كشكول ود مدني

[عمك تنقو]

شكرا لنخيل طيبة هذه الطرفة الجميلة وشكرا للمشاركة ونتمني الاستمرار وتنشيط البوست ، كما احي الأخ عباس حسن عوض بتزويد الكشكول بلونية تاريخ أسر ود مدني المشهورة .
لكم التحية .

[همسات]

حريقة

أشهر سمسار في ود مدني

خلف ظرفاء ود مدني زراع أطال الله عمره وغيره

موجود في كل برنده في سوق مدني الكبير

ويعرف وبالتفصيل متي يحضر المغتربين للمدينه ويكون لهم بالمرصاد 00 ويبدأ موسمه ابتداء من شهر مايو من كل سنة وتنتهي
في سبتمبر حسب قوله !
وأنا أحرص في كل إجازة لي أن يكون بجانبي بعد ترضيته لأستمتع بقفشاته وأخبار المدينة

يعرف ودمدني بيت بيت وكل من هب ودب يثمنه

يعني كان لقي ليهو غنمايه ساكت ماشه يقول ليك دي سعرها كده

يحرضك بوجودك في المدينة وأن لا تفكر بالخرطوم بتاتا

يقول لك مشروع الجزيرة خلاص بنتعش في اليومين ديل
والمطار وصلت معداته في بورتسودان قادمة من النرويج ومكانه شرق حنتوب !

لو جاتك ملاريا يقول ليك عليك ( بالعتي ) أو أمشي الدباغة أكويها بالنار !
وتأكل بليلة اللوبيا العدسي باستمرار وتشرب العرديب وتأكل الموليته !!

بعد افطارنا في يوم جميل بالغيوم عند عمك الفوالي في فبراير الماضي

وجدنا اتنين من أبناء شرق النيل كان والدهم توفي عليه رحمة الله قبل مدة
يتغالطون في مكان قبر أبيهم الذي دفن في مقابر ود مدني 0

وكان خلافهم في أن القبر الذي ذهبوا اليه لم يكن هو بالتحديد فالتفت اليهم حريقه وكانوا من معارفه :

انتو أبوكم ده 00 دايرين تدوا الفاتحة ولامصاريف !

ههههههههههههههههههههههه

[عمك تنقو]

أجمل نكتتين جوني في العيد من ود مدني :

1 - واحد ببيع ويكة وبصيح ويكة ويكة الويكة الجديدة بتاعت السنة دي
جا واحد صاحبوا راكب عجلة قام قال ليهو :
ياخي الناس طلعت القمر انت لسه تبيع في الويكة !
قام قال ليهو الناس الطلعوا القمر أبوك معاهم !
قال ليهو لا لا
قال ليهو : ويكة ويكة ويكة ويكة .

2 - مصرية كانت في سيناء واختلطت بالاسرائليين قامت حملت بسفاح وجات القاهرة .. الدنيا قامت وقعدت وخاصة الحكومة واهلها يابتي فضحتينا وسجمتينا ونمشي وين اسه !
قامت قالت ليهم انتوا منزعجين ليه ؟
افرحوا .. أنا جبت ليكم أسير !!!

[okasha]

أجمل نكتتين جوني في العيد من ود مدني :

1 - واحد ببيع ويكة وبصيح ويكة ويكة الويكة الجديدة بتاعت السنة دي
جا واحد صاحبوا راكب عجلة قام قال ليهو :
ياخي الناس طلعت القمر انت لسه تبيع في الويكة !
قام قال ليهو الناس الطلعوا القمر أبوك معاهم !
قال ليهو لا لا
قال ليهو : ويكة ويكة ويكة ويكة .

2 - مصرية كانت في سيناء واختلطت بالاسرائليين قامت حملت بسفاح وجات القاهرة .. الدنيا قامت وقعدت وخاصة الحكومة واهلها يابتي فضحتينا وسجمتينا ونمشي وين اسه !
قامت قالت ليهم انتوا منزعجين ليه ؟
افرحوا .. أنا جبت ليكم أسير !!!

عمنا تنقو صباحك عجوة معطونة فى عسل

مشتاقين ليك وافتقدناك بالجد


هسسس:: نمرة اتنين دى خطيرة والله بالجد

[الامين عبدالقادر]

عمك تنقو نحن بالعربى فيهمناها حتى تشحوطوها كدة لكم تحياتى

[عمك تنقو]

يا حليلكم وهل من عودة في زمن الفات فات.. شليل وين راح ..
تحياتي لهذا الجيل العظيم .

ود الماذون ، ود الماحي ، بكري ، ود الصول ، مهيرة ، أميمة عشرية ( أوماس ) ابسفروق , حمدتو ، مدنية ، أمير والقائمة تطول ..
ابوزيد حفيت قدماي وانا ابحث عنك في ودمدني كل اجازة ..
ود الصول وحمدتو ومدنية ... خليتكم لي سيد البنية !!

[عمك تنقو]

]اتنين مساطيل قاعدين عزابه قدامهم حلة عدس وجيرانهم عندهم كرامه من الصباح سامعين صوت الخروف وساعة الفطور شامين ريحة الشيه سمعوا مرة تكورك لولدها قالتليهو :تعال ودي الصينيه دي بيت العزابه .. الجماعه ما صدقوا كشحوا العدس وقلبوا الحله جاهم الولد شايل الصينيه قال ليهو: أمي قالت ليك شروا لينا الهدوم عندكم عشان عندنا ضيوف >>>

[عمك تنقو]

يا حليلكم وهل من عودة في زمن الفات فات.. شليل وين راح ..
تحياتي لهذا الجيل العظيم .

ود الماذون ، ود الماحي ، بكري ، ود الصول ، مهيرة ، أميمة عشرية ( أوماس ) ابسفروق , حمدتو ، مدنية ، أمير والقائمة تطول ..
ابوزيد حفيت قدماي وانا ابحث عنك في ودمدني كل اجازة ..
ود الصول وحمدتو ومدنية ... خليتكم لي سيد البنية !!

[ahmed algam]

عم التنقو
حمد لله علي السلامة العودة
نورت المنتدي والمنتديات المجاورة


# لما تكون في مدني ادينا خبر وان شاء الله تجد كل من تبحث عنهم

[عمك تنقو]

تسلم كتير يا علقم وانت بالذات يا ابوحميد ما لاقي ليك تلفون صدقني ..
متواصلين معاي الجيل الذهبي كل من مهيرة وود الماذون وود الماحي واميمة عشرية ( أوماس ) بالترتيب هم في الدول الاتية :
أمريكا ، البحرين ، قطر ، الامارات وعمكم تنقو في سلطنة عمان ...
علقم وأبو زيد وابسفروق وود الصول وعمر غلام ومدنية والربان بكري هل من عودة هل !!