بعض من أفعال الرجال،وتذمرات لا منطقية!!!

[mohd saeed magazoub]

دا كله من جيب جيب

وتقولي يامرام عشانه هو والاولاد

ملف مرفق 10540

[بنت الرفاعي]

الدكتورة مرام ،،،،

تعرفي الحياة دي مبنية على الحقوق والواجبات ......

واكيد الحياة عشان تمشي لازم يكون فيها طلبات ......

بس بصراحة الطلبات الما في محلها ما ( حبابا) وما جميلة

لكن اي طلب في محله _ جميل ومطلوب

تخريمة : معروف عن الدكاترة (الستات) طلباتهم ما كتيرة بس (غريبة ؟) كدي ادينا مثال ......

مع التقدير ،،

ده المفروض يا أخوي، لكن في رُجال بيتذمروا من الطلبات دي، في بعضهم بيسندها لكثرة الطلبات التي تؤدي للفلس!!!
والبعض الآخر لكثرة المشاوير!!!


رد التخريمة:
أول مرّة أعرف بالطلبات الغريبة، تكون شنو؟؟؟!!!

[بنت الرفاعي]

انا علئ قناعه انو الراجل يامرام مفروض يوفر اي حاجه بنقه ولا غيرا لانو دي مسئوليه كبيره

إن شاء الله تعم القناعة دي على اللي ما مُقتعين بيها أو حتى نسوها.

لكن يامدنيه (الخبز) دا شنو وحاتك متزوج لي 7 سنوات مادخلتو البيت
معليش ياام مصعب لمن اعرفو بجيبو البيت

ياذنون ياخ اهرجتنا مع المغتربين ديل ياخ

الخبز = الرغييييييييييييييييييييف وفي رواية العيشششششششششش البقرضوه دا ياخ

-------------
بختك ياام مصعب
الليلة ح تتغدوا "خبز"

أعتذر نسيت أكتب الخُبز = الرغيف = العيش.
طبعاً العيش عند الخليجيين يعني الرُز.


ذكرتوني لما ضربت جو السودان ولساني بقى يقول العيش، كل ما أجي هنا أقول العيش أخواتي يعاينو لي ويقولوا لي العيش؟؟
طبعاً بكون ناسية كلمة الخُبز أو الرغيف وأقول ليهم مشوها يا جماعة.

[بنت الرفاعي]

هلا بالناس .....

تتصوري يا مدنية لي حوالي 7 إلى 8 سنوات في الغربة ( السعودية ) للان ما حصل مشيت بقالة وقلت ( خبز) للان لساني بيقول ( عيش ) ولا رغيف ..... لكن بتاع البقالة ( هندي ) حافظني ومجرد ما اقول عيش (عارفني قاصد شنو)

ويا حليل زمن العيش التجاري وعيش الافران البلدية (كله كان جميل)

تخريمة : اذا مافي خبز الناس ممكن تجازف ( بالبسكويت )

إن شاء الله يكون لسانك باقي على باقي الكلمات غير العيش.

[بنت الرفاعي]

دا كله من جيب جيب

وتقولي يامرام عشانه هو والاولاد

ملف مرفق 10540

:d:d:d:d:d

من شدة ما بيزهج لما يقولوا ليهو جيب معاك الحاجة دي، بيبقى ما عندو نفس يأكل.:d

[مايسة]

سلامات وتحياتي

اها هو المصدر وين اصلا

اصل كلمة جيب - دي شنو

أنظر ليك يا مراام شوية - اصلها - من الجيب نفسو - يعني المكان الذي تخرج منه المبالغ النقدية (وش رايح كلو كلو)

أها لقيت ليك الجماعة لكن جررسة شديدة
- مدنية غايتو لو الآية كان انعكست ومسكتي انتي البيت - كان الحكاية ظبطت - بس انتي عشان شغالة بتقولي كدا -
- حسام - اتوكل ساااي ياخ - وما تسمع كلام موودي دا - حااااسد بث - (لكن بعدين ما تكب الجرسة
بث)

- صراحة يا مرام - في نسوان غريبات جدا - يحبو بس يتعبو الراحل -
جيب لي دي ونسيت دي - وليه ما جبته الشاي بتاع الغزالة - جايب لي ابو غزالتين لشنو - ومرات كمان يكون برا ويتصل - اها النااقص شنو اجيبو - تقول ليهو لسته كاااملة - وبرضو يجي داخل نسيت ياخ الملح - (اها انا لو منو كيتا ليها كدا بس اكلو مسيخ الأكل) --

