الخدمة الألزامية .. عذاب سنين و لم ينجح أحد !!!

[بدرالدين أحمد موسى]

تفرض الأنظمة على خريجى الجامعات أداء الخدمة الألزامية و المقدرة بسنة نظير مقابل مادى متواضع جدا جدا .. و فى معظم الأحيان لا يدفع .. بل يطلب من مؤدى الخدمة التوقيع بالأستلام على مال لم يتسلمه و الا فليذهب للبحث عن جهة اخرى تقبله .. و اذا لم يؤدى الخدمة فلا مجال للعمل فى سوداننا الحبيب .. و المصيبة الأكبر أنو أصلا مافى وظائف .. و لأنو الطالب بيكون خايف على العده فيضطر الى أداء الخدمة الألزامية ..

الأسبوع الماضى كنت فى مدنى .. قادتنى أقدامى الى مبنى لجنة الأختيار و هناك وجدت أعداد مقدرة من الخريجين و الخريجات الذين أمضوا مابين 4 الى5 سنوات فى الدراسة الجامعية . فيهم القبول الحكومى و فيهم القبول الخاص. و بعد انهاء الدراسة و أداء تلك الخدمة الألزامية يتقاطر الخريجين للبحث عن الوظيفة و أولى تلك الخطوات الحصول على كرت عمل .. و لأنو فى السودان مافى شئ ببلاش قيمة الكرت 7 آلاف جنيه ..

سألت بعض الطلاب : انتو جايين تقدموا لى وظائف .. هو أصلا فى وظائف ؟.. قالوا لى أبدا لكن نحن جايين نسجل عشان نكون فى الصف .. و والله نحن ال 7 ألف جنيه دى زاتها قاطعيناها من لحمنا ..
لقيت خريج و خريجة قاعدين فى كراسى منتظرين الموظفين اللى طلعوا الفطور من ساعتين و لسه ما رجعوا .. الولد كتر خيره أصر يقوم لى من الكرسى .. طلع خريج لغة عربية من 2004 و دخل عدة لجان اختيار و لم يوفق .. قلت ليهوا يا ولدى .. دحين الناس ديل شغلانية مدرس ما لقوها ليك .. قال لى أبدا بالرغم من انه فى حينا فى مدرستين فيهم 11 مدرس بس !!

البنية القاعدة جنبى خريجة اقتصاد من عام 1999 و دفعت مبالغ طائلة رسوم تقديم منذ ذلك الحين و لم ينجح أحد .. قالت لى أنا مباريه الوظائف دى مما كان التقديم بى ألفين ... و ألفين و نص .. و ثلاثة .. و خمسة لحد ما الآن بقى بى 7 و سامعة قالوا حيعملوهوا بى عشرة ..

البنية دى من منطقة الناس الحرقوا السكر فى الجزيرة .. قالت لى السكر حرقوهوا كم نفر ناس وردية فصلوهم تعسفى و عينوا ناس تانين من خارج المنطقة محلهم .. دحين يا عمو .. كان حرقنا السكر فى زول بيلومنا ..

ماعرفت أرد

[الجندي المجهول]

الحبيب / بدر الدين أحمد موسى

تحياتي ،،،

ذكر في حديث ( فيما معناه )
اذا مات ابن ادم انقطع عمله إلا من ثلاث :

الخ ... الحديث الشريف

وبما أن الوطنية ماتت وشبعت موت فاقترح أن نعمل على بنا ( مزيرة ) سبيل ونضع عليه (كوز) حتى يشرب الناس الماء ويكون الاجر والثواب باذن لمن أقام هذا (السبيل)

تخريمة : في ميزان حسناتك ان شاء الله

[همسات]

الاخ بدرالدين تحياتي وكل الاحترام
في الحقيقه قرأت هذ البوست مرتين
وكان الصمت حزنا وغضب
حزنا علي هذا الحال الذي تعود عليه الناس
واستسلمو له وهذا مااوصلنا لما نحن فيه الان
من عطاله ومن فساد ومااحل بالناس من ضيق العيش
وغضب من كل مايحدث لهذا الشعب الصبور
انظر اخي لتواريخ تخرج هؤلا الاخوه
وانظر نحنا في اي عام الان........
ظلم وافتراء دون خوف من الله
او خوف من هؤلا المساكين اتعلم لما
لانه ليس هناك من لديه الشجاعه
للوقوف والمطالبه بحقه وحتي ان وجد
الجماعه سيقطعون لسانه قبل ان يفتح فمه
بوست يستحق الوقفه والتأمل
لهذا الحال المحزن والتساؤل
الي متي يستمر ؟

[بدرالدين أحمد موسى]

الحبيب / بدر الدين أحمد موسى

تحياتي ،،،

ذكر في حديث ( فيما معناه )
اذا مات ابن ادم انقطع عمله إلا من ثلاث :

الخ ... الحديث الشريف

وبما أن الوطنية ماتت وشبعت موت فاقترح أن نعمل على بنا ( مزيرة ) سبيل ونضع عليه (كوز) حتى يشرب الناس الماء ويكون الاجر والثواب باذن لمن أقام هذا (السبيل)

تخريمة : في ميزان حسناتك ان شاء الله

و الكوز ياكل ناره .. منى الأزيار رأيك شنو !!

تحياتى

[بدرالدين أحمد موسى]

الاخ بدرالدين تحياتي وكل الاحترام
في الحقيقه قرأت هذ البوست مرتين
وكان الصمت حزنا وغضب
حزنا علي هذا الحال الذي تعود عليه الناس
واستسلمو له وهذا مااوصلنا لما نحن فيه الان
من عطاله ومن فساد ومااحل بالناس من ضيق العيش
وغضب من كل مايحدث لهذا الشعب الصبور
انظر اخي لتواريخ تخرج هؤلا الاخوه
وانظر نحنا في اي عام الان........
ظلم وافتراء دون خوف من الله
او خوف من هؤلا المساكين اتعلم لما
لانه ليس هناك من لديه الشجاعه
للوقوف والمطالبه بحقه وحتي ان وجد
الجماعه سيقطعون لسانه قبل ان يفتح فمه
بوست يستحق الوقفه والتأمل
لهذا الحال المحزن والتساؤل
الي متي يستمر ؟

تسلمى يا همسات .. ما قلت الا الحق .. بالأمس لاقيت واحد و عرفت انو من 1994 ما لاقى شغل .. و أخيرا جاء السعودية .. ليبدأ حياته ..!!

تحياتى

[آلاء عبد الرحمن]

ياهو حال الناس تلاقي زول اتخرج ليو 5 و6 سنين ومالاقي شغل
عايز تشتغل يكون عندك واسطة
وطبعا الواسطة زاتها بقت مااي واسطة
وزير ولي فوق
الزول يقراء الجامعة وتبداء معاناتو بعد التخرج
ربنا يكون في العون

[بدرالدين أحمد موسى]

ياهو حال الناس تلاقي زول اتخرج ليو 5 و6 سنين ومالاقي شغل
عايز تشتغل يكون عندك واسطة
وطبعا الواسطة زاتها بقت مااي واسطة
وزير ولي فوق
الزول يقراء الجامعة وتبداء معاناتو بعد التخرج
ربنا يكون في العون

حتى أمس يا آلاء كنت أعتقد أن من التقيتها هى أقدم خريج منذ 1999 .. و تدحرجت معلوماتى عندما وجدت شابا ( و هو تعبير مجازى لأنو عازب) متخرج منذ 1994 دون الحصول على وظيفة رغم الأجتهاد .. و السبب دائما !! الأيدلوجية الفكرية ... و قد اعتبر عنصر منشق !! و هو يرى أنه عاد الى جادة الصواب رغم العطالة !!

تحياتى

[آلاء عبد الرحمن]

والله يابدر الدين الناس مرات بتكون هي المشكلة
شغل الحكومة مامتوفر فالزول يشتغل اي حاجة مادام حلال مامشكلة
لانو اذا انظرتة شغل الحكومة ممكن تنتظر العمر كلو
انحنا متنظريعنا لينا قريب للسنتين ^_^ واسي قالو نزلو لسته استثنائية لي ناس كان اساميهم مانزلت من 2006

[بدرالدين أحمد موسى]

والله يابدر الدين الناس مرات بتكون هي المشكلة
شغل الحكومة مامتوفر فالزول يشتغل اي حاجة مادام حلال مامشكلة
لانو اذا انظرتة شغل الحكومة ممكن تنتظر العمر كلو
انحنا متنظريعنا لينا قريب للسنتين ^_^ واسي قالو نزلو لسته استثنائية لي ناس كان اساميهم مانزلت من 2006

يا آلاء نحن متفقين على انو الوظائف محدودة .. طيب بيخرجو بالأعداد دى ليه !! عشان كل خريج يعمل كرت العمل بى 7 ألف جنيه و لا شنو ؟؟ ( برضو جباية ) .
و ثانيا ليه الوظيفة تكون بالواسطة .. و مرات بيخلقوا وظيفة عشان زيد من الناس !!
و بعدين ليه تكون لستة استثنائية .. أخشى أن تكون تخدير خوفا من سيناريو تونس و مصر .. انتظرى البوست القادم عشان أوريك الحلول المطروحة لتوظيف الخريجين فى مدنى !!

تحياتى

[آلاء عبد الرحمن]

نتظــــــــريــــن ^_^