جيناكم يا حبايب بعد غربة وشوق

[عزيز عيسى]

الاخوان والاخوات اعضاء المنتدى

والله ليكم شوق كيمان كيمان.. وحشتونا شديد..
الحمدلله المنتدي خرج بثوب جديد جذاب وآخر حلاوة..
يفتح النفس.. ويخلي الواحد فينا يهضرب من شدة الاعجاب..
وانحنا كلنا واثقين من الاخ بكري انه حيخليه يكون احلى من كده بكثير..
والعافية درجات ولا مش كده..

لاحظت عدد كبير من الاخوان والاخوات رجعوا للمنتدي امثال..
الاخ عمر 114
الاخ خالد هاشم..
الاخت فدوي الحسن..
بقول ليكم ألف حمدالله علي سلامة العودة من السودان.

بس في حاجة واحدة فاقدنها..
عارفين شنو؟

























علي مهل.. بطلوا الشفقة تعال/ي معاي شوية..


























وكمان شوية..





































والله فاقدينكم وفاقدين مشاركاتكم كلكم.. وعايزين برضو الناس القدام يرجعوا علشان المنتدى يرجع لهيبته الاولي..

أها بعد دا عايزين نشوف الهمة والنشاط.. ودا كله علشان مدني وعيون مدني.

ويا رب ما تحرمنا منكم.


عزيز

[مزوني]

الف حمدلله على السلامه يا عمنا عزيز
ونورت المنتدى من جديد والحمدلله الشباب كلو بدا يعود
وتغيير شكل المنتدى فعلا خلانا نهضرب بيهو
وربنا يوفق الاخ بكري وكل المسئولين اللي معاه
وحبابك الف معانا يا غالي

[عزيز عيسى]

مزوني الغالي،

شكرا ليك وعلي تفقدك لاخوانك..

والله انت ما قصرت.. ومواضيعك الرائعة خلت المنتدي فيه حيوية ونشاط..

وربنا ما يحرمنا منك ويكثر من امثالك لخدمة اخوانك.

ولك مني خالص الود.

عزيز

[خالد حمد موسى]

الف حمدلله على السلامه يا عمنا عزيز

بطلتك منتدانا نور وكل زينه وين الغيبه الطويله

ان شاءالله عودا حميدا بلا انقطاااع

لك خالص ودي وتقديري,,

[عزيز عيسى]

خالد الحبيب،

تحياتي،

والله يا خالد بقول كلامي ده بكل صراحة غياب الاخوان وقلة مرورهم علي المنتدي
أثر علينا كلنا وخلانا نتكاسل في الدخول والتصفح علي المواضيع.
وطبعا دا ليه خطورته علي الاستمرارية.
حتى الردود علي المشاركات اصبحت رتيبة
وما بتشجع الناس انها تتعب في الفاضي وتكتب مواضيع جديدة.
وزي ما قال الاخ كاظم بأنه هنالك مشاركات تخلي الواحد يطفش.
وانت برضك بتلاحظ في المنتديات الاخرى في تشجيع منقطع النظير
ولو قلت "احم" ساكت الناس تجي ترد عليك بالكوم.
المنتدى بحتاج لنوع من الحماس والتشجيع خاصة من قبل
المشرفين.. والشخص الذي يغيب عن المنتدي لفترة من الزمن
مفروض ترسل له رسالة خاصة علي الايميل بتاعه علشان
نتفقد اخباره ونحسسه بأهميته وانتماؤه لينا.

حقو الاخوة المشرفين ينتبهوا للنقطة دى.

ولا مش كده يا أبوالشباب.

تسلم.. وربنا ما يحرمنا منكم.

عزيز

[عماد الصادق]

[أخونا أبوعزيزه .. لك التحية ولكم المودة
مبرووك علينا الثوب الجديد للمنتدى .. والجديد شديد .. والتغيير يُذهب الملل ..
جينا قبل اسبوعين والواحد يطنطن ويقول مرات جهراً وكثير سراً
بأننا .. خليها ..(بأني) لن أعاود الكرّة الإجازة القادمة..
ده إذا ربنا أدانا الصحة والعافية ...
وده إذا ما فنشونا فجأة ..
نقعد الإجازة هنا .. أو هناك .. بس السودان .. بلدنا الحبيب .. لا
الواحد زعلان .. وخايفين نقول زعلانين .. يقولوا لينا طررررررشق
السودان ذلك اللغز المحيّر حقيقة ..
قربة مقدودة .. ساقية جحا ..
وجوه لامعة في الأجهزة المرئية ..
كتاحة وزحمة وتخلف مازال ..
الناس بتشتغل وتتعب .. والحيكومة خالفه رجلينا وشايلة سوط ..
آي سوووووووط عديل كده ..
ياخي الواحد بدأ يفكر يشتغل بالسياسة ..
لأنو الحاصل يسوي المغص ..
ما بعرف أنا براي ولا ناس كتيرة جات محبطة زيي

