خربانة من نسوانها..

[الفخيييم]

ونسة النسوان بصوت عالي في المركبات العامة
والحافلات وغيرها تعد ظاهرة سالبة ودخيلة علي
مجتمعنا الخجول والمؤدب..وفيها كشف لعورة المجتمع
وفضح لخصوصيات الأسر علي الهواء الطلق وعينك يا تاجر..
وفيها أذي جسيم وشنيع لمسامع الركاب..ده شنو ده؟؟؟؟

[محمد حسين (المميز)]

ونسة النسوان بصوت عالي في المركبات العامة
والحافلات وغيرها تعد ظاهرة سالبة ودخيلة علي
مجتمعنا الخجول والمؤدب..وفيها كشف لعورة المجتمع
وفضح لخصوصيات الأسر علي الهواء الطلق وعينك يا تاجر..
وفيها أذي جسيم وشنيع لمسامع الركاب..ده شنو ده؟؟؟؟

فخيــــــــــــــم يا فخيـــــــــــــــــم

ده ياهو الجهل والتخلف

فعلا تلقاهم بيتونسو في حاجات غريبه

شمارات نسوان تخجل النسوان:o

تخــ1 :- يافخيــم انت الركبك الحافله شنـو

تخــ2 :- الكان راكب جنب الشباك منو اعرفه ووريهو لصاحبك الجندي تخصص العنكبوت وكده

تخــ3 :- جــده كلهــا في انتظـــارك

[أبوريتاج]

والله كلامك صح يا فخييم ،،ودي اسخف حاجة انا بكرهها وبشمأز منها ،، (الواحدة تتكلم وتتونس كأنها في بيتها )،، ويا ريت لو شوية النسوان يخلن بالن من الكلام ده ،، ويبطلوا الحكاية دي ..

[بنت النيل]

النسوان السودانيات اتعودو ما يسكتو ولا ثانيه حتى في المواصلات
لكن والحق يقال الرجال برضو بقو يردحو اليوم كله
ودا اكبر مظهر من مظاهر التخلف

[esmat]

والحالة لو جاء تلفون
امسك الخشب

[الفخيييم]

فخيــــــــــــــم يا فخيـــــــــــــــــم

ده ياهو الجهل والتخلف

فعلا تلقاهم بيتونسو في حاجات غريبه

شمارات نسوان تخجل النسوان:o

تخــ1 :- يافخيــم انت الركبك الحافله شنـو

تخــ2 :- الكان راكب جنب الشباك منو اعرفه ووريهو لصاحبك الجندي تخصص العنكبوت وكده

تخــ3 :- جــده كلهــا في انتظـــارك

المميز يا ابن النيل ازيك يا رائع..
اها نحن هنا لازم ننتقد مثل هكذا
تصرفات حتي نضمن مجتمع راقي
ومتعايش بصورة مثلي..

تخريمات:اولاً انا ما كنت راكب كنت سائق الحافلة..
*الكان جمب الشباك احد مواطني القدمبلية..
*الاسبوع القادم ان شاء الله عبر الخطوط السعودية وبالعدم المصرية..

[الفخيييم]

والله كلامك صح يا فخييم ،،ودي اسخف حاجة انا بكرهها وبشمأز منها ،، (الواحدة تتكلم وتتونس كأنها في بيتها )،، ويا ريت لو شوية النسوان يخلن بالن من الكلام ده ،، ويبطلوا الحكاية دي ..

ابوريتاج تحياتي واحترامي..
وعشان كده تم طرح هذا الموضوع..
التعامل بعفوية مبالغ فيها من قبل
النسوان له ما بعده عليه يجب تدارك الامر..
حتي لا تتفاقم المعضلة..
ولك ودي وخالص شكري لمرورك الذي اسعدني..

[المكاشفى]

جيت لى خالك فى جرح ياخ
نضمى التقول رابطين ليهم موتور فى الخشم
والعجب اهلك المحس ولا الدناقله لو بالرطانه
عينك ماتشوفش الا النور دق دق دق
ماتفهم حاجه تسمع جلبه بس
انا ماساكن الحاج يوسف المايقوما بعرف الكلام ده
وكان جيت لى ناس دفعتلك
قاتلك كم؟؟؟
مع الكمسارى تسأل عشان تضمن انها اندفع ليها ولا لا
والغريبه تلقاهم عشره وكل واحده تدفع براها
وكان اجروا ليهم امجاد اى زول يدفع براهو
ياخ يالفخيم هو نحن العندنا شنو سمح؟؟؟؟
بنت البنطلون كيف نضامه ولاحوامه

[سموحة]

ههههههههههههههه .......... ده الظاهر ه ده بس .............

ولا الرجال كمان ................ فاتو النسوان ؟؟؟؟؟؟؟؟؟؟؟ بقادي

خخخخخخخخخخخلي الكلام وبس ......... الكلام الظواهر الثاني السيئ

الا ابشع من كده

[telecom]

والله الحريم ديل الله يدينا خيرهم فضايحهم واسرار بيوتهم كلها فى المواصلات وهاك يا قص ورص
ولو قلتا للواحدة اسكتى تاكلك عديل بث ربنا يعين ويهدينا ويهديهم

[ودسمير]

هذه الظاهرة ليست دخيلة فهى موجودة من زمااااااان بدا من الونسة مع بتاع اللبن فى الشارع . الزمن ده المشكلة انو المراة ختت راسها براس الرجل فى كل شى والمشكلة التانية انو السودانيين حتى الان مفتكرين انو التربية هى اكل وشراب !

