ياخ بلا نبات بلا بطيخ
انا بستغرب فى زول يكون نباتى ويمشى سوق الناقة ويضرب المندى مع تنين العريس
اعمامك ديل شفوت كيفونى ياخ ديل يا اخوى بيحبو الكلاوى واللحم النى البيخلى الزول يلاوى وللجن بداوى
اريتو كان بيداوى البورة كنا بقينا كلويين قدر ما نشوف لينا كلوه نقوم نبراها ونعمل فيها عمايل منوفلى والحاج مذكر كان قبضونا ونحن ناكل فيها وهى تقترب من الخشم نقول بنبرد فيها
كبدة الإبل طاعمة يا خرباش بس انت بتكون ما زولها , تلقاها مجيهة بى بصلة ودكوة وليمونة وشطة حاااااااااااارة , ذكرتنى بى مناسبة الشطة أول رحلة لى للسوق وانا صغير فى عيد الأضحى , قالوا لى جيب لينا شطة , اخوك ما صدق مشى اشتراها كلها قبانيت , غايتو بتكون لحدى هسع ياكلو فيها قال قبانيت قال ,
الكوارع ما زولها ما تقوم تنظر ساى , مرة كدا شايف فى الداخلية الجماعة يكورعوا ساى قلت النجربها , اها جاب لى ضلافين كدا اخوك لمن بطنو قلبت , على الطلاق خليتها فى مكانها وقمت على الفول فولى زرعته وحدى وحصدته وحدى وقطعت عيشه وحدى وكبيت فيهو جبنة لوحدى وصبيت الزيت وحدى وموية التوم البتخليك تتمطق ساى بلا كوارع بلا سيراميك ياخ ,
ارجع بيك لى ام فتفت , اول مرة فى حياتى اكلها كنت عيان والملاريا قربت تطير لى فى راسى من عدم الاكل , الاصحاب قالوا لى عليك بى أم فتفت تفتح الشهية , وتخلى امورك معدلة وصحية , بى دعوة سيد البنية
اها من دغش الرحمن قمت اتشهى داير ام فتفت داير ام فتفت
وقت جابوها لى محدقة والشطة كتيرة والبصلة فى نصها, وقالت هيت لك وانا زاتى قلت ليها هيت لك انتى دى جضمتها ليك جضيم شافع , وخليت ليك صحتها نضيييييييف ما فيهو الا ميد ان شاينة , بعدين يا زول ام تكشو انت قدر ما سقفناك بى فيرو روشيه وشيكولاتة جلاكسى وشيكو شقارى وبت مارنجو ما بتتسقف , الشكية لى اب ايداً قوية .
كدى خلينى ارسل تحيات لى عمنا محجوب و زونية وبت مارنجان واحمد علقم ولى مايسة وتغريد وعكاشة وياسر وبلبل ياخ
المشاركة الأصلية كتبت بواسطة مايسة
Array
Array
ضوابط المشاركة
رد مع اقتباس
المفضلات