أولاد دفعة

[elfatih61]

تحياتي للجميــع ... بصراحة بـدور على أولاد دفعتى
سواء من المدرسة الشرقية الابتدائية أو الأهلية ( أ ) الثانوية العامة أو المؤتمر الثانوية العليا
أو زمـلاء الدراسة بمصـر ... أو من أصدقاء وأصحاب غير الدراسـة ...
فلنتواصــل يا جماعة
هل من مجيـب ..


> الفاتح الضو علي <
مدنى/ الدرجة

[ahmed algam]

اهلا بك اخي الفاتح

واتمني تجد اولاد دفعتك

بس حدد ليهم السنة



وكل اعضاء المنتدي هنا اصدقاءك وانا اولهم

[ابوندى]

بس حدد ليهم السنة

,,,,,,,,,,,,,,,,,,,,,,,,,,,,,,,,,,,,,,

[elfatih61]

تصدق ما مذكر السنين :
يعنى في المدرسة الشرقية كان معانا بالفصل - أبوالقاسم محمد أبوالقاسم / عبدالرحمن أحمد بله/ مجاهد مختار الشيخ/ عارف عباس المصري/ التجاني ... والغالي ..../ اسامه احمد عباس/ حافظ شعبان/ طارق الجيلاني/ صابوني/ الشيخ المحامي/ علاءالدين قرضـه/ (أشهر الاساتذة/ أستاذ شريف - استاذ فوزي برير - ..... وخانتنى الذاكرة !!!

المدرسة الاهلية: عمر عبدالله الشيخ/ عادل علي ارباب/ جعفر/ سايمون/ تسلق خالد عشرية/ فائز/ عبدالمنعم الكورنكي/ وكثيرين من أولاد مرنجان .... وأشهر اساتذتنا استاذ كباشي/ استاذ ابو غرة/ استاذ عباس (طابور الصباح) وبتاع الشاي كباكة وعم قسم بتاع البوستة ( حركة يا عم قسم )

مدرسة المؤتمر الثانوية -- محمد علي مبروك/ حافظ سعدابي/ حاتم فضل السيد/ حسن/ بابكر حسن (المرحوم)/ محمد الشامي/ والصديق (خالد ود الدويم) زميل الاذاعة المدرسية/ عبدالله أبو السبس / عصام كورنا/ مرتضى صلاح/ ياسر حسن الفيومي/ خالد الداغور/ وكان مديرنا في تلك الفترة المرحوم طيب الذكر / طه احمد كرار/ واستاذ محمد الفاتح (انجليزي) واستاذ بابكر (فنون) وبتذكر امتحنا الشهادة الثانوية 1981
وعذرا لمن فاتنى ذكرهم وهم كثر

[ود نقد]

امكن اكون قريب ليك شديد
الاهلية أ الاساتذة محمد عبدالله قشى الشفيع محمد حسن و المدير محمد احمد عبد الصادق
الزملا على ما اذكر عصام محمد نور، حعفر فتح الرحمن ، ايهاب بابكر ، الشهاوي، حافظ الشيخ
الدفعة و الله مما متزكر بالتحديد اعتقد 1981.
المؤتمر الثانوية المدير طه احمد كرار المعلمين محمد الفاتح ، تنير ، قيسان ، عبد الواحد، محمد علي
الصول عم جلال وعم علي
الزملاء النور بازنقر، بابكر و سيف و مامون اولاد ود الشافعي احمد فش، محمد احمد كاروري الدفعة 1984

[خالد أحمد الصول]

أخي العزيز الفاتح
أسفت كثيرا لدخولي المتاخر عليك
عسي ان تكون و أسرتك الصغيرة علي أتم عافية
و الحمد لله أن سمعنا أخيرا اخبارك

زاملتك في الدراسة بالقاهرة
أخي معاوية صديق فارس موجود بالخرطوم و أسرته الصغيرة و الاخ بدر الدين الصوفي بجدة وكان معنا في إجازته قبل فترة قصيرة و الاخ عبد اللطيف توتو (أبو سته) مازال في جدة وهو عضو في ها المنتدي و لكن أخي عماد الصادق إنتقل الي الرياض و هو أيضا عضو في المنتدي ... الاخ زكريا حضر السودان لحضور عزاء أخيه يوسف (يرحمة الله) و عمر صديق عرس و جمال كنج ما زال مواصل الكفاح في التربية و التعليم محمد عبد السلام في المواني البحرية بورتسودان و عبد الحليم محمد سيد أحمد في الخرطوم و كذلك فرح حسن

