صفحات .. للجرسه

[ريمون]

هاك دي مسانده ..
من بعد ما عز المزار
والليل سِها .. وملّت نجومو الإنتظار
والشوق شِرِب حزن المواويل
وإنجرح خاطر النهار
*********
وبقيت أعاين فى الوجوه
وأسأل عليك وسط الزحام .. قُبـّال أتوه
يمكن ألاقى البشبهك
ما الليل براح
والشوق .. تعالى بيندهك
*********
شايلاهو وين النيل معاك
عصفورة جنحاتا النجوم .. وأنا بى وراك
بسأل عليكى مدن .. مدن
وأعصر سلافة الليل .. حزن
بسأل عليك فى المنفى .. فى مرفا السفن
يمكن طيوفك أُخريات الليل تمر
تملا البراحات ..
لى الحزين طول العمر
********
ما نحنا بينا الأمنيات والتضحية
بينا المعزات .. والعذابات فى الحياة
بينا الهوى ..
إخلاص على قلب إنكوى
وكلام قديم
قلناهو آخر الليل .. سوا
إنو راح نتلاقى لو طال النوى
لكن كلامنا الكان .. وكان
خايف يكون شالو الهوا

[مصطفى هاتريك]

نعم المساندة والله يا (( ريمون ))

ممكن تديني إسم الشاعر ؟؟؟ القصيدة رايعه شديد

[ساريه]

مدني يوسف النخلي
***

أملنا الباقى يسرح بى

وأسافر لى زمن تانى

تبقى الدنيا فى عينى

هجعة خطوة .. فى سكة فرح مفقود

ورحلة موجة فى بحر الأسى .. الممدود

ورجعة غنوة من درب الضنى المهدود

.. وأفتش ليك

*******

وأفتش ليك حنانى معاى

أمانى تصارع المكتوب

عشانك لا مسافة تطول

ولا بتصعب معاكى .. دروب

وقلبى عليك

وعلى الوعد الحزين .. مصلوب

وراجع ليك

*******

وأفتش ليك

أجوب الدنيا .. وأرجع ليك

أجيك فارساً يشق صمت المتاهة .. الطال

يواعدك بى حكاوى الشوق

وبى شمساً .. وراها منال

وبى فرحاً يغرد .. فى سماك ألحان

ويجيب البهجة للأطفال

[ريمون]

نعم المساندة والله يا (( ريمون ))

ممكن تديني إسم الشاعر ؟؟؟ القصيدة رايعه شديد

من بعد ما عز المزار من روائع مصطفي سيد احمد والشاعر هو عبد العال السيد

[انور النور محمد]

جرسة ان شا الله القى باقيها عندك


يا غربه لا لا طولي
ويا دمعة لا لا تنزلي
بكرة الحبيب توصلي
توصلي
وبيه الفرح حا تكملي
كان بحت للنسمة الكلام
كان وشوشت حضن الغمام
كان شالني في السبحات وهام
غرقان معاك في تاملي


اغنية قديمة لسيد خليفة بفتش ليها زمن ما لاقيها ويا ريت كمان تعرف لينا شاعرها
والله ما خليت سكة عشان اسمعها

[محمد الجزولى]

