هاتريك

[ريمون]

مسؤليين من الخير يا ناس المنتدي ..
مصطفي هاتريك وين ؟؟؟

[آلاء عبد الرحمن]

انا كنت عايزة اتصل عليو ادوني ارقام ماياها
^_^
ليو كم يوم ماظهر ان شاء الله المانع خير

[ايمن عبد الله]

نتمنى ان يكون المانع خير .. فعلاً افتقدناه في اليومين ديل ..


مشكورة ريمون على تفقد الاحباب .. ربنا يحفظك ان شاء الله ..

[ريمون]

كويس يعني ما مفتقداه براي ..
انشاء الله يكون مبسوط ..ورائق .. ولو انو بعيد عن المنتدي ما بروق ..

[مصطفى هاتريك]

مدخل أول


انا ماجاييك شايل أفراح
ليلى المغربي
غناء أحمد شاويش
.........................



أنا ما جاييك شايل أفراح
تملا الدنيا
أجمل منية
عطر الريحان
شوق الحبان
واجمل غينة
*****
جاييك فرحان
الخطوة تسابق في الخطوة
والبسمة تغازل في النسمة
والكلمة تناغم في الكلمة
والدنيا قمر نوّر دنيا
*****
ما الريد بقى عمقي ووجداني
حدّثو تاني
ما العمق العاشر بباشر
ناير وجدانو على الآخر
حدّثو تاني
ما بهم المدّلّي ولا السادر
عشنا صبابة
محنة حبابا
كمان وربابة
*****
قول للعاشقين
نحن الأحلى
نبض الشريان نحلف صادقين
عندنا أعلى
وارواحنا طيور
يا دوبا خدور
الكون تملا
رغبة وعشرة
هز الوجدان وافرح كلك
نادي الحبان وانشر ضلك
واهدي اليامسين
عطرك وفلك

[مصطفى هاتريك]

مدخل تاني

ريمـــــون ... آلاء ..... أيمن عبدالله

شكرا لسؤالكم و ما غبت إلا بالشديد القوي

وعزائي أن سبب الغياب زراعة فرحة في أمنا مــــــدني

سنجني ثمارها قريبا

بس دعواتكم الصالحات

[مصطفى هاتريك]

[ريمون]

الحمد لله علي العوده ولو انو مدام في سبيل مدني معناها مافي غياب .. طمنتنا ..

[ساريه]

حمد الله على السلامه هاتريك وافتقدناك ........ والعود احمد .....
ومدنى محتاجه امثالك ........

[مصطفى هاتريك]

الحمد لله علي العوده ولو انو مدام في سبيل مدني معناها مافي غياب .. طمنتنا ..

ريمون

يا زولة بطعم الشهد ... بنكهة البلد ..بروعة الأم و الولد

شكرا كثيرا على إحساس الأخوه الصادقة الذي غمرني

[مصطفى هاتريك]

حمد الله على السلامه هاتريك وافتقدناك ........ والعود احمد .....
ومدنى محتاجه امثالك ........

أختنا ســـارية المنتدى

والله العظيم غياب يوم عنكم زي غياب سنين

[ايمن عبد الله]

حمداً لله على سلامة الرجوع بعد الغياب .. واتمنى لك التوفيق دائماً

[ودسمير]

الاحباب ما خلو شيتا يتقال ...

لكن برضو كيف الحااااال

[مدنيّة]

يا جماعة ماتقلقوا
الزول دا مشي شندي وحاء

[مصطفى هاتريك]

حمداً لله على سلامة الرجوع بعد الغياب .. واتمنى لك التوفيق دائماً

تسلم يا أيمن يا راقي

فخور جدا بصداقتك

[مصطفى هاتريك]

الاحباب ما خلو شيتا يتقال ...

لكن برضو كيف الحااااال

أخوي ود سمير

مشتاقين وياريت نشوفك في الإجتماع الليلة

[مصطفى هاتريك]

يا جماعة ماتقلقوا
الزول دا مشي شندي وحاء

ههههههههههههههههههههههه

هو أنا كان مشيت شندي كان رجعت

وحاتك كان من الإستاد و على الدهب

[الجندي المجهول]

هاتريك

بطل غياب

ولو في امكانية لي اذن قبل الغياب يكون ( تمام التمام)

عشان لو وشوش صوت الريح في الباب (ما يسبقنا ) الشوق لانو شوقنا زااااتو (فتر) وتعب من كترت الاشواق

حمدأ لله على السلامة

تخريمة : تشتهر شندي بصناعة صابون ( هو غايتو كان جنس غسيل)

عافي منك الارباب
وقفة مع الوطن : لكن من الواجب والاخلاق ان نقف جميعاً مع هلال السودان لانه يمثلنا ولا يمثل (احد غيرنا) شئنا ام ابينا

[همسات]

اخي هاتريك
بركه الشفناك طيب

[مدنيّة]

وقفة مع الوطن : لكن من الواجب والاخلاق ان نقف جميعاً مع هلال السودان لانه يمثلنا ولا يمثل (احد غيرنا) شئنا ام ابينا

انا يا الجندي ختني طوالي مع ناس ابينا ديل

------
همسة : الوطنية دي سينما وقفلت زمااااااااااااااان
ماكلموك ولاشنو!! ):

[ايمن عبد الله]

تسلم يا أيمن يا راقي
فخور جدا بصداقتك

تسلم يا رائع .. وانا ايضاً بالجد فخور جداً بالصداقة الممتدة بيننا ..

لكن صحي الخبر ده .. صحي مشيت شندي وجيت .. يازووول .. شندي دي بتودي التونسية اعمل حسابك .. خليك في مدني دي مدني حنينة .. حتى لو في الزمن الضائع ..

[آلاء عبد الرحمن]

الف حمد الله علي السلامة

[mohd saeed magazoub]

حمد لله على السلامة هاتريك ...