكتوب في الإيصال عشان عرقو وتعبو وإحتياجاتو الصااااااااابر عليها سنه ... سنه بى حالها. أنا ما حضرت زمن الإنجليز .. لكن كان سامعني هسه بقول ليهم ... والله تاورنا الشوق ليكم. بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس


	28-09-2009 03:02 AM #2 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 ابو عفان والله الشوق في اللحطظة دي تاورني لي زماااااااااااااااااااان واحنا شفع لمن بنمشي اجازة المدرسة نقضيها في مارنجان ... مرة يوم المطرة زرتنا عند ناس حبوبتنا ساكنة قدام في مارنجان ... والمطرة زمان كانت مطرة جد ... الرعد كان صواعق بنزل في المدرسة بتاعت حلة حسن ينزل حيطها في الواطة ... اها يوم زرتنا المطرة دي قلنا نباري الحيطة بتاعت المدرسة لمن نصل وحاتك جات صاعقة شلنا السرخة انا والشفع بي صوت واحد والحيطة اقعي لينا والله برق الصاقعة دي الابرة في الواطة تشوفها .... الحمدلله بعد فكينا الجرية لي البيت ووصلنا بالسلامة .... تورت علينا واتزكرنا ناس هناي وهناي وهناية واولئك لمن كنا بنلعب في الحوش لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	28-09-2009 03:23 AM #3 عبدالرحمن مدثر الملف الشخصي مشاهدة المشاركات عضو ذهبي Array تاريخ التسجيل May 2009 الدولة الخرطوم - السجانة المشاركات 5,052 الغالى جلالة يتاورنا الشوق دوما لاحساسك المرهف كل الامنيات بدوام الاشواق لقيت المساحة دى مزروبة بالاشواق قلت انادى قوافل الذكرى لترتع فى هذا المكان الاخضر الخصيب ***** مازالت احن الى شوكة حدثنى عنها حميد وانا مازلت ابدا خطواتى فى دروب الحياة الموحشة اتذكر كلمات الاهداء .. واحس بالشوكة لاول مرة احس بجمال الشوكة بس انشاء الله ماتخونى ذااكرتى الخربة عشان ارتب ليكم كلمات طال عليها الزمن .. واليوم تصحو وتصحى فينا حاجات اليمة وتفضل الذكرى القديمة ولابنسااااك ولابقدر ولاعايز بعد حبك احب تااااااااانى (كلوا واحدة اصعب من التانية) وهكذا حال الشعراء دوما يرموننا بالخستكااااات ويتركوننا على قاااااارعة الطريق نرجع لحميد (ماعلينا ) حميد يتحدث عن الشعر وحلاوة الانتصار الاولى مع الفضفضة التى تريح الخااااااطر المتعب لمن تكتب قصيدة فى نص الليل وتتعبك لدرجة التعرق ولم تحس باخر نفس احسااااى بيطلع ويقفل القصيدة لابد من آهة ... وتنهيدة وبعض المتعة تمشى الهوينى فى جنح الظلااااااام حميد ... يوضح لنا ان الحالة التى تعتريه لحظات كتابة قصيدة ما ... بحال المزارع وسط الحواشات بين الضحوة والضهرية ... وسط هجير الشمس وهبوب الريااااااح وفجاة ...... وتااانى فجاة تدخل (شوكة ) فى قدميه الحافيتين وتؤلمه .. وتتعمق فى اللحم الحى (مافى ابره بطلعا ياجماااااااااااااعة ) وتعفن الشوكة وتطول اقامتها جوه الجوه وانا بجنبة اتذكرت انو زماااااان اهلنا بقولوا لينا اعملوا للشوكة شمع الاضاان او فى رواية اكثر واقعية (وسخ الاضاان ) وبعدها تنتظر قليلا وتبدا تعصر فى قدمك رويدا رويدا واكولة جميلة تنتاااابك فى هذه اللحظاااااات وتتواصل الاكولة فى ثوبها الانيق حتى اخر محطة من رحلة الاقدام والاشواااااااك وتجى لحظة خروج الحنة من ضفر العروووووووس ياخ كلنا بنفتش لرااااحة زى الرااحة البنلقاها لمن تطلع شوكة من قدميك الراااحة دى حميد بقول هى عندو مربوطة بخروج القصيدة فى صورتها النهائية خربشة بتعرف الحانكلو ياجلالة دايرين ليهو تعريف معاصر أحبابي لو كان الحَزنُ دموعْ لو أنّا بالعيِن نُحسْ لو كان الحزُن يشم نَزَفت رئتاي الدّمْ وطلعتُ عليكم جمرُ الحُرقة يشوي كَفيّ رد مع اقتباس


