صفحات .. للجرسه

[ريمون]

المستحيل
محمد وردي

لو بإيدي ..
لو بإيدي كنت طوعت الليالي
لو بإيدي ..
لو بإيدي كنت زللت المحال
والأماني الدايرة في دنياي ماكانت محال
دي الإرادة ونحن ما بنقدر نجابه المستحيل
دي الإرادة والمقدر ما بنجيب ليه بديل
دي الإرادة أجبرتني في هواكم من قبيل

غصبا عني وغصبا عنك
انت حبيتني وهويتك
لو بإيدنا من زمان
كنت خليتني ونسيتك
والنهاية ..
انت عارف وانا عارف
لو بإيدي كان هديتك

أصلو حبي أقوى وأكبر من إرادتي
وانا حاسس في جحيم نارك سعادتي
واللهيب البكوي في روحي
في ذاتي
هو إنت
قلبي دايرك
حبي عارفك
في شبابك في صباك
في جمالك في وفاك
في شبابك في وفاك
يا المسير وماك مخير
انت ياصابر عند الله جزاك

[ريمون]

انت حبيتني وهويتك .. يا جماعة رايكم شنو ليه قال حبيتني وهويتك .. ما الحب وما الهوي ..
بعدين شوفتوا الجرسه دي هنا كيف "واللهيب البكوي في روحي "

[مصطفى هاتريك]

انت حبيتني وهويتك .. يا جماعة رايكم شنو ليه قال حبيتني وهويتك .. ما الحب وما الهوي ..
بعدين شوفتوا الجرسه دي هنا كيف "واللهيب البكوي في روحي "

بموجب السلطات الممنوحة لي تفويضا

قررنا الآتي ...

منح السيد / ريمون وسام الجرسة من الدرجة الأولى

:::: يسري العمل به من تاريخ توقيعه

[مصطفى هاتريك]

كنت في بوست سابق قد أفردت مساحة خاصة للصدفه و المواعيد في الغناء السوداني ,, إلا أن حبي الشديد

ل (( تاج السر عباس ) جعلني أعيد نشر هذه الهضربة اللذيذة.....


قبال ميعادنا بساعتين أبيتو أنا وأباني البيت


أغالط نفسي في أصرار وأقول يمكن أنا الماجيت


وطالت وقفة الأشواق معاي جمب المكان ذاتو


أنا ورعشة ظلال الليل وقلبي حزينة دقاتو


وفات ميعادنا فات روح وشال الليل حكاياتو


أنا المستني في الميعاد وليك حبل الصبر مديت


وأغالط نفسي في أصرار وأقول يمكن أنا الماجيت


تخيل كيف مشاعري أنا أنا المصلوب علي الميعاد


أعود كيفن ملآن غربة وأشيل الليل عذاب وسهاد


وياريتك ما وعدتينى وياريتنا نحن كنا بعاد


وبرضي رجعت متصبر معاي خطواتي راجعة البيت


وأغالط نفسي في أصرار وأقول يمكن أنا الماجيت



تاج السر عباس أيها المبدع حفظك الله

[ساريه]

بموجب السلطات الممنوحة لي تفويضا

قررنا الآتي ...

منح السيد / ريمون وسام الجرسة من الدرجة الأولى

:::: يسري العمل به من تاريخ توقيعه

يا هاتريك عليك اعتذار لريمون لانها سيده .............
نحن السابقون وانتم اللاحقون ....

[ابووضاح]

يا هاتريك عليك اعتذار لريمون لانها سيده .............
نحن السابقون وانتم اللاحقون ....

هيع هيع هيييييييييييييييييييع كع كع كعععععععععععععععععع والله يا هاترك الليله كان عرفك ود المطامير ومدنية
ومودي بطيرو عيشتك

[مصطفى هاتريك]

يا هاتريك عليك اعتذار لريمون لانها سيده .............
نحن السابقون وانتم اللاحقون ....

إعتذار واجب

إسم ريمون يعني (( نور العالم )) وهو من أسماء سيدنا

عيسى عليه السلام .. و أصله ريموند

وذلك سبب خطأي غير المقصود

يا نور العالم لك العتبى حتى ترضين

ويا سارية شكرا للفت النظر ....

