فتاة تخطف الميكرفون من احمد الصادق وتعلن حبها له علي الملأ

[الجندي المجهول]

في حفلة أمس بمناسبة عيد الحب بالمكتبة القبطية أطلقت احدي الفتيات صيحة اعجاب داوية عبر ميكرفون الفنان احمد الصادق وصاحت (بحبك) في الحفل الذي أقيم بنادي المكتبة القبطية بالخرطوم في إطار احتفالات عيد الحب (الفالنتاين)، وسط ذهول الحضور فيما قابلها الفنان الشاب بإبتسامة إرتسمت علي وجهه.
وعلي الرغم من قلة الجمهور الإ أن الحاضرين تفاعلوا بشكل رائع مع أغاني الصادق الذي تغني بمزاج عالٍ مرتدياً (تي شيرت) باللون الأحمر، وكانت صيحات الإعجاب تتساقط عليه من المعجبين وألبسه احد المعجبين شالاً للمريخ .
وفي أغنية (الجاب لي أخبارو) تزاحم المعجبين والمعجبات حوله وأنشاوا يرددون معه الأغنية.
وأوضح متعهد الحفلة أن الدخل لن يغطي تكاليف الحفلة لان احمد الصادق أحيا الحفل بـ(5) مليون، مضيفاً أن ضعف الحضور في حفل احمد الصادق في مناسبة كهذه يدل علي أن احمد بدأ ينتهي!!
منقووووووووووول من موقع النيلين دوت كوم


تخريمة : زمان قلت ليكم الاخلاق السودنية في الطريق للاندثار ( .....) وناس تسجد لي محمود (وواحد يقبل ايمان لندن في حفل في اديس اباب ) وجرائم قتل في الجامعات وما ادراك من زواج عرفي والان بلا حياء حب على الملاء ( التقول انحنا في فيلم هندي) .......... هوي الحقوا السودان قبل ما يلحق امات طه (دا كان ما لحقهم) لا حول ولا قوة إلا بالله

تخريمة مميزة : شكلنا متأثرين بالبنات البيحضرن حفلات الفنانين المصرين في القاهرة ومعجبين بيهم شديد وقلنا نقلدهم هنا (بالله عليكم ) كلموا لي بله جابر اليقلد لي أحمد المحمدي وموسى الزومة اليقلد لي سيد معوض ( وباقي اللمة ديك ) تقلد احمد حسن وجدو ،، اما معز واكرم (صاحب استاذ رضا) فيمكن ان يتفرجوا على الحضري وهو يقف بين الخشبات في ثبات ....

تخريمة في شكل دعوة : اللهم انا نسالك الجنة ونعوذ بك من النار اللهم أني اسالك حسن الخاتمة واجعل كل ايامي في عبادتك وفي الابتعاد عما نهيت وفي الاقتراب من ما أمرت به يا عزيز يا جليل يا قوي يا كريم اللهم كل من تهاون في بسط شريعتك السمحة ان تخزيه وأن تبعده عن السلطة يا واحد يا كريم ... آميييييييين يا رب العالمين

[وجدى محمد خميس]

اخوى واستاذى الجندى
لك الف تحيه الموضوع خطير جدا
الحمدالله الخطفت المكرفون؟؟؟؟؟؟؟ الله استر

[ابو عبد الرحمن]

وسط ذهول الحضور فيما قابلها الفنان الشاب بإبتسامة إرتسمت علي وجهه.

