رحم الأرض

[مـجــيد]

إهداء إلي مدني الحبيبة

برغم المسافات البعيدة و المشاوير الوهم عظيمة أنت يا مدنـــــــــــــــــــــي
كلمات أغنية رحم الأرض مدني
غناها الرائع عمر جعفر

رحم الأرض مــــــدنـــــــــي

رحم الأرض ألبكر إنفرا
بعد ما ضاق الضيم سنوات
يا جنياتنا أبشرو أعرضو
يا بنوت سون غنوات
قولو النم في البلد الناضرة ام خيراً عامرة المالية الشارع بالخيرات
رحم الارض البكر إنفرا
غنايا بقولو عليك يا مدني
عليك يا دوح
يا فرح الروح
قمح البلدات
مدني حضارة
حضارة حصيفة
و غادة رهيفة تحس بي ألمنا و بالآهات
مدني العيش اللقمة الهانية
الأم الحانية الصوت المادح في الخلوات
مدني العشق الظاهر صادق و طاهر
بيهو نفاخر في الساحات
مدني غناوي
مدني حكاوي
مدني حجاوي الحبوبات
مدني اللوز الفتح دابو
الفول القام في الحواشات
مدني النيل الداير خيرا
و قالت وين للخواجات
مدني سياسة
مدني ثقافة
ناس في الماضي وفي الجايات
رحم الارض البكر إنفرا
الجابك انت
و جاب الخير بيفضل سنوات
فرحان باولادتك بي بنوتك
بإبداعك
بالجنيات

[بنت النيل]

شكرا ليك على الكلمات الحلوه
وفغلا مدني تستاهل
جزاك الله خير

[saleh farah]

مشكور اخى مجيد
ولكن اليس للشاعر حق
من هو ياترى
صائغ هذه الدرر

[طارق التوم]

[B][COLOR="blue"]رحم الارض من الاغنيات الجميلة فى تاريخ ودمدنى .

[مرتضى التوم]

رحم الارض كلمات الرائع عاصم محجوب العازف الماهر والموسيقى الجميل .. الأغنية كانت لفرقة فارماس ثم فرقة ود حبوبة والاداء كان للفنانين عمر جعفر قرشى محمد منصور عز العرب ابراهيم سفيان على عبد النبى ثم من بعد ذلك انضم عثمان على ومنير حسن وعزراً ان تاهت بعض الاسماء من الزاكرة فلهم العتبى حتى يرضو.