[مصطفى هاتريك]

هيع هيع هيييييييييييييييييييع كع كع كعععععععععععععععععع والله يا هاترك الليله كان عرفك ود المطامير ومدنية
ومودي بطيرو عيشتك

عارف يا أبو وضاح عمك ريمون بتاع الغاز

الأيام دي عندو غاز ... وود المطامير لو ظهر بيجاي

بكرم ليهو (( كسير تلج )) .. ومدنية مشغولة في

ظل الظروف الراهنة ... و (( مودي )) ده حبيب عمري

[mahagoub]

انت حبيتني وهويتك .. يا جماعة رايكم شنو ليه قال حبيتني وهويتك .. ما الحب وما الهوي ..
بعدين شوفتوا الجرسه دي هنا كيف "واللهيب البكوي في روحي "

يا ريمون هى حبته وهو هواها
واحب الفطير باللبن
بعد الجرسه

[mahagoub]

بموجب السلطات الممنوحة لي تفويضا

قررنا الآتي ...

منح السيد / ريمون وسام الجرسة من الدرجة الأولى

:::: يسري العمل به من تاريخ توقيعه

اذا كان ريمون اخدت وسام الدرجة الاولى
فانت اخذت الماجستير

[mahagoub]

إعتذار واجب

إسم ريمون يعني (( نور العالم )) وهو من أسماء سيدنا

عيسى عليه السلام .. و أصله ريموند

وذلك سبب خطأي غير المقصود

يا نور العالم لك العتبى حتى ترضين

ويا سارية شكرا للفت النظر ....

كلنا ركبنا شمال
ود نوع من انواع الجرسه

[ابووضاح]

إعتذار واجب

إسم ريمون يعني (( نور العالم )) وهو من أسماء سيدنا

عيسى عليه السلام .. و أصله ريموند

وذلك سبب خطأي غير المقصود

يا نور العالم لك العتبى حتى ترضين

ويا سارية شكرا للفت النظر ....

لك التحيه الاخ مصطفي هاترك علي هذه المعلومة (نور العالم )من اسماء سيدنا عيسي عليه السلام
تخريمة: منو الزيك أصل موروث من الاجداد تقبل مروري

[ريمون]

يعني يا جماعة اسم الدلع حقي ده عمل المشاكل دي كله ؟!!
مافي زول فيكم عندو ريم خاصة بدلعها ريمون ولا شنو .. غايتو مافي مشكلة لو الغلط في الاسم ما في الشخصية ..
انا عضو قديم لكن جديد في المشاراكات .. وبعرفكم كلكم وبريدكم كمان ..
نبدأ تاني من جديد .. ازيكم وشكرا يا هاتريك علي الوسام وهاك دي بالمناسبة دي

قالو قالوا على شقي ومجنون
صحيح مجنون انتو جنوني ياحلوين
******
انتو لقلبي زاد عمره
وليه المنّ والسلوى
جنوني عيون
عيون لو شافها عطشان السنين يروى
ليه ما اجن
الليل البشيل الناس
بشيلو هموم
أقاسى مرارة الوحدة
وأغالب لوعة المحروم
بتعذب سنين ما ضقت طعم النوم
صحيح شقي ومجنون
******
كثير امثالى من هجر الحبيب جنو
إن شاء الله أجن وأزيد في الجن
انتو تجافوا ما تحنوا
إيه أنا عندي في الدنيا
فؤادي انتو مالكنو
شبابي الكنت بحلف بيهو
دمرتوه من بدري
وليكم يا حسان الحور
هديت الباقي من عمري
انت بتقولي اصبر
الصبر كملتو بصبري
صحيح شقي ومجنون
*******
أساهر الليل برايا برايا برايا
وبشوق السنين ممكون
بتحسر وأشيل الهم
على يوم بكره كيف حيكون
دموعي الدمعة باريه الدمعه
طارده الدمعه ذارفه الدمعه
انت بتقولي مجنون
وحات الضقتو في ريدكم
صحيح شقي ومجنون

[ريمون]

صدقوا .. اتمني اكون نور العالم لي اولادي الأربعة ..

[مصطفى هاتريك]

صدقوا .. اتمني اكون نور العالم لي اولادي الأربعة ..