والله يا ود الامين لمن قرات الكلمة ( البلوردي ) قلبي قال ( شح )

[محمد النصيح]

تحياتي اخي العزيز
والله السودان ياحليلو اندثرت طبائع الغرب واصبحنا دون تقاليد0

تخريمة: الاخ الجندي الصوره المتحركة ( التوقيع بتاعك) خلوهو يمشي انا زاتي تعبت معاهو
لك التحية

[سماحة]

ربنا اجعل قلوبنا تتعلق بك انت وحدك لا بغيرك

[محمد حسين (المميز)]

[SIZE="5"] وصاحت (بحبك) [/COLOR]

حبتـــك الشكلوووووته ((الشكلوته معناها شنو))


مابعيد نلقى باباها ولا مامتها صفقو ليها

وقالو ليها برافوووو ياسوسو

وانا بقول ليها خسئـتِ شلّـت يدااااااااك انت واهلك



تخــ :- ياجندينــــا دي اريتها لو كانت راكبه في الحافله

[سيف الدين الامين]

الشباب السوداني أصبح خاوي الفكر وكل الاحداث التي اصبحت تحدث مؤخرا تدل على ذلك ابتداء بتلك المجموعة التي سجدت لمحمود وهذه التي خطفت المايكرفون اضافة لما يحدث في الجامعات على مسمع ومرأى من الجميع وفوق كل هذا ذلك تلك الاصوات التي تنادي ليل نهار بما يسمونه السودان الجديد ولا ادري الي أين يخططون للمضي بنا . انها والله بداية النهاية التي سوف تنتزعنا من هويتنا وحينها لن نكون الافارقة أو العرب من المسلمين او غير ذلك انما سنكون مسخ لا ينتمي ألي هؤلاء أو اؤلايك .
افيقو ايها السادة وعودو لميراث الاجداد لاننا كنا نفاخر بسودانيتنا وعفة ونقاء بناتنا لكن بعد الغزو الفكري الذي طالنا عبر ما يسمى بالتحضر والتقدم وأصبحنا نسير بعجلة تزايدية نحو الهاوية ....ويا لها من هاوية انها هاوية الانحطاط الاخلاقي والفكري التي ستأكل الاخضر واليابس وحينها لن يجدي الندم .
وهانحن ندق ناقوس الخطر ونصرخ باعلى الصوت أيها الآباء ... أيتها الأمهات ...افيقوا من ثباتكم ولا يلهيكم الجري وراء لقمة العيش عن الغفلة من تربية ابناءكم التربية الروحية السليمة فهؤلاء الابناء هم أمانة في أعناقكم وبتضييعكم هذه الامانة انما تسهمون بقدر كبير في ضياع هذا الوطن الذي انتزعه الاجداد بالغالي والنفيس لننعم على ارضه الطاهرة ونتدثر بسمائه الصافية ... فهلا وعيتم حجم الدور الملقى على عاتقكم ...... آمل واتمنى من اعماق قلبي أن لا نسمع أو نقرا مثل هذه الأحداث التي لا تشبه حفيدات مهيرة أو أحفاد الابطال الذين سطروا بدمائهم أروع الفصول في ملحمة كرري العزة والفخار . ودمت عزيزاً يا سودان.

[نزار حسن محمد]

الشباب السوداني أصبح خاوي الفكر وكل الاحداث التي اصبحت تحدث مؤخرا تدل على ذلك ابتداء بتلك المجموعة التي سجدت لمحمود وهذه التي خطفت المايكرفون اضافة لما يحدث في الجامعات على مسمع ومرأى من الجميع وفوق كل هذا ذلك تلك الاصوات التي تنادي ليل نهار بما يسمونه السودان الجديد ولا ادري الي أين يخططون للمضي بنا . انها والله بداية النهاية التي سوف تنتزعنا من هويتنا وحينها لن نكون الافارقة أو العرب من المسلمين او غير ذلك انما سنكون مسخ لا ينتمي ألي هؤلاء أو اؤلايك .
افيقو ايها السادة وعودو لميراث الاجداد لاننا كنا نفاخر بسودانيتنا وعفة ونقاء بناتنا لكن بعد الغزو الفكري الذي طالنا عبر ما يسمى بالتحضر والتقدم وأصبحنا نسير بعجلة تزايدية نحو الهاوية ....ويا لها من هاوية انها هاوية الانحطاط الاخلاقي والفكري التي ستأكل الاخضر واليابس وحينها لن يجدي الندم .
وهانحن ندق ناقوس الخطر ونصرخ باعلى الصوت أيها الآباء ... أيتها الأمهات ...افيقوا من ثباتكم ولا يلهيكم الجري وراء لقمة العيش عن الغفلة من تربية ابناءكم التربية الروحية السليمة فهؤلاء الابناء هم أمانة في أعناقكم وبتضييعكم هذه الامانة انما تسهمون بقدر كبير في ضياع هذا الوطن الذي انتزعه الاجداد بالغالي والنفيس لننعم على ارضه الطاهرة ونتدثر بسمائه الصافية ... فهلا وعيتم حجم الدور الملقى على عاتقكم ...... آمل واتمنى من اعماق قلبي أن لا نسمع أو نقرا مثل هذه الأحداث التي لا تشبه حفيدات مهيرة أو أحفاد الابطال الذين سطروا بدمائهم أروع الفصول في ملحمة كرري العزة والفخار . ودمت عزيزاً يا سودان.