	28-09-2009 03:26 AM #4 naz_imam الملف الشخصي مشاهدة المشاركات زيارة الصفحة الرئيسية عضو برونزي Array تاريخ التسجيل Feb 2005 الدولة الزمالك المشاركات 620 احييييييييييييييييا ياحبيب القسا (واجعني في البحر السكات وبسكتني في الوجع البحر) وتاني احيييييييييييييا........ ابوريم رد مع اقتباس


	28-09-2009 04:04 AM #5 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 المشاركة الأصلية كتبت بواسطة بت مارنجان ابو عفان والله الشوق في اللحطظة دي تاورني لي زماااااااااااااااااااان واحنا شفع لمن بنمشي اجازة المدرسة نقضيها في مارنجان ... مرة يوم المطرة زرتنا عند ناس حبوبتنا ساكنة قدام في مارنجان ... والمطرة زمان كانت مطرة جد ... الرعد كان صواعق بنزل في المدرسة بتاعت حلة حسن ينزل حيطها في الواطة ... اها يوم زرتنا المطرة دي قلنا نباري الحيطة بتاعت المدرسة لمن نصل وحاتك جات صاعقة شلنا السرخة انا والشفع بي صوت واحد والحيطة اقعي لينا والله برق الصاقعة دي الابرة في الواطة تشوفها .... الحمدلله بعد فكينا الجرية لي البيت ووصلنا بالسلامة .... تورت علينا واتزكرنا ناس هناي وهناي وهناية واولئك لمن كنا بنلعب في الحوش خليها بس يا بت مارنجان .. متاورة شوق لما قبل المطر "ريحة الدعاش" وأثناء المطر .. وما بعد المطر والمطر عند المزارع له معاني خاصة ... فيها الكثير من التوارد والمتاااااروه وهي ذات المعاني للعب الأطفال أو العشاق ... لأن المصدر واحد والمصب واحد .. المصدر رب العالمين يعطي المطر للأرض والرزع والضرع والناس .. والمصب ... خضره وسمره .. ودفقة ألواااااااااان وبين غيمه .. تغازل كل زهره وخيال رمانه على .... المجرى .... مرسال الشوق التعديل الأخير تم بواسطة عثمان جلالة ; 28-09-2009 الساعة 04:13 AM بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس


	28-09-2009 04:11 AM #6 أبو جودي الملف الشخصي مشاهدة المشاركات عضو برونزي Array تاريخ التسجيل Jun 2009 الدولة وادمدني - القسم الأول المشاركات 978 والله يا عثمان جلالة ،،، أنحنا خلاص عديل بقى لم الجرح يتاورنا بنضغط عليه ،،، تعرف لي لأنه دمنا وحياتنا كلها كانت بالمشروع ،،، وكل زكرياتنا الحلوة فيه وأحلى ايام صبانا وشفنا فيه الما بتشاف تاني في أي زمن واي مكان ،،،، وحسي للأسف بنتفرج ،،،،،، وراجع ليك والناس: إما خالدُ يروى له ذكر،،،،،، وإما لمحة فزوال. رد مع اقتباس


	28-09-2009 04:32 AM #7 أشرف صلاح السعيد الملف الشخصي مشاهدة المشاركات عضو فضي Array تاريخ التسجيل Aug 2009 الدولة مدنى حى الزمالك المشاركات 2,086 الاخ عثمان كل عام وانت بخير وجميع الاهل الكرام.. والله الشوق بتاورنا كلنا خصوصا وانحنا المغتربين..عايزين نكون بغادى للبحر وماقادرين او خايفين .. لكن متاورتك للإنكليز دى شويتين وشويات صعبة..بل كتيرتين وكتيرات صعبة.. معقول عشان بعض ظلم من بنى جلدتنا ننسى دماء آلاف من الأشراف روت أرضنا !! مافى داعى للإنكليز وقت الحرية أرخص من بعض مال ذهب أدراج الريح مع حفنة مصاصى عرق الشعوب وخليك ياسيدى فى الوطن الجديد بالمهجر فالفكرة واحدة..أرض لسنا بأصحابها وعلى الأقل ناس الخليج مسلمين.. أتمنى ألا يوصلنا الإحباط إلى متاورات وإستدعاءات للمستعمر البريطانى مهما كانت الأسباب وإلا تاريخ نضال الأجداد كان لعب عيال وماليهو داعى.. يااخى خلى بالك يتاورك على التمرد "زى عقبة"أخف مليون مرة من متاورة الانكليز .. ونسأل الله أن يحسن الحال ويطمئن البال ويبعد عننا الوبال ويصحى الضمير بقلوب النساء والرجال ونسمع قريب بما نحسن من فال ويبعد عننا الظلم الفينا صال وجال.. وكل عام ومتاوراتك تطرى اللمة والحبان ووقع شبال.. رد مع اقتباس


