من يوصل هذا الملف لسعادة الرئيس البشير - السودان 2030م

[الجندي المجهول]

كلنا في هذه الايام نستمتع بمجريات الاحداث المصاحبة لكاس العالم بجنوب افريقيا التي انجزت تصميم وانشاء هذه الاستادات في زمن وجيز وبدعم ( سخي من الاتحاد الدولي) ومن بقيت العالم ...

السودان يستضيف كاس العالم 2030 م
لماذ لا يقوم السودان الان بعمل حملة لكاس العالم بتاريخ 2030م وخاصة ان :
2014م في البرازيل
2018م ............
2022م في قطر
2026 ..............
2030م السودان
انا بتكلم على 20 سنة قادمة باذن الله يعني لو كل يوم بنرفع طوبة بنلحق نعمل حاجة وخاصة انه لن نخسر شيئا وخاصة اننا سنجد دعم من الفيفيا ومن العالم ( مثل جنوب افريقيا ) بس لو ختينا ناس ( القفك القفك ديل)

اها يا اهلنا رايكم شنو نبدا الحملة من هنا من موقع مدني ونتبنى الفكرة دي ؟

تخريمة : ما عاوزين احباطات ويجي زول يقول البلد عدمانة القرش ( لان الدعم حا يجي من برة ) ولا دخل لميزانية السودان فيه ،، وحا تبقى طفرة في الاستادات والفنادق

لحن الختام : سيكون لنا الشرف في موقع مدنى اننا اول من تبنينا الدعاية لهذا الملف ( الله لا قدر ) لو فشل ملف 2030م نشوف 2034م او 2038م وما في شي بعيد على ربنا ( بس لو حكومتا سخت )

ضربة حرة مباشرة : بالله اي زول عاوز يحبطنا ما يجي ( براها ما ناقصة )ومرحب باي افكار جديدة واي تشجيع ..


ملحوظة : هذا موضوع عام والنقاش مفتوح ،،،،،،،،،،، للجميع

[zahid]

نوافق على هذه الطرح الجميل ونؤيده بشدة ولكن نقترح عليك حتى يكون العمل جاد وصادق أن تبدل التاريخ من 2030 الى 3030 وان شاء الله الامور بتظبط ونستضيف كأس العالم وكلو تمام .

[ابو عبد الرحمن]

انا ما حا احبطك بس بسال انت قلت( كأس شنو )


كأسك ده يا جندي ( إسكتو ولا مكسور ) ،،،،،

[محمد حسين (المميز)]

تخريمة : ما عاوزين احباطات ويجي زول يقول البلد عدمانة القرش ( لان الدعم حا يجي من برة ) ولا دخل لميزانية السودان فيه ،، وحا تبقى طفرة في الاستادات والفنادق

اي قروش تجي ماحتتلقي

قول ليـــــــــــــــه؟؟؟؟؟

البابا مفتوح من اجل الاحباط

اقصد من اجل النقــــاش

البعجبني فيك انك متفـــائل

هدف ملغي لزيادة الاحبـاط :- باين انه الزغني بقى من المسكرات مذهبات العقـل

[الجندي المجهول]

نوافق على هذه الطرح الجميل ونؤيده بشدة ولكن نقترح عليك حتى يكون العمل جاد وصادق أن تبدل التاريخ من 2030 الى 3030 وان شاء الله الامور بتظبط ونستضيف كأس العالم وكلو تمام .

زاهد حبيبنا

عشمي فيك كبير وادعم معاي الحملة دي ممكن ( وبطل حركات 3030م دي) ايديك معاااي عليك الله ،،


تخريمة: نتفاءل شوية امكن تزبط ،،،

[النويري]

انا ما حا احبطك بس بسال انت قلت( كأس شنو )


كأسك ده يا جندي ( إسكتو ولا مكسور ) ،،،،،

حلوة إسكتو

الجندي مصر لمن دخلت ملفها قبل سنتين من عشرة ملفات كانت مصر العاشرة جات الطيش برغم تاريخ مصر وعراقتها وفراعنتها وفنادقها ومعاهم أبو الهول وعمر الشريف جابوهو من أمريكا أنت عايز بي شنب علي مهدي تستضيف كأس العالم الجندي أظنك صحيت جعان خدلك كت كات وبعدين بنتفاهم

هجمة مرتدة: عندما تنظر إلي صور الجوعى في دارفور وفي جنوب السودان تتذكر أنك لا بد أن تستضيف هؤلاء لملء البطون وعدها لنا رأي أخر

