تعرف يا ابو عبدةالمشاركة الأصلية كتبت بواسطة عبدالرحمن مدثر
لمن اتخرجت من الجامعة
جيت راجع من الخرتوم معاى امى وابوى ونزار
وانا حالق صلعة نضيفة كنا راكبين فى بوكس الوالد والوالدة والسواق بى قدام وانا ونزار بى ورا
قبل ما نصل الحصاحيصا قابلنا واحد ضابط صاحب نزار ركبنا معاهو انا ونزار
وصلنا الحصاحيصا قبل ناس ابوى قال لينا ارح احضروا عرسى
نزار مشى معاهو
انا نزلت قلت بنتظر ناس ابوى
ناس ابوى جو وفاتو ما لاحظو لى
وانا خليت الشبط بتاعى فى البوكس وكنت حفيان
اها فى الحصاحيصا انا حفيان وحالق صلعة نمرة واحد وجا ليك غبار ملانى بقانى زى الشيطان
ركبت بص الجزيرة بعد ان نظر لى السواق شذرا
قعدت قدام راجل كبير فى السن
يعاين لى ساى حفيان ومغبر وحالق صلعة
سالتو قلت ليهو نحنا وين
قال فى التفتيش
واضح انو كان خايف منى
قلت ليهو عيونك ديل عيون اهلى
حنان زى تغمة فى مقطع
قام قعد يكورك يا ابن ادريس تلحقنى وتنجدنى من المجنون دة
رد مع اقتباس
المفضلات