[الفخيييم]

النسوان السودانيات اتعودو ما يسكتو ولا ثانيه حتى في المواصلات
لكن والحق يقال الرجال برضو بقو يردحو اليوم كله
ودا اكبر مظهر من مظاهر التخلف

بنت النيل ونهر عطبرة منورة..
هذه الظاهرة اكثر شيوعاً عند
النساء لذا قلنا ونسة نسوان
بمنتهي العفوية المحيرة
ولابد من وضع حل ناجع
لهذا الردحي علي قولتك
في الجنسين ولك ودي..

[الفخيييم]

والحالة لو جاء تلفون
امسك الخشب

عصمت حبيبنا..
لو دق التلفون ح تبقي
شكلة في طين ربك يستر..
امسك سادومبا والخشب كمان..

[الفخيييم]

جيت لى خالك فى جرح ياخ
نضمى التقول رابطين ليهم موتور فى الخشم
والعجب اهلك المحس ولا الدناقله لو بالرطانه
عينك ماتشوفش الا النور دق دق دق
ماتفهم حاجه تسمع جلبه بس
انا ماساكن الحاج يوسف المايقوما بعرف الكلام ده
وكان جيت لى ناس دفعتلك
قاتلك كم؟؟؟
مع الكمسارى تسأل عشان تضمن انها اندفع ليها ولا لا
والغريبه تلقاهم عشره وكل واحده تدفع براها
وكان اجروا ليهم امجاد اى زول يدفع براهو
ياخ يالفخيم هو نحن العندنا شنو سمح؟؟؟؟
بنت البنطلون كيف نضامه ولاحوامه

كشة الدولي حبيبنا وينك يا مان..
ياهو ده الحاصل نقة فاقده القهوة
ياخ تكون في المواصلات تسمع ليك
كمية من الشمارات عرسوها وطلقوها
ونسة فارغة ومزعجة بصورة تستك لسماعها
الآذان والله ما عندنا سمحاً بيقولوا عليه
الا طيبتنا دي..
بنت البنطلون حوااااااااااامة رغم ضيق بنطالها!!!!!!
مسعوووووول من الخير وين الجماعه القالوا زولة مؤدبة؟؟
سمعت تحت تحت لو ظهروا ح يبقوا مشرفين زمن اشتر!!!
جلبة دي عجبتني ياخ..
ما تطول الغيبة يا حبيب..

[بنت الرفاعي]

المشكلة إنو بعض النسوان ما بينتبهوا للمكان اللي هم فيه, هل هي بسبب عفويتهم؟؟؟
أم عدم إعطائهم من حولهم أهمية وإحترام؟؟؟

حكت لينا عمتي إنها مرّة بعد ما ركبت الحافلة, ولقت في الصف الأخير نسوان, إن شاء الله, ما خلو زول في الحلة ما إتكلموا عنو, والمشكلة إنهم بيتكلموا بأسامي الناس!!!


ومرّة أنا كنت ماشة الخرطوم وسيد الحافلة الله يديهو العافية جاري خط, أها بعد كم حِلّة كدة ركبوا في نفس الحافلة راجلين, و كانوا بيتكلموا عن ناس حلتهم, وبعدها بقوا بيتكلموا عن واحد وعن مشاريعو اللي ناوي يعملها وعن اللي عملو, اللي فاجأني إنهم بيتكلموا عن واحد قريبنا!!! ولاحظوا إنهم بعيدين عن حلّتنا!!!! وأول مرة أشوفهم لكن شكلها معرفة سوق!!!
ما بصادف نسوان كتار نضامات صراحة, لكن أكثر شيء بصادفهم الرجال.

القصة دي سواء نسوان أو رجال, فهي غلط في غلط, لأنها قبل كل شيء بيكون في أغلبها نميمة, ودي أكبر مشكلة.

ممكن الناس تحاول تقلل منها , بالنصح لهؤلاء, و إستخدام كل الطرق التي تجعل الناس ينتبهوا للقصة دي, مثلاً التلفزيون, البوسترات, لأنهم من الحلول لأغلب المشاكل والظواهر الشاذة والغريبة والخاطئة في المجتمع.

[امال مالك]

اخى الفخيييم
تحيه طيبه
ممكن نقول المراء بطبيعته ثرثاره
يعنى قصة الونسه فى المواصلات شبه اختفت
لانو كل واحد سارح فى هموم مرات الواحد يفوت المحطه
يعنى بتلقى النسوان الكبار فى السن هم دائما بتونسو فى المواصلات
والونسه فى المواصلات ما صفه لصيقه بالمراه الصفه تشمل الاثنين معاالرجل والمراه
فى النهايه هى صفه غير حميده
بس عايزه اقول اليك عاده اسواء مما ذكر
الواحد يطلع من الصباح من البيت وبيقول ياهادى يشوف مناظر لا تسر النظر
يكره اليوم الطلعوا من البيت
وهى تلقى واحد شايل الفرشه والمعجون وبتسوك فى الشارع
دا بتقول عليه شنو
وياربى بكون مالو؟
لك تحياتى وتقديرى