ياسلام عليك ياسيف اوفيت وكفيت

[محمد الجزولى]

[quote=الجندي المجهول;473950]
وأوضح متعهد الحفلة أن الدخل لن يغطي تكاليف الحفلة لان احمد الصادق أحيا الحفل بـ(5) مليون، مضيفاً أن ضعف الحضور في حفل احمد الصادق في مناسبة كهذه يدل علي أن احمد بدأ ينتهي!!
منقووووووووووول من موقع النيلين دوت كوم


والله يا اخوانا لفت نظرى الجمله دى اكثر من فعل البنيه ديك ... بالمناسبه هو احمد بتين بدأ عشان ينتهى ... ورصيدو شنو فى مسيرة الفن السودانى
يعنى باختصار فى خلل واضح فى المنظومه الاجتماعيه ككل ... ادى الى ظهور تلك الممارسات الشاذه .. واكيد ان والد هذه الفتاه او امها ممن ( يموتون) فى احمد الصادق
اللهم نسألك الستر فى الدنيا والاخره

[محب]

الكلام دا قناهو من زمن لكن مافى زول عاين ليهو بعين الاعتبار
الله اكون فى العون
اللهم سبت قلوبنا على الاسلام واحي روحنا بة واجعنا متمسكين به مادام الدم ينبض فينا و انشئ اولادنا وبناتنا فى عبادتك واكفهم واكفنا عنا شر فتنة الزماااااااااان

اللهم امين


(( كلام تحتو كلام ))

[بورتبيل]

في مثل بيقول ليك ( البلد خربانة من كبارا)

كبارا هنا المقصود بيهم الاب والام والخال والعم والاخ الاكبر في الاسرة وفي البيت .. فاذا كان الاب فاكي بنته تحضر في الحفلات والمياعة والصياعة .. فاعتقد بانه فعلاً زمان الانتهاء للاخلاق والقيم السودانية فلا تعشم اخي الجندي في حال ينصلح ما لم ينصلح الحال داخل البيوت .. فالتربية ليس المقصود بها .. التعليم في مدارس متفوقة او توفير جو ملاءم للمذاكرة او ان يكون لكل بنت في البيت خصوصية مطلقة .. اعتقد بان الاسر هى المسئول المباشر من تدهور الحال الاجتماعية في الشارع السوداني.

[esmat]

السودان الجديد
اسي لو قبضوها ناس الانضباط تلقى الجماعة
اقولوا ليك الحرية وعايزين اصادروا الحب
نسأل الله ان يهديها ويبارك لها في حبها المكسر ضلفها دا
واحمد الصادق زااتو بتحبه مسبسب شعرو كدا

حبيبنا الجزولي
احمد الصادق مسمينو امبراطور السودان
رد ليهو وردي قبل فترة قال ليهو انا الامبراطور مافي غير
وكون ان وردي ارد لي احمد الصادق دي في حد ذاتها مشكلة