على ذكر الريم يا ريمون فقد تغنى السودانيون كثيرا تشبيها بالريم

و أورد مثالا هذه الأغنية من خالدات ودالرضي والمملؤة جرسة من

العيار الثقيل :


للرائــع ود الرضــي

احرموني ولا تحرموني
سنة الاسلام السلام
عطفكم يا من الموني
كالاشعة الاسهم رموني
الشجون بالليل نادموني
الانين والنوح علموني
لو معنعن قول كلموني
حبي طاهر لم تظلموني
برضي قابل الظلم احترام

يا النفوني كفى اعرفوني
ساهي ساهر ساحات جفوني
في هواكم يا من جفوني
لا الوم ان لم تنصفوني
انعكاس الاحوال كفوني
ايضا الايام عرفوني
يوم سموما ويوما غمام

كلما النسمات عطروني
فاجأوني دموع مطروني
رب اغفر للعكروني
في وداعة الباري العروني
رب وقت يتذكروني
او يقول القايل دروني
او يحدث عني المنام

الدهاة بالسلو ما دهوني
عن تجاهكم ما وجهوني
بي تحكو وشمتو النهوني
وبرضي هايم وخاضع لهوني
لا اقول مستنكف دهوني
عن كثير عن قيس نبهوني
عن حقيقة الحب غين ولام

ما تنفس صبح او ضحى لي
الا غاب هدهد فكري ورحالي
قال قربك عين المحال
قلبي غير زكراك ما صحى لي
يكفي ان السهد اكتحالي
يكفي شاهد لي انتحالي
شاكي شاكر شاخص دوام

طاف خيالك والليل كافر
شفت بدرو المتجلي سافر
صك غاضب لقى دمعي دافر
قاللي جملة وعقد الاظافر
قاللي طبع الريم اصلو نافر
قتلو عل تريم النوافر
وعل راء الريم تبقى لام

في التفكر اصبح وامسي
ايضا التزكار نجوى همسي
وحياتي اشبه برمسي
اشكو يومي واسترحم امسي
ما عهدتك يا ليل تمسي
طلت وامتى اشراق شمسي
وانت وين يا بدر التمام

قتلو ليت الايام يندن
تبقى لانت وسحابا دندن
بلماك النيران يخمدن
ليك روحي واجزيك حمدا
قال لي كيف تستوجب لي حمدا
من تعاطى المكروه عمدا
غير شك يتعاطى الحرام

[ريمون]

واديك جرسه علي الطائر بمناسبة السخانة الفي الجو والفي الجيب الماليه مدني هسه ..


الفنان: محمد وردي
الشاعر : اسماعيل حسن

آه لو بهمسه
آه لو ببسمه
قول احبك
لو بنظره
نظره حتى عابره
قول احبك
لو بتحلم في منامك
قول احبك
لو ترسل لي سلامك
قول احبك

يا حبيبي
كل كلمه من شفايفك
أحلى غنوه
كل نظره من عيونك
فيه سلوى
كل نسمه من ديارك
فيه نجوى
وكل همسه ياحبيبى
عندى حلوه

يا حبيبي
عمري كله
أهديته لي حبك
يا حبيبي انت عارف
والغرام يشهد له ربك
يا بدوري في الظلام
والظلام يحجب لي دربك
آه ناري بعدك
والحنان والجنة قربك
يا حبيبي الزهور
الحلوة تتفتح في قلبك
أنت عارف أنا يا روحي بحبك

خوفي منك
خوفي تنساني وتنسى الليالي
يا حبيبي أنا خايف يا ما بعدك أنسى حالي
أبقى تائه والغرام يصبح حكاية
والأماني الحلوة دي الكانت بداية
تبقى أشواق في طريقي في النهاية يا حبيبي

[ابو عبد الرحمن]

أحيييييييييييييييييييييييييييي انا منك

طبعاً اكيد يا خالد منك دي بكسر الكاف ( صاح )
لكن لقيتك أخير منك انا ......... ههههههههههههه

[ريمون]

على ذكر الريم يا ريمون فقد تغنى السودانيون كثيرا تشبيها بالريم

و أورد مثالا هذه الأغنية من خالدات ودالرضي والمملؤة جرسة من

العيار الثقيل :


للرائــع ود الرضــي

احرموني ولا تحرموني
سنة الاسلام السلام
عطفكم يا من الموني
كالاشعة الاسهم رموني
الشجون بالليل نادموني
الانين والنوح علموني
لو معنعن قول كلموني
حبي طاهر لم تظلموني
برضي قابل الظلم احترام