يا هاتريك جيب مناديلك وتعال ياخ
اهداء خاص جدا للمهندس خالد ابقرجة

اشعار خالد الباشا
غناء / محمد النصري

الايـام مالن مـاهـن فـى الآلآم داقـالى اوتاد
الايام كاتـفانى حزيـن وسـوجرن الاشواق باصفاد
كـندكن الأحلام بـالحـسـرة ويبسـن الوديان فى المسرى
ولو بتعـدل الخطوة والـعـتـرة مـا اتراوحت وجيتك صاد
مـا حـبـيـت عـيـنك بـالصدفة ومـا لاقـيـتك دون ميعاد
اتـلاقـينا صـباح الدنيا وشلتك منيه واتجنستك فى الميلاد
اتحـسـسـتك حـب بـاـفطره وعـشـتـك فكره وشلتك زاد
ومـن شـقـيـت طريـق اشواقنا ولامن جيت من عندك صاد
ويـوم مـا جيت من عنـدك راجع كلى مواجع ونوح وسهاد
اتوكـيـتك حزن دامــس بـين خـلجات الـقـلـب الراد
واتـلفـته عـشان الـقاك فـرحـة زول بـي زولـوا العاد
وانا ماشى مبارى دريب الرجعه محطه محطه لقـيته رماد
حتة كنا وحـتة كان الــشوق وقاد
الاطـفال احـسـاس الوحده الآمال مـنشره سواد
لا لاقــيـت اطـفـال بــيـغــنوا لا اتـنيـن قاعدين يتمنوا
وادى الخـير مرابوا جـراد يـا احـلام الـقـلب الراد
واتـذكرتا انـا لـيالى الهجعه وخيال الشوق مشدوده شداد
غـيـبـتك كـان اسـبـاب وسـفـر الـطـيـف فى العـتمه جهاد
يـاما مـشـيـت فـوق دربـك اسـعى طول الليل شقيتلى بلاد
كم كـبـيـت فـوق دربـك دمـعـه واسـتـنـيـت طيفك ما عاد
واه يا زول اهـديـتو حـيـاه اهـديـتو عـيون ومروه وزاد
اه يا زول اهــديـتـو بـيـوت اديـتـو خيـوط شعرى الوقاد
لـو فـاضـل فـيـك مــن ريدى رماد
اطرحـلى وشـيك انا دايـر اجـيك لـيه بـابـك ساد
لـيه الأحزان لــيـه الآهـات والدمـعـة حــصاد

[ساريه]

كم كـبـيـت فـوق دربـك دمـعـه واسـتـنـيـت طيفك ما عاد
واه يا زول اهـديـتو حـيـاه اهـديـتو عـيون ومروه وزاد
اه يا زول اهــديـتـو بـيـوت اديـتـو خيـوط شعرى الوقاد
لـو فـاضـل فـيـك مــن ريدى رماد
اطرحـلى وشـيك انا دايـر اجـيك لـيه بـابـك ساد
لـيه الأحزان لــيـه الآهـات والدمـعـة حــصاد

قراءه تانيه ....

[همسات]

[مصطفى هاتريك]

جرسة ان شا الله القى باقيها عندك

توصلي
وبيه الفرح حا تكملي
كان بحت للنسمة الكلام
كان وشوشت حضن الغمام
كان شالني في السبحات وهام
غرقان معاك في تاملي


اغنية قديمة لسيد خليفة بفتش ليها زمن ما لاقيها ويا ريت كمان تعرف لينا شاعرها
والله ما خليت سكة عشان اسمعها

والله يا أنور قدر ما فتشت ما لقيتها

[مصطفى هاتريك]

يا هاتريك جيب مناديلك وتعال ياخ



لـيه الأحزان لــيـه الآهـات والدمـعـة حــصاد

كملنا المناديل يا محمد و ما كمل البكاء

[ساريه]

ما حبيتك أنا بالصدفة وما اتلاقينا بلا ميعاد

اتلاقينا صباح الدنيا وشلتك منية واتجنستك بالميلاد..

خالد الباشا

[الاستاذة]

؟؟؟؟؟؟؟؟؟؟؟
!!!!!!!!!
؟؟؟؟؟؟؟؟؟؟؟
!!!!!!!!!
الحمد الله الواحد ارتاح شوية
لكن ياهاتريك بما انك ذكرت انواع لبعض الجرسات , جرسة زي دي بسموها شنو ؟

[ريمون]

والله يا أنور قدر ما فتشت ما لقيتها

انا كمان فتشتها وما لقيتها لكن بفتش زياده إنشاء الله ..

[ريمون]

بالمعزة ....
بالمودة البينا بي أغلى الصلات
بالهوى العشناه بي أعصابنا
خمسة سنين ومات
بالعذاب الشفتو
والسر الكتمتو
وباقي الطيبات
استحلفك أترك سبيلي
وسيبني وحدي
أقاسي وأبكي مر الذكريات

أنا بي حناني الغالي خصيتك
وحبيتك بكل جوارحي
وعواطفي العميقة
أنا شلت من أجلك هموم الدنيا
قاسيت من جراحها وكل ضيقها
لسعادتك إنت كم ضحيت وإتغربت
ما خليت طريقة
وفي مسيري المضني من أجل الحقيقة

كل طائر مرتحل
عبر البحر
قاصد الأهل
حملتو أشواقي الدفيقة
ليك ياحبيبي للوطن
لترابه لشطآنه
للدار الوريقة
لكن حنانك لي أو حتي مشاعرك نحوي
ما كانت حقيقة
كانت وهم ... كانت دموع
مسفوحة بي أحرف أنيقة