	28-09-2009 04:46 AM #8 أبو جودي الملف الشخصي مشاهدة المشاركات عضو برونزي Array تاريخ التسجيل Jun 2009 الدولة وادمدني - القسم الأول المشاركات 978 والله أنا الليلة أنا نواي مشاكل مع اشرف ،،، واخش ليه حتى لو دخل هنننننننننننناك ،،،، بس يوريني عضو برونزي دي اخده كيف والناس: إما خالدُ يروى له ذكر،،،،،، وإما لمحة فزوال. رد مع اقتباس


	28-09-2009 05:20 AM #9 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 المشاركة الأصلية كتبت بواسطة عبدالرحمن مدثر [COLOR="Indigo"] الغالى جلالة خربشة بتعرف الحانكلو ياجلالة دايرين ليهو تعريف معاصر بعرف إنو المكمل للجمله "الحانكلو أب حكاً حلو" ... وأريتو كان حال المشروع زي حك الحانكلو .. حلو .... ياااااااااخي دا حسكنيت بس .. والله يا ود المدثر ضحكتني .. وكملت كل حروف الحااااااااااااااء .. في الرد عليك لدرجة فتشت لـ حرف حاااااااااااء للكلمه دي ما لقيتو أ .......... يييييييييييييييييييييييي ماشي أفتش ليك تعريف معاصر للحانكلو ... في الحواشاااااااات بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس


	28-09-2009 05:22 AM #10 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 المشاركة الأصلية كتبت بواسطة naz_imam احييييييييييييييييا ياحبيب القسا (واجعني في البحر السكات وبسكتني في الوجع البحر) وتاني احيييييييييييييا........ واجعني في البحر السكات وبسكتني في الوجع البحر واجعني في البحر السكات وبسكتني في الوجع البحر واجعني في البحر السكات وبسكتني في الوجع البحر واجعني في البحر السكات وبسكتني في الوجع البحر واجعني في البحر السكات وبسكتني في الوجع البحر واجعني في البحر السكات وبسكتني في الوجع البحر بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس


	28-09-2009 05:25 AM #11 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 المشاركة الأصلية كتبت بواسطة أبو جودي والله يا عثمان جلالة ،،، أنحنا خلاص عديل بقى لم الجرح يتاورنا بنضغط عليه ،،، تعرف لي لأنه دمنا وحياتنا كلها كانت بالمشروع ،،، وكل زكرياتنا الحلوة فيه وأحلى ايام صبانا وشفنا فيه الما بتشاف تاني في أي زمن واي مكان ،،،، وحسي للأسف بنتفرج ،،،،،، وراجع ليك والله حاسي بى وجعك يا أبو جودي لانو الحال من بعضو .. وده حال كل أهل المشروع .. أسر بحاااااااله كان المشروع أكلها وشرابها وتخطيطها ومستقبلها وأملها وحملها .. كلو يبقى سرااااااااب شيء أصلا لا يصدق .. ولا بتبلع .. منتظرك ومعاي الحسره بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس


	28-09-2009 05:50 AM #12 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 ايييييييييييييك يا جلالة اخوى والله جيتنا فى محل الوجع ونحن الشوق كتلنا تب وما فضل لينا جنبة ننوم عليها وشوق للناس الطيبين وملامح زول وطورية وحصاد وغنوة من الرادى وفطور بى حليفته يا زول على الطلاق ما تفطر ما بتمشى والفوتك يا الانجليز يعقب على باقى السجم و ناس السجم والرماد والخموم والعولاق والدلاقين والكُهن وكمية البأس وحاويات القمامة ... الشوق غلاب يا جلالة للحق للخير وللجمال وللإنسانية الغابت تب وكتلوها تم وأدها فى طفولتها الحانية خشية إملاق أم رغبة ثراء لا ادرى *********************** لمن يتاورنى الحنين لى البلد بسكت ساى وفى رواية اخرى بكضم .... وتنغبن وروحك تطلع اسبوعين متواصلات يظل امتداد الشوق فينا ويهبط ويعلو ويهبط ويعلو ويجينا هبوط ليس إضطرارياً .... اصبح الشوق للماضى الذى كنا نلعنه ... ولكنا ندرك أن القادم أسوأ ..والمستقبل أظلم ...إذ لا بوادر للفكاك من براثن هؤلاء الاغبياء .... ونقول مع حميد :- الفوتك يا الانجليز ...يعقب على باقى السجم ... والشوق لشئ يغير واقعنا المؤلم شوق للعدالة أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	28-09-2009 09:17 PM #13 خالد 000 ابقرجة الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2009 الدولة مدني حي البان # المدينة المنورة المشاركات 2,217 أبو مشمش 000 المتاورة دي مربوطة في راس ساحبك بالضرس بس لا غير 000 كدي قول معاي كدة ( ضرسي تاورني ) 000 شنو ليك 000 بس برضو ما مشيت بعيد 000 الضرس في لغة ناس الشرتيت والشتيت يا عمك 000 معناها الحاجة الما بتتبلع 000 أكان علي الشوق 000 ببقي ضرس كبير ما منو فكاك 000 وكان علي السموهو ناس جدي مشروع الجزيرة 000 ده ضرس قلعو ديك تور غشيم 000 وخلا منو ترمة 000 يعني لا قلعو كلو ريحنا منو 000 لا خلاهو لينا نعضي بيهو اللحم 000 لكن جهجهتني بي موضوع الانكراشة 000 مرات كدة بتتاورك كاروشة في حتة من الضهر كدي 000 لا يدك اليمين بتقدر ترجع ليها000 لا الشمال طايلاها 000 أها 000 في الحالة دي زي قرجة جدي ديكا بتنفع 000 دحين يا اللخو 000 شوقي لامن اتاورني 000 عندي لهو كراشة ليها سنينات 000 بسموها الذاكرة 000 بمسكا بي طرف قلمي 000 واحك ليك بيها شوقي 000 لامن يقررررررررررررب اجيب الدم 000 مرات امسكا عود بي راسين واحك بيها ضهر الشوق 000 ومرات انصبا حيطة جالوص و أحك بيها غنيماتو البسرحن بي 000 ومرات أفرشا سباتا خشنة 000 واتمردغ فيها 000 أها كدي خلني الليلة في سباتة مشروعنا 000 النفرش ليكا سباتا في التاية الكنا بنبيت فيها لمن تخلس الوردية 000 ده كان أيام دق القمح 000 في الاجازة لمن كنا بنشتغل عدادين شوالات والدقاقة الجات جديدة 000 زي الكراكة ام دلو 000 وما كراكة ام دلو 000 وزي ما قال عمك الطلع معانا اعد الشوالات 000 الشئ دي زي حمار (جلالة اب دبر ) 000 تاكل لك القمح جت 000 و (تـ 0000هو ) بي زحلقانيتا بي ورا 000 في اليوم داكا 000 الحواشة جابت عيييييييييييييييك 000 التقول نمرة عيني باردة 000 زولك تكا لينا عنبلوق راسو عدييييييييييييييييييييل 000 ومشينا التاية 000 وسواقنا كان زول السيجارة الملونة ديكا 000 فرك سيجارتو 000 وفرك معاها بامية بي لحم العنبلوق 000 ومع البني كربو 000 أنسا بس 000 أها 000 رايك شنو في المردقة في سباتة الذاكرة دي 000 دحين بعد ده 000 عندك شك أنو الشوق ممكن اتحكا ؟؟؟؟ اتمردغ يا ساحبي 000 وضرس مشروعنا كان تاورك 000 عضيلك ( سفة ) 000 وادي ساحبك العاقب سفتين 000 واحدة لي ضرس المشروع 000 وواحدة لي ضرس ام وليداتو الما دايرة تجي 000 أحتاج خريفاً قادم 000 فالقلب انشق به اخدود للذكري 000 كخطو العير 000 في أوحال الأرض الصلدة 0000 لا يمحوه 000 حين تجف 000 الا أمطار أخري 000 والقلب بكي 000 فسحاب بقائي قد ضاع سدي 000 (أبو آية) نحتاج مهنيين 000 يعملون بتجرد 000 ودون ألوان 000 لبناء وطن يحكمه السياسيون 000 أتشرف بكم هنا http://www.blogger.com/profile/02571856119049338589 رد مع اقتباس