يا النفوني كفى اعرفوني
ساهي ساهر ساحات جفوني
في هواكم يا من جفوني
لا الوم ان لم تنصفوني
انعكاس الاحوال كفوني
ايضا الايام عرفوني
يوم سموما ويوما غمام

كلما النسمات عطروني
فاجأوني دموع مطروني
رب اغفر للعكروني
في وداعة الباري العروني
رب وقت يتذكروني
او يقول القايل دروني
او يحدث عني المنام

الدهاة بالسلو ما دهوني
عن تجاهكم ما وجهوني
بي تحكو وشمتو النهوني
وبرضي هايم وخاضع لهوني
لا اقول مستنكف دهوني
عن كثير عن قيس نبهوني
عن حقيقة الحب غين ولام

ما تنفس صبح او ضحى لي
الا غاب هدهد فكري ورحالي
قال قربك عين المحال
قلبي غير زكراك ما صحى لي
يكفي ان السهد اكتحالي
يكفي شاهد لي انتحالي
شاكي شاكر شاخص دوام

طاف خيالك والليل كافر
شفت بدرو المتجلي سافر
صك غاضب لقى دمعي دافر
قاللي جملة وعقد الاظافر
قاللي طبع الريم اصلو نافر
قتلو عل تريم النوافر
وعل راء الريم تبقى لام

في التفكر اصبح وامسي
ايضا التزكار نجوى همسي
وحياتي اشبه برمسي
اشكو يومي واسترحم امسي
ما عهدتك يا ليل تمسي
طلت وامتى اشراق شمسي
وانت وين يا بدر التمام

قتلو ليت الايام يندن
تبقى لانت وسحابا دندن
بلماك النيران يخمدن
ليك روحي واجزيك حمدا
قال لي كيف تستوجب لي حمدا
من تعاطى المكروه عمدا
غير شك يتعاطى الحرام

والأخوه المصريين غنوا لي مصطفي :

يا مصطفى يا مصطفى انا بحبك يا مصطفى
سبع سنين متفرقين امتى هتيجى يا مصطفى
سماره بحبك حب وموش كلام
والحنين فى بعدك حارمنى المنام
بكره نعيد الفرح تانى والزمان الاولانى
يا مصطفى يا مصطفى انا بحبك يا مصطفى
سبع سنين متفرقين امتى هتيجى يا مصطفى
يا مصطفى يا مصطفى انا بحبك يا مصطفى

[ابو عبد الرحمن]