ما بإيدي
لو ضباب الغيرة
أعماني وزيف لي الحقيقة
إنت نبع حناني
إنت كياني
إنت الدنيا
بهجتها وشروقها
وإن حصل زلت خطايا معاك
أو ضلت طريقها
هل تصدق تنـتهي قصتنا
يا أجمل حقيقة
نحن عشناها بدموعنا
وبالضنى في كل دقيقة
ياحبيبي
لم تزل قصتنا
قصة حب أقوى من الحقيقة

[Amin Idries]

في يوم و بدون نفس مشيت افتش لي جريدة
الميدان و لا السياسة مش مهم
المهم مشيت افتش
لقيتها واقفة
قالت الديمقراطية دي كلام جرايد و نحنا دايرين راي محايد
قلت ليها هو شنو الما كلام جرايد
و حقو جمالك افصد رايك يكون محايد ........
..........................
ألى آخر القصيدة
و دي الجرسة اللحظية يعني بالمصادفة يا مصطفى هاتريك و الشهير بي مصطفى عمر
لك ودي

[ريمون]

خليتنى للايام

خليتنى للايام واخترت غيرى صديق
بقيت من الاحلام ياحبيبى وانت الضيق
الشئ العجيب وغريب بتقول كلام مابليق
مع انه مافى زعل
***
فتشت ليك اسباب عشان اسامحك يوم
واقنع عينى بى جفاك كان تلقى عينى النوم
مالقيت بلا الاقدار ظالمنى او مظلوم
بيناتنا ضاع الحل
***
انا عاد اصدق كيف زولى العرفته قبيل
لقياه تصبح طيف ذكراه تصبح ويل
شمت فينى الشوق ضحكت فينى الليل
ماسبت فينى امل

[مصطفى هاتريك]

؟؟؟؟؟؟؟؟؟؟؟
!!!!!!!!!
؟؟؟؟؟؟؟؟؟؟؟
!!!!!!!!!
الحمد الله الواحد ارتاح شوية
لكن ياهاتريك بما انك ذكرت انواع لبعض الجرسات , جرسة زي دي بسموها شنو ؟

ده إسمه البند المنسي خارج التصنيف

تسلمي يا أستاذه

[مصطفى هاتريك]

في يوم و بدون نفس مشيت افتش لي جريدة
الميدان و لا السياسة مش مهم
المهم مشيت افتش
لقيتها واقفة
قالت الديمقراطية دي كلام جرايد و نحنا دايرين راي محايد
قلت ليها هو شنو الما كلام جرايد
و حقو جمالك افصد رايك يكون محايد ........
..........................
ألى آخر القصيدة
و دي الجرسة اللحظية يعني بالمصادفة يا مصطفى هاتريك و الشهير بي مصطفى عمر
لك ودي

رأيك شنو في جرسة

إنتو جينا ... ونحن فوتو

طلب خاص يا أمين

[مصطفى هاتريك]

خليتنى للايام


انا عاد اصدق كيف زولى العرفته قبيل
لقياه تصبح طيف ذكراه تصبح ويل
شمت فينى الشوق ضحكت فينى الليل
ماسبت فينى امل

الله الله عليك يا ريم

خياراتك دايما في الصميم

[ريمون]

الله الله عليك يا ريم

خياراتك دايما في الصميم

الحاله بكتب بي اصبع ..هاهاها
يا امبراطور الجرسه ..

[انور النور محمد]

والله يا أنور قدر ما فتشت ما لقيتها

انا كمان فتشتها وما لقيتها لكن بفتش زياده إنشاء الله ..

الاغنية دي كانت في كاست واحد مع رائعته الاخرى النهاية بصوت عذب رقيق للقامة سيد خليفة

كدى قربت ليكم المسافة
شوفو لينا حل

[مصطفى هاتريك]

اغنية : سوات العاصفة

الشاعر : محمد ابوقطاطي



سوات العاصفة بي
ساق الشتيل الني
وفعل السيل وقت يتحدر
يكسح ما يفضل شي
دا كان حبك وقت حسيتو
شفت الدنيا دارت بي

وقت شفتك ..
شعرت الرعشة من صوف راسي
لي كرعي
ومن الساعة ديك ياالسمحة
ولع فيني جمر الغي
كتمت الريدة ما شافوها
ناس الحي
وقلت الجنة عاد انشاالله
ما يقسن دروبها علي

ونجم الليل
منو العداهو غيري
وزاد حسابو شوي
وسافر بي خيالو هناك
صنقر فوق سحاب الري
بنيت في الموج قصور آمال
ومديت للرهاب إيدي
وشديت سرجي فوق الريح
عشان ألقاك
بدور أطوي المسافات طي

صعيب وصفك
لأنك هالة كلك ضي
وفوقك هيبة واجمل خامة
واسمح زي
جمالك في البنات معدوم
شبيهك ما كحل عيني
أقدلي ..
وسكتي الخشامة
وانزلي في العواذل كي

[ساريه]

((مهما تعددت النساء ، حبيبتي))
لنزار قبانى
****
فالأصل أنت...