[elfatih61]

الاصيل الغالي/ خالد الصول ... تحياتي ليك شديد وفرحت جدا بردك الغالي على قلبي .. طبعا أيام القاهرة كانت من أجمل الايام وفيها من الزكريات الجميلة والاخوان الاعزاء
ما لايمكن أن ننساهم ورغم كل هذه السنوات التى مرت إلا أن جمال الذكريات يجعلنى اتذكرها لحظة بلحظة بدءا من العمارة 13 بشارع النصر حتى الحي السادس معهد الاتصالات
السلكية والاسلكية واستاذ جورج ومحمد الصغير .. اخر زميل قابلته السنة الماضية أخونا الغالي حمزه محمد عبدالله بالخرطوم بحري ...
من هذه المحطة والعجالة برسل تحياتي لكل الزملاء في القاهرة صوفي/ توتو/ عماد الصادق/ أولاد كمبال اسماعيل ومحمد وكل اهل البركل والعزاء لاخونا ذكريا / أتمنى أن يأتي
يوميا نجتمع فيه كلنا ... أخر مرة أجتمع فيها عدد كبير من زملائنا بذكر كان في منزل ناس ذكريا بأمتداد ناصر ... وكنا فاطرين عندهم في رمضان .. والله الحكاية دى رمضان البجي
دا إيمكن يكون ليها قرابة الخمس وعشرين سنة ...

التحية لكل من فاتنى ذكرهم ونتمنى التواصل ...

( الفاتح الضو )

[Isam Hussien H]

الفاتح الضوء الجميل .. عارف طلتك استفزتني وقادتني للرجوع للمنتدى .

بس نحن أكبر منكم لكن خالد ود الصول ده كنت مفتكرو زميل دراسة للأستاذ طه كرار ( رحمه الله ) أجي ألقاه أصغر مننا ، التحية لكل من ذكر وبخاصة العظيم الرقيق عماد الصادق . برجع ليك للكلام عن طه كرار وعظمته كمربي .. فلي معه قصة ذات علاقة بوضعي الدراسي حينها ..

[الجندي المجهول]

مرحبتين اخونا الفاتح الضو على وجاري في حي الدرجة (انا زميل ودفعت ) اخوك الاصغر ( على الضو علي) وكذلك نادر بابكر الامين صو البيت ونزار السر وعصت عيسى (وديل طبعاً) كلهم دفعتي واتذكر ايضا الامام لحامع البخاري (مصطفى خالد) وزمن كان جميل زمنكم دا ....... اتمنى ان اقابلكم جميعاص قريباً ...


طبعاً الجهة التي تسكنون بها من حي الدرجة ( يطلقون عليها حي السفارات) مع تحياتي لكل الجيران بدون فرز

وتحياتي للجميع ،،،،

[elfatih61]

أخونا العزيز عصام حسين .. يا سلام بالناس الطيبة والرائعة أخر مقابلة لي معك كانت لو تذكر بمكتب الاستاذ/ محمد علي مبروك ... وانت والله أكبر مننا بس بي فكرك وعقلك وجمال روحك السمحة . وخالد الصول زميل دراسة ولو أنو كان قدامنا شويه كــدا .. ولكن مما عرفناه هو ذي ماهو أخو أخوان وجمل شيل ذي ما بقولوا ...

الجندى المجهول :: تشرفت كتير بيك بس ما وريتنا انت منو ! ولا (مجهول) بس !! المهم يا ريت اتعرف بيك .. وبنفس الوقت اتفهم تماما واحترم انك (جندى مجهول) صاحبك (على الضو) اخر أخباره انو رزق بالمولود الثالث من اسبوع والحمدالله امورو طيبه .

التحايا للجميع ويا استاذ عصام بتمنى تواصلك .. ولو عندك اي أرقام للاخ (أبوالقاسم محمد أبوالقاسم/ الدوحـة) أفيدنى بها ولك التحية