[الجندي المجهول]

انا ما حا احبطك بس بسال انت قلت( كأس شنو )


كأسك ده يا جندي ( إسكتو ولا مكسور ) ،،،،،

افتكرتك اول زول حا تقيف معااااااااااااي

قلت اسكتو ولا مكسور ( الضلال القديم ) اسم اخر رواية للكاتبة من جنوب السودان الحبيب ( تريزة)

تخريمة : يعني كاس العالم لحق كرتونتك يا ( ابو سمكة)

[الجندي المجهول]

اي قروش تجي ماحتتلقي

قول ليـــــــــــــــه؟؟؟؟؟

البابا مفتوح من اجل الاحباط

اقصد من اجل النقــــاش

البعجبني فيك انك متفـــائل

هدف ملغي لزيادة الاحبـاط :- باين انه الزغني بقى من المسكرات مذهبات العقـل

انت ما معاااي في الحملة دي

مش اتفقنا ( نجيب نجوى كرم في الافتتاح ياخ) يعني زيتنا في بيتنا


تخريمة : قلب معتز رسلوهو لي اليوم وما عارف انزلو في البوست

[الجندي المجهول]

حلوة إسكتو

الجندي مصر لمن دخلت ملفها قبل سنتين من عشرة ملفات كانت مصر العاشرة جات الطيش برغم تاريخ مصر وعراقتها وفراعنتها وفنادقها ومعاهم أبو الهول وعمر الشريف جابوهو من أمريكا أنت عايز بي شنب علي مهدي تستضيف كأس العالم الجندي أظنك صحيت جعان خدلك كت كات وبعدين بنتفاهم

هجمة مرتدة: عندما تنظر إلي صور الجوعى في دارفور وفي جنوب السودان تتذكر أنك لا بد أن تستضيف هؤلاء لملء البطون وعدها لنا رأي أخر

النويري حبيبنا شايف الاسمتو عجبك ( شكلك لاعب قديم )

والله قلنا نرفع الملف لانه ما عندوا علاقة بالميزانية بل بالعكس ( بتجيك دولارات كتيرة) من الدول المناحة + الفيفيا مثلما حدث لجنوب افريقيا

وكلنا ما اطفال دارفور والشرق والجنوب وزي ما قلت ليك حتى نرتقي وتتصلح البلد شوية ونزيد عدد الفنادق ونعمر الاستادات

تخريمة : بي كلامك دا 2030 م بلقى بعد الجنوب ما انفصل ( دارفور + الشرق + مدني ) كمان انفصلوا

[النويري]

النويري حبيبنا شايف الاسمتو عجبك ( شكلك لاعب قديم )

والله قلنا نرفع الملف لانه ما عندوا علاقة بالميزانية بل بالعكس ( بتجيك دولارات كتيرة) من الدول المناحة + الفيفيا مثلما حدث لجنوب افريقيا

وكلنا ما اطفال دارفور والشرق والجنوب وزي ما قلت ليك حتى نرتقي وتتصلح البلد شوية ونزيد عدد الفنادق ونعمر الاستادات

تخريمة : بي كلامك دا 2030 م بلقى بعد الجنوب ما انفصل ( دارفور + الشرق + مدني ) كمان انفصلوا

الجندي ياخي نحن كان متنا ما شقينا المقابر أنا والله لا لاعب قديم ولا حاجة لكن الكلمة عجبتني بس لكن لقيتك خطيـــــــــــــــــــــــــــــــــــر

[سواااح]

سير سير يا .....
يا زول معاك قلباً وقالباً
بس النسالك ...
البوصل ملفك ده للبشير منو ؟؟

[الفخيييم]

وانا بدعم ملف بوركينا فاسو
حتي يري العالم دموع الجوعي
وبالعدم كده النيجر خلونا من مصر
وقطر والدول المنبرشة دي!!!
اما السودان فلا شيئ سوي اللون الازرق ...
وانا ماشي نيالا اوووو اوووو عاجبني جمالا..


تخريمة: بكرة تجو متلبين تشبكونا حكومة
فارغة وشعبها بيعاني وعايزة تستضيف اكبر
بطولة عالمية وبتاع!!!

