هل تصدق

[الجندي المجهول]

طبعا الكل متابع قضية الدقير (أحد اعضاء مجلس نادي المريخ) والذي يتواجد الان خارج الدولة نسبةً لحصوله على قرض تجازو ال130 مليون دولار من بنك امدرمان الوطني (يعني شالها وشتت) والمبلغ دا لما ضربتوا في (واحد دولار = 2700 جنيه) جاني المبلغ دا
351000000000 وعلى ما اعتقد يعني ثلاثمائة وواحد وخمسون مليار (بالله انا في القروش عندي مدى معين) لو غلطان زول يصححني ...

وليس هنا السؤال كيف ضمن البنك هذا الشخص وكيف كانت الضمانات

السؤال هنا من هو رئيس مجلس إدارة هذا البنك ؟؟؟


انا لما عرفت من هو رئيس مجلي الإدارة (الضحك شرطني)

وانا عرشت البوست على كدا ،،،،،،،،،،

تخريمة : لا توجد تخريمة !!!!!!

[الفخيييم]

الجندي المقاتل والمناضل كل الاشواق،،،،
البنك المركزي قاعد بكرة بيسد الفجوة
من اموال الشعب حتي لا يحرج رئيس
مجلس الادارة وله سابقة في ذلك اذ انه
اي البنك المركزي (بنك السودان) يغطي
ارقام قياسية لبنك ام درمان الوطني هذا
ما اقر به احد اللصوص ابان تواجده بالسلطة
الا وهو المدعو مبارك الفاضل السؤال لماذا
لم يقر الفتي المدلل راعي حركة الاصلاح
والتجديد(ستيم تفاح) بهذا الاعتراف ابان
تواجده بالسلطة؟؟؟!!!
كلو بيسرق الشعب المغلوب علي امره
ولا مجال للتخريمات اليوم في ظل وجود
هذا الفساد الذي اذاقنا المر..

[ABUZAID]

بنك امدرمان الوطني . . .

بنك الجيش . . . ! ! !

بنك الدولة . . .

لا يفلس ابدا

وحتى ولو فرضنا بان البنك على وشك الافلاس
كما قال لي احد المستشارين . . .

فعائدات البترول موجودة
وبتسد الناقصة

حاجة تحير . . .
جيش له بنك ! ! !


تحياااااااااااتي

[mutasim]

الاخ الفخييم تحياتى

بالله عليك الاجهزه الاعلاميه بتسمح ليه اتكلم او اى واحد غيره ماهسه مجبورين يخلوا الناس تتكلم بعدين مبارك الفاضل اختلف معاهم وتخلصوا منه

[الفخيييم]

الاستاذ معتصم تحياتي،،،
اذا اراد ان يتكلم بما حدث
ابان وجوده بالسلطة لما
منعه احد ولكن هو حب
السلطة والكرسي لذا لاذ
بالصمت لانه داخل السلطة ولا تهمه
حقوق المواطن كما العهد به ومن سبقوه
كان الاجدي به ان يثبت موقفاً يحسب له
الا ان شيئاً من هذا لم يحدث وكل آل المهدي
يحبون الكرسي ومصابون بمرضه!!!
عليه ان ينتقد نفسه اولاً ولا يتعامل باقصاء
الغير كلنا يعي حب الكرسي لدي اغلب الساسة
وربنا يصلح الحال ويعين الشعب المكلوم..

[mutasim]

الاخ الفخيم تحياتى
صحيح حب السلطه موجود عندهم وعند كل السياسيين كده شوف المكنكش فيها ده ليه عشرين سنه وعايز يزيده اربعه سنه رقيص
الله يكون فى عونا

[محمد النصيح]

التحية للاخ الجندي المجهول
الاخ العزيز معتصم لك التحية والله لا القاعد ليهو عشرين سنة نافع ولا كل المترشحين في الانتخابات كلهم يسعون وراء السلطة ونهب اموال الشعب

[هبوية]

كرومبو

لك التحية

دي وأحدة من الصورة المقلوبة شدييييييييييييييييييييييييييييييييييييييييد؟؟؟؟؟؟؟ ؟؟؟؟؟؟؟؟؟؟؟؟؟!!!!!!!!!1111وما حتعدل

[عثمان جلالة]

ههههههههههههه حبيبنا أبو حمذه .. أسي آخر شي قلت لي المبلغ كم يعني ؟؟؟ مليار بالقديم ولا الجديد ؟؟؟

آآآآآآآآآه .... دنيا فرندقش .. دردقي بـ شيش

[ودسمير]

صباحك قشطه - الدقير شخصيه معروفه عشان كده ريحتو فاحت ! الما معروفين وضربو البنوك كتااااار !!!! فى احد السجون تقابل عدد من مافيا الشيكات الطائره وكان بينهم واحد مسكين شويه فسألوه انت مالك يازول قال ليهم انا مسجون فى شيك بى 5مليون بالقديم ! قال اصبر شويه وفى دقيقه لملو القروش وادويها ليهو وقال ليهو اتخارج وسدد شيكك عليك الله دى قروش تجيبك السجن !!!!!

[مهيد ود السفاح]

منذ ان نشأ بنك ام درمان الوطني (( سيد شباب المصارف )) كما يحلو لهم تسميته وهو (مكوش ) على الاخضر واليابس , فسعت سلطات بلادي لازاحة كل ما يعترض طريق سيد الشباب , فلم يستطيع اعتى فطاحلة البنوك الصمود امامه سوى لبضع سنوات (( وعينك ما تشوف )) الا الانهيار , فهاكم بنك الخرطوم وفيصل والاسلامي والتنمية والزراعي (( وهلمجرا )) او كما يحلو لعاشقي الكراسي , فمهدت السطلة بأن تضع الجزء الاكبر من خيرات البلاد في يد سيد الشباب , فهو افضل مؤسسة تدير الصفقات التجارية والمرابحات والاسيراد والتصدير وتاني وهلمجرا .
ام صاحبنا (( المشتت بالشرتيت )) فلا اعتقد انه سوف يدان ويسأل يوماً ما على فعلته (( هو يلهف ونحن نعد ليهو القروش )) والله كويس , فلما التعب , خصوصاً وان المبلغ الذي تمت مداراته (( انا ما قلت سرقه )) مافي زول قادر يعرفو كم , خصوصاً بالقديم ( عايز ليهو اله حاسبة سينتفك )
قال احمد مطر :
بالتمادي . . .
يصبح اللص بأوربا مديراً للنوادي،

وبأمريكا، زعيماً للعصابات وأوكار الفساد،

وبأوطاني اللتي من شرعها قطع الأيادي،

.يصبح اللص . . . زعيماًُ للبلاد




بصراحة ( المغصه تشق )

تحياتي جندينا وكل المتداخلين