	28-09-2009 09:41 PM #14 حاتم مرزوق الملف الشخصي مشاهدة المشاركات عضو فضي Array تاريخ التسجيل Apr 2007 الدولة جنب الماوس المشاركات 2,569 شنو يا عمي جلالة دا شوق ولا ضرس رَبَّنَا آمَنَّا بِمَا أَنزَلْتْ وَاتَّبَعْنَا الرَّسُولَ فَاكْتُبْنَا مَعَ الشَّاهِدِينَ رد مع اقتباس


	28-09-2009 09:55 PM #15 النور محمد يوسف الملف الشخصي مشاهدة المشاركات فخر المنتديات Array تاريخ التسجيل Aug 2007 الدولة قرية أم تريبات المشاركات 1,044 عثمان جلالة الاستاذ النضيف ... لك التحية والتقدير مااكثر الاشواق والاشواك كنا ندرك اننا مستهدفون وانهم يحيكون لنا امرا دبروه بليل كانت ارهاصات التامر واضحة وكانت كذلك مراميهم مرصودة ومقصودة ابتلاء ... بلوى ... ومصيبة انا لله وانا اليه راجعون اتذكر اننا انتبهنا في يوم من الايام الى مجموعة من الشباب كانت تحوم على الداخليات بالجامعة وتسالنا فردا فردا انت من وين؟ اللافت للنظر ان عدد الطلاب من الجزيرة يمثلون اكثر من 75% من سكان الغرف وبقية النسبة موزعة بين مناطق السودان المختلفة ... لم ننتبه الى تلك النتيجة فقد تفاخرنا بها ليتهم عملوا كما عملنا فترتفع نسبتهم ولكنهم بدلا عن ذلك عملوا على تحطيمنا وانزالنا الى مستوى نسبتهم ...تطور سلبي وفي الاتجاه المعاكس كانت من بين الاليات نحو هذا الهدف ان يتم قفل او اضعاف مدارس التفريخ مثلا مدرسة حنتوب التي كانت تعتبر المفرخ الرئيسي لطلاب المنطقة الى الجامعة فتم قفلها وتحويلها الى كلية (كان الارض قد ضاقت ولا يوجد متسع للكلية الا على انقاض حنتوب) ومن وقتها بدات النسبة في الاضمحلال عددا وتحصيلا كما ونوعا في السبعينيات كان بحنتوب 8 انهر (8 فصول لكل سنة) وبكل فصل 40-50 طالبا - اتذكر أن نسبة الدخول للجامعة في دفعتنا كانت 90% في المجالات الثلاث علمي ادبي رياضيات ... ولا يفوتني هنا ان اذكر اننا اتينا الى حنتوب من مدرسة الحوش المتوسطة فقد كان عددنا 80 طالبا تم قبول 54 طالبا منهم بحنتوب ... وبقية الدفعة توزعت على مدني والحوش والى معاهد المعلمين ولم يرجع منا اي فرد في حين اننا كنا نسمع بالردايو بعض المدارس لم ينجح احد ... ومثل الحوش كانت الكريمت وكانت الشبارقة وكانت المدينة عرب والمناقل ...كانت تلك البداية وبدا التدبير بليل لايقاف هذا المد الكاسح ذلك جرح كبير سكت الناس عنه مستسلمين للواقع او انشغل الناس عنه بلقمة العيش هذه الجراحات والاشواك تحتاج منا الى كتاب اسود يفجر فينا الاحساس بكل جراحاتنا لتتاورنا فتلهب فينا العزم من جديد لنكون حيثما نستحق ان نكون احب هذه المتاورة عثمان كل ما نراه عظيما في الحياة بدا بفكرة رد مع اقتباس


	28-09-2009 10:15 PM #16 معتز الريح الملف الشخصي مشاهدة المشاركات فخر المنتديات Array تاريخ التسجيل May 2007 المشاركات 4,605 الحبيب عثمان .. زمن من اسئلتك التعسفية دي .. حسه (حك الشوق) ده جبتو من وين وفكرت فيهو كيف .. غايتو الحل المؤقت .. تمشي البحر مع المسنوح ود حسن .. وتغيب عن الإحساس .. وصدقني الشوق زاتو تخربشو خربشة .. لكن بالعقل الباطن يا حبيب .. وما أدراك ما العقل الباطن .. تغير بيهو وتصلح بيهو .. وتغنى وتفقر بيهو .. تحب كاثرين زيتا جونز .. وتتدلع على أنجلينا جولي .. وتشتهي وتشتم وتتمرد .. تتجمل وتنقبح .. تتشجع وتجبن .. بمزاااااااجك .. غير كده ما عندي ليك حل .. ما تشربكها .. رد مع اقتباس