[مايسة]

الجندي سلامات

ما بحبطك لكن بديك خيااار وفكرة تااانية

مالو لو عملو كاس عالم للدول النامية والدول العمرها ما اتاهلت ووصلت ربع المساافة بس -

براهو كدا ومفصووول


يعني بتخيل على الاقل قبل ما نموووت نشوف بس اسم السودان دا - دخل كاس العالم ولو بالدفرا

لو عندك غايتو واااسطة (جني ولا حاجة) خليهو بس يتوسط ليما للفيفا دي تنظر للموضوع دا - وموضوع البشير دا انساهو - لانو لمن يتحقق نكون بقينا بترووول -

[عوض صقير]

والله يا جندينا زى ما قال المميز ( الزغنى ) أظن شطتو كاربة ومعتقة خالص ...

[الجندي المجهول]

الجندي ياخي نحن كان متنا ما شقينا المقابر أنا والله لا لاعب قديم ولا حاجة لكن الكلمة عجبتني بس لكن لقيتك خطيـــــــــــــــــــــــــــــــــــر

انت الاخطر وبجييييييييك يا فردة

[الجندي المجهول]

سير سير يا .....
يا زول معاك قلباً وقالباً
بس النسالك ...
البوصل ملفك ده للبشير منو ؟؟

يدكم معنا ونصل ان شاء الله ،،،
والبتوصلوا موجودة بحول الله ،،،

[الجندي المجهول]

وانا بدعم ملف بوركينا فاسو
حتي يري العالم دموع الجوعي
وبالعدم كده النيجر خلونا من مصر
وقطر والدول المنبرشة دي!!!
اما السودان فلا شيئ سوي اللون الازرق ...
وانا ماشي نيالا اوووو اوووو عاجبني جمالا..


تخريمة: بكرة تجو متلبين تشبكونا حكومة
فارغة وشعبها بيعاني وعايزة تستضيف اكبر
بطولة عالمية وبتاع!!!

شنو يا معلم
انا امس راهنت عليك وقلت اول زول بيدعم الملف دا ياخ

تخريمة : الموضوع دا مربوط بي زواجك ( للعلم يعني)

[الجندي المجهول]

الجندي سلامات

ما بحبطك لكن بديك خيااار وفكرة تااانية

مالو لو عملو كاس عالم للدول النامية والدول العمرها ما اتاهلت ووصلت ربع المساافة بس -

براهو كدا ومفصووول


يعني بتخيل على الاقل قبل ما نموووت نشوف بس اسم السودان دا - دخل كاس العالم ولو بالدفرا

لو عندك غايتو واااسطة (جني ولا حاجة) خليهو بس يتوسط ليما للفيفا دي تنظر للموضوع دا - وموضوع البشير دا انساهو - لانو لمن يتحقق نكون بقينا بترووول -

طيب ما نعمل الكبير الحقيقي دا وبنلقى دعم زي جنوب افريقيا ( انت فاكرة حكومة جنوب افريقيا هي التي بنت الاستادات) القروش كلها من الفيفيا والدول الداعمة ... انت فاكرة لو لو القروش كلها بتجي من الحكومة ( انا كان تعبت نفسي وفتحت البوست دا) ديل الدكارة البعالجوا الناس ما عاوزين يدهوم حقهم

تخريمة : ايدكم معانا

لحن الختام : بلييييييييز ما تحبطوني وشدوا من ازري

[الجندي المجهول]

والله يا جندينا زى ما قال المميز ( الزغنى ) أظن شطتو كاربة ومعتقة خالص ...

حبيبنا واستاذنا عوض صقير بصراحة فدناك في الزغني امس

تخريمة : معتز الريح ضرب فيهو جنس ضرب لما بقى اتكلم حبشي

لحن الختام : شكرا للمضياف وحاتم الطائي بحدة : محمد عبد الله ابو زيد

[محمد الجزولى]

والله يا الجندى ممكن يحصل
وليه لا
مافى حاجه مسنحيله
اى حاجه بالتخطيط المدروس والعزم والاصرار بى تتحقق
20 سنه ممكن تبنى استادات ومطارات ومدينه رياضيه
بس لو كان فى تخطيط
يعنى الناس النظمو البطوله دى احسن مننا فى شنو ؟؟؟
كل العملوهو انهم خططو ونفذوا واخلصوا النيه
تحياتى لك حبيبنا الجندى

[نزار حسن محمد]

لامستحيل تحت الشمس

[الجندي المجهول]

والله يا الجندى ممكن يحصل
وليه لا
مافى حاجه مسنحيله
اى حاجه بالتخطيط المدروس والعزم والاصرار بى تتحقق
20 سنه ممكن تبنى استادات ومطارات ومدينه رياضيه
بس لو كان فى تخطيط
يعنى الناس النظمو البطوله دى احسن مننا فى شنو ؟؟؟
كل العملوهو انهم خططو ونفذوا واخلصوا النيه
تحياتى لك حبيبنا الجندى