دا طبعا ما بيمنع أنو مرات فعلا الواحد بينسى بالجد -

- أها اجيك لسخانة كلمة جيب -

جيب دي صراحة بتعمل حساسية - بالجد - الواحد تلقاهو بيحضر ليهو في كورة ولا نشرة - قوم يا فلان عايزة داك وداك - في حل للمشكلة دي -
أنو الواحدة براحة براحة عليهو يااخ - (رفقا بأزواج القوارير) - -
وبالجد تخت ليها ورقة في المطبخ في مكان ظاااهر - وتعلم زوجها انو كل يوم - وهو طالع ياخدها معاهو ولا تعلقة فى التلاجة ببرا - وبكدا ولا جيب ولا هات ولا خد - (ولا نقة)

أما الرجال البيزهجو من كلمة جيب دي - من غير سبب مقنع - صراحة (ما عندهم اي موضوع بس) - يعني حا تمشي وين هي -برااها تمشي تجيب الحاجات .

[مايسة]

في حاجة تانية يا جماعة

في السودان - على حسب حد علمي والحاجة الشفتها - أنو المرأة هي القائمة بحاجات البيت -

يعني الزوج بيطلع من الصباح وبيخت المصاريف - وهي مرات يعني تطلع على السوق الفترة الصباحية - خشم خشمين مع هناية وفلانة وفرتكانة - وعلى السوق - خضار ولحمة وباقي الحاجات -
أها الفطور انتهي والغدا مواعيدو جات - الراجل بيجي داااخل بيجيب معاهو العيش وفواكهه وباقي الحاجات -
ولو الاتنين كمان شغالين - كمان نفس الحكاية - واحد فيهم بيجيب الحاجات وخلاص - على حسب الاتفااق -
عايزة اقول أنو الزمن اتغير فعلا - او احنا مع التغييرات الحااصلة في العالم - ومحاولتنا أننا نكون في أحسن صورة واحسن عيشة بتخلينا نتقاضى على حاجات كتيرة جدا جدا -

حكاية جيب دي زاااته قلت - بالتلفون بس تجيك لحد عندك وخلاص

[ahmed algam]

-1-
- يا أحمد.
- نعم؟؟؟<O</O
- ما تنسى تجيب حاجات البيت الناقصة معاك.
- أصبحنا وأصبح الملك لله، خلاص الواطة أصبحت للطلبات الما بتكمل و.................؟؟!!!


-2-
<O</O
<O
- تررن تررن.. تررن تررن.<O
- ألو!
- جيب معاك خُبُز وحاجات السلطة.<O
- طيب طيب.
(كرهتونا جيب وجيب، مافي شغلة غير جيب دي؟؟)

<O
<O
3-............!!!!

<O
4.............!!!!

<O
الصور أعلاه صور بسيطة لأحداث وسيناريوهات قد مرت مثلها وغيرها بالكثيرين أو استمعوا لها أو حتى قرأوها!!!!
<O
<O

ياربي احمد دا منو دا

[بنت الرفاعي]

في نكتة يامرام
واحد قال لمرتو انتي دائما بتقولي جيب جيب
اصلو ما حصل مرة قلتي لي هاك
اها اليوم التاني قالت ليه
"هاك" الراديو دا صلحه

نكتتك دي يا أختي أكبر دليل على أنو بعض الأزواج فعلاً بيزهجوا وبيتذمروا من جيب وجيب.

[ZANOON]

يامدنيه البسكويت بقئ لمن يشوفني بدس في الرف
لكن الليله طااااااااااااااااااوله جبتا البيت كيه ساااي لمن لقيتو دا الرغيف

[ZANOON]

انت يابو حميد راس السوط هبشك ولا شنو؟

[ZANOON]

لو انتي مع الجماعه لساني طوييييييل بصلك اسالي مدتيه

[ZANOON]

بالكلمه الطيبه ساي (بث) تربيه ودكنان

[بنت الرفاعي]

سلامات وتحياتي
وعليكم السلام ورحمة الله وبركاته.

اها هو المصدر وين اصلا

اصل كلمة جيب - دي شنو

أنظر ليك يا مراام شوية - اصلها - من الجيب نفسو - يعني المكان الذي تخرج منه المبالغ النقدية (وش رايح كلو كلو)
نظِّري على راحتك يا أختي.

