التمن

[خالد فيلابى]

أحبة المنتدى الأناقه..
سلامات ..وتحايا بلا حدود..قاتل الله المرض الذى أبعدنى ..ولفتره ..وحباب الجلسه فى حضوركم..والله بتزيل الألم وتجيب العافيه.

&التمن &
من غير وداع ..فارقت دربى خلاص مشيت..
فردت لى همومى الشراع..بالحسره والدمعات بكيت..
ماكنت قايل إنو حبل الريده بغشاه الوهن..
والإنكسار للريح وكت جارت سويعات الزمن..
ماكنت قايل إنو للإحساس تمن..
ياليل بينقح فى عضاى..
نجماتو تفضح سر بكاى..
وغُناهُ فى لُجج العذابات إنعطن..
نسمات صباحات الأمل جارن عليهُ وقاطعن..
من وين يجن.؟مااليل قطن ..
فى الروح سكن..
والشمعه ضاعت فى الدٌجن..
والفرحه ذابت فى الشجن..
رحل الحبيب..رحل الحبيب..
والدمعه سالت فى الوجن..
والقلب بالهم إنعجن..
..ماكنت قايل إنو للإحساس تمن..
..و الله حبل البينًا بغشاه الوهن..
.....والإنكسار..!!

[/size][/color][/center]

[ممدوح أبّارو]

جور الحبيب مسموح

جميل يا خي

[المبارك ود إبراهيم]

أحبة المنتدى الأناقه..
سلامات ..وتحايا بلا حدود..قاتل الله المرض الذى أبعدنى ..ولفتره ..وحباب الجلسه فى حضوركم..والله بتزيل الألم وتجيب العافيه.

&التمن &
من غير وداع ..فارقت دربى خلاص مشيت..
فردت لى همومى الشراع..بالحسره والدمعات بكيت..
ماكنت قايل إنو حبل الريده بغشاه الوهن..
والإنكسار للريح وكت جارت سويعات الزمن..
ماكنت قايل إنو للإحساس تمن..
ياليل بينقح فى عضاى..
نجماتو تفضح سر بكاى..
وغُناهُ فى لُجج العذابات إنعطن..
نسمات صباحات الأمل جارن عليهُ وقاطعن..
من وين يجن.؟مااليل قطن ..
فى الروح سكن..
والشمعه ضاعت فى الدٌجن..
والفرحه ذابت فى الشجن..
رحل الحبيب..رحل الحبيب..
والدمعه سالت فى الوجن..
والقلب بالهم إنعجن..
..ماكنت قايل إنو للإحساس تمن..
..و الله حبل البينًا بغشاه الوهن..
.....والإنكسار..!!

[/size][/color][/center]

البكاي خالد الفيلابي عودا حميدا وشرًك مقسم فوق الدًقشًم. والحمدلله بالسلامة
بوح جميل رغم الدموع السايلة منك علي الوجن.

يا حلـــيل أيام صبانا
كنا نسبح في سمانا
بي فراقــك يا حبيبنا
تاني نرجـع لي بُكانا.

[النويري]

أحبة المنتدى الأناقه..
سلامات ..وتحايا بلا حدود..قاتل الله المرض الذى أبعدنى ..ولفتره ..وحباب الجلسه فى حضوركم..والله بتزيل الألم وتجيب العافيه.

&التمن &
من غير وداع ..فارقت دربى خلاص مشيت..
فردت لى همومى الشراع..بالحسره والدمعات بكيت..
ماكنت قايل إنو حبل الريده بغشاه الوهن..
والإنكسار للريح وكت جارت سويعات الزمن..
ماكنت قايل إنو للإحساس تمن..
ياليل بينقح فى عضاى..
نجماتو تفضح سر بكاى..
وغُناهُ فى لُجج العذابات إنعطن..
نسمات صباحات الأمل جارن عليهُ وقاطعن..
من وين يجن.؟مااليل قطن ..
فى الروح سكن..
والشمعه ضاعت فى الدٌجن..
والفرحه ذابت فى الشجن..
رحل الحبيب..رحل الحبيب..
والدمعه سالت فى الوجن..
والقلب بالهم إنعجن..
..ماكنت قايل إنو للإحساس تمن..
..و الله حبل البينًا بغشاه الوهن..
.....والإنكسار..!!

[/size][/color][/center]

حبيبنا خالد ألف لا بأس عليك وبركة الشفناك طيب وإنشاء الله ما تشوف شر على قول أهل الخليج

كتبت ليك والله يا قمر الزمان وكتبت ليك لامن لقيتك جاية في نصف الطريق

مشتاق أفتش نسمة في الزمن الصعيب

وأيامي من كتر الأسى وكتر العزوف باتت حروف مترهلة

رائع حبيبنا خالد كما عودتنا وبقول ليك أنس الماضي وعيش الحاضر

[خالد فيلابى]

كنت فرشت الصفحه ورود ...لو كلمتنى كان بى مرورك...
هاجت فرحتى ماله حدود...لما حروفى غشاها حضورك...

شاااااااكر أستاذنا حضورك الأنيق..
ولو نسينا الماضى ،من وين نلقى بنزين يملأ صفحاتنا.؟؟؟؟

[أشرف صلاح السعيد]

اخى خالد سلامات وألف بعد الشر عليك..

شن التمن لإحساس نبيل
لطعم القبل المفقود قبيل
من يمة ولا للطفل الجميل

شن التمن لجلسة ود و ريد
ترعش أطراف رجل وايد
تقشعر الجلد العنيد
الفارق الظل المديد
واخشوشن بقى زى حديد

اكيد التمن ماليو حدود
زى ديك الحدود امات جنود
او زى لألئ نضمت عقود

للحس تمن بيعدل كل كنوز
بيغوص بيثب فى النفوس
بيضيئ اكوان زى الشموس
بيخضر قلوب بيعلم دروس
بيشتل ثمار بيقلع بروس

تمن الشعور بيكون شعور
تدى العشقك بيجيك حبور
تدى المحنة تلقى السرور
تضيئ قلب يحضنا نور
نشم بخور
تتفتح الزهور
تغرد طيور
تلحن نهور
ترحل شرور
وببقى التمن أحلى الشعور..

[خالد فيلابى]

حبيبنا أبو الشوف..
برضو أقول..


أعذرينى...
ماكنت عارف إنى فى نظرك هوين..
وحتى لما تبعت دربك عارفو دربك ماهو هين..
إلا ساقنى عليك ريداً قلت خاتمة أمره بيًن..
ياخسارة إنتظارى ولهفة القلب الحنين..
إنكسر مجداف رجاىَ ونلت بس حظوة (مزين)..


..حبى وإمتنانى يارائع لقد أخجلت أحرفى المتواضعه بمرورك الأنيق.