ودي يا درش جرســـــــــــــــــة من نوع مختلف
زي ما بقولوا بخشم الباب ...................
بس الجرسة للحبيب دلع بأدب وذوق .....
شوق ؟ لا تغيبي أثرك علًي ما ليهو قـــــــــيف
راجيك هنا مستني طيفك في خيالي لمـــن تجي
رحلت معاك كل الورد والقمري قـــــــــــــوقا
زى وليداً في المغيب غابت عليهو ضــــــمتو
حتى النجوم الفوق هناك هيمــــــــــــــــانه بيك
حتى القمر بطلعتو لمن عرف أعلن حــــــــداد
والليل حزين شايل الألم ألماً شديد من وحشتو
والطير هناك يســــــــــــــأل عليك وينو القبيل
الكــــــان هنا زولاً حنين بضــــــــــــــــحكتو
ضحكة وليد ووليد صغير من فـــــــــــــــرحتو
جف القلم سكب المداد يكتب حــــــــــــــــزن
حزناً شديد من الفراق ود مــدني داك في تربتو
أنا ما ني خايف للفراق ما يهو القــــدر ونكتب
أنا ماني خايف للبعاد ما يهو من رب الـــــعباد
الخوف كتير للعيون من الســهر يحميها شوف
الخوف كتير من القليب الانجـــرح من النزيف
الخوف كتير من الفؤاد يصعيب عليهو الانتظار
يا شوق " شوقي لك ماليهو حـــد زى الجروف
مشتاقة لموية الخريف في عـــــــــــــــــــــزتو
شوق الأنامل للكتابة نحات هناك فــــي لوحتو
شوق السنين لحبيب بعيد طال السفر من قريتو
شوق القماري لمن تغيب زمناً طويل من عشتو
راجيك أنا حـــــــــــــــــامل معاي شــــــوق الحمام
شوق السنين العشتهم بين السعادة والوهــــــم
أنا لي سؤال حارق حشائي ما لقيتلو حـــــــــل
أنا لي سؤال يمكن يكن اقــــــــــــــرب للخيال
أنا لي سؤال خلاني زى مــــــــــركب صغير
مليانة ناس وبدون شراع وســــــــــــط البحر
أيه اللي كان بيناتنا كان ؟ يمكن وهــــــــــــم ؟
أمكن خيال لو كان خيال خليني سارح في الخيال
ارجع تعال ارجــــــــــــــع للخيال يا حبيب تعال
خيال جميل زى القمر فــــــــــــــــــــي طلعتو
وقتين يغيب نحــــــــــــــــــــــــزن كتير لغيبتو
أنا داير إجابة يا روعــــــــة يا ست الحسان؟
وريني يا ست الحسان وقت الحــــب حصل؟
أيه ألي الدار بيناتنا دار ؟ كــلام جميل بنشوتو
والعيون تزرف دموع طربانه شوق من رقتو
والدمـــــــعة سايلة على الخــــدود من روعتو
كان الكـــــــــــــــلام عن العهود لا بد تصون
والحـــــــــب يكون جوه العيون لي أبد الدهر
ما فيش فراق ما فيش بعـــــــــــاد حتى السفر
لو كان بعيد ترجـــــــــع سريع لحبيب سعيد
راجيك هناك يحمل الــــــــــــــــم من سفرتو
وكتبتو ليك وببصـــــمتو ليك بدمـــــــــعتي
دمعاً حنين زي مــــــــــطراً رزاز بنسمتو
أنا لي سؤال يمكن يكون آخـــــــــــر سؤال
ويمكن يكون جواو سؤال عن الحقيقة والوهم
وهم جميل خلاني سارح منتشي من فرحتي
وحــــــــــــقيقة مرة ومؤلمة كانت نهاية قصتي
ويبقي السؤال نفس السؤال أيه اللــــي كان؟
بيناتنا كان أمــــــــكن حقيقة وأمــكن خيال
لو كان خيال خليني ســــــــارح في الخيال
ارجع تعال لو كان حقيقة حقيقية مرة وتنتهي
أحسن قبيل ارجـــــع للخيال يا حبيب تعال
ودمتي شوووق في القلب والذاكرة حتي الممات
ذكرى رائعة نتغني بها ونعيش على اوتار انغامها
الحان سجيّا ................................

[ساريه]

أنا لي سؤال حارق حشائي ما لقيتلو حـــــــــل
أنا لي سؤال يمكن يكن اقــــــــــــــرب للخيال
أنا لي سؤال خلاني زى مــــــــــركب صغير
مليانة ناس وبدون شراع وســــــــــــط البحر
أيه اللي كان بيناتنا كان ؟ يمكن وهــــــــــــم ؟
أمكن خيال لو كان خيال خليني سارح في الخيال
ارجع تعال ارجــــــــــــــع للخيال يا حبيب تعال
خيال جميل زى القمر فــــــــــــــــــــي طلعتو
وقتين يغيب نحــــــــــــــــــــــــزن كتير لغيبتو
أنا داير إجابة يا روعــــــــة يا ست الحسان؟

جرسه من نوع خاص ... شكراً ابوعبدالرحمن
للابيات الجميله دى

[ابو عبد الرحمن]

أنا لي سؤال حارق حشائي ما لقيتلو حـــــــــل
أنا لي سؤال يمكن يكن اقــــــــــــــرب للخيال
أنا لي سؤال خلاني زى مــــــــــركب صغير
مليانة ناس وبدون شراع وســــــــــــط البحر
أيه اللي كان بيناتنا كان ؟ يمكن وهــــــــــــم ؟
أمكن خيال لو كان خيال خليني سارح في الخيال
ارجع تعال ارجــــــــــــــع للخيال يا حبيب تعال
خيال جميل زى القمر فــــــــــــــــــــي طلعتو
وقتين يغيب نحــــــــــــــــــــــــزن كتير لغيبتو
أنا داير إجابة يا روعــــــــة يا ست الحسان؟

جرسه من نوع خاص ... شكراً ابوعبدالرحمن
للابيات الجميله دى

اشكرك ساريه لتفهمك لهذه الجرسة ... يا ربي ما تحرم عشيق من الجرسه

[بنت الرفاعي]

من أبيات
ديل أهلي

للشاعر إسماعيل حسن. <O




<O


بلادي أنا

بلاد ناساً مواريثهم في أول شيء

كتاب الله و خيل مشدود ..