أها لقيت ليك الجماعة لكن جررسة شديدة

- مدنية غايتو لو الآية كان انعكست ومسكتي انتي البيت - كان الحكاية ظبطت - بس انتي عشان شغالة بتقولي كدا -
- حسام - اتوكل ساااي ياخ - وما تسمع كلام موودي دا - حااااسد بث - (لكن بعدين ما تكب الجرسة
بث)

- صراحة يا مرام - في نسوان غريبات جدا - يحبو بس يتعبو الراحل -
جيب لي دي ونسيت دي - وليه ما جبته الشاي بتاع الغزالة - جايب لي ابو غزالتين لشنو - ومرات كمان يكون برا ويتصل - اها النااقص شنو اجيبو - تقول ليهو لسته كاااملة - وبرضو يجي داخل نسيت ياخ الملح - (اها انا لو منو كيتا ليها كدا بس اكلو مسيخ الأكل)
قصدك اللي نسى منو فيهم هو أم هي؟؟

--

دا طبعا ما بيمنع أنو مرات فعلا الواحد بينسى بالجد -

هو إذا نسى هي حارقة دمها مالها؟ دي مُشكلتو بس ما يتزهج من الطلبات.

- أها اجيك لسخانة كلمة جيب -

جيب دي صراحة بتعمل حساسية - بالجد - الواحد تلقاهو بيحضر ليهو في كورة ولا نشرة - قوم يا فلان عايزة داك وداك - في حل للمشكلة دي -
أنو الواحدة براحة براحة عليهو يااخ - (رفقا بأزواج القوارير) - -
وبالجد تخت ليها ورقة في المطبخ في مكان ظاااهر - وتعلم زوجها انو كل يوم - وهو طالع ياخدها معاهو ولا تعلقة فى التلاجة ببرا - وبكدا ولا جيب ولا هات ولا خد - (ولا نقة)
كلامك صح، وحتى وإذا هي نست تخُت ورقة، هو من نفسو يطلب تكتب ليهو الطلبات.

أما الرجال البيزهجو من كلمة جيب دي - من غير سبب مقنع - صراحة (ما عندهم اي موضوع بس) - يعني حا تمشي وين هي -برااها تمشي تجيب الحاجات .

ده مربط الفرس هنا يزهجوا من غير سبب أو لبعض الأسباب اللي ذكرتها سابقاً.

[بنت الرفاعي]

في حاجة تانية يا جماعة

في السودان - على حسب حد علمي والحاجة الشفتها - أنو المرأة هي القائمة بحاجات البيت -
حالياً أصبحت قليلة القصة دي.

يعني الزوج بيطلع من الصباح وبيخت المصاريف - وهي مرات يعني تطلع على السوق الفترة الصباحية - خشم خشمين مع هناية وفلانة وفرتكانة - وعلى السوق - خضار ولحمة وباقي الحاجات -
أها الفطور انتهي والغدا مواعيدو جات - الراجل بيجي داااخل بيجيب معاهو العيش وفواكهه وباقي الحاجات -
ولو الاتنين كمان شغالين - كمان نفس الحكاية - واحد فيهم بيجيب الحاجات وخلاص - على حسب الاتفااق -
عايزة اقول أنو الزمن اتغير فعلا - او احنا مع التغييرات الحااصلة في العالم - ومحاولتنا أننا نكون في أحسن صورة واحسن عيشة بتخلينا نتقاضى على حاجات كتيرة جدا جدا -

حكاية جيب دي زاااته قلت - بالتلفون بس تجيك لحد عندك وخلاص

طيب إذا كان الدُكان اللي بيوصل ليك طلباتك ما عندو كل الطلبات؟؟
وبعدين في الآخر برضو حتقول لزوجها جيب حق الدكان!!!
(يعني هي هي)!!:d

[بنت الرفاعي]

انت يابو حميد راس السوط هبشك ولا شنو؟

:d:d:d

[بنت الرفاعي]

ياربي احمد دا منو دا

لما تلقاهُ وعيهُ لو سمحت.

[بنت الرفاعي]

لو انتي مع الجماعه لساني طوييييييل بصلك اسالي مدتيه

من المقصودين بهذه الكلمات في الجملة أعلاه:
أنتِ؟؟؟
الجماعة؟؟!