	28-09-2009 10:20 PM #17 سوباوي الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Nov 2004 المشاركات 1,395 الراقي .. عثمان جلالة .. القلوب جفير الأشواق يا جلالة .. والغربة سعن الحنين .. الذكريات قيلولة الخاطر والماضي بُهار لذتها .. يا ... استدعي القلب نفير مشاعر الجرح يتاور .. الشوق ينادي الطيف .. والصوت المبحوح تجاه الريح يغادر .. كما للعشق أنين يا جلالة يا صاحبي بعرض ليالي الصب .. فللذكرى حنين من أدنى جنوب القلب لأقصى شمال الحب .. ومن أعلى تلال الوصل لأدنى وهاد البين .. (المتاورة) المتاورة وحدها لا غيرها هي المفردة رفيقة الجرح والأشواق كما قال صديقي الشاب المهذب الأديب السعودي عبد الرحمن السميري أوان جلسة بيننا استهوته هذه المفردة حين سمعها مني لأول مرة في نص أعجبه كثيراً (الليلة ما أغلى الود) فأوقفني عندما قلت الجرح يتاور .. ثم شرحت له معنى مفردة يتاور دي يا عثمان فأدهشته المفردة بإحساسها فقال هي وحدها لا غيرها رفيقة الجرح والأشواق .. وكان له نوبات حنينة أيضاً التي تتاوره تجاه تفاصيل كثيرة تخصه .. أنها الذكريات يا عثمان وفنارات الضفة الأخرى تعلن الخفوت .. أنه الآدمي فيك يا جلالة يعلن حضوره بقسمات وضيئة فيتاور فيك الشوق تجاه ما كان مفترض أنه متاحات جميلة في زمن مضا وممكنات مستحيلة في زمن حاضر .. آها يا صاحبي بالنسبة لليانكي ما أظنه سيفكر أن يعود بعد حمرة عين شافها زمان من ناساً يقالدوا الموت وشافوه شوف العين ومن زولاً (في ديوانو بتلقى .. الإبريق والتبروقه والسبحه.. وبتلقى الجريده السياسية والرياضيه وبتلقى الشاي والقهوة .. والقدح المليان خير وكرم .. وبتلقى السكين والحربه والدرقه .. وبتلقى الرادي وأغاني الحقيبه .. وقصاصات من مذكرات في زمن الحب). مؤكد تحياتي يا جلالة وغايتو يضحك نهارك ووين ما تقبل يا عتمان تعتر ليك الأشواق ويقالدك الحنين التعديل الأخير تم بواسطة سوباوي ; 28-09-2009 الساعة 10:30 PM وما كنت حزين لما افوتك وسط الفقراء بيوت الطين ... رد مع اقتباس


	28-09-2009 10:31 PM #18 خالد 000 ابقرجة الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2009 الدولة مدني حي البان # المدينة المنورة المشاركات 2,217 المشاركة الأصلية كتبت بواسطة خالد 000 ابقرجة أبو مشمش 000 المتاورة دي مربوطة في راس ساحبك بالضرس بس لا غير 000 كدي قول معاي كدة ( ضرسي تاورني ) 000 شنو ليك 000 المشاركة الأصلية كتبت بواسطة حاتم مرزوق شنو يا عمي جلالة دا شوق ولا ضرس سمعتا بالمثل البقول اتنين كان قالو ليك ضرسك تاورك أقلعو ؟؟؟ وفي رواية أخري عضي ليهو سفة ؟؟؟؟ حاتم مرزوق ضرس العقل لسع مقلوب ولا شنو يا خينا 000 تصدق ده برضو ممكن اكون تفسير كويس 000 يعني البحصل في مشروع الجزيرة ده 000 موش زي ضرس العقل المقلوب 000 ولا اكون المقلوب ما الضرس 000 اكون الفيل زاتو صاااح ؟؟؟ أبو مشمش 000 البوستات الزي دي 000 بتتاورني معاها غبينة برضو ما بتتحكا 000 الا بمبدأ شر البلية ما يضحك 000 وبقعد أهضرب جنس الهضربة دي 000 عشان ما انط لي واحد اقول لي مسار البوست بي غادي 000 بجيك تاني كان قدرتا ارتب لي كلاماً فيهو فايدة 000 أحتاج خريفاً قادم 000 فالقلب انشق به اخدود للذكري 000 كخطو العير 000 في أوحال الأرض الصلدة 0000 لا يمحوه 000 حين تجف 000 الا أمطار أخري 000 والقلب بكي 000 فسحاب بقائي قد ضاع سدي 000 (أبو آية) نحتاج مهنيين 000 يعملون بتجرد 000 ودون ألوان 000 لبناء وطن يحكمه السياسيون 000 أتشرف بكم هنا http://www.blogger.com/profile/02571856119049338589 رد مع اقتباس