[ابوندى]

سلام للجميع

او كما قال وحسم القول اخونا محمد الجزولى

والله يا اخوانا لفت نظرى الجمله دى اكثر من فعل البنيه ديك ... بالمناسبه هو احمد بتين بدأ عشان ينتهى ... ورصيدو شنو فى مسيرة الفن السودانى
يعنى باختصار فى خلل واضح فى المنظومه الاجتماعيه ككل

فلندع ما يدعى احمد الصادق جانباً ونناقش الخلل فى المنظومة الاجتماعية

الناتج مما آل ايه الحال فى بلادى , واولها التعليم ,,, زمان طبعا اسمه التربية والتعليم

حايا ما عارف اسمها (شنو) ,,, ومدارس خاصة وما شابه ذلك

وطبقتين فقط ( ثراء فاحش وفقر مدقع)

وضياع وقلة اهتمام من طلاب اليوم , الغنى كما تعودنا تأثرة بالغرب وكل ممتنع ورفضه للموروث للموجود

والفقير فى همو وفى بكرة

انعكس كل ذلك على النسيج والحياة الاجتماعية

اى بمعنى اصح

الاخلااااااااااااااااااااااااااااااااق

سلام

[مدنيّة]

فتاة تخطف الميكرفون من احمد الصادق وتعلن حبها له علي الملأ

منو احمد الصادق دا ؟؟؟؟!!!

[بنت الرفاعي]

منو احمد الصادق دا ؟؟؟؟!!!

أحسن ليك ماتعرفيهو, علشان ماتنصدمي وكدة!

[سموحة]

حياتي ................ انت

الله يهني سعيد بي سعيدة

[الجندي المجهول]

سلام للجميع

او كما قال وحسم القول اخونا محمد الجزولى



فلندع ما يدعى احمد الصادق جانباً ونناقش الخلل فى المنظومة الاجتماعية

الناتج مما آل ايه الحال فى بلادى , واولها التعليم ,,, زمان طبعا اسمه التربية والتعليم

حايا ما عارف اسمها (شنو) ,,, ومدارس خاصة وما شابه ذلك

وطبقتين فقط ( ثراء فاحش وفقر مدقع)

وضياع وقلة اهتمام من طلاب اليوم , الغنى كما تعودنا تأثرة بالغرب وكل ممتنع ورفضه للموروث للموجود

والفقير فى همو وفى بكرة

انعكس كل ذلك على النسيج والحياة الاجتماعية

اى بمعنى اصح

الاخلااااااااااااااااااااااااااااااااق

سلام

ابو ندى (كفيت ووفيت) تقول لي البلد فيها بوليس برضو -نسأل الله السلامة

[بدر الدين احمد الطائف]

الفنان الشاب المحترم يسير بسيارته متبخترآ في شوارع الخرطوم وفي سيره يضايق سيارة ضابط في زي ملكي فما كان من الضابط الا ان يوقف هذا الشاب المتهور الذي كان ان ينهي حياته بتهوره فنزل من سيارته وسأل الفنان المحترم وقدوة الشباب عن اسمه فأحس بإهانة عظيمه كيف لهذا الرجل ان لا يعرفه فلم يجد اجابة غير :
اسال عنى بتك بتعرفنى؟ ‏
فماكان من الضابط الا واقتاده الى اقرب قسم شرطه وحلق له شعره المسدل على جبينه ‏Zero‏ ‏


واللي حضرله حفله قريب حيتأكد من صحة كلامي من الطاقيه اللي بقت مابتفارق راسه ..........



نصيحتي لهذا الذي يقال انه فنان الا يغتر لأن الغرور بداية السقوط من سلم المجد
منقول من موقع سودانى للابد

[omerahmed5]

علي بالطلاق ما عندها والي يهديها

[محمد السني دفع الله]

عايزين ملخص للموضوع
الموضوع البت ولا احمد الصادق ؟؟؟
عشان نشارك !!!!