صباح الخير ،،
يا سلام على كلماتك الرصينة الجميلة يا محمد الجزولي ...
نعم هكذا نريد يجب ان نعمل ونتقدم للامام وفعلاً 20 سنة دي تعتبر ربع قرن وما ادراك ما ربع قرن وممكن نعمل فيها الكثير الكثير
تخريمة : انت ملاك وجميل

[الجندي المجهول]

لامستحيل تحت الشمس

اخونا الكبير اب سفروووووووووووووووق
اسال الله يوم من الايام القاك وزير للشباب والرياضة بالسودان

وببصم معاك لا مستحيل تحت الشمس

تخريمة : واستاذ رضا نمسكوا رئاسة الهلال اها رايك شنو عشان قطعت الارض حقتوا الفي المنيرة يعملها ( فرع نادي الهلال)

لحن الختام : بشوف في شخصك احلامي

[المسافر]

كلنا في هذه الايام نستمتع بمجريات الاحداث المصاحبة لكاس العالم بجنوب افريقيا التي انجزت تصميم وانشاء هذه الاستادات في زمن وجيز وبدعم ( سخي من الاتحاد الدولي) ومن بقيت العالم ...

السودان يستضيف كاس العالم 2030 م
لماذ لا يقوم السودان الان بعمل حملة لكاس العالم بتاريخ 2030م وخاصة ان :
2014م في البرازيل
2018م ............
2022م في قطر
2026 ..............
2030م السودان
انا بتكلم على 20 سنة قادمة باذن الله يعني لو كل يوم بنرفع طوبة بنلحق نعمل حاجة وخاصة انه لن نخسر شيئا وخاصة اننا سنجد دعم من الفيفيا ومن العالم ( مثل جنوب افريقيا ) بس لو ختينا ناس ( القفك القفك ديل)
ها يا اهلنا رايكم شنو نبدا الحملة من هنا من موقع مدني ونتبنى الفكرة دي ؟
تخريمة : ما عاوزين احباطات ويجي زول يقول البلد عدمانة القرش ( لان الدعم حا يجي من برة ) ولا دخل لميزانية السودان فيه ،، وحا تبقى طفرة في الاستادات والفنادق
لحن الختام : سيكون لنا الشرف في موقع مدنى اننا اول من تبنينا الدعاية لهذا الملف ( الله لا قدر ) لو فشل ملف 2030م نشوف 2034م او 2038م وما في شي بعيد على ربنا ( بس لو حكومتا سخت )
ضربة حرة مباشرة : بالله اي زول عاوز يحبطنا ما يجي ( براها ما ناقصة )ومرحب باي افكار جديدة واي تشجيع ..
ملحوظة : هذا موضوع عام والنقاش مفتوح ،،،،،،،،،،، للجميع

الجندي المجهول إنت عايز البشير يكون قاعد لغاية 2030
ليه ياخي عايز تعذب كل الشعب عشان ننظم كأس العالم
والله لو البشير والكيران ديل طاروا منا ومعاهم كمال شداد
براهو كأس العالم بجينا لغاية هنا .

[الجندي المجهول]

الجندي المجهول إنت عايز البشير يكون قاعد لغاية 2030
ليه ياخي عايز تعذب كل الشعب عشان ننظم كأس العالم
والله لو البشير والكيران ديل طاروا منا ومعاهم كمال شداد
براهو كأس العالم بجينا لغاية هنا .

حبيبنا المسافر ،،،
صباح الورد ،،،،،

يا ( عريس) انا قلت البشير يقدم الملف الان عن طريق ( رئيس الاتحاد ) وطبعا لاعمار بيد الله ( وال20 سنة) دي ما معروف من يموت ومن يعيش المهم ان يتم تقديم الملف وحتى لو ( الله لا قدر ) لو مات من قدم الملف سيواصل المسيرة الشخص الذي يأتي بعده

تخريمة : فقط اتمنى ان يصل هذا الملف لرأس الدولة وهو بدوره سيجتمع بوزير الشباب والرياضة وبرئيس الاتحاد العام لكرة القدم لان هذا شانهم ( دعواتك معانا )

لحن الختام : اذا تم التقديم من الان سنجد الدعم الكافي من الفيفيا ولن ( يحتاج الملف) لميزانية السودان ، يعني القصة ما عندها علاقة بالميزانية بس الله يبعدنا من ناس ( القفك القفك وابلعك ابلعك )