[ام رغد]

ولَّا الطلبات الخاصّة بالأطفال!!!
يا راجل اختشي ديل أطفالك، أي نعم مرات تزهج (مع أني ما عارفة لييه) لكن برضو ما يجي على رأس المسكينة دي، وبعدين هو أنت وقت ماقادر على ده كلو من الأول متزوج مالك؟؟؟؟!!!!

اىىىىىىىىىىىىىى متسجم مالك؟؟؟؟؟؟؟؟؟؟؟(وش ممغوس جنس مغسة)

[moh_alnour]

في نكتة يا مرام واحد قال لمرتو انتي دائما بتقولي جيب جيب أصلو ما حصل مرة قلتي لي هاك
أها اليوم التاني قالت ليه "هاك" الراديو دا صلحه

يا ريت لو كان الرادي يا مدنية ما كان في القلب مغصة ، هي قالت ليهو هاك أسطوانة الغاز دي عبيها

يا مرام التذمر بيكون من تكرار الطلبات دي ، يعني ما ممكن الوحدة علي كل راس ساعة تتصل علي زوجها جيب معك وجيب معك
لو هي بتقول حاجاتها كلها "دفعة واحدة" ما ح يكون في تذمر
لكن المشكلة إنه " النسوان " بلاحقوا أزواجهم وبيضربوا حولهم نطاق عشان ما يقدروا يتفكوا منه " حسب فهم النسوان "
بعدين ياخ ما ممكن الواحد جاي داخل من الشغل والتعب والسخانة والضغط الفظيع بتاع العمل يطلع تاني عشان يجيب العيش

أتفق تماما ً مع رأي مدنية ، فالتذمر لا يكون من الطلبات في حد ذاتها لأنها أساسيات الحياة و ضرورياتها
و كتجربة شخصية في مدة تجاوزت الست أشهر بقليل فأنا عادة ً أحب أن أجلب حاجيات البيت دفعة واحدة
كما أحب أن أشتري جميع أغراضي من مكان واحد ، فالرجال عموما ً لا يحبون التسكع في الأسواق بعكس النساء
و عادة ً ما أطلب من زوجتي أن تكتب جميع إحتياجات البيت في ورقة أو كرسالة نصية في الجوال أو الماسنجر
و في أحيان كثيرة أصطحبها معي حتى لا تنسى شيء ، بل و أظلل أردد عليها عبارة ( تاني في شيء ) عشان ما أرجع مشوار تاني
فالرجال يعودون من الدوام في المساء منهوكين و متعبين من ساعات الدوام و كل همهم أن ينعموا بساعات من الراحة بعد وجبة غداء
هذا إن لم يكن هناك مشوار بعد هذا اليوم الحافل بالعمل و التعب و الإرهاق البدني و الذهني فهل بعد ذلك طلبات !!!
و طبيعة الحياة في الغربة ترمى بكل المهام على عاتق الرجال ، فالرجل من يجلب الأغراض و ينزلها من السيارة و يحملها لداخل البيت
و الرجال من يحملون الزبالة خارج البيت و يقومون برفع قارورة المياه إلى البرّاد و يُصلحون كل ما يتعطل في البيت
حقيقي و الله الرجل في الغربة ( سباك و بّقال و كهربائي و نجار و حداد و زبّال و حمّال ) و بعد دا راضين بالهم و ناس مُرام ما راضين بينا

[بنت الرفاعي]

اىىىىىىىىىىىىىى متسجم مالك؟؟؟؟؟؟؟؟؟؟؟(وش ممغوس جنس مغسة)

الله يعينك يا أختي.

[سواااح]

لا ويقولوا أغلب النسوان كلامهم كتييير وأحيانا نكديات!!!!

دي بالذاااااات ..

ما فيها نقاش.

[سواااح]

كدي يا جماعة نخلي الكورة واطة ..

بفتكر انو الموضوع ببساطة مرتبط بحد كبير بالتفاهم وطريقة الزوجين لتسيير امور البيت

وكذلك الامر المهم هو الطريقة التي تطلب بها هذه الاغراض

وكذلك لابد ان يكون هناك تنظيم وطريقة ثابتة لذلك.

[الجندي المجهول]

إن شاء الله يكون لسانك باقي على باقي الكلمات غير العيش.