[بدر الدين احمد الطائف]

عايزين ملخص للموضوع
الموضوع البت ولا احمد الصادق ؟؟؟
عشان نشارك !!!!

,حبيبنا واستاذنا ودالسنى
تحياتى
ناس قالو البت
وناس قالو احمد الصادق
وناس قالوشباب الزمن
انت بتقول شنو

[محمد حسين (المميز)]

منو احمد الصادق دا ؟؟؟؟!!!

يكونو قاصدين

بتاع اللبـــن بتاع البوكس

يا امنـا

[moh_alnour]

عايزين ملخص للموضوع ، الموضوع البت ولا احمد الصادق ؟؟؟ عشان نشارك !!!!

و الله يا أستاذ دخلتك سمحة بالحيل
الموضوع أختلط فيه الحابل بالنابل فلم نعد نميز البنت من الولد
لكن غايتو أحتياطي كدا الأجابة البطيخة
واصل كان داير تواصل
همسة : الأخ ( سيف الدين الأمين ) سلمت يُمناك على ما تفضلت به من كلمات لامست كبد الحقيقة

[محمد السني دفع الله]

اخوي الغالي الجندي المجهول
عزيز ولك احتراماتي
يا اخوي الخبر صياغتو لاتخلو من خبث وجمجرة
الخبر يبدوا في ظاهره بريئا وفي داخله قنابل موقوته ، كتب في اوله ان فتاة خطفت المايكرفون وصاحت كما صاحت سبنا في فيلم( جانوار ) سوندر اي لف يوووووووـ الترجمة على الشريط سوندر احححححببببك
وررددت الجبال صدى صوتها وكان من بتاع الساوند ان يرفع الايكووو عشان يردد صوتها وبعدين الخبر انتهي في المقطع الاول بهدوء وقابلها الفنان بابتسامة ..طبعا لانو الفنان لوعمل اي حركة محسوبة عليه وكان بكرة الجرايد والمجتمع شرشحوه وانتهى كفنان ..لكن واضع الخبر كتبوا كانو كل يوم في بت بتعلن عن حبها للفنانيين ..
عجبي عرفنا البت متمردةولا مجنونه ولا عاشقة !!!!!بي جد الصحفي مالو ؟؟؟الخبر قعد بعدو ساعات مافكر في كيفية صياغتو ليه؟؟؟بعدين الشباب اتغيرو فعلا واصبحوا بعضهم ضايع في الامساك بهوية لاعارفين نفسهم عرب ولا افارقة ولاخواجات !!!زلا سودانيين !!!مسألة الهوية والتربية الوطنيةوالتربية القيمية؟؟وين من منهاجنا الدراسية 54 سنة من استقلالنا وين مناهجنا التي تحدد الهوية الذاتية لنا ؟؟؟

[محمد السني دفع الله]

الموضوع البت القالت ـ احبك ـ صراح لي فنان في حفل غنائي
كده براحة علينا ، البت دي قالته كيف يعني واعية ولا شالته الهوشة ولا الفنان ده الاداء بتاعو ساحر لامن بكسر الناس كسير ...؟؟؟
الحكاية استلاب ولا تاثر بقيم هشة ولا الناس بقت هي الهشة البتفقد الحياء وتعلن عن ماهو خاص في حفل عام ؟؟
حب الطهور والتفرد والتمرد يقى شئ عام
نجي للقنبلة التانية المريخاب لبسوه وشاح يعني يا الهلالاب موتو بي غيظكم
بالله دي مش عوارة انتهى زمن الفنان بشجع شنو ومن اولاد وين
ولا عايزين ارجعونا للقبيلة ولون فريقك
بعدين انت عايز تشوف ردود اولاد الزمن ديل شوف مسرح على الهوا في قناة شروق شوف اللغة وتناولهم للمشاكل
حفلة يوم الحب وفي معظم النوادي
حمهور جديد لي زمن جديد ؟؟؟؟!!!
ونواصل