وسيف مسنون حداه درع ..

تقاقيباً تسرج الليل مع الحيران
وشيخاً في الخلاوي ورع ..
وكم نخلات تهبهب فوق جروف الساب ..
وبقرة حلوبة تتضرع وليها ضرع..
وساقية تصحّي الليل مع الفجراوي

يبكي الليل ويدلق في جداولو دمع ..

يخدر في بلادي سلام

خدرة شاربة موية النيل

تزغرد في البوادي زرع ..



بلادي أنا
تكرم الضيف
وحتى الطير يجيها جيعان

من أطراف تقيها شبع ..

بلادي أنا
بتشيل الناس
كل الناس
وساع بخيرها لينا يسع ..

وتدفق مياه النيل على الوديان

بياض الفضة في وهج الهجير بيشع ..

بلادي الصفقة و الطنبور ..

وداراة تنح في الليل ..

وبنوتاً تحاكي الخيل

يشابن زي جدي الريل ..

وشبالن مكنتل في طريفو ودع ..





بلادي سهول ..
بلادي حقول ..
بلادي الجنة للشـافوها
أو للبرة بيها سمع ..

بلادي أمان ..

بلادي حَنان وناسا حُنان ..

يكفكفوا دمعة المفجوع ..
يبدوا الغير علي ذاتهم

يقسموا اللقمة بيناتهم..

ويدوا الزاد

حتى إن كان مصيرهم جوع..



بحبوا الدار

يموتوا عشان حقوق الجار..

يخوضوا النار عشان فد دمعة

وكيف الحال كان شافوها
سايلة دموع ؟؟..

ديل أهلى
البقيف في الداره

وسط الداره

وأتنبر وأقول للدنيا

كل الدنيا


ديل أهلي
عرب ممزوجة بي دم الزنوج الحارة ..

ديل أهلي

ديل قبيلتي

لما أدور أفصل للبدور فصلي ..

أسياد روحي والإحساس



وسافر في بحار شوقم زمان عقلي

أقول بعضي..

ألاقيهم تسربوا فى مسارب الروح بقو كلي

محل قبلت ألقاهم معايا


معايا زي ضلي
لو ما جيت من زي ديل..

كان

أسفاي..

وا مأساتي..



وا ذلي..

تصور
كيف يكون الحال

لو ما كنت سوداني

وأهل الحارة ما أهلي



تصور كيف؟؟؟!!!








<O

</O

[ريمون]

قلنا نجي نتجرس شويه بمناسبة سخانة الجو دي ..
أغنية : في الليلة ديــــك
كلمات الشآعر :
بابكر الطاهر
***
في الليلة ديك لاهان علي
أرضى وأسامحك
ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك
جيت أقول مبروك عليك
ومديت يميني بلا
كلام ما قدرت قدامك أقيف
ورجعت حابس
أدمعي في الليلة ديك
في الليلة ديك
والناس تشارك فرحتك
حسيت بإني غريب
هناك وغريبة
إنتي في دنيتيك
حسيت معاني الفرقة
حسيت بالوجود
ماخذ سواد من حنتك
شفت الدموع خلف الرموش
مكبوته بي حسرة وضياع
ورعشة الكف الخضيب
مقرونة بنظرة وداع
جابو القدر في سكتك
في الليلة ديك لاهان علي
أرضى وأسامحك
ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك
جيت أقول مبروك عليك

[مصطفى هاتريك]

أبو عبد الرحمن

مرام

للجرسة عندكما معنى أكبر و أشمل

شاكر كتير جزيل الإضافة

[مصطفى هاتريك]

قلنا نجي نتجرس شويه بمناسبة سخانة الجو دي ..
أغنية : في الليلة ديــــك

إن شاء الله السخانة دي ما تروح طالما أنها تولد إبداعاتك