باقي والله ( والبي باقي )

بس مرات (وما كتير)

لكن ابشرك
معتز الريح
استاذ رضا
ابو مازن
محمد النور
ديل لسانهم اتعوج عديل كدا كلها ( ايش وليش ) وما ابغى و (إلا ) وكلمة إلا تعني ( الايجاب) يعني ( نعم او ايوة)

انا + وابو زيد + المميز ( محافظين لسه ) مع أنو المميز ( في حكم) الشهادات ال.... (انت عارفة الباقي)

تخريمة : (شنو ) تعتبر من الاشياء الغريبة !! اول مرة اعرف

[بنت الرفاعي]

يا ريت لو كان الرادي يا مدنية ما كان في القلب مغصة ، هي قالت ليهو هاك أسطوانة الغاز دي عبيها

أتفق تماما ً مع رأي مدنية ، فالتذمر لا يكون من الطلبات في حد ذاتها لأنها أساسيات الحياة و ضرورياتها
و كتجربة شخصية في مدة تجاوزت الست أشهر بقليل فأنا عادة ً أحب أن أجلب حاجيات البيت دفعة واحدة
كما أحب أن أشتري جميع أغراضي من مكان واحد ، فالرجال عموما ً لا يحبون التسكع في الأسواق بعكس النساء
و عادة ً ما أطلب من زوجتي أن تكتب جميع إحتياجات البيت في ورقة أو كرسالة نصية في الجوال أو الماسنجر
و في أحيان كثيرة أصطحبها معي حتى لا تنسى شيء ، بل و أظلل أردد عليها عبارة ( تاني في شيء ) عشان ما أرجع مشوار تاني
فالرجال يعودون من الدوام في المساء منهوكين و متعبين من ساعات الدوام و كل همهم أن ينعموا بساعات من الراحة بعد وجبة غداء
هذا إن لم يكن هناك مشوار بعد هذا اليوم الحافل بالعمل و التعب و الإرهاق البدني و الذهني فهل بعد ذلك طلبات !!!
و طبيعة الحياة في الغربة ترمى بكل المهام على عاتق الرجال ، فالرجل من يجلب الأغراض و ينزلها من السيارة و يحملها لداخل البيت
و الرجال من يحملون الزبالة خارج البيت و يقومون برفع قارورة المياه إلى البرّاد و يُصلحون كل ما يتعطل في البيت
حقيقي و الله الرجل في الغربة ( سباك و بّقال و كهربائي و نجار و حداد و زبّال و حمّال ) و بعد دا راضين بالهم و ناس مُرام ما راضين بينا

في بداية البوست ذكرت أنني إلى وقت قريب ما كُنت معتقدة أنو في رجال بيتذمروا من الطلبات، لكن يا أخوي لاحظت ذلك في العديد من الأماكن والعديد من المناسبات، وحتى إذا لاحظت النُكت بتحكي عن ذلك، وإذا ماكان في رجال بيتذمروا ما كان وُجدت النُكت!!

وكتجربة شخصية أبوي من زمان غالباً بدون ما يسأل بيتفقد الناقص شنو قبل ما يُطلب منهُ الله يعطيه العافية، ويفتح التلاجة ويشوف اللي حيقرب ينتهي منها أو الشيء الناقص منها، إلا في حالة نقص شيء لحظي أو كاد ينقص، وإذا كان مافي في البيت وهو راجع بيتصل ويستفسر عن الناقص، وإذا نقص شيء وهو غير موجود بيرجعوا ليهو ناس البيت، وإذا في شيء ضروري وهو بعيد بيتصلوا السوبر ماركت القريب وبتصل المطلوبات ده برضو إذا كان أخوي ماموجود، ده للأشياء اللي إستهلاكها دائم، أما غير ذلك فالتبضع من الجمعيات الكبيرة بشكل دوري.

حقيقي و الله الرجل في الغربة ( سباك و بّقال و كهربائي و نجار و حداد و زبّال و حمّال ) و بعد دا راضين بالهم و ناس مُرام ما راضين بينا

معقولة بعد ده ما نرضى؟؟!!
وبعدين شُفت الكلام ده هو ذاتو اللي بيتذمروا منو بعض الرجال،
الله يعينهم

بالمناسبة أغلب المُغتربين الكلام أعلاه غير مُنفذ كاملاً، لأنهم مع الأيام بيصبحوا حناكيش، وبيجيبوا العمال الخاصين بكل ما كتبت أنت أعلاه بإستثناء البقالة والزبالة