وكما قلت سابقاً لم يعجبني في كل هذه ال38 يوم التي قضيتها
لا مطر ولا رزاز ولا سمك ..
كباية تمرهندي بس!!!! في موقف حافلات بحري - الشهداء امدرمان..

كنت عاوز أمشي أسلم على عوض الزين .. ما لقيت طريقة!!!
كنت عاوز أخش مسرحية ما لقيت طريقة!!!
كنت عاوز أحس بأن هناك تغيير والخرطوم عاصمة للقافة .. ما حسيييت .. .
حاجات كتيرة ما قدرت أعملها ..
وأول مرة يجيني إحساس سخيف لو الرحلة إتأخرت ..
يمكن يكون لنا عودة ..
ولكم التحية.

[عزيز عيسى]

عمدتنا الغالي،

ليك وحشة..
وألف حمدالله علي سلامة العودة من السودان.
وانشاء الله تكون قضيتوا وقت ممتع مع الاهل.
وأهلكم كلهم بخير.

الاخبار التي تصلنا من البلد دائما غير مشجعة..
وبنسمع بيقولوا الناس تعبانه كثير..
و الاحوال كل يوم ماشه من سيء الى أسوأ..
قلوبنا مع أهلنا في السودان..
وليس في وسعنا سواء أن نرفع الاكف تضرعا
الى الله سبحانه وتعالى ونسأله بأن يصلح الامور.

كلمت شقيقك في فرجينيا عدة مرات..
لكن لم يحالفني الحظ بزيارته على الرغم من اصراره المتكرر..
المدينة التي يتواجد فيها اسمها ريتشموند تبعد حوالي ساعتين بالسيارة من واشنطن العاصمة..
امضينا 5 ايام هناك..لكن وبسبب انشغالنا في العرس لم اتمكن من زيارته واعتذرت له..
ماشاء الله.. اخوك في غاية اللطافة وكنا على اتصال متواصل يومي لغاية ما عدت الى
هيوستن. لكن انشاء الله سأسجل له زيارة في فترة قادمة دا لو ربنا مد في العمر.

مع فائق تحياتي وتقديري.

[ابراهيم]

العزيز ..... عزيز

الغالي ... عمدتنا

شنو لا شفتاً تبل الشوق
ولا رداً يطمن
اريتكم تبقو طيبين
ونحن البينا كلو هين

وحشتونا والله واشتقنا ليكم وحواراتكم الشيقة

تشتاق ليكم العافية

مع تقديري

[صالح ابوشوارب]

الاخوان والاخوات اعضاء المنتدى

والله ليكم شوق كيمان كيمان.. وحشتونا شديد..
الحمدلله المنتدي خرج بثوب جديد جذاب وآخر حلاوة..
يفتح النفس.. ويخلي الواحد فينا يهضرب من شدة الاعجاب..
وانحنا كلنا واثقين من الاخ بكري انه حيخليه يكون احلى من كده بكثير..
والعافية درجات ولا مش كده..

لاحظت عدد كبير من الاخوان والاخوات رجعوا للمنتدي امثال..
الاخ عمر 114
الاخ خالد هاشم..
الاخت فدوي الحسن..
بقول ليكم ألف حمدالله علي سلامة العودة من السودان.

بس في حاجة واحدة فاقدنها..
عارفين شنو؟

























علي مهل.. بطلوا الشفقة تعال/ي معاي شوية..


























وكمان شوية..





































والله فاقدينكم وفاقدين مشاركاتكم كلكم.. وعايزين برضو الناس القدام يرجعوا علشان المنتدى يرجع لهيبته الاولي..

أها بعد دا عايزين نشوف الهمة والنشاط.. ودا كله علشان مدني وعيون مدني.

ويا رب ما تحرمنا منكم.


عزيز

وينك يا عزيز خليتنى براى .. تعال يا فردة ورجع ودالماحى والباقي على الله