ودمدني هذا الصباح

[مرتضى التوم]

كل الشكر ود الصول وحقيقى بقينا نفتح البوست بتاعك قبل اى حاجة تانية حتى الشغل بعد نشوف اخبار حبيبتنا مدنى .
جزاك الله كل الخير وربنا يجعلو فى ميزان حسناتك

[معتصم عيدروس]

شكراً ود الصول على هذه اليوميات الجميلة لمدينتنا .. التي تغتسل صباحاً في النهر .. وتحفها دعوات الصالحين ليلاً

[بابكر]

تفاصيل رائعة
لك الشكر أخى الرائع خالد

[moh_alnour]

حمدا ً لله على سلامة الطلة يا ود الصول
حمدا ً لله على أختفاء الباعوض و النوم خارج الغُرف
تسلم يا حبيب

[صلاح ودالطاهر]

من 1/10/2009 الي 17/10/2009 وين حبيبنا المامنظور ينسانا

[عمر المامون]

السلام عليكم ورحمة الله تعالي وبركاته

اخينا ود الصول لك التحية

طولت الغيبة عساك بخير والمامنع لف خير

[هيثم بابكر]

طالت الغيبة حبيبنا ود الصول ،، كلو هين بس انشاء الله تكون بخير وعافية

[ودالعمدة]

فى اتصال هاتفى قبل قليل بالغالى خالد أحمد الصول
للاطمئنان عليه هو بخير بعد أن توعك قليلاً فلندعو له بالشفاء
ويعتذر بسبب توقف النت فى الجامعة وسيعود قريباً ان شاء الله

[معتصم عيدروس]

محاولة لكتابة اليوميات من بعد ...

هل انا احلم .. خرجت من المنزل في حي دردق وركبت المواصلات .. في الحافلة في السنين الأخيرة عادة ما بشيل هم اشيل قروش تكفي حق الحافلة كله لانو البلد حصلت فيها متغيرات كتيرة .. لكن ركبت الحافلة لقيت ليك الناس كلها تتكلم .. قبلت علي يميني لقيت بعرف القاعد قدامي لقيت بعرف وراي لقيت بعرف .. الكمساري جاء يطقطق .. الحافلة كلها قامت دايرة تدفع .. المهم في النهاية واحد بس الدفع ..
يآآآه .. بالله شوف الكلام دا لي منو عشرين سنة امكن ..
في الايام الفاتت دي كل ما اركب الحافلة بالكتير بلقى واحد بدفع ليه أو يدفع لي.. زمان كنا بنتحالف منو البدفع .. الكمساري كان بكون مرتاح لانو متأكد كل الحافلة بدفعوا ليها نفر أو نفرين لانو الناس كلها بتتعارف .. اسع الفهم دا بقى مافي عشان كده استغربت.

انا طالع من البيت كالعادة الحاجة ما بتوصيني كتير بتقول لي عايزين خضار .. دخلت الملجة شفتها ليك نضيفة نضافة لمن غلط .. حتى البقر بتاع الحي السوداني الزمان كان مزاحمنا في البطيخ ما لقيته .. يا ربي النضافة دي جات من وين.. الحاصل شنو من الصباح الأمور كلها ماشة كويس.
مشيت اشرب القهوة عند محاسن .. لقيتها ما فارشة في الواطة زي زمان .. يا جماعة محاسن وين .. قالوا لي ادوها الدكان داك .. مشيت لقيت ناسي كلهم زبائنها .. ولقيتها ليك قاعدة في دكان التقول قهوة في عابدين في مصر .. المهم الامور بقت كويسة وستات الشاي اخيراً الحكومة احترمتهم وادتهم دكاكين..
يا جماعة انحن في الخريف ما تنسوا .. ماشي رغم انو المطرة صبت أمس بالليل لقيت ليك السوق ناشف .. لانو الصرف الصحي اشتغل .. وعم كل المدينة .. عشان كده ما شفت اي واحد مكفكف بنطلونه ..
_________
دا فهمي انا ودا الشايفه انا .. حلم .. علم ..
بكرة يجي ود الصول يطلع روحنا ويحبطنا بحكاياته عن مدينتنا التي كما قال الشاعر محمد محي الدين .. تغتسل في النهر.
__________
خارج النص:...

أحبك حباً كبيراً..
مدينتي .. انتي الأجمل رغم كل شئ.
الشاعر دائماً ما يرى الجمال حتى في القبح ... والقرد في عين امه غزال .. لدينا نحن العكس .. امنا انتي جميلة بكل ما فيك ..
نهواك في كل الظروف .. نحبك نظيفة .. وسخانة .. قبيحة .. جميلة وفي كل الأحوال..
--------------------------
مشتهي باسطة من الشانزليزيه
باسطة سلا دي خليناها زمانننن

[moh_alnour]

ألف سلامة يا ود الصول و إن شاء الله أجر و عافية
مع أمنياتنا القلبية بأن يمن الله عليك بنعمة الشفاء و العافية
كما نتمنى أن يعود لبوست ود مدني حيويته بعودة ود الصول و أن تعود لود مدني عافيتها
لتكون كما نود و أكثر عروسة و سيدة للمدائن

[مرتضى ساتى]

