ككر النفاج يستضيف ( المسافر )

[مايسة]

نفاجين ونفاجيات


كيفنكم وعساكم مروقين - زي روقة المنقة بتاعت مارنجو

اها

الكاتب الفذ العاقب مصباح - كان زمان عمل لينا فكرة جميلة - عشان نتعرف على النفاجين طالما الواحد نص عمرو مقضيهو في حيطانو - والناس تبقى أسرة واحدة -

وكمان الاستاذ ود الطاهر (بس هسه بقى ما فاضي لينا لأنو بقى المتحدث الرسمي ومتصدر وش المدفع)



أها قلنا نواصل في نفس الفكرة - ولكن هذه المرة في ككر

كـــكر النفــــاج

كل مرة نقعد لينا شخص ولا شخصاية لمدة ثلاثة أيام
ونتعرف على الشخصية عن قرب اكثر -
وإحتمال يكون عندك حد ضايع ليهو سنين تلقاهو هنا (زي برنامج الشروق داك)

أها - بعديها يقوم هو باختيار من يجلس بعده

ولا الرأي شنو -

لو في أي زيادات ولا اقتراحات - مقبولة من قبل ما تتقال -

[مايسة]

بداية كدا

بقترح الناس الماحصل اتشرفنا نعرفهم عن قرب - وشخصيتهم ليست معروفة الا من خلال التداخل في البوستات -

مرة زول - ومرة زولة :d

عايزة بس اخت اسامي (لو ما عندكم إعتراض) في الأول لحد ما الناس تتعود والحكاية تمشي بسلاسة

المسافر
أم رغد
بحيري
آلاء عبد الرحمن
أبو عبد الرحمن
همسات

الهدف انو الناس بالجد تتعرف على بعض - يعني ما عايزين نعتمد على انو بنعرف الشخصية دي عشان كدا نختارو يكون بعدينا اوكي -

[ود المطامير]

غايتو جنس شمارات

هسى أنا مسجل بإسم ود المطامير عشان الناس ما يعرفونى

أقوم أجى هنى وأفتو ؟

[مايسة]

المسافر

أي حد عايز يلفها مع الشخصية دي وينتقم الفات والهسه والجاي - يجي

اها يا المسافر

البطاقة الشخصية بالكامل - متضمنه اهم شئ الحالة النفسية وكدا

[ود المطامير]

بداية كدا

بقترح الناس الماحصل اتشرفنا نعرفهم عن قرب - وشخصيتهم ليست معروفة الا من خلال التداخل في البوستات -

مرة زول - ومرة زولة :d

عايزة بس اخت اسامي (لو ما عندكم إعتراض) في الأول لحد ما الناس تتعود والحكاية تمشي بسلاسة

ود المطامير
المسافر
أم رغد
بحيري
آلاء عبد الرحمن
أبو عبد الرحمن
همسات

الهدف انو الناس بالجد تتعرف على بعض - يعني ما عايزين نعتمد على انو بنعرف الشخصية دي عشان كدا نختارو يكون بعدينا اوكي -

دا الكلام الصاح

موافقيييييييين

[ود المطامير]

أبوالدقيق
أشهر عزابى فى المنتدى

سؤالى
مالك بقيت الغنمايه تاكل عشاك ؟

[مايسة]

غايتو جنس شمارات

هسى أنا مسجل بإسم ود المطامير عشان الناس ما يعرفونى

أقوم أجى هنى وأفتو ؟

ومالو - الا تكون عامل ليك عمله
ولا مدسي من الجماعة
ولا شغال مع المافيا

الفي النص دي - عشان تاخد راحتك وكدا وما يسألوك

[مايسة]

يا ود جزيرة الشياطين -

ممنوع التزوير لو سمحته يعني

بنرجعك المنفى هسى

[مدنيّة]

ميسو
يعني شنو "ككر"!!!
سؤال جادي والله
اول مرة اسمع الكلمة دي

[بت أم درمان]

ميسو
يعني شنو "ككر"!!!
سؤال جادي والله
اول مرة اسمع الكلمة دي

تكون قاصدة وكر؟
انا عملتها سكر لقيتا ما جاية كلو كلو

[ودسمير]

الككر خير اللهم اجعلو خير ....
اعتقد بانه ذى 0( البمبر ) بس كبير وعنده جوانب ذى كرسى الجلوس وهو من الخشب وكان يجلس عليه سلاطين سنار ..

اتمنى ان يكون حالفنى الصواب يا مدنيه ..

[ودسمير]

والله كلام تمام يا مايسه وانا جاهز ( ومتشطف وسفنجتى نضيفه )

[حنونة.]