	28-09-2009 10:46 PM #19 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 المشاركة الأصلية كتبت بواسطة أشرف صلاح السعيد لكن متاورتك للإنكليز دى شويتين وشويات صعبة..بل كتيرتين وكتيرات صعبة.. معقول عشان بعض ظلم من بنى جلدتنا ننسى دماء آلاف من الأشراف روت أرضنا !! . الغاااالي أشرف .. تحيات وود .. طبعا دماء الشرفاء ما بتتنسي ولا هم "الإنجليز" بجوااااااااا .. كـ غزاه لأنهم عرفوا قوة السودانيين وكيف دماهم بتكون رخيصه في شان الوطن لكن محتاج ليهم عشان ... يرجعوا لينا مشروعتا زي ما سلمونا ليهو نحن أو "بني جلدتنا" فشلوا في إدارة المشروع .. وخسر وأظنك عااااارف الآتي : محافظ مشروع الجزيرة في الستنيات والسبعينات .. كان راتبو ومخصصاتو أكبر من راتب ومخصصات رئيس السودان لااااااامن يحصل عجز في ميزانية الدولة ... كان بتجي الدوله تطلب من مشروع الجزيره عشان يسد العجز ... ومن "الإحتياطي كمااااااان" إحتيااااااااااااااطي مشروع الجزيرة "الكاااااااش" لحدي وقت قريب ... كان يساوي ميزانية دول. مش اخير الأنجليز بالله .. سلمونا أحسن وأكبر مشروع في أفريقيا عجبني فلاااااااان دااااااااك لامن قاااااااااال: أهل الشمال فشلوا في إدارة السودان //// من العام 1956م .. مفروض يدونا نحنا الفرصة نديرواااا بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس


	28-09-2009 10:48 PM #20 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 المشاركة الأصلية كتبت بواسطة أبو جودي والله أنا الليلة أنا نواي مشاكل مع اشرف ،،، واخش ليه حتى لو دخل هنننننننننننناك ،،،، بس يوريني عضو برونزي دي اخده كيف أبو جودي ... كدى حل لينا مشكلة مشروعنا دي في الأول ؟؟؟ وكان بقت على أخوك أشرف هينه !!! .. ورينا نعمل شنو؟؟؟ بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس


	28-09-2009 10:52 PM #21 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 المشاركة الأصلية كتبت بواسطة العاقب مصباح ايييييييييييييك يا جلالة اخوى والله جيتنا فى محل الوجع ونحن الشوق كتلنا تب شوق للعدالة تقصد ياتو عدالة يا العاقب أخوي عدالة الأرض؟؟؟ أم عدالة السماء؟؟؟ أم الأثنين معاااااااا لأنو بصراااااااااااااحه الإتنين تاااااااااااااورنا الشوق ليهن حاااااااااااااسي بيك يا العاقب أخوي ... والجرح واااااااااااااحد بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس


	28-09-2009 10:58 PM #22 محب الملف الشخصي مشاهدة المشاركات عضو فضي Array تاريخ التسجيل Mar 2006 الدولة ودمدني / حي المدنيين المشاركات 1,244 رد مع اقتباس


	28-09-2009 11:44 PM #23 أبوعمرو الملف الشخصي مشاهدة المشاركات عضو فعال Array تاريخ التسجيل May 2009 المشاركات 258 عثمان جدي دائما بقول لي (زماااااااااااان الله لاعادو) وفتشت في الزماااااااااان داك... يأتو: لقيت أنو المشكله كانت إقتصادية... والكلام دا.. قبل المشروع...... سألتو تاني... قبل المشروع كان في شنو؟؟ قال لي (العطش كتلنا... لمن نمشي نجيب المويه من (العد)... الجداد إنتظرنا قدام الحله من العطش... والبلد دي غير شجر الشوك ما فيها حاجه. وجاااااااااااااانا المشروع وجاب معاهو الناس شالو الفيها النصيب.. وسكنو البنادر وخلونا للملاريا والعطش والسرطان وبكده ياعثمان والله بصراااااحه بقينا ماعارفين الشوق يتاورنا لشنو؟؟ رد مع اقتباس


	29-09-2009 02:56 AM #24 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 المشاركة الأصلية كتبت بواسطة خالد 000 ابقرجة أبو مشمش 000 المتاورة دي مربوطة في راس ساحبك بالضرس بس لا غير 000 كدي قول معاي كدة ( ضرسي تاورني ) 000 شنو ليك 000 بس برضو ما مشيت بعيد 000 الضرس في لغة ناس الشرتيت والشتيت يا عمك 000 معناها الحاجة الما بتتبلع 000 أكان علي الشوق 000 ببقي ضرس كبير ما منو فكاك 000 وكان علي السموهو ناس جدي مشروع الجزيرة 000 ده ضرس قلعو ديك تور غشيم 000 وخلا منو ترمة 000 يعني لا قلعو كلو ريحنا منو 000 لا خلاهو لينا نعضي بيهو اللحم 000 لكن جهجهتني بي موضوع الانكراشة 000 مرات كدة بتتاورك كاروشة في حتة من الضهر كدي 000 لا يدك اليمين بتقدر ترجع ليها000 لا الشمال طايلاها 000 أها 000 في الحالة دي زي قرجة جدي ديكا بتنفع 000 دحين يا اللخو 000 شوقي لامن اتاورني 000 عندي لهو كراشة ليها سنينات 000 بسموها الذاكرة 000 بمسكا بي طرف قلمي 000 واحك ليك بيها شوقي 000 لامن يقررررررررررررب اجيب الدم 000 مرات امسكا عود بي راسين واحك بيها ضهر الشوق 000 ومرات انصبا حيطة جالوص و أحك بيها غنيماتو البسرحن بي 000 ومرات أفرشا سباتا خشنة 000 واتمردغ فيها 000 أها كدي خلني الليلة في سباتة مشروعنا 000 النفرش ليكا سباتا في التاية الكنا بنبيت فيها لمن تخلس الوردية 000 ده كان أيام دق القمح 000 في الاجازة لمن كنا بنشتغل عدادين شوالات والدقاقة الجات جديدة 000 زي الكراكة ام دلو 000 وما كراكة ام دلو 000 وزي ما قال عمك الطلع معانا اعد الشوالات 000 الشئ دي زي حمار (جلالة اب دبر ) 000 تاكل لك القمح جت 000 و (تـ 0000هو ) بي زحلقانيتا بي ورا 000 في اليوم داكا 000 الحواشة جابت عيييييييييييييييك 000 التقول نمرة عيني باردة 000 زولك تكا لينا عنبلوق راسو عدييييييييييييييييييييل 000 ومشينا التاية 000 وسواقنا كان زول السيجارة الملونة ديكا 000 فرك سيجارتو 000 وفرك معاها بامية بي لحم العنبلوق 000 ومع البني كربو 000 أنسا بس 000 أها 000 رايك شنو في المردقة في سباتة الذاكرة دي 000 دحين بعد ده 000 عندك شك أنو الشوق ممكن اتحكا ؟؟؟؟ اتمردغ يا ساحبي 000 وضرس مشروعنا كان تاورك 000 عضيلك ( سفة ) 000 وادي ساحبك العاقب سفتين 000 واحدة لي ضرس المشروع 000 وواحدة لي ضرس ام وليداتو الما دايرة تجي 000 ده بس كل القدرت أعملوا يا أب قرجه .. كبرت الخط شويه /// زي الزبر لامن تلقاهو ... صاااااااااقت ومويتو تنقط ... وتنز ... تفتش بس الغتا وين .. وتغتيهو .. وتخت الكوز الما خمج فوق الـ غتا و ظااااااااااااااااهر عشان الـ عشان يشرب لك الود،،،، بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس


	29-09-2009 03:01 AM #25 عثمان جلالة الملف الشخصي مشاهدة المشاركات فخر المنتديات Array تاريخ التسجيل Jun 2007 الدولة أم تريبات المشاركات 3,822 المشاركة الأصلية كتبت بواسطة حاتم مرزوق شنو يا عمي جلالة دا شوق ولا ضرس حبيبنا حااااااااتم .. حقيقة هو شوووق لكن ... ألمو لأم ضرس مقلوع وما مقلوع بين بين /// زي شوقنا البين الغربه وبين ظلم أولي القربى ههههههههههه الله يعين بس بسم الله .... إبتديت متل البرق لاحت فى الشين والفسل بقينا نتباحت طال الكان قصير والعالى إتاحت والصولات حليلن ملكتن راحت ***************** ومن يتهيب صعود الجبال ......... يعش أبد الدهر بين الحفر رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 10:47 AM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني