اول حاجة عشان ما يكون في خرخرة طاقم التحكيم دولي دى نمرة واحدة ،،، نمرة اتنين ،،
التغير مفتوح والجنس اللطيف ( حايكون اساسي قبل الكراسي ) وما دايرن( عيون زايغة سامعين يا التيمان ) لانو فيها طرد طوالي ،،،، لو عيونكم زاغت كده ولا كده كرت احمر ،وطبعاً زي ما في لعيبة ؟ اكيد في مدربين وجهاز فني ومدلكين ودكتور ،،، وكمان حكم ومساعدين للحكام وحكم رابع ،،، ومراقب مباراة ،،،،،، وممنوع الاستعانة بالمشعوذين والدجالين ( عوض حصحاصة ) مافي ،،،،،
نسيت اقول المباراة حا تكون ذهاب وأياب ،، الجولة الأولى في النفاج والجولة الثانية في العام ،،، ولو تساوي الفريقين في عدد النقاط والاهداف تحسم بضربات الجزاء الترجيحية ،،،
ملاحظة "لو حصل شغب من مشجعي الفريقين ، تعاد المباراة وتلعب في ارض محايدة و عملنا القرعة وحاتكون في الثقافي ،، لأنو ناسو حلوين
وراقين وبشجعوا اللعبة الحلوة ( وسنه نااااااااعمة وكدى) وما بتاعين خربشة ؟؟؟
ملاحظة تانيةوحفاظاً على سمعة الكرة في المنتدي ،، ستعلن تشكيلة الفريقين سرياً قبل بداية المباراة بخمسة دقائق ، لانو هنالك اشاعات بأن اداري الفريقين قد جهزوا مبالغ خرافية لشراء زمم بعض اللاعبين ،،،، ونحن ما دايرين نسمع كلمة ( باع ،، باع ) لانها والله سخيفة جداً ،،،،،والسمعة والاخلاق اهم حاجة عندنا ،،،،
الموافق يرفع يدو ؟؟؟؟
والما موافق يرفع يدو مع بيان السبب ؟؟؟
التشيكلة بعد الردود مباشرة ؟؟؟
رد مع اقتباس
المشاركة الأصلية كتبت بواسطة ابو عبد الرحمن
المفضلات