ميسو
يعني شنو "ككر"!!!
سؤال جادي والله
اول مرة اسمع الكلمة دي

سلام مدون وكيف صحتك ياغالية تعجبنى صراحتك اها انتفلسف ليك رغم انو الفاضل ود سمير جاوب اجابة صاح ميية المية
هو عبارة عن كرسى من الخشب مصنوع من الخشب وياخذ شكل من اشكال المثلث وكان يجلس عليه السلاطين او حاكم البلد ومن اشهرهم عمارة دنقس ملك السلطنة الزرقاء و قالوا من فوائد الجلوس على الككر رياضة المفاصل حيث أن الواحدة لحظة الغسيل تغسل الملابس ثم تقوم لتدفق الماء من الطشت ثم تعود وتجلس، ثم تقوم لتملأ الجردل ثم تعود وتجلس وهكذا عدة مرات، لذلك لم يعرفن أمهاتنا ألم المفاصل.
الم تسمعى قول الشاعر محمد أحمد سالم (حميدة) في رائعته طعم الدروس:
في الحصة عقلي أنا تاه سدر
يمة المدرس لو فكر
كان يلقا جنبك فوق ككر
في الدونكا لسع ما فطر
وماتقولى الدونكا يعنى شنو؟

[مايسة]

ميسو
يعني شنو "ككر"!!!
سؤال جادي والله
اول مرة اسمع الكلمة دي

اي اي عارفاك قادة تاريخ انتِ

قريتي مدرسة مصرية شكلك

[مايسة]

تكون قاصدة وكر؟
انا عملتها سكر لقيتا ما جاية كلو كلو

ههههههههههههههه

وحاة الله ضحكتيني ضحك

دا عيب المدارس الأفرنجية

[مايسة]

الككر خير اللهم اجعلو خير ....
اعتقد بانه ذى 0( البمبر ) بس كبير وعنده جوانب ذى كرسى الجلوس وهو من الخشب وكان يجلس عليه سلاطين سنار ..

اتمنى ان يكون حالفنى الصواب يا مدنيه ..

هي عارفة عشان تقول صح ولا غلط

والله كلام تمام يا مايسه وانا جاهز ( ومتشطف وسفنجتى نضيفه )

خليك بطينك ما مشكلة

[مايسة]

سلام مدون وكيف صحتك ياغالية تعجبنى صراحتك اها انتفلسف ليك رغم انو الفاضل ود سمير جاوب اجابة صاح ميية المية
هو عبارة عن كرسى من الخشب مصنوع من الخشب وياخذ شكل من اشكال المثلث وكان يجلس عليه السلاطين او حاكم البلد ومن اشهرهم عمارة دنقس ملك السلطنة الزرقاء و قالوا من فوائد الجلوس على الككر رياضة المفاصل حيث أن الواحدة لحظة الغسيل تغسل الملابس ثم تقوم لتدفق الماء من الطشت ثم تعود وتجلس، ثم تقوم لتملأ الجردل ثم تعود وتجلس وهكذا عدة مرات، لذلك لم يعرفن أمهاتنا ألم المفاصل.
الم تسمعى قول الشاعر محمد أحمد سالم (حميدة) في رائعته طعم الدروس:
في الحصة عقلي أنا تاه سدر
يمة المدرس لو فكر
كان يلقا جنبك فوق ككر
في الدونكا لسع ما فطر
وماتقولى الدونكا يعنى شنو؟

يديك الفي مرادك انتي يا حنونة

كيفنك ومشتاقين ياخ

اها حقو نفتح ليك فصل محو أمية لمدنية وبت أمدرمان

[بنت الرفاعي]

لكِ التحية أختي مايسة
وبالتوفيق في
الككر (اللهمّ زدنا علماً)
إن شاء الله.

عندي لستة مُمكن أضع ليك جزء منها؟!


بالمناسبة وين أخينا المسافر؟!
(مع أننا في آخر الشهر)

[mahagoub]

حلونا فى المهم
اقبضوا لينا المعلم ده
الكرسى جاهز



النواعم ما يخافوا ده كرسيهن

[ابو لوزة]

حلونا فى المهم
اقبضوا لينا المعلم ده
الكرسى جاهز



النواعم ما يخافوا ده كرسيهن

عم محجوب كدي روق ساي هسي البنوت
ديل يقوموا يجروا ساي من الموضوع ده
هسي بالله الكرسي ده انت بتقعد عليه
عشان نقعد فية الناس اللطيفة دي

[المسافر]

اها يا المسافر

البطاقة الشخصية بالكامل - متضمنه اهم شئ الحالة النفسية وكدا

البطاقة الشخصية نسيتها في البيت

[المسافر]

أبوالدقيق
أشهر عزابى فى المنتدى
سؤالى
مالك بقيت الغنمايه تاكل عشاك ؟

أول شيء شكراً يا معجب
الغنماية بس ، الغنماية والكديسة والجدادة الفأر والنملة . . .
وأنا زاتي ما عارف مالي والله
ما شوف لينا فكي عليك الله في حلتكم

[المسافر]

ميسو
يعني شنو "ككر"!!!
سؤال جادي والله
اول مرة اسمع الكلمة دي

أحي أنا من الناس المولودين في باريس ديل

[المسافر]

لكِ التحية أختي مايسة
وبالتوفيق في
الككر (اللهمّ زدنا علماً)
إن شاء الله.

عندي لستة مُمكن أضع ليك جزء منها؟!


بالمناسبة وين أخينا المسافر؟!
(مع أننا في آخر الشهر)

قبل كده سمعتي ليك مشرف بكون موجود في المنتدى !!!؟؟
وطيب !!!!!!!!!

[مدنيّة]

تكون قاصدة وكر؟
انا عملتها سكر لقيتا ما جاية كلو كلو

وكر عصابة ولاشنو!! ههههههههههههههههههههه
اخير انا منك يابنوتة