مهما اللغات تعددت..

والمفردات تعددت..

فأهم ما في مفردات الشعر أنت...

مهما تنوعت المدائن ،و الخرائط،

والمرافئ ، والدروب،

فمرفأي الأبدي أنت...

مهما السماء تجهمت أو أبرقت.

أو أرعدت،فالشمس أنت..

ما كان حرفا في غيابك ممكنا

وتكونت كل الثقافة، يوم كنت..

ولقد احبك، في زمان قادم

فاهم مما قد أتى..

ما سوف يأتي..

هل تكتبين معي القصيدة يا ترى؟

أم أنت جزء من فمي؟

أم أنت صوتي؟

كيف الرحيل على فضاء آ خر ؟

من بعدما عمرت في ***** ، بيتي؟...

إني أحبك، طالما أحيا،وأرجو أن أحبك

كالفراعنة القدامى بعد موتي...

أيــــ أذهــب ـــن؟؟

لم أعـد داريـاً إلـى أين أذهـب

...................كل يوم أحـس أنـك أقـــرب

كل يوم يصير وجـهـك جـزءاً

.............من حياتي.. ويصبح العمر أخصب

وتصير الأشكال أجمـل شــكلاً

................وتصير الأشيـاء أحـلى و أطيب

قد تسربت في مســامات جلدي

.................مثلمـا قطـرة الـنـدى تتسـرب

اعتيادي على غيابــك صعـب

...............واعتيادي علـى وجودك أصعـب

كم أنا.. كم أنا أحـبـك .. حتى

..............أن نفسـي من نفسـها تتـعجـب

يسكن الشـعر في حدائق عينيك

...................فـلـولا عينـاك لا شـعر يكـتب

منذ أحببتك الشـموس استدارت

................والسـموات صـرن أنقـى وأرحب

حـبـك الـبربـري أكبر مني

.................فـلـماذا علـى ذراعيـك أُصـلب

أتمنى لو كـنـتِ بؤبؤ عيـني

.................أتـرانـي طلبـتُ مـا ليس يُطلب؟

أنتِ أحلـى خرافة في حياتـي

.................والـذي يتبـع الخـرافـات يتعـب

[ياسر عمر الامين]

الاغنية دي كانت في كاست واحد مع رائعته الاخرى النهاية بصوت عذب رقيق للقامة سيد خليفة

كدى قربت ليكم المسافة
شوفو لينا حل

اها لقيته ليكم يا جماعه تدونى شنو؟؟؟؟فعلا أغنية رائعه لفنان رائع وفيها جرسه شديدة خاصة انها بتلامس حاجات فينا نحن المصطلين بنار الغربة.
وهى من كلمات الشاعر المرحوم عثمان خالد وألحان وأداء الأستاذ سيد خليفه

يا غربه لا لا طولي
ويا دمعة لا لا تنزلي
بكرة الحنين توصلي
وبيه الفرح حتكملي

لمتين بعاد ولمتين سفر
انا شوق بعاتبك يا دهر
مشتاق لنيل حاضن قمر
مشتاق لليل يرسم صور
انا بيك دايب ومبتلى

انا بيك متيم يا بلد يا بلد
انا دمعه نازله وانت خد
وحياتى بيك مكتول كمد
وقليبى عندك ظللى

لو بحت للنسمة الكلام
كان وشوشت حضن الغمام
كان شالني في السبحات وهام
غرقان معاك في تأملي

[ساريه]

الاغنية دي كانت في كاست واحد مع رائعته الاخرى النهاية بصوت عذب رقيق للقامة سيد خليفة

كدى قربت ليكم المسافة

شوفو لينا حل

الحل وصل على يد ياسر عمر ....

ابشر يا انور .....
احى معكم العملاق سيد خليفه ....
وغنيه جد جميله ورايعه ....