أحبك حباً كبيراً..
مدينتي .. انتي الأجمل رغم كل شئ.
الشاعر دائماً ما يرى الجمال حتى في القبح ... والقرد في عين امه غزال .. لدينا نحن العكس .. امنا انتي جميلة بكل ما فيك ..
نهواك في كل الظروف .. نحبك نظيفة .. وسخانة .. قبيحة .. جميلة وفي كل الأحوال..
--------------------------
مشتهي باسطة من الشانزليزيه
باسطة سلا دي خليناها زمانننن
__________________

مدني وبس

عجيب يا عيدروس بس ما ذكرته الاقاشى

بس توقيعك جميل ولكن ازيد واسمح لى وان اقول جزيره مدنى الولايه الوسطى وبس

[مرتضى ساتى]

محمد نور طبعا الجزيره الأصالة و العراقة والحاكم معانا من قدك يا عم

وينك يا خالد يا صول اظهر وبان عليك الامان

[hadi salih]

ألف سلامة يا ود الصول و إن شاء الله أجر و عافية

[nehroo]

إفتقدناك كثيراً حبيبنا خالد الصول
ونحمد الله على سلامتك
ونتمنى أنت تكون والأسرة بخير ..

[معتصم عيدروس]

أحبك حباً كبيراً..
مدينتي .. انتي الأجمل رغم كل شئ.
الشاعر دائماً ما يرى الجمال حتى في القبح ... والقرد في عين امه غزال .. لدينا نحن العكس .. امنا انتي جميلة بكل ما فيك ..
نهواك في كل الظروف .. نحبك نظيفة .. وسخانة .. قبيحة .. جميلة وفي كل الأحوال..
--------------------------
مشتهي باسطة من الشانزليزيه
باسطة سلا دي خليناها زمانننن
__________________

مدني وبس

عجيب يا عيدروس بس ما ذكرته الاقاشى

بس توقيعك جميل ولكن ازيد واسمح لى وان اقول جزيره مدنى الولايه الوسطى وبس

يا حبيبنا ود الكوتش .. سلام ..

الاقاشي دا داير حلقة براه ..
بس حقيقة لا اذكر انني ذهبت الى مدني ولم افطر فول من كشك ..

بالنسبة للتوقيع فنحن ننتظر اليوم الذي يتم تغييره بوضع لافتة : ابتسم أنت في مدني عاصمة الثقافة والجمال .. ونضيف اليها الرياضة
وطبعاً التغيير في التوقيع سيكون في الصورة فقط وليس في الكلام اسفلها .. فانا عنصري لهذه المدينة التي احبها بطريقتي الخاصة ..
وكما قال الشاعر الكتيابي:


أرقع جبتي أولا أرقعها..
أطرزها من الالوب .. ألبسها على المقلوب.
أخلعها .. على كـيفي .

[معتصم عيدروس]

في انتظار عودة صاحب البوست ولنا معه حديث طويل..

يا ولدنا حمداً لله على السلامة .. وجيرانك اولاد الشيخ كرامتك

[ahmed algam]

طال غيابك




استاذنا خالد الصول




نرجوا العوده سريعا

[خالد ياسين]

سلام الاخ العذيز ود الصول

الزى نرى فية روح مدنى

طالت الغيبة ان شاء المانع خير

ان شاء الله المانع خير بس انشاء الله تكون بخير وعافية

[أبو ريان]

[quote=خالد أحمد الصول;210201]أخوتي الاعزاء
خدمة للطيور المهاجرة من أبناء هذه المدينة الانثي المتدثرة بالازرق الرقراق و حتي نربطهم بما يجري في مدينتهم لحظة بلحظة فقد إفتتحنا هذا البوست و نتمني من أهل المدينة كتابة مشاهداتهم و أحوال المدينة يوما بيوم فمهما كانت المشاهدات صغيرة quote]
فعلا إقتراح جيد بس أهم شيء المعلومات تكون طاااااااااااااظة

[nehroo]

ود الصـــــــــــــــــول !!!!
يمـــــــــين ما برااااااااااااااك ..
فهمــــــونا حاجـــــــــــــة .

[moh_alnour]

علمنا من الباشمهندس ياسر ( ود العمدة ) بأن الأخ خالد الصول بي عافية شوية
دعواتنا القلبية بأن يمن الله عليه بالشفاء العاجل
و أن يُدثرهُ بثوب العافية

[الزبير محمد عبدالفضيل]

ود الصووووووووووووووول الحكايه شنو يا بطل خير اللهم اجعله خيرررررررررررر

[نزار حسن محمد]

ياود الصول انتهى اكتوبر
ودخلنا فى نوفمبر
يامقريب البعيد ..
يا اهل ابوحراز
تبينو لنا هنا
ونشوف ود الصول
بشحمه ولحمه
امين

[صلاح ودالطاهر]

ياود الصول انتهى اكتوبر
ودخلنا فى نوفمبر
يامقريب البعيد ..
يا اهل ابوحراز
تبينو لنا هنا
ونشوف ود الصول
بشحمه ولحمه
امين

والغريبة اخي نزار جواله مغلق حاليا لايمكن الوصول اليه حاولت الاتصال اكثر من مره نسأل الله ان يكون في صحه وعافيه

[ابوجود]

اسأل الله العظيم ان يحفظك ياود الصول
ويرجعك لينا بالسلامه
مشتاقين لاخبار الحبيبه
مدنى